فضفض باغنية كاملة ...او مقطع ....أوبيت شعر من اجمل ما سمعت

تذكير بمساهمة فاتح الموضوع :

فضفض باغنية كاملة ...او مقطع ....أوبيت شعر من اجمل ما سمعت
الماضي
للرائع التجاني حاج موسى

وجايى تفتش الماضى ؟

خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى .........

من شدة الشوق العلي
ما قدرتا اكتب فيك حرف
من لهفة اللوعة في عيني
ياروحي داير اعترف
إنو الحروف تصعب علي
لمن تزور عمق الولف


ا نا كنتا حاسس بيكي
في جواي قبل مااعرفك
انا كنت داير احكي ليك
عن البحسو عن البدسو وأوصفك
إللا الكلام صعبان علي
مالاقي ليهو حروف جديدة توصفك

انا لسا تاية في دروب حبك
بناشد في مشاعرك عن لقاء
واسبق خطاي عشان اوصلك
يمكن تعوضي ليا ايام الشقاء
يا ريت تكوني بحور حنان
وأجيب مشاعري بكل شوق
واغرقا

ومن شدة الشوووووق العلي

*&*الصــــــــــــــــــــــــورة*&*


ليه حياتنا اخترت غير .. فيها احلامنا وكلامنا ..فيها حاجاتنا الصغيرة
كيف تغطي الصورة صورة .. ريدنا دا يا سيدي كلو ..ببقى ماضيك بالضرورة
ايه لقيت فيهو الجديد ..ريدتو من حاجات بقولا ..
ولا هو القرب اماني .. بينا ما قادر تطولا ..
هل قدر يسكر غرورك ..هل هو في الاحلام بزورك
ولا هو بالجد .. بيعرف ..لعبة الريدة واصولا
هل صحيح راقي ومهندم ..هل ببكي الريد عيونه
هل عرفتو وما تندم .. في الليالي القاسي طولا
الف مبروك يا مخير .. انت بتبيع المشاعر
ما البصر دون البصاير .. والاصل ما ببقى صورة

سيبني فوت ماتخلي ذكرى الذكريات البينا مرا
سيبني فوت واترك طريقي في السكه دي مابقيت رفيقي
مدام نسيت حبي الحقيقي يانجم فارقت المجره
سيبني فوت ماتخلي ذكرى الذكريات البينا مرا

***

الريده ليك والشوق جبال الليل طويل والدمع سال
ياقلب ياعاشق المحال رغم المحال عايش لي بكرا
سيبني فوت ماتخلي ذكرى الذكريات البينا مرا

***

اطراك تسيل الدمعه مني يهزني الشوق غصب عني
انا بي غناي مهما اغني في اتجاهك في كل مرا
سيبني فوت ماتخلي ذكرى الذكريات البينا مرا

***

الريده ليك والشوق جبال الليل طويل والدمع سال
ياقلب ياعاشق المحال رغم المحال عايش لي بكرا
سيبني فوت ماتخلي ذكرى الذكريات البينا مرا

معتز صباحى

جيت اقابلك حاضن الامي وصارعي
جيت اداوي بيك اهاتي وضياعي
جيت لقيتك يالمجافي دنيا ماعرفة تصافي
زي محيط افراح ممد لافنارات لامرافي
لادروب بتودي ليهو لا بتجيب منو القوافي
لو عرفته الشوق ونارو لو وقفته يوم في دارو
انت لو ياالمحبوب عرفته قاسيه كيف لحظات ودارو
قسوه لي حد التلاشي صعبه كيف ساعة اتظارو
بس اقولك يااميري انت لو يرضيك مصيري
يعني فرحان بي هواك ياني غرقان في شجوني
اصلو ريدك ياحبيبي مهرجان افراح وعيدي
رجيتك حاضن الامي اشتياقي
افتقده جمال عيونك فيهو ساحات لي التلاق

أغنية سيد الحروف
كلمات / هاشم عباس الجبلابي
الحان / محمد عبد الرحمن حمدتو
غناء / شريف الفحيل وعبير صالح
====================================

ما مني يا سيد الحروف

ولا حتى طوعت الظروف

في صالح شان نفضل سوا

ما مني يا سيد الحروف

ما بنكر احساسي الجميل

بي روعتك

لكن كمان ما بحتمل

اسى لوعتك

انا ما جنيت كل الحصل

اني اصطفيت

فكرك وطيبتك ورقتك

ده كلو من قلبي العطوف

ما مني يا سيد الحروف

على اي حال مبروك عليك

لو مره مال قلبي الولوف

تبقى المحبه عليك حلال

والفرحه تملى الكون جمال

أغنية : لو أعيش زول ليهو قيمة
كلمات الشاعر / قاسم الحاج
الحان وغناء الراحل / عبد العزيز العميري
======================================


لو اعيش زول ليهو قيمة اسعد الناس بوجودي
زي نضارة غصــــــن طيب كل يوم يخضر عودي
ابقي دار لكل لاجــــئ او حنان جوه الملاجئ
ابقي للاطفال حكـــاية حلوة من ضمن الاحاجي
بيها يتهنو وينمو واحرسـهم طول ليلي ساجي
والقي في راحة نفوسهم بسمتي وطول ابتهاجي
لو اعيش طول عمري نسمة او مع الايام سحابه
اهطل ادي الدنيا بسمةاوري وادي واسقي غابة
لو اعلم طفل واعد لســــــه ماعرف الكتابة
ابقى شجرة ظلالها ورافة تحتي نايمين ناس تعابة
اشقي والقي وابقي بهجة في النفوس لكل مناضل
ابقي للمعتل علاجو وابقي للفلاح ســـــــنابل
ابقي للثوار ســــلاحأً اعتي من قذف القنابل
وابقي للكداح الملـــوح كل حق موفور وعادل
وابقى زولاً ليهو ابقى زولاً ليهـــــــو قيمة

أبقى واصل
كلمات ..خالد شقورى
حنان النيل


لـيـــــــنـا واصــــل يـا حـنـيــــــن وابـقـى واصل
الــدرب قـــدامــك أخـضـــر والوداد البينا واصل
والعيون الفى انتظارك شوقها زي مطر الفواصل
ما فى اروع من رسائل تحكي بي تحنان فصولا
ما فى أجـمــل مــن مـقـاطع انت بالأشواق تقولا
البـلــد مـنـتـظــره جـيـتـك فارده غاباتها وسهولا
والكـلـيــمــات الـتـطـمــن نحن منتظرين وصولا
بـيــن حـكــايـاتى السعيدة قصة من أشواق فريدة
جايـه لا لـون لا ملامـح زى نجوم طاشه وبعيدة
لا هى غـنـيـة ولاها منية ولاها إحساسات جديدة
ما الـبـحـسـو مـع عـيونك حاجة اكبر من قصيدة
كلـمـة مـنـك لـو تـعــاتـب أغـلى من كل الغناوى
والـبـتهمسو بين سطورك عندي بى كل الحكاوى
الـحروف الفى انتظارك رافله فى الزى السماوى
عـارفه إنـو الـغـنـيـة غـيـرك يا حنين ما بتساوى

المدينه
الهادى حامد ود الجبل

طـلـعـــت مــــن جــــوه احــــزانـى الـــعديـــده
نجـمـة تحى بتــضــوى فى دجى الليلات وحيده
فكـرة فـنــانه وجــديـدة نـظــــره لـماحه وفريده
فـتـشـتـــا عـنـهــا فـى الــقــــري النـائية البعيده
وســألــتــا فـى بـــلاد ومـــدن عديده
ابحرتا فى كل الموانئ اكـوس عليها
أهـــــاتــــى بــيـــهـــا وانـــاجى فيها
مـشــتــاق علىّ المهـا احتويها اشمها
بالـحــنـــــان الــعـــنـدي كلو أضمها
وصـــدفــه فى ابعد وفى اجمل مدينه
وإلــتــقـينا والدهشه هى اللى اتكلمت
وقـبــل الأيــادى العيون هى السلمت
مـــن شـــــدة الأفــــــــراح بـكـيــــنا
الـــمـــديـــنــه نـيـله صفاق ليله فتان
والــفــــرح فــــــاض بــيــهــــا دفاق
والــخـــــيــــال والــــوادى فــتــــــان
طارت الأحـلام عـصـافـيــر غناء للعش الغدير
جنـت أوتــار الطنـابـيـر هـزت النشوة المزامير
وانا بين مصدق وما مصدق إنى بلقاها إلا ياها
هـى ذاتـه حـبيبتى ذاته اللحظة نازل فى حماها
وفى ضـراهـا واتـقـاسـم واتقاسم الاحلام معاها

الوعد المستحيل .
الهادى ودالجبل

أنا كنت قبلِك.. لا غريب !!
ولا كنت عارف لي دار
لا عرفت معنى دهشتين
ولا ضقت طعم الإنتظار
صدقت وعد المستحيل
بنيت على الأوهام مزار.
*************

قلت أغني !!!
صوتي ضاع وسط الزحام
كانت الأحزان معاي
في سكتي وجوّه الكلام
لا الهوان قادر عليه
ولا الفرح في حضني نام
*************

في زمني الحزين
تاره للترحال بداية
الخطى التواهه لاقت
والأماني علينا جايه
لا الزمان حسيت مداه
لا حروفي لقت نهاية

أقـــــدار
كلمات الشاعر / الصـادق اليـاس
غناء الفنان / مجزوب أونسة
===============================

أقـدار يانـور عينيّ
أنا كنت فاكرك ليّ
ماكنت متصــور
يوم أجيك مغلـوب
شايل جــرح دنياى
من زول أكان محبـوب
الدنيـا ياما توري
والدهـر ياما يقري
لمن تفــوت إنت
حبيبي يا إنت
فى الدنيا بس شن ليّ ؟
أنا كنت فاكرك لى
ناسى الزمن وأحكامو
هم البريد فى يوم
مابدور يشوف قدامـو
تاريهو الزمن بيفرقني
منك بعيد يحرمني
يظلم سنينا السمحة
تنسى العذاب البى
صبر السنين الكان
حاضننو فى الأعماق
كم بغرو منو الناس
بقى للعزول حـراق
أكان خـلاص مليتو
قلبى الحنين خليتو
مجبور أسامحك أنـا
وأمسح دمـوع عينيى
أنا ما بلومك إنت
ما بعاتبك إنت
مهما الدمـوع تتحـدّر
تغلبنى غصباً عنى
البينا أكبر وأكبر
من قلبى ليك بتمنى
تسـعد دوام تتهنى
باكر تبـارك ليّ
الحنة فى إيديّا
أقدار يانور عينيى
يالكنت فاكرك لي

كلمات :فتحى الضو
ألحان وأداء :صديق الكحلاوي
============================

قالو قالوا على شقي ومجنون
صحيح مجنون انتو جنوني ياحلوين
******
انتو لقلبي زاد عمره
وليه المنّ والسلوى
جنوني عيون
عيون لو شافها عطشان السنين يروى
ليه ما اجن
الليل البشيل الناس
بشيلو هموم
أقاسى مرارة الوحدة
وأغالب لوعة المحروم
بتعذب سنين ما ضقت طعم النوم
صحيح شقي ومجنون
******
كثير امثالى من هجر الحبيب جنو
إن شاء الله أجن وأزيد في الجن
انتو تجافوا ما تحنوا
إيه أنا عندي في الدنيا
فؤادي انتو مالكنو
شبابي الكنت بحلف بيهو
دمرتوه من بدري
وليكم يا حسان الحور
هديت الباقي من عمري
انت بتقولي اصبر
الصبر كملتو بصبري
صحيح شقي ومجنون
*******
أساهر الليل برايا برايا برايا
وبشوق السنين ممكون
بتحسر وأشيل الهم
على يوم بكره كيف حيكون
دموعي الدمعة باريه الدمعه
طارده الدمعه ذارفه الدمعه
انت بتقولي مجنون
وحات الضقتو في ريدكم
صحيح شقي ومجنون

بهواك وليه تنساني

بهواك وليه تنساني
يا حبيبي ليه تنساني

*****

انت الغرام في شبابي
وانت النغم لربابي
خليك من أحبابي
أرجع وعود صافيني

*****

ساعات وفاكم سلوى
وايام وصالكم غنوة
وايامي تصبح حلوة
لو الحبيب صافاني

*****

أنا عمري ليك وهبتو
وجمالك إنت عبدتو
بس ليه علي يا إنتو
جوركم علي أضناني

*****

من نظرة أنا حبيتو
يا ريتني ما حبيتو
أسعدني يوم ولقيتو
لكنو ليه جافاني

*****

طول عمري ما بنساهو
وحافظ العهود لهواهو
أسعدني يوم لقياهو
لكنو ليه جافاني

من شوق عيوني الزاد
من شوق عيوني الزاد
هاك يا حبيب الروح
هاك من عيوني سهاد
هاك الصدى المجروح

*****

سهران وليلي طويل
محتار وإيه ذنبي
ولهان اقول لليل
سهران وليلي طويل
محتار وإيه ذنبي
محتار اقول لليل
شوقي وحنين قلبي
وانا في ربيع حبي
أشكي الحبيب للدوح
والبلبل المجروح
شايف سهام الروح

*****

يا ناس ضناني الشوق
واحترت في أمري
عاشق الجمال والذوق
والحب عشق عمري
أنا في غرامي طموح
أنا يا ليالي جريح
أنا روح وعاشق روح

*****

ياما النجوم قالت لي
أنساه زي ما نساك
ياما دموع عيني
عطفت عليك وعليّ
انت الجمال قساك
وانا يا ملاك بهواك
وبعيش على ذكراك
تملي قلبي معاك
وهبت ليك الروح

كلمات اغنية خواطر فيل
كلمات الأستاذ / حسن بارا
غناء الفنان / النور الجيلاني
===========================
قبضوني ليه جابوني ليه
عاوزني أعمل ايه هنا
ختوني في قفص كبير
جابوني مسجون ليه أنا
أنا ما عملت هناك شيء
بيه اتسحق هذا العناء
ما عرفت قط في دنيتي
غير اللعب والشيطنة
قبضوني ليه جابوني ليه
حرموني من طعم الهناء
أمي العزيزة هناك تكوس
ما عارفة أبداً وين مشيت
قايلاني حايم بالشجر
زي عادتي كلما اختفيت
المرة دي الموضوع خطير
في حياتي مثله أنا ما رأيت
قبضوني زي مجرم كبير
ما قدرت أزوغ حت ما جريت
قبضوني ليه جابوني ليه
حبسوني ليه أنا ما دريت
خالفت أمي قعدت أحوم
جاهل الأمور الخافية
قبضوني جابوني الحبس
حرموني خيرات وافية
يا يمة وين نلقى الشجر
وألقى المياه الجارية
وألقى الصحاب نلعب سوى
في صحة طيبة وعافية
قبضوني ليه جابوني ليه
حرموني من تلك الحياة الصافية

كلمات اغنية فرحانة بيك كل النجوم
كلمات الشاعر : مدني النخلي
غناء الفنان / علي السقيد
=====================================

فرحانه بيك كل النجوم لا نام بريقا ولا انطفى
ما الريده يا ام قلبــاً ندى ذاد القلوب المرهفه
وانشاء الله طول ما حبي ليك لا يطل حزن لا يكون جفا
شفتيني كيف...؟
شفتيني كيف انا ببقى بيك سيد الفرح والريد براى
تشرق شموس زمن الهنا ويرحل جفاف عمرى وصباى
وانشاء الله طول ما عمري ليك ما تنجرح عزة هواى
بحلم معاك...
بحلم معاك انو الحزن غيمه وخلاص رحلت بعيد
وانو اللي باقي من الزمن ومن عمرى كلو بعيشو عيد
انشاء الله طول ما حبي ليك ما نعيش زمن قاسى وعنيد
جيتي ومعاك..
جيتي ومعاك جاني الصباح عْم الفرح حزن الحروف
يا طيبه زي دفقة طمي بالخير غشت جدب الجروف
انشاء الله طول ما عمري ليك ما نلاقي يوم قسوة ظروف

فايت مروح وين
كلمات الشاعر / اسحاق الحلنقي
غناء الفنان / التاج مكي
===========================

فايت مروح وين ...
لسة الزمن بدري ...
خليك شوية عشان ...
جنبك يطول عمري ...
دار الفرح والريد ...
تلقاني من أهلها ...
ومين اللي ما بعرف ...
طيب شباب كسلا ...
يلاك بعيد نرحل ...
لدنيا حنية ...
نعيش لوحدينا ...
سيرتنا منسية ...
وأسقيك مياه توتيل ...
عشان تعود لي ...
بين الضفائر بان ...
وجه القمر طلا ...
وكيف قلبي يتنقل ...
صبرني يا الله

عارفك جميله وزايده في البنوت حلا
المال عليك يا غالية أبداً ما غِلا
لكن ظروفنا القاسية كيف بنبدلا
فاضل وحاتك بس نفوس ندللا

من قلبي دايرك ليّ شريكه وأم عيال
لكنو قربك ليّ بعيد صعب المنال
يعجبني فيك لو قلتي أنا ما دايره مال
وأصلو العرس بالفاتحة يا ناس ما حلال

بت المدن يا الواعية يا الدارسة الكتاب
غلا المهور حاربيهو ما تخليلو باب
إتمنى خت الحنة وأعرض في السحاب
وأرقّص بنات حلتنا دايرات الشباب

عايش وحيد بلدي فيها الحور بنات
عاشق جمال بنوتنا سمحات الصفات
قولوا خير باركوا العرس يا الأمهات
على الشباب خايف يفوت فيهو الفوا

كلو بمضى
كلمات د.. على شبيكه
الحان.. السنى الضوى
حنان النيل


كلو بمضى وكلو بى الايام بروح
لا سعيد دامت ليهو فرحة ولا حزين دام ليهو نوح
لاهية بينا الدنيا لاعبة فيها نتغرب نتوه
القلوب بالشوق تحرق والجروح تشفى الجروح
كلو بمضى ومهما تقسى مصيرى انسى
انت ماشفت الصباح كيف بطل زى احلى همسة
يضوى بنورو الروابى ويضيف فى كل حسنى لمسه
وتنطلق ارواحنا فيه بى شراع ماليهو مرسى
وننسى او نتناسى انو كلو صباح لابد يمسى
كلو بمضى وكل ايامنا الخوالى
وكل ليلة بكرة تمضى
زى فصول دنيانا فى موسم رحيلها
والسنين واحلامنا والعشره النبيلة
تبقى ذكرى وفى صحارى الفرقة واحتنا الظليله
برضى ماضى ابتعادى وريدى زادى
ورحلة الاشواق طويله

دلال
كلمات بابكر عبد الرحمن
الحان و غناء صالح الضئ

ان قلت والله بيحبونى
يزداد دلالهم و يسلونى
و ان قلت خليتو هوااهم
يشكو الهوى و يلومومنى
عملت ايه..؟ يا ناس فيكم
ايه ذنبى بس حيرتونى
ان رحت اشكى و اظلّم
او ابكى حبى و اتألم
و اقول خلاص توب يا قلبى
من حبو مرة و اتعلم
الاقة احلامو تجينى
من عز منامى تصحينى
بغير عليها من روحى
و تزيد مع الغيرة جروحى
و اصبر و اقول يمكن بكرة
تتطراانى و تقول يا روحى
لكن يمر بكرة و بعدو
و تسيبنى لسهدى و نوحى
مقسوم على ارضى عذابو
و اوقد بنار حبى شبابو
و تنور ايامو هنئية
كل يوم يقول قلبى حبابو
ولما يشوفنى بديت اسلى
يطرا ويقول الهوى جاه

شريك حيااتى
كلماات اسحق الحلنقى
لحن و غناء صالح الضئ

بكيت العمر من قبلك
و كان كلو العمر احزاان
و بيك انا عشت بعد الهم
اماان ما بعدو اصلو اماان
مشيتا دروبك القاااسية
و لسه مصيرى امشيها
كتير قاسيت جحيم ناارك
و مكتوب لى اقااسيها
غلبنى ادارى نيراانى
و نيراان غيرى بطفيهاا
ادل الناس على الجنة
و جنات عمرى نااسيها
ذرفت دموعى فى حبك
لقيت دمعااتى ما بتجدى
معااك اخضرت اياامى
و بانت فيك نجوم سعدى
اقول لو انسى اياامك
يطل المااضى متحدى
بدون حبك سنين عمرى
مجرد ذكرى بتعدى
احس دايما معااك بالحب
احس بنورو يغمرنى
شعورى فى دااخلى
اكبر من ارادة قلبى يجبرنى
احبك و ابقى ليك فااكر
و اساامحك لما تظلمنى
كأنك انت بس مخلوق
من اياام عمرى او منى

عيونك كانو في عيوني
كلمات الشاعر/ عبد الله النجيب
==============================

عيونك كانوا في عيوني
يصدوني
وينادوني
أخاف لو قلت حبوني
واقول إمكن يحبوني
ويعزوني
ويصافوني
عيونك كانوا في عيوني

أصبِّر بي هواك البال
وأزرع قلبي بالآمال
عشقتك وكنت عندي خيال
مجرد حبي ليكا محال
أداريهو
وأخليهو
واخاف من قلبي يحكيهو
عيونك كانوا في عيوني

ظروفنا تحرِّم اللقيا
تعادي الحب ولو طاهر
يعيش في خوف من الدنيا
ويكون مكتوم وما ظاهر
فكيف إحساس تحسو الناس
نضيق بيهو
ونعاديهو
وكل الكون يشك فيهو
عيونك كانوا في عيوني

يا حبيبي
لأنك إنت عفيف
رقيق بتخاف من الأشواك
تعال نتحدى حد الخوف
تبوح بهواي واقول أهواك
ونكون ظاهرين وما خايفين
نعيش ليهو
ونذوب فيهو
ونجاهر للأنام بيهو
عيونك كانوا في عيوني

نحاول نبرز الإخلاص
وزادنا البهجة والنشوة
نفتِّح في قلوب الناس
مشاتل من حنان حلوة
نقول ليهم
ونوريهم
معانيهو
وأمانيهو
ونفخر للجميع بيهو
عيونك كانوا في عيوني

كلمة
=========================

كلمة واحدة وكلمتين
يا النسيت بتعود متين
الفؤاد مترجي حنَّك
وكل لحظة بسألني منك
وانت غايب ليك يومين
وين حنانك وانت وين
إنت ليه قسيتو قلبك
وفي الغرام اضنيت محبك
والقمر من فوق بيشهد
إن ساهر وطرفي مسهد
أرعى حبي وليلي يمتد
وانت كم أخلف وأوعد
كل مرة أقول أعاتبك
ولما أشوفك أقول أحبك
الفؤاد اشتاق لقربك
اشتاق كتير اشتاق إليك
واللحون غناها ليك
ليلو مشغول بيك عليك
وراجي أفراحو ومجيك
يا حبيبي عليك ربك
كيف تعود واسعد بحبك

عايز اعرف
كلمات والحان / حيدر بورتسودان
===============================

داير اعرف قدر ايه جواك اكـــــــــــــون
همسة في حلماً جميل او نجوى في ليل السـكون
او دفقة من اعماقي تمحى منك الخوف والظنون
وداير اعرف قدر ايه جواك اكــــــــــــون

كان زمن من ماضي حالم ساقني ليكا والتقيتك
وصدق احساسي المسالم لما شملي وابتديتـــك
وفي دواخلي لقيت عوالم وكل عالم فيني بيتك
وداير اعرف قد ايه جواك اكـــــــــــــون

مصابيح الفرح
كلمات / محمد جيب الله كدكي
الحان / حيدر بورتسودان
==========================

يلا ارجع لي تعال
يا مصابيح الفرح
اسعد اللقب الداب
من شقي الحزن اللطال
يلا ارجع لي تعال
قبل النسيم يسال عليك
ويشقى عنك بالسـؤال
يلا ارجع لي تعال
شان يعيش ورد القوب
ويزهي دائم بالوصال
ما انت يا نور الشروق
فوق الزهور لوحة جمال
لو قلتا القى ليك شبيه
بيبقى لي زي المحال
كل ما عليك بسال انا
عن حالى اسال كل جار
اسال محطات الزمن
لو مدي ريدتنا اعتبار
تلقاني راجيك منتظر
وطالت سنين الانتظار
ارجع تعال قبل الغياب
وتحت الشمس ما فيش محال

عسلية العينين
كلمات / جمال عبد الرحيم
=============================

بتشبهي وحده شفتها وين ..
يا عسلية العينين ..
انا الصادفتك إنتي زمان ..
يا إنتي الزمان ..
هسي نسيت إسمك مين ..
إسمك مين ؟؟

يا لون زي قمر وهاج
يا حب في القلب اجاج
سبايب شعرك الامواج
نغم منسوج على الديباج

صدقي يا عيون احباب
عيني منك انت قراب
شايل وحشة الاغراب
سالتا وما عرفتا جواب

ماضي الذكريات
كلمات: الجيلي محمد صالح
==============================

رحت في حالك نسيتني
واعتبرت الماضي فات
لم انت خلاص جفيتني
ليه بتحكي الذكريات
لم تحكي ذكرياتنا
كنت تحكيها بأمانة
كيف بدت كيف انتهت
واتبددت قبال أوانا
وكيف امانينا الجميلة
حلت الأهات مكانا
كفاية اشوفك بي خيالي
واستعيد احلى الليالي
وأبكي أيامي الخوالي
وكل ماضي الذكريات
ذكرياتنا مهما كانت
برضو ترديدا بيألم
ليه تردد ذكرياتنا
ويوم ألاقيك ما بتسلم
ليه بديت انته الفراق
وانت عارفو كيف بيألم
رميتني في نيران صدودك
تاني ما بصدق عهودك
أنا بحاول أنسى ريدك
وأنسى ماضي الذكريات
كنت دايما بعذرك
باقي ليل حرمان شبابي
كنت راضي تدللك
برايا بتحمل صعابي
إلا ما برضى التجاهل
لي شعوري لي عذابي
تعال وبادلني الوداد
ولا قاسمني السهاد
أنته لو راضي البعاد
ليه بتحكي الذكريات

مشتاقين
طال علينا فراقكم والله ياغايبين
قدر ماننسى العلينا برضو مشتاقين

الخدود الشاربة من لون الشفق عند المغارب
ديل خدودك سيدى ...سيد الناس ياسيد الحبايب
العيون طرتنى زول من اهله غايب
والشعر فى كتيفه يتهادل سبايب
والله مشتاقين
فى عينيك تظهر لى دنيا ...دنيا شوقك فيها ظاهر
الأمانى الحلوة هايمة ذى بحور ماليها آخر
الكليمة الطيبة منك زادىوحياتك لباكر
والأمل فارد جناحه ديمة زى عينيك مسافر
والله مشتاقين
الغروب يسالنى منك آمسياتنا فى شوق إليك
الرمال الناعمة مشتاقة لمشيك
الطيور الراحلة فى ظل المساء بتسآل عليك
كيف تفارق الضفة والنيل هان عليك
والله مشتاقيييييييييين

فيها ايه لوجيت فايت بالدرب وتقول سلام
لما جيت فايت قصادى كنت منتظرك تسالم
حتى لو بنظرة عابرة حايرة فى عيمنك يا حالم
الجفا بعذب ضميرك وأنت من طبعك مسالم
فيها أيه تدى التحية حتى لو قصدك تخاصم

رغم إبتسامىبمودة أبيت ماتقول السلام
اتبددت كل الأمانى هناك راح الإبتسام
متقول سلام والإبتسام
وترضى قلبى ونعيش معاك أنا وغرام
تخدعنى منك نظرة عابرة أتخيل النظرات سلام

أنت لما كنت فايت أنشرح قلبى الحزين
أنت لو ناسى المحبة كيف نسيت عشرة سنين
ليه بتتجاهل شعورى عهدى بيك دائماً حنين
فيها أيه لو كان تجامل بسلامك ياضنين

راح الميعاد

راح الميعاد وزمانى راح
والجرح لانام لا استراح
لكنى متكتم عليه
من جراح أحب جراح
ياقلبى ما تسهر معاى
ما أظن يفيدنا الأنتظار
عدينى فى روضة هناى
سكت النغم سكت الكلام
جفت ورود الأمنيات
ياحليل زمان الإخضرار
ياحليل حبيب كان لى نور
كان لى ساعة الغربة دار

ياريتنى لو اقدر أعيد
لحظات من الماضى البعيد
وأهدى الزمان كل الحنان
وأكتب بعمرى ربيع جديد
لكن رضيت وقلت
مابقيدنى أحلم ما بقيد

ياحليل ليالينا المضت
من غير معانى تنورها
يا غالى يا أمل الحياة
ومعنى الصفات النيرة
طول البعاد ما أظن يزيد أمانى فيك يغيرها

انا لو غلطت فى حبك شوية

انا لو غلطت فى حبك شوية
ليك اعتذارى وحقك عليا
ما اصلو كانت غلطة هى
غلطة كانت مابإديا

أنا عارف أنى ظالم
وظلمى من الحردونى
ديل العوازل وصلونى
للوداع الفى عيونى
لوبجيبك اعتذارى
لو يسرك انا انكسارى
لو بحالى أنت دارى
برضاك انا انتصارى

انا شايف ياحبيبى
انا لو شكيت أشواقى ليك
بلقى فى قلبك محنة
بلقى خير الدنيا فيك
أنا بستعين بأيام جميلة
ةلى غرام كان لى دليلا
ياعواطفنا النبيلة

مافى داعى نقول حليلا

ياليالى الوحدة طولى
وتانى فى امنياتى
خلى ليلك يبقى قاسى
يبقى اطول من حياتى
لو عذابى يكون جزايا
انا ما عايش برايا
الا باب الرحمة فاتح
انا حبى لازم يكون مسامح
يقبل اعذارى وبكايا

بتذكرك
=========================

بتذكرك...بتذكرك
بتذكرك وكت الكلام يصبح صعب
والليل يودر في النعاس
وكت النجم يتلالا زي عقدآ بيضوي عليهو ماس
**
انا في المداين الضايعة ضايع لي زمن
وغريب عيون
سرحان علي الارض الغريبة وبسأل الشوق عن وطن
انا بسأل الناس عن شوارعآ فيها سافرت ومشيت
انا بسأل الناس عن شوارعآ فيها تاتيتا ومشيت
وعن كلامآ داير اقولو
وقلت فيهو وياما غنيتو و بكيت
**
وعن عيونك وكيف بتصبح فيها احلام الاماني
كيفن بتصبح لهجة تانية مع الاغاني
انا والسفر خلاني اشتاق للسفر
انا اهوي السفر..خلاني اشتاق للسفر

لو القي لي..كان القي لي انا
كان القي لي خاطرآ سمح
كان كلمة واحدة اقولا بتداوي الجرح

كان مرة في عينيك انسي ومرة اقسي
ومرة ياخدني النعاس
وكت النجم يتلالا زي عقدآ بيضوي عليهو ماس

بتذكرك

اسمعينا هدى بالك خايفة من ريدتنا مالك
ديمة نسال عن عيونك ولسة منتظرين سؤالك

***

يوم تمرى وماتسالمى كل خطوة ريدة تزعل

يوم نشوف عينيك ضاحكة بى مصير دنيانا نقبل

يبقى زادنا جميل صبرنا صبرنا ليك ما اظنو يكمل

ونلقى فى عيونك املنا وكل املنا يكون وصالك

ديمة نسال عن عيونك ولسة منتظرين سوالك

***

اسمعينا وهدى بالك خايفة من ريدتنا مالك
ديمة نسال عن عيونك ولسة منتظرين سوالك

***

انتى قاسية ولا ناسية ولا بس ساكت عنيدة

ولا يمكن دايرة تسالى بى حروف فى الريد جديدة

والحروف مادايرة توصل دايرة تشغل ليك بالك

ديمة نسال عن عيونك ولسة منتظرين سوالك

***

اسمعينا وهدى بالك خايفة من ريدتنا مالك
ديمة نسال عن عيونك ولسة منتظرين سوالك

حبيبى بوح

يا حبيبي بوح..قول لي براكا..لو بتعشق غيري .. سيبني ما اهواكا

لو بتعشق غيري .. ..سيبني ما اهواكا

ديمة قلبي معاك..عايش تعذيبوووو...
يسقي شوق وحنان..تسقي فيهو لهيبو..

ديمة قلبي معاك..عايش تعذيبوووو...
يسقي شوق وحنان..تسقي فيهو لهيبو..

لا بتجامل ريـــدكـ..لا بتداوي حبيبو..
لابتــــــــــــــداوي حبيبـــــــــــــو

وعمرو مافي حنان..وين نزورو حنانكـ...وياما قلتا زمااان..انو انا فنانك..
ياااااااااااااما قلتااا..

قلي كيف تتغنى ...قلي كيف تتغنى...وتجفى بألحانك..

يا حبيبـــــــــي قووول..وقول لي برااكا...لو بتعشق غيــري..سيبني ما اهواكا..

يا حبيبي بوح وقول لي براكا...لو بتعشق غيري..سيبني ما اهواكا..

خـايــــــــــف عليـك منــك **
خايف عليك منكـ ... يا الما بتعـرف الخوف
خايف غيوم ظنكـ ... تحجب عليك الشوف


وخايف عليك منك انا في هواك رحال
حارمني من حنك شاجيني بي ترحال
ارحل عليك بالريد ترحل تسيبني في حال
وابراك زي غنوة تشرح لسان الحـال

وأبراك في الاوتار من غنوة لى غنوة
وانت القريب للدار يصبح لقاك منية
اقصد هواك اشعار تقصد جفاي عنيه
لوما الغــرام اسـرار كان بوحتا للدنيا

ويا المابتعرف الخوف يا البجفاك بعيد
جرب غلاوة الريد صدقنى تبقى سعيد
ماتتبع الاوهام الظن خصيم الريد
واعلم مع الايام الريد مصيره يريد

مــغــــــــــــــــــــرورة..
________________________________________

مغرورة وين حبي الكبير
وين العهود ايه المصير
في الريدة مأسورة
سافرت في دروب اللقاء
وقلت القطارات بلحقها
وسألت عن درب الحنان
لاكن حنانك مااتلقى
لا اصل لا صورة
مغرورة ضيعتي الأمل
وزرعتي ريدك في المحل
غير مااسيبك مافي حل
مدام خلاص الشوق رحل
والجايه مقدورة
مغرورة حفاها الغرور
فوق الوهم بانية القصور
مشغوله بالتيه والدلال
ناسيه السنين وقتين تدور
يوم تقلب الصورة
مغرورة وين حبي الكبير
وين العهود ايه المصير
في الريدة مأسورة

العيون السود

العيون الشالو قلبي من بجيبن تاني لي
يله ارجع يا قليبي خفف الحزن العليا
**********
مرت الايام وطيفك اصلو ما فارق عينيا مرت
الايام وانت طيفك فارق عينيا او ســـهام
عينيك صعبه اه شويه
لسه بتامل رجوعك ابقي لي صعب الوصول
***********
الدمر العشتو عندك اصلو ما قاساهو زول
او سهام عينيك صعبه جرحي نازف كيف يزول
لسه بتامل رجوعك ابقي لي صعب الوصول
***********
مرت الايام وانتي زار خيالك نور عينيا كنت قبلك
زي مهاجر مافي زول برحم شويه لسه بتامل
رجوعك في الاغاني الباسمه لي
***********
العيون الشالو قلبي من بجين تاني لي
تاني ارجع يا قليبي خفف الحزن العلي

أدقك يا قلبي



ادقك يا قلبي ولا في صدري أسجنك

أمسكك بايدي أعصر عليك وأعجنك



جايب لي مصايب

أذى وتقول حبايب

جايب لي الآهة والآلام ليا جايب

طوالي في الريدة هايم يا قلبي دايب

ما عارف الريدة عالم مليان عجايب



أوعيك تابى الوعى ونصيحتي ما تسمعا

تجيب لي في المآسي جواك بالكوم تجمعا

قلوب حنينة قدر الغرام لوعا

كانت ساترة حالا والريد غدر لوعا



تحب عشان ترتاح تتملي عذاب وجراح

جروحي ما بعالجا لا شيخ ولا جراح

سيرة الريدة تروح الريد عذاب ونواح

الريد وراهو شنووو ؟؟ غير مرقة الأرواح

الجاب لى اخباره
أمجدحمزة

الجاب لي اخبارو قال البكى اذى عيونو
لسه ياما يلاقي في نهايتو البخونو

***

ماشاف حاجه لسه في المراحل الاولى
لسه مارسخت لي الدنيا بي طوله
لسه ماشاف حاجه دي المصادر مجهوله
الزمن انكفل بي يعرض لي فنونو

***
امنتو انا قلبي هان وغدر بيهو
ماقدر مشاعري ظلم وقسى عليه
ماراعى لي حبي اني حنيت ليه
ماحيعودني وبقدر اعيش من دونو

***

البكى ماكفايه انا طول عمري ببكي
لاقادر اتصبر انا لاقادر اشكي
لادايرني انضم ولا لي روحي بحكي
مااصلو دا الخاين في نهايتو بظنونو

***
الجاب لي اخبارو قال البكى ازى عيونو
لسه ياما يلاقي في نهايتو البخونو

سافري تصحبك السلامه"
________________________________________
كلمات بشير الجيلى
الحان عبدالله معاطى


سافري تصحبك السلامه

وأنــــــي بستنـــــاك أكـــيـــد

الســـفـــر جفــــوة مــــواسـم

ولـــــوعـــة للــــزول البــــريـــد


ســافري انتي وســـاهري بينــا

احـــرمــي الافـــراح تــجــــيــــنا

ابــــعدي الهــــنا عن طــــريقنـــا

وزيــــدي فــــي الفــرقة وسنينا

لـــوعـــة العشــــاق وشوقهــــم

ســــاكنة جــــوانا وســــجيــــنـة


حــــقـــو تـــعرفـــي يوم رحـــيلك

كـــنتــــا بتـــــالــــم واقـــــاســي

قــــدري اقــــطــــع لــــيك تذاكـــر

مـــن ســـــنين فــــرح الامــاسي

واهـــــدي لــــيك مـــــن عــــمري

سكـــة هادية زي رقة حواســــــي


بســفـــــن روعــــــة عـــــيــونــك

وبكره نوصل للمراااسي

ساااااااافري تصحبك السلااامه

يابا حرام"
________________________________________
***حرام يابا حرام***


والله يابا حرام.. وريني ايه ذنبي... شان انت تقسى علي.. تطعني في قلبي...


من غير قصد يا أبوي ... تكتل كمان حبي...


من حقي صدقني ... راح يسألك ربي...


***حرام يابا حرام***


*******
أنا يابا لي قليب.. مرهف رقيق حساس... وأنا عندي أغلى حبيب.. بهواه بي اخلاص...


اخترتو يابا براي... من بين جميع الناس...


كيف ترضى لي يا أبوي... حبي النبيل ينداس...


***حرام يابا حرام***


******


يا يابا خليني.. أختار شريكي براي... شاورني من قبال.. يا يابا تدي الراي...


صدقني تسعدني... يا يابا في دنياي...


وتكون صحيح يا أبوي... بدورو لي هناي...


***حرام يابا حرام***



******



كان حقو تسألني.. يا يابا في أمري... وتعرف كمان رايي.. في شريك عمري...


مش حية تدفني... في بيت يكون قبري...


والله يابا حرام... يبقى الزواج جبري...


***حرام حرام***

ما بتتعلم "

كلماتوالحانزكريا صالح محمد

________________________________________


مالك ديمة براك تتألم

ومن غلطاتك ما بتتعلم

وتاني تريد ترجع تتعذب

وتاني تعود تشكي وتتظلم


يا ما هويت في عمرك إنت وضي العين للردتو وهبتو

في أعماقك شلتو محبة ومخلص أبداً يوم ما خنتو

يجرحك إنت ويهجر حبك ويبقى جزاك إنك صدقتو



الإخلاص في الناس فتشتو إلا وحاتك يوم ما لقيتو

كل الردتو عشقتو غدر بك ذنبك كان إنك حبيتو

ظنيت إنه حيوفي ويخلص وغدر أحبابك كلو نسيتو



الأفراح راجيها تزورك وتاني تغرد فرحة طيورك

يرجع تاني ربيع الريدة وتاني يعود فرحان عصفورك

تنسى شقاك الطال يا قلبي وتاني تعود نديانة زهورك

يازول ياطيب
==============================

مانحن الفينا مكفينا
مالك داير تتعبنا معاك
لا بنقدر انحنا على الهجران
لا بنرضى كمان زعلك وجفاك

وما تصدق إنت كلام الناس
في سيرتك ديل ختو وشالو
لا عرفو يقابلوك بالأفراح
لا قالو نريح يوم بالو
أنسى الجافوك وما تسأل
عن ليل الصبر وموالو
وما تفكر أبدا في الينساك
وسيبك من قلنا ومن فالو

والاّهة تسوقك لي اّهة
في سكة عجيبة وتوّاهة
محتارة وحاتك ليها زمان
يا شوق العمر الجمعنا
كدي حاول شوفنا وأسمعنا
رسّينا معاك على بر أمان
يازول يا طيب للاّخر
وما بتعب جد ياناس غير الشاطر
وما بعرف يوم طعم الأحزان

( خايفة)
=============================

خايفة من الريد أنتي يا الساحــــــر جمالك
أنت كم ذوبتي مهجة كلو زول عاشق جمالك
خايفة من درب المحبة
وعاملة من الحبة قفة
راجعي روحك حبة حبة
والدلال ما تسوي سبة
أنت ليه طبعك مخالــف
عارفة حتى الطير بوالـف
أصلو ديل عزال نعانــــف
يا حبيبي الحب مواقـــف
خايفة
خايفة حقو انا اللا أخافاك
لكن من يوم قلبي شافك
الغرام آخر مطافــــــــــــك
أيه يفيد عدم أعترافــــــك
خايفة

(لهيب الشوق)
=========================

فاض بي لهيب الشوق ماعارف أحوالا
الحلوه ست الناس ياريتني في بالا
مزروعة في جواي وأنا زدت في شوقا
محروسة بي ياسين وقلبي معشوقا
زي نفحة الياسمين سمحة وسمح زوقا
نار الغرام في الجوف زادن لهيب الشوق
الحلوة ست الناس صاحبة معالي وذرق
زي قمرة في دورين قمره في دورين أصلو الجميل معشوق
ليها الحنين دفاق وقلوبنا مشتاقة كاتلانا بي ريدا
ونحن عشاقا السمحة ست الناس حرقانا أشواقا

نور العيون
==============================

الوداع .. نشوت الروح .. الوداع
مادام هوانا بعد سنينو المرة ضاع
انا من زمان حاسس معاك بأنو دى النهاية
شاعر بي انك ما فهمتى من البداية
ومشيت معاك درب الاساء آه هه
بشكيكى لى نجم المساء
رغم انى بعدك بقبل الهم والضياع
الوداع ... نشوت الروح الوداع

مهما يكون زكراكى باقية وما بتهون
يا منبع الاخلاص ويا نور العيون
بتمنا ليك كل السمح آه آه لا تضوق عذاب لا تنجرح
لكن مع الايام لقيت ريديك خداع
الوداع ... نشوت الروح الوداع

انا كنتا دايريك تبقى لى وابقا ليكى
تتهنى فى دنيا الغرام واتهنى بيكى
ما لى غيريك تانى حبيب
وبحن ليو وكتن تغيب
لكن مع الايام لقيت ريدك خداع
الوداع ... نشوت الروح الوداع

مهما يكون زكراكى باقية وما بتهون
يا منبع الاحساس ويا نور العيون
بتمنا ليك كل السمح آه هه
لاتضوق عزاب لا تنجرح
لكن مع الايام لقيت ريديك خداع
الوداع ... نشوت الروح الوداع
مدام هوانا بعد سنينو المرة ضاع

ما بلومكم
========================

ما بلومكم في ظنونكم
فرحي مقبوض بين حصونكم
ماسور جريح بين سيجونكم


أصل زول مما قمت طيب أسألو العرفوني فيكم
ما جنيت على زول سليتوا قدمت روحي وفني ليكم
أنا أصلي زول ما قمت طيب أسألو العرفوني فيكم
ما جنيت على زول حبيتوا قدمت فني ورحي ليكم
جنيت علي نفسي المسالمة ولي ما حنت يديكم

العشرة كيف رخصت وهانت
أي زووول الفيهو بانت
ما لقيت حبايب وقفو جنبى غير القلييل والروحوعانت
في مصابي وقف مؤازر ظروفي خيانة والدنبا خانت
وما بلومكم فى ظنونكم ما بلومكم
أنا ما بلوكم في ظنونكم ما بلومكم

أحمد الصادق
انا المهجور في الدنيا

==================================


انا المهجور في الدنيا ... زي عصفور فقد منيه ..


اردد غنوة الأفراح .. وانسى عزابي في الدنيا ..


انا المهجور محال ابكي .. وارد غنوة الأفراح ..


انا المهجور محال ابكي .. واسكب دمعة الالام ..


لانو الشـوق دا مابيرحم .. وزول عينيهو شايله خصام ..


وعارف الغربه بتعدي .. وانسى عزابي لي قدام ..


وحات الريده ماقايلين ... يجينا زمـان يفرقنا ...


تطل الفرقه في عيونا .. ونـار اشواقنا تحرقنا ..


نلقى الدنـيا ظـلامه .. ومن دنـياك بتفرقنا ...


وحات الريده ماقايلين ... يجينا زمـان يفرقنا ...


تطل الفرقه في عيونا .. ونـار اشواقنا تحرقنا ..


اسامح في ظلم عمري .. وانسـى عزابي في الدنيا ..


انا المهجور في الدنيا ... زي عصـفور فقد غنية ...


اردد غنوة الأفراح .. وانسى عزابي في الدنيـا .

مين زينا..

مين زينا قصة غرامنا من الاف
مكتوبة بى سطر الهنا واجمل منى
انتى وانا مين زينا

انتى وانا ماعرفنا فى الدرب السهاد
لغة العيون اصل الكلام فى كل ميعاد

وحب الجمال والريد حنان
زاد قلبى سير فى دربنا
مين زينا

انتى وانا يابسمة فى الزمن الضنا
انتى وانا قول العزول مابهمنا

لو قالو قال والقلتو قال
و نشر مشاعر حبنا

نحن اقوى من الظنون لو ننجرح
مابنفترق والسكة تانى تلمنا
ومين زينا..

انتى وانا سفر الجنوب مازى الشمال
سافرنا فى صدر الغرام عدينا نجمات الخيال

ورسمنا ارواحنا القلال صورة حنان فى عشنا
مين زينا مين زينا انتى وانا مين زينا مين زينا..

ربى ياخدك..

ربي ياخدك لو في زول سواي هزاك
تموت ولا تسيبني وتسيب قلب عزاك
***

ابكيك جنازة ولا ابكي الفــراق المر
تمرق تروح روحك في ضر اخير من ضر

راضي الدموع في الموت ولا في الخيانة تشر
كل عمري اقضي حنان ايامي تبقى عزاك
***
ربي ياخدك لو في زول سواي هزاك
تموت ولا تسيبني وتسيب قلب عزاك
***

تموت ولا تخونني ولا تحــن لسواي
بعد خيانتك لي قاسية بتكــون دنياي

احسن تكون ميت من ما تكون ما معاي
في الحالة ديك برضك موتك اشوفو جزاك
***
ربي ياخدك لو في زول سواي هزاك
تموت ولا تسيبني وتسيب قلب عزاك
***

يشيلني الله معاك لو بعدك انت بكون
مفكر اني بحبك حبيبي لحظة اخــون

اكيد بعيش بعدك من غير عقل مجنون
وبعد ممــاتك لا انــا ما بحبو ازاك
***
ربي ياخدك لو في زول سواي هزاك
تموت ولا تسيبني وتسيبن قلب بهواك
***

اسياد هواى!!

لو تقسى فى حكمك لى زول عشق مغناك
ح تكون ظلمتة شديد لو سيبتو يترجاك..
اصلو البريدك صاح ومفروض تبادلو هواك
لية انتة جاهلنى انا همى كلو رضاك..


اسياد هواى نسو والريد على قسو
بقيت وحيد مهموم بكرايا زى امسى
الليل وصوت الريح زايدات حزن نفسى
حولى القلوب تتراد وانا زى فرع منسى


وعلى كل حال شكراً على قلبك الحساس
خلانى وانتى معاى ازداد لهيب وحماس
انا زول هديتك ريد وهديت اريج للناس
لية انته تقسى على كلك نظر واحساس


اسياد هواى نسو والريد على قسو
بقيت وحيد مهموم بكرايا زى امسى
الليل وصوت الريح زايدات حزن نفسى
حولى القلوب تتراد وانا زى فرع منسى

الاميرة
كلمات التوم إبراهيم
الحان سليمان ابوداوؤد


كل ما اقول ليك حنى بميعاد يوم يا الاميره
وبس تقولى لليا اصبر باكر الايام كتيره

زى كانك ماعرفتى ريدى ليك يا الحلوه انتى
ماحكيتو ليكى قلتو فى عيونى براكى شوفتى

والا يظهر يا الاميره زى عيونى عيون كتيره
ابقى راجى يوم تحنى ويوم تكونى قريبة منى

لو بتعرفى ريدى ليكى اصلو ما بتغيبى منى
سيرتى ليك كان تبقى سيره بتعرفى الايام كتيره

يا حليل قلبى اللى رادك وديمه بحلم بميعادك
ربى ما يوريك شقاوه وتلقى انتى الفى مرادك

ولو بتبقى علي حيره ابتسامتك لي كتيره

كلمات اغنية :زولي الزمان

ما نسيت أنا لسه بحمل ليك حنان
وبس إنت إيه الغيرك
بالله يا زولي الزمان

كيفن لقيت من دوني للأيام حلا
وين عشرتي وكيفين رضيت تتجاهلا
وأنا بسعى عشان صلاتنا نواصلا
ما نسيت أنا لسه بحمل ليك حنان

أنا إيه جنيت عشان تجازيني الجفا
وفي قلبي ليك رغم الصدود كل الوفا
وفي عطفي ما نقصت يوم يا العني شخصك اختفا
ما نسيت أنا لسه بحمل ليك حنان

أصلو البحب ما برضا في حبو تتحكم ظروف
وين عطفك البتكنو لي لو كنت لسه علي عطوف
ما نسيت أنا لسه بحمل ليك حنان