فضفض باغنية كاملة ...او مقطع ....أوبيت شعر من اجمل ما سمعت

تذكير بمساهمة فاتح الموضوع :

فضفض باغنية كاملة ...او مقطع ....أوبيت شعر من اجمل ما سمعت
الماضي
للرائع التجاني حاج موسى

وجايى تفتش الماضى ؟

خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى .........

بريدك يا شقى الايام كان بيك الحبيب يسعد ...

واسهر نجمى عز الليل بعد روح صباحك جد ..

وابكى معاى عيون احباب عشان اسف الدموع يشهد ..

ما كان الفراق منية ...ولا فرقة عيونك وعد ....


(حمد الريح)

ياحبيبي قلبي حاب

رحلة بين طيات السحاب

وحدنا إنت وأنا

********

حبيبي هاك يوم الذهاب

في بساط الريح المهاب

حبيبي عاتبني سميري عاتبني

بعيونو كان العتاب

وللأحباب لغة العيون

أبلغ خطاب

( ابراهيم الكاشف )

ياسر مكتوم فى جـوف أصداف
فـتـشـت عليك بقـليب نزّاف
لا خـبـيـر يـهـدى ... لا دليل وصّاف

************

ياسر مكتوم فى جوف أصداف
راجـياها الريح ... وكتين ما تطــل
على موجة تمرجح زهرة فـــل
وتشيلا تروح ... والدنيا تنوح
على قمراً مات فى مطر الليل
يتّم نجمات بكاها السيل

*************

يا سر مكتوم فى جوف أصداف
الريح القاسية عنيدة .. تمام
طـفــت الـقـنديل .. الكان مـقـدوح من دمع الليل
رمت القُـنديل الكان نديان فى جــرف النيل
رسمت أحزان .. وسؤال حيران .. فى عيون أيتام

***************

يا عمر مرسوم فى كف أقدار
يا خطايا الطال بيها .. المشوار
ياليل مشتاق لى دفقة نور
ياظلمة تبكى .. حتى البلور
ياموجة تعاند فى التيار
يا خطايا الطال بيها المشوار




(مصطفى سيد أحمد)

يازمـــــن وقف شويــــــة
أهــــــدي لي لحظات هنية
بعدها شيل باقي عمـــــــري
و شيل شبابي وشيل عيني

رحت في حالك نسيتني واعتبرت الماضي فات
لما انت خلاص جفيتني ليه بتحكي الذكريات
لما تحكي ذكرياتنا كنت تحكيها بأمانة
كيف بدت وكيف انتهت واتبددت قبال أوانة
كفاية أشوفك في خيالي
واستعيد أحلي الليالي
وأبكي أيامي الخوالي
أبكي ماضي الذكريات

تصدق يا بحر إنك
تشابه بالعطاء قلبي
وتصدق يابحر إنك
تشابه بالغدر حبي
تشابه منهو حبيته
وبديته على نفسي
هذاك الي توقعته
ينور بالوفا دربي
اجيه وشايل همي
ادور عنده الراحه
تخيل لما يلمحني
تجيني تركض جراحه
اذا صديت ناداني
واذا اقبلت خلاني
واذا قلبي نوى الفرقا
يعشم قلبي بأفراحه
ابعرف يا بحر ذنبي
وش الي بعمري سويته
انا ما اذكر اني بيوم
جرحت انسان وبكيته
جروحي ليه علمني؟
عشان اني على النيه
تعب قلبي وتعبني
ياليتـــــــه يقسى ياليته
ابسكت يابحر وامشي
واخلي ضيقتي فيني
ابسكت وابتعد عنك
وادور من يواسيني
تصدق يا بحر اني
توقعتك تشيل هموم
ولكن انصدمت انك
غرقت بدمعه من عيني
وغريبـــــــــــه يابحر



(عبد الرحمن الحريبي)

حاجة آمنة أصبرى
عارف الوجع فى الجوف شديد
عارفك كمان ما بتقدرى
اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير ومابحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى

يادنيا يا ما فيك ناس بتبدل الريد بالجفا
يادنيا ياما فيك ناس اتعلمت من الوفا
آه من جفاك سويت شنو
أنا شان رضاك خليت شنو
يا العمرو قلبك ما رحم
أنا شفت ناس ظالمين كتير
بس انت أظلم من ظلم ...

مانع رسايلك لي !
ما كنت بتراسل !!
إنشالله مانع خير !!
أكتب شنو الحاصل ؟!

تكتب لكل الناس تبخل علي إنت !!
عارفك بتقسى علي وأنا برضي ليك ردت !
لو هان عليك ريدي حبي وعليك هنت ..
بكتب عشان خاطر بي خبي ليك بحت ..

يا سيدي بترجاك أرحم قليب دابو
عرف الهوى الغلاب ومعاك حسابو
من صدري من لماك سحر العيون صابو
نظرات سهام عينيك مكتول بي نشابو

ناس قراب منك عرفو ســر حـزني
بسألهم عنك قالوا ما سمعوك تسألهم عني
ناس قراب منك بسألهم عنك
قالوا شايفنك كل يوم مسرور
ناس قراب منك قالوا شايفنـك
تقضي أوقاتك في هناء وحبور
وأبكي حرماني وإنت لاهي بعيد
...
يا حليل حبك لما كان صافــي
وينو لي قلبك لما كان وافــي
كنت حاني عطوف ليه بقيت جافي ..

مين فكرك يا حبيب ومين الهداك اليا
وجرحي قرب يطيب جددتو تاني عليا

دنيا الريد غريبة
سر ما بنفهمو
ناس افراحا زايدة
وناس يتالمو
دنيا الريد سعادة
ودنيا الريد عذاب
ناس تجني المحنة
وناس تجني السراب

بريدك ياشقا الأيام
كان بيك الحبيب يسعد
واسهر نجمي عز الليل
بعد روح صباحك جد
وابكي معاي عيون احباب
عشان اسف الدموع يشهد
لا كان الفراق منية
ولا فرقة عيونك وعد

نحنا في الأيام بقينا
قصة ما بتعرف نهاية
إبتدت ريدة ومحبة
أصبحت في زاتا غاية
كنتا تمنحني السعادة
وليا .. ليا تتفجر عطايا
ولما اغرق في دموعي
بتبكي من قلبك معايا

ياطير يا ماشي لي اهلنا
بسراع وصل رسايلنا
والشوق ما تنسى ياطاير
لكل البسألك عنا

أنساك
أنت أنت بتتنسي
ما انت روحنا وحبنا
سافرنا في عينيك ولسه
قلوبنا بيك مجننا
*******
والقينا في دنيا العيون
يا اصفاء من النور غنا
كون من رشاقة وامسيات
باقات انيقة ملونة
انغام طروبة وشوشة
انهر موسيقى ودندنة
ذابت قلوبنا عليك حنان
وانت بعيون ذوبتنا

أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..

عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..

والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..

وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..

حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر

(مصطفى سيد أحمد)

داوي ناري والتياعي
وتمهل في وداعي
يا حبيب الروح هب لي
بضع لحظات سراع

قف تامل
مغرب العمر
واخفاء الشعاع

وابكي جبار الليالي
هده طول الصراع
ما يهم الناس من نجم علي وشك الزماع
غاب من بعد طلوع وخبا بعد التماع
اه لو تقضي الليالي بشتيت باجتماع

كم تمنيت ..وكم من امل
مر الخداع
وقفة اقراء فيها لكي اشعار الوداع
ساعة اغفر فيها لكي
اجيال اقتناعي
يا مناجاتي وسري
وخيالي .. وابتداعي
تبعث السلوي وتنسي الموت مهتوك القناع
دمعت الحزن التي تسكبها فوق ذراعي

من جديد جيت تاني تكسر صمتي بالنظرة الخجولة
يأمل عمري القبيل يا سنين عامرات فصولا
وما قدرتا انساك من زمان بس ضاعت احلام الطفولة

* * * * * * * *
الحنين الجيتني بيهو جاني في لحظات ندم
في زمان ضيع صبانا وكل اشتات العشم
من جديد جيت تاني كيف تبني فيني الانهدم
وما قدرتا انساك من زمان بس ضاعت احلام الطفولة

** ** ** **
ما بفيد انا لو الملم من عيونك ذكريات
او اصحي الماضي فيهن وانسى حزن الامسيات
برضو زمن البهجة عدى وعمري فات فيهو الفوات
وما قدرتا انساك من زمان بس ضاعت احلام الطفولة

( الراحل العملاق مصطفى سيد احمد )

كنتا معاك سعيد
والليلة في بعدك ما اضناني
واصبر يمكن يفيد صبري
وامكن نرجع تاني

خائف الناس تغريك تنسى
دموعي وتنسى حناني
وافضل مخلص ليك لو حتى
سعادتك في حرماني
واضحي بزهرات عمري
واستشهد بالحاني
واوري حقيقة امري
علشان ما تعيش طول عمرك هاني
عرفتا الحب من قبلك مرة
وانت الحب العاش في كياني
بهرب منك لرضاك وبحاول
من اجلك انساك
وامهد ليك تتخلص مني
القى خطاي تجمعني معاك
ولو تعرف عايش على عطفك
وكل حياتي من املاكك
بتعرف يوم في دنيا غيابك
بيساوي سنين في دنيا هناي
يا اعز عزيز
اعز عزيز في دنياي انا طامع
ابقى عزيز دنياك

كان مناي بالريدة نحكي قصة للعشاق فريدة
فجاة انتي بقيتي قاسية واصلي عارفك جد عنيدة
تبته منك يالبنية ورغم انك في الحشي
انت في جواي حقيقة رائعة يانعة ومدهشة
لفحة الزمن الجميل عمري في دربك مشي
ريدك الغور وحاتك بيهو كم قلبي انتشي
تاني ما بلزمني حنك امشي ارحلي زي سحابة
كنتي مني وكنت منك
تبته من ريدك كفي

*********
اصلي في ايام غيابك ما بيزور النوم عيوني
طلعة في اعماقي اهه يالهواك
ياما ديمة بغني ليكي انت يا الهام غروري
تشرق الامال في غربك
يزور طيفك خيالي يبقي وعد الليقا قربك
دنيا غير دنياك قاسية انتي صادقة وديمة ناسية
ياما شوفتك لي شافية وابتسامتك لي عافية
لو يزور طيفك خيالي يبقي وعد اللقيا قرب
اصلي في بعدك معذب

بيني وبينك والأيام
قصة حب طويلة
شيدناها بالآمال
والعشرة النبيلة
*****
قصة حب رواهها للأيام حناني
نبع الريد سقاها واخضرت أماني
جار قلبك نساها
كيف..
في أيام قليلة
*****
كانت في خيالي ألحان في شعوري
أسرار المحنة بتعذب ضميري
حلفتك بربك
آه ..
لو في الصيف تزوري
*****
إن طالت ليالي وان جارت علينا
برضنا نحن .. أنحن روح وحدة بقينا
ومن قول العواذل
سيبك ..
سيبك ما علينا
*****
ديمة الناس تفرق تمنعنا التلاقي
جمر البين يحرق ويزيد في اشتياقي
يا مسافر مشرق
وين ..
أيامكم حليلا

الرسائل
كلمات الصادق الياس

من طرف الحبيب جات أغرب رسائل
يحكي عتابه فيها وقال ناسينه قائل

ياما قال حكاوي ما خطرت ببالي
قال في كل كلمة إني جفيته سالي
لو في كل لحظة لو تعلم بحالي
ما ناسيك والله ذكراك شاغله بالي

لو أنساك إنت اكون غدّار وخنته
أسأل عني غيري واحكم في مصيري
ياما تشوف دلائل

ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى دا لو فكرت فيه
لا لا وألف لا لا دا حبك عشت بيه

بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل

الشاعر سيد عبد العزيز
اقيس محاسنك بمن
ياالدرة الماليك تمن
والله نور عيني نور الزمن
ما شوفنا في طول الزمن
سواك بدري في داخل كمن
الانوار يتزاحمن
في خدودك اخدن امن
ومن فاهك يتقسمن
بروق في بروق يتقسمن
دي الدنيا أم جنة عدن
شوفنا ملاك لابس بدن
انسان لكن مفرداً
حاز النور حاز اللدن
غصنه مهفهف أملداً
وهيبة اسد في عيون شدن
يالجبرة المازجة العجن
جبينك زي فلق الدجن
وجسمك بالطيب أنعجن
اذا النسمات بيك عرجن
طبقات الجو يتأرجحن
والانفس يتهيجن
أنت نرجس من الوسن
لعيونها الأعين جسن
وأن آية الحسن الأسن
وغصون الروض يتمايسن
في ذاك الزي الحسن
وكل حُسن مالك حَسن
روضك زي عارضين صفن
حلال سحرك ماسحر فن
كواكب النور البلصفن
بصفاتك ما أتوصفن
بدور الكون لوينصفن
يسجدن ليك مايكون وفن
فيك عيون الرائين يرن
محاسن بالحسن إزدرن
ومهما أفكارهم يكبرن
زي حسنك مايعبرن
مع البدرين سيرك سرن
ومن وزنك هن يقصرن
الشاعر سيد عبد العزيز
اقيس محاسنك بمن
ياالدرة الماليك تمن
والله نور عيني نور الزمن
ما شوفنا في طول الزمن
سواك بدري في داخل كمن
الانوار يتزاحمن
في خدودك اخدن امن
ومن فاهك يتقسمن
بروق في بروق يتقسمن
دي الدنيا أم جنة عدن
شوفنا ملاك لابس بدن
انسان لكن مفرداً
حاز النور حاز اللدن
غصنه مهفهف أملداً
وهيبة اسد في عيون شدن
يالجبرة المازجة العجن
جبينك زي فلق الدجن
وجسمك بالطيب أنعجن
اذا النسمات بيك عرجن
طبقات الجو يتأرجحن
والانفس يتهيجن
أنت نرجس من الوسن
لعيونها الأعين جسن
وأن آية الحسن الأسن
وغصون الروض يتمايسن
في ذاك الزي الحسن
وكل حُسن مالك حَسن
روضك زي عارضين صفن
حلال سحرك ماسحر فن
كواكب النور البلصفن
بصفاتك ما أتوصفن
بدور الكون لوينصفن
يسجدن ليك مايكون وفن
فيك عيون الرائين يرن
محاسن بالحسن إزدرن
ومهما أفكارهم يكبرن
زي حسنك مايعبرن
مع البدرين سيرك سرن
ومن وزنك هن يقصرن

كلمات حسن الزبير
غناء ترباس
بدينا معاه
تلاقينا وتعارفنا وفارق دربي لفه وفات
لانو طريقنا ما واحد وانو ظروفنا مختلفات
وفات حسيت بى قلبى معاهو فى الدقات مع الخطوات
بدينا معاه قصة ريد غريبه خلاص لانها من طرف واحد
بحب التانى بى اخلاص وبدينا معاه قصة ريد
يوم والتانى من بدرى ويوم والتانى هو فى زهنى
أقابلو واشكي لى حالى المانع ما يبارحنى
تمر دقايق الساعه واقف انا مستنى الله بدينا معاه قصة ريد

... شاااايل.. هم فرقتك قلبي...

... معاكـــــ يا ريتو كان يرحل...

... وجمــــــــــــــــــبك...

.... مشتهيك ياعيون...

... وكيف كيف؟؟ وكيف كيف؟؟

..لما الفراق يحصل ...

...ان شاء الله ما يحصل...

... بريدك يا شقى الايام...

...كان بيكي الحبيب يسعد...

... واسهر نجمي عزالليل ...

... بعد روّح صباحك جد...

... وابكّي معاي عيون احباب...

... عشان اسف الدمع يشهد...

...ما كان الفراق منية ولا فرقة عيونك وعد....

... وكيف كيف؟؟ وكيف كيف؟؟؟

...لما الفرااق يحصل...

... ان شاء الله ما يحصل...

... مجبور قلبي يتعلم بعد ولّف عليك يقسى...

... عشان لو لحظة تنساكي عيون ما اتعلّمت تنسى...

... انا الفارقتو مرساكي قبل اشواقي ما ترسى...

... اصابح بكرة كيف العيــــــــد؟؟!!

...اصابح بكرة كيف العيد وعايش فرقتك هسّة...

... معقول قلبي بس يقسى؟؟؟!!

... وعايش فرقتك هسّة ...

... وكيف كيف؟؟ وكيف كيف؟؟

...لمّا الفراق يحصـــــــــل...

... ان شاء الله ما يحصل...

أساسق بالدريب الجاي بحداكا
اقول يمكن يصادف بكرة القاكا
اسالمك وينشرح قلبي الاصلو حباكا
&&&&
القسوة ليه ياحنين من نظرة تحرمني
انت الامل عندي وليك الامان مني
$$$$
مقصودي خير في خير ارجوك تصدقني
نتقابل الاتـنين ارضيك وتسعدني
$$$$
لو صعـبـت اللقياء يكفيني ذكراك

انا ما أظن البي يسمح لي انساك

يا ربيع الدنيا فى عينيا يا نور قلبى يا معنى الجمال

يا اخت روحى يا معانى هوايا عشته فى دنيا الخيال


انا فيك عشقته الروعه ما احلاه فى الدل والدلال

والمعانى الراسمه نور اشراقة فى عينك ظلال

وابتسامتك لما تأسر قلبى وتحكى عن المحال

تحكى عن شوقك اليا تحكى عن بعد الوصال

بحسب ليك في الايام عشان ترجع تعود قؤام
حبيبي الدنيا دار فرقة ومامعروفه لي قدام

تقــــولى ماشى من بكرة
مهــاجر لى وطن تانى
مفارق خضرة النيلين
وعشك سايبـــــو وحــــدانى
ده انت القلــــت ما بتــفـــــــوت
وطن بالعـــــزة ربـــــانى
اهداك جو تعيش فيهو ...أهداك
غيم تطيـــــر ليهو وجوه عيونو ختانى

فايت مروح وين
ما لسا الوقت بدري
خليك شوية عشان
جنبك بطول عمري
دار الفرح والريد تلقانى من اهلا
لى الما بيعرف طيبة شباب كسلا
بين الضفائر بان وجه القمر طلا
وكيف قلبى يتصبر صبرنى يا الله
فايت مروح وين
يا اجمل الحلوين يا احلى ياسمينا
ما لينا غيرك اهل انت الاهل لينا
لمتين مراكبنا ترسى وترسينا
على وادى اسمو القاش والغيم حوالينا
على نسمتك يا قاش بالريد تعدينا
فايت مروح وين
باقى الجميل تموا اصلو العمر مرّا
وانا كم صبرتا معاك فى الحلوة والمرة
اطرح جبينك لى خليهو ينفرّا
وانت البيدور ضرك انشاء الله ينضرّا
فايت مروح وين
يلاك بعيد نرحل على دنيا حنية
نعيش لوحدينا والسيرة منسية
واوسدك قلبى وارعاك بعينيا
واسقيك مياه توتيل عشان تعود ليا
فايت مروح وين سايبنى رايح وين
لسه الوقت بدرى
خليك شوية عشان جنبك يطول عمرى
عارف الولف كتال وانا قلتا عزرى
وارحم بخاطرى انا ارحم تعب قلبى

واحشنى يا الخليت ملامحك ..

فى حياتى ،

واحشنى يا الرسيت مراسيك ..

جوة ذاتى ،

الا باكر لما ترجع ،
انا بحكي ليك عن الحصل
وعن بعد المسافة وقربها

ولمن يفارق زول عيون

غاليات عليهو كتير خلاص وبحبها

والله أحكام يا قدر

والله أحكام يا مسافة ويا سفر

نحنا ناس بنعيش حياتنا الغالية بالنية السليمة
وكل زول دايرين سعادتو بتشهد الايام علينا

كل الاغاني المميزه بتلقوها هنا

بس دايرين الاضافات الجديده

كلام جميل

تسلم والله بس سمعنا حاجه جديده

" احمــــد الصــااادق "

" ادمنـتت ريــدك "


ادمنت ريـدك عشقت ريـد غيري

انشاء الله تتهنى دعوة خالصة بضميري


فااااااااكر نفسك انت الدنيا وسعادة

يا موهوم عواطفك اعرف حواء ولادة

ما برجع ليك تااني سيب لي الاكادة

خلاص خليتو ريدك لبست عليك حدادة


ارحل يا مدلل قلبي طافح كيلو

ارحل قبل تعرف وتشوفها نار ويلو

ما سمعت الحكمة الزمان وتحويلو

يا غالي البيفوت طيرو بيحطط طير بديلو


فاكر دربي لسة انا ساهل وهين

عزرا يا حبيبي دي اوهام وبتبين

دربي صعب وصولو واشواقو بتبين

قلبي الكان حنُين بقى صوفي متدين

ادمنـــت ريــــدك.

المقدر لابد يكون
(( الشاعر /محمد علي عبدالله ))
-----------------
ما بخاف من شيء برضي خابر
المقدر لابد يكون
إن أتاني الهم جيشو دافر
يلقى يا مولاي صبري وافر
يلقى عقلي كمان ليهو ظاهر
يلقى قلبي شجاع ما خئون
بالعدا معروف ما ببادر
ما بخون الجار ماني غادر
ما بقول للناس مثلي نادر
بل بقول للخالق شئون
قول لشاهد الزور فيما ساير
هدّي روعك قبل الخساير
ياما قبلك عميت بصاير
من لساني وقولي الهتون
ما نكرت الحق ماني فاجر
لا ولا بالعالم متاجر
نفسي يا أحباب ليها زاجر
لا أكون كل يوم ليَّ لون
الثبات معروف لي معاصر
لو بقيت في داخل معاصر
الإله غير شك ليَّ ناصر
رغم أنف الواشي الخئون
عن لسان الحق ماني نافر
ما جحدتَ الخير ماني كافر
ما ضمرت السوء ماني حافر
للصديق لو جوة السجون

كل ما أتاملت حسنك
محمد بشير عتيق
----------------
كل ما أتاملت حسنك يا رشيق
القي أية تضاهي أية
كيف تزيد ناري وشقايا
وحبي ليك انا حب مكمل وسامي غاية
الوشاة يا روحي هم اكبر دعاية
دع ملامن وسيب كلامن واستلامن
أوفي قربك وخلي قلبك يكون معاي
يا شموس أفقي وصفايا
يا خلاصة الحسن والغيرك نفايا
أرجوك لا تهمل شقايا
نظرة منك ولو خيال فيها الكفاية
بي ظمائي مع الاماني يقر زماني
يسمو فني وتروي عني لذيذ غنايا
إنت قاضي ولي حكمك سيفه ماضي أباح دمايا
وحبك استعمر حواسي وللفؤاد أعلن حمايا
الف عام في خمسماية
ياخي لو صار أنتهايا برضو بهواك للنهاية
شوقي دايم وقلبي هايم وفي النسايم

من اجمل الرواااااائع
في الضواحي وطرف المداين


في الضواحى وطرف المداين
يلا ننظر شفق الصباح
قومو خلو الضيق في الجناين
شوفو عز الصيد في العساين
يلا نقنص نطرد نعاين
النهار أن حر الكماين
كلبي يا جمجوم أصلو خاين
شوفوا كيفن يبرى الملاين
هب شال وكشح المراح

للقنيص الخيل خف راسن
نحن ما بنخاف من مراسن
المكارم غرقنا ساسن
والمجاهل مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفى يومنا راح

في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح

يا الطبيعه الواديكي ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنو ماكن
لا غشن لا شافن مساكن
في الخزام والشيخ والبراح

شوف صباح الوادي وجمالو
وشوف خدارو وصيدو ورمالو
شوف يمينو وعاين شمالو
شوف نسيم الليل صاحي مالو
شوف فريع الشاو مين أمالو
القمر خجلان من كمالو
والصباح لاح بهل الوشاح

يا أم لساناً لسع معجن
كلمة كلمة وحروفو ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح

مال نسيم الليل بي برودن
نامت الازهار فوق خدودن
غرد العصفور فوق عودن
النفوس ما اتعدت حدودن
ما عرفنا عدوك من ودودن
بس أنا المقسوم لي صدودن
يا حياتي وأملي اللي راح

شلت الكلام القلتو فيك ووقفت قدام الجميع
شلت الكلام انا القلتو فيك ووقفت قدام الجميع
وتاني الكلام أهديتو ليك كل الكلام أهديتو ليك
جاهرت بي حبي البديع جاهرت بي بي حبي البديع
***
ياقمه الريد المثالي ومدخل الزوق الرفيع
خليني جنبك ياعظيم اكسب ارضاك انا انا لو استطيع
ياحبي لو جار الزمن تلقاني بخلص ليك انا واطيع
ياسيدي لو جار الزمن تلقاني بخلص ليك واطيع
مابساور بي غرامك مابجامل انا لو اطيع
يانسمه هلت هلت من سراب مليانه بالشوق والحنين
يانبته بذراها من يباس يافرحه الليل الحزين
اديني من روحك أمان احميني من جور الزمان ضمد جراحات السنين
***
كتبت ليك الأغنيات نضمت انا انا أحلي الكلام
قبل الشجن والامنيات قدمت ليك انا انا الاحترام
لا دايرك تلقي اكتر من رضاك وتطالب اكتر من سلام
وافضل احبك انا من بعيد ابداها بالريد والغرام
وافضل احبك انا من بعيد ابداها بالريد والغرام

دا الخلاني أريدك أكتر
انو حنانك لي ما اتغير
انو قليبك رغم الفرقا لا راح لغيري ولا اتنكر

فت عشانك وسبتا عيونك
كان المنية أجي وألقاك
كان الخوف مرات في الغربة
انو سواي بوراي بهواك
انو عيونك تنسا حناني
وابقا غريب انا في دنياك
جيت ولقيتك برضك وافي
كتر الشوق للقاي بكاك
آآآ وانتا صبحتا فعيني أكبر
دا الخلاني أريدك أكتر


وانا يا حنين برضي وحاتك
عشتا سنين الغربة وحيد
مهما عيون ناداني جمالا
ما حاولت سواك أريد
دي الأفراح ما شفتها بعدك
كيفن أفرح وانتا بعيد
حتى العيد لو مر بدونك
زي حسيتو بلاك ما عيد
وانا بي غيرك ما بتأثر
دا الخلاني أريدك أكتر


يلا نعــيد أيامنا الأولى
وما نندم على كل الراح
كل الناس نهديها فرحــنا
ليل الغربة نعيشو صباح
لا تنسانيى ولا أنساك
نملا الدنيا هنا وأفراح
الاحــزان لو جات كايسانا
نقولها عدى زمانك رااااح
افضل أحـبك اكتر واكتر
افضل اريدك اكتر واكتر

قصر الشوق



أقول أصبر على الهجران
أقول أنساك لا بد
أشوف بس طرفك النعسان
تخوني القوة والشدة
تصبر قلبي على الهجران
يثور ماضينا ويتحدى
يا قصر الشوق لو هداك
حبيبك ومر ليك صدا
بأبنيك بغلاوة الريد
محال أنا قصري يتهدا
أهي الأيام بتتعدى
ونرجع تاني لا بد
وحات عمراً قضيتوا معاك
محال عن ريدك ارتد
وراجي العين تلاقي العين
وأحضن إيدك البضة
وأهي الأيام بتتعدى
ونرجع تاني لابد
باب الريده وإنسد
نقول ياربي إيه جد؟
تمر أيام وتتعدى
ونقعد نحسب في المدة
مهما أجرب النسيان
ألأقي الشوق يمتد
ما باب الريدة وإنسد

شاغل فكري مالك



يا المفرد في عصرك ويا الكامل جمالك
شاغل فكري مالك ومشغول بي دلالك
وماهماك سهادي وتوليهي وبعادي
حاذر ولا تنافر ولا عاذل وشالك
***
حجبوك يا مناي وحسدوني وجفوني
وأغروك بالدعاية أنا حافظ عهودك
وصابر في أذاي أنا آمل تجامل
بي عين الرعاية وترتاح الأعادي
ولي يتم وصالك
***
ليك يا حبيب أصرح أقبل اعتذاري
ولو في الدهر مرة فكر في مزاري
تعرف ما ألاقي ومقدار اشتياقي
ونفرح بي التلاقي وعلى مر الليالي
يبقى هوانا باقي وعلي أكون في بالك

ماهو عارف

خليل فرح
ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام

ياحنين طال انتظارك
ليه ياا حنين طول غياابك
انا اصلي مليت انتظارك
كل ماا اقـ،ـرب تبعـ،ـد
عن خطااي وينسد باااابك

من سنين راجيك وصاابـ،ـر
وانـ،ـت ناااكـ،ـر
عاارفني ردت الدنيـ،ـاا بيك
وعيووني شوفتهـاا بي عينيـك
قولـ،ـي ليه كنـ،ـت لاهي
اناا ياا حبيب خااطرني خاااطـر

غنيت عشاانك كـ،ـم غناوي
فيهـ،ـاا احزاان الغلابـ،ـة
وفيهـ،ـاا اياااام ابتعـ،ـااد
وفيهـ،ـاا اني كتيـ،ـر بعاني
دمعـة في نزولهـ،ـاا السبااني
كـ،ـاان معااي بنسج اغااني
وفجـ،ـأة اتنكر نسـ،ـااني
انـ،ـت نااكـ،ـر للمعاااني

عندي كم في الدنيا زيك لما تزعلي مني انتي
انتي جرحي الما بيبره حتى لو من عيني غبتي


لما ارحل بي خطايا قلبي ما برحل معايا
اصلي بس خليتو ليكِ إبقى عَشره عليك ورايا
وعيني عاد كان شفتي بعدِك ما بتوالِف غير بكايا
اصلي في ريدك غرقت وناوي اغرق للنهايه


قلبي قبلك ما اظنو لحظه من ايامي عاشها
بي عيون الدمعه بصبح وينسى راحل زي فراشه
يوم رضيتي علي وجيتي طللا فوق عيني دعاشه
بيكِ عيَّد قلبي دابو غيمة الريد جاتني راشَّه


يا سلام لو شفتي حالي يوم تجيني رساله منِّك
بنسى ظلم الدنيا كلو ولي حروفك احكي عنِّك
عندي كم في الدنيا زيك لما تزعلي وللا إزعل قلبي منِّك


عندي كم في الدنيا زيك لما تزعلي مني انتي
انتي جرحي الما بيبره حتى لو من عيني غبتي

مين زينا..

مين زينا قصة غرامنا من الاف
مكتوبة بى سطر الهنا واجمل منى
انتى وانا مين زينا

انتى وانا ماعرفنا فى الدرب السهاد
لغة العيون اصل الكلام فى كل ميعاد

حب الجمال و الريد حنان زاد الأمل في دربنا
مين زينا

انتى وانا يابسمة فى الزمن الضنا
انتى وانا قول العزول مابهمنا

لو قالو قال والقلتو قال
و نشر مشاعر حبنا

نحن اقوى من الظنون لو ننجرح
مابنفترق والسكة تانى تلمنا
ومين زينا..


انتى وانا سفر الجنوب مازى الشمال
سافرنا فى صدر الغرام عدينا نجمات الخيال

ورسمنا ارواحنا القلال صورة وحنان فى عشنا
مين زينا مين زينا انتى وانا مين زينا مين زينا..

الرساله

تطلب ياحبيبنا نكتب ليك نحنا

رغباتك مجابه يامشوار سمحنا

مااحلى الرسائل منك حين تجينا

احرف شوق بتحكي احساساته فينا

حمل الدنيا كلو كلماتها الحنينه

تسافر في مداين اطيافنا الحزينه

***

تطلب ياحبيبنا زعلك مابندورو

كان قصدك ختانا الفات تم دورو

يوم ورى يوم نعاهدك بعد اليوم حضورو

لو كان بي رموشنا نكتب ليك سطورو

***
في عيونك بلدنا ياغرة حسانو

خير زي اهلنا فيك الطيبه كانو

وتملى العين دموعهم لي الصابرين يعانو

القلب الرهيف للغايب حنانو للغايب حنانو

تطلب ياحبيبنا نكتب ليك نحنا

رغباتك مجابه يامشوار سمحنا

كل سنه واني طيبه "



كل سنة وانتي طيبة كل يوم والحب بخيـــــر

كل ما احلامي تكبـــــــر بي عيونــــــك بتسجير

انتي بيكي العيد بيحلى يزدهي ويذداد نداوة

عارفة يوم طلت عيونك في صباح العيد نقاوة

صحت الشوق بي لهيبو عمت امدرمان طراوة


اهدت اروع واحلا الكتير


شوفي كم اعياد بدونك لا فرح طليتو فيها

الا يوم طلت عيونك دي العيون البشتهيها

يلا هلي واسعدينا فرحة العيد ضعفيها

طيبي الخاطر الكسير


كل سنة وانتي طيبة كل يوم والحب بخير

من شدة الشوق العلي
ما قدرتا اكتب فيك حرف
من لهفة اللوعة في عيني
ياروحي داير اعترف
إنو الحروف تصعب علي
لمن تزور عمق الولف


ا نا كنتا حاسس بيكي
في جواي قبل مااعرفك
انا كنت داير احكي ليك
عن البحسو عن البدسو وأوصفك
إللا الكلام صعبان علي
مالاقي ليهو حروف جديدة توصفك

انا لسا تاية في دروب حبك
بناشد في مشاعرك عن لقاء
واسبق خطاي عشان اوصلك
يمكن تعوضي ليا ايام الشقاء
يا ريت تكوني بحور حنان
وأجيب مشاعري بكل شوق
واغرقا

ومن شدة الشوووووق العلي