فضفض باغنية كاملة ...او مقطع ....أوبيت شعر من اجمل ما سمعت

تذكير بمساهمة فاتح الموضوع :

فضفض باغنية كاملة ...او مقطع ....أوبيت شعر من اجمل ما سمعت
الماضي
للرائع التجاني حاج موسى

وجايى تفتش الماضى ؟

خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى .........

الاميرة
كلمات التوم إبراهيم
الحان سليمان ابوداوؤد


كل ما اقول ليك حنى بميعاد يوم يا الاميره
وبس تقولى لليا اصبر باكر الايام كتيره

زى كانك ماعرفتى ريدى ليك يا الحلوه انتى
ماحكيتو ليكى قلتو فى عيونى براكى شوفتى

والا يظهر يا الاميره زى عيونى عيون كتيره
ابقى راجى يوم تحنى ويوم تكونى قريبة منى

لو بتعرفى ريدى ليكى اصلو ما بتغيبى منى
سيرتى ليك كان تبقى سيره بتعرفى الايام كتيره

يا حليل قلبى اللى رادك وديمه بحلم بميعادك
ربى ما يوريك شقاوه وتلقى انتى الفى مرادك

ولو بتبقى علي حيره ابتسامتك لي كتيره

كلمات اغنية :زولي الزمان

ما نسيت أنا لسه بحمل ليك حنان
وبس إنت إيه الغيرك
بالله يا زولي الزمان

كيفن لقيت من دوني للأيام حلا
وين عشرتي وكيفين رضيت تتجاهلا
وأنا بسعى عشان صلاتنا نواصلا
ما نسيت أنا لسه بحمل ليك حنان

أنا إيه جنيت عشان تجازيني الجفا
وفي قلبي ليك رغم الصدود كل الوفا
وفي عطفي ما نقصت يوم يا العني شخصك اختفا
ما نسيت أنا لسه بحمل ليك حنان

أصلو البحب ما برضا في حبو تتحكم ظروف
وين عطفك البتكنو لي لو كنت لسه علي عطوف
ما نسيت أنا لسه بحمل ليك حنان

زولى الولوف

أعذرني يا زولي الولوف
خليكـ يا رائع عطوف
أنا ما نسيت وعدكـ براي
لكن كمان للناس ظروف

................

أنا لما وعدتك قصدي كان
أوفي وأجيك قبل الميعاد
أنا كم رجيت وعدك يهل
يا غاية الروح والمراد
كان قسمة أخلف وعدي ليك
المولى يا رائع أراد

................

عارف تمام المعرفة
أنا قلبي ليك نابع وفا
لو روحي يوم تجفا وتروح
ما بتلقى من قلبي الجفا
من دنية الناس إكتفيت
بحبك إنت وبس كفى

...............

أعذرني لو كان في رجاي
ألمت قلبك يا ولوف
والله ما قصدي الغياب
بس إلا حكَامة الظروف
أنا قلبي لحبك وفي
شيل من قليبكـ ايي خوف

عاش من شافك
=========================

عاش من شاف وين ايامك
يالدسيت جواي احلامك
ريدتك كنته بشوفه بعيده
يوم طليت تورني سلامك
الايدين بشوقن نادن
والعينين قالنه كلامك
عاش من شافك وين ايامك
يا الدسيت جواي احلامك
جيت زي اروع غيمة ورحت
وين وديت في الصيف انسامك
يالعلمت قليبي يغني يشتل كيف
الدنيا تمني
عاش من شاف وين ايامك

رحمينى يامشاعر
==========================

ارحميني يا مشاعر ويا مواقف ياظروف

ماكفاك الشلتي مني قلبي مليتي خوف

شلتي امالي البنيته وضاعت انغام الحروف

الناس بتحصد في الفرح وانا بحصد الهم والجروح

الحصاد الوقتو فات بنتظر باكر بعود

تملا دنياي السعادة وانسى ايام الصدود

بزرع العنوة ابتسامة وانسى ايام الصدود

ارحميني يا مشاعر ويا مواقف ياطروف
ارحميـــــــــــــني

تجهلني كيف
===============================


تجهلني كيف انته تتغابى فيني المعرفة

مشتاق وشايل الشوق ميعاد بعيون حزينة

وخائفة مكسوفة جد متأسفة

لاشايلة شوق عبر السنين كايسة الحنان والعاطفة

جابها شوق ما قدرو شوق

لو كنتي فعلا ناصفة

اديها من قلبك حنان

ياشراع يقاوم العاصفة

سيبيها من هجرك كفا كفا

شوفتك قدور كا يس الديار لو القى في عينيك وطن

او لمحة من عينك كفاي تفرحني لو جار الزمن

لكني ما لقيت معاي في الغربه والخوف والوهن

اخلاصي ليك ضاع والوفا

سكت الرباب
===============================

سكت الرباب قبال يقول غنواتو بي شوق يهمسا
لما النغم الكان بدغدغ فينا إحساس وإتنسى
علمنا أشواق العصافير للمغارب والمساء
ياحليلو عاد حسو الحنين مابقول همسة شفايف
والعيون لغة الاصابع الراعشة ساعة يلمسا
فقدت ليالي الشوق نجيماً زين صفاها وآنسا
أحبابي كيف سآلين عليك
قالوا الرباب ياناس قسى
خلانا لي نار القسى واخوفي من طول الطريق
أمشيهو كيف بين المغارب والمساء
سكت الرباب سكت الرباب

سيب عنادك
=======================

في نعيمك وأنت هاني
يا البقيت سلطان زماني
أنت ليك حبي وحناني
مافي غيرك ريدا تاني
ما تسيب عنادك ما كفاني
******
أنت ليه ليه ليه ديمة ناسي
والزمان علي قاسي
أنت يا ربيع حياتي
أملي فيك رغم المآسي
ما تسيب عنادك ما كفاني

لقيتك
لقيتك في زمن ضائع صرخة في الماضي الخرافة
جيتني من عمق المواجع من شقى سنيني وجفافة
كلما ألقاك وحاتك ألقى دي السكة البخافة
*******
العمر يا غالي ودع لملم الآموا وجراحوا
عدى بي كل المرافي ودى للحاضر صراحو
قلبك الغلطان معاهو الله يغفر ليه ويسامحوا
*******
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح أشقى دا العكر صفاهو
*******
الحروف كانت تناجي همسة الصمت العابر
كنتا بستجدي العواطف زي مشرد حظو عاسر
العواطف هي هي ذكرى مرة وجرح كافر

منو القال ليك
======================

منو القال ليك
بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
******
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
******
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك

هو الأختار دنيتو
===============================

هو الأختار دنيتو هو المخير في إختيارو
جاي يعمل تاني ايه
وجاي عوز مني ايه
انا لا حبيبو ولا دياروا
*******
جاي كايس لي أعينوا بعد ما راح كل شئ
وكان فؤادي ملك يمينو والغرام بيناتنا حي
عدى راح زمن الندم
ذكرى ضماها العدم
والغرام غير مساروا
*******
الهوى السامي الأباهوا كنتا متخيل يسير
وحدي بتحمل شقاهو غير ما أحسب للمصير
الا غدري مسك إيدي بدل الحالة العلي
ساقني من حبك وناروا
*******
ياما في درب الهوى ناس تعيش في وهم كبير
فاكرا إنوا الحب دواء تايهة في أمرا عسير
والبعيش لي دنيا حلوة يلقى في أياموا سلوى
وينسى كل الليهو رادو

لو تعاين ليها
==========================

لو تعاين ليها تملا ود عينك
لو تعاين ليك ربنا يعينك
*******
في الجمال معدوم البساويها
ومن زمن مشتاق قلبي هاويها
ديمة ظالماني ،، محتكم ليها
لو تخليني ما بخليها
*******
للجمال نشتاق نشتهي نعاين
ما بنتكلم والجميل باين
لو عذاب الناس للجميل هاين
الله يغفر ليهو ما بنقول خاين
*******
أنتكت بانة وأتوقلت ريلة
من لطف روحها الهوى الهيلا
نسمة فواحة ،،، والجمال هيلا
والبيتجاسر عينو بتكيلا
********
للجمال أحكام تحكما سلوكوا
وفي القلوب أحكام تصدرا ملوكوا
إلا حسادوا ،،، لو بدر قولوا
ما بسيب حبو ياني مملوكو

لما ردتـــك
==================================

لما ردتك كنت عارفك زي نغيمة هاربة من وتر الأسية
كنت شايفك زي نجيمة ضاوية في الفج ........
كنت حابسك زي دميعة خوفي لما تسيل روية
تجرف أحلام العيون العايشة جنبك لاشقية
لما ردتك كان عمر قصتنا ساعة
الزمن في لحظة نادى كل أفراحو المضاعة
ماالمودة معاني سامية والأمل للروح مساعة
إنتي ترحلي زي مراكب للوداع فردت شراعا
حومي في خاطر حبيبك كوني في زحمة ظروفو
شعري من بهجة عيونك من حنانك ضي حروفو
دنيا فيها الريدة قسمة وكل زول كايس وليفو
ريدي مكتوب في الجبين بكرة ياما العين تشوفو

مسافـتك
=================================

لامقدور أسيبك ولاعايش معاكي
لا معدود حبيبك ولا عاشق سواكي
أجيكي بكل طيبة وأنا العايزك حبيبة
تجيني بكل ريبة ولاقي عيون غريبة
أجيكي بكل حناني واقول جنبك أماني
تجيني بشكل تاني تضيع مني الأماني
وافتش لي رضاكي
معاكي غلبت حيلة مسافتك مستحيلة
ولا الريدة النبيلة ولا العشرة الجميلة
ولا التحنان هداكي
بخاف من بكرة بعدك يالأخلفت وعدك
انا البشقيني بعدك يكون في بعدي سعدك
واعيش محروم هواكي
أكون يالله واهم وفاكر الخوة ريدة
وإنتي نهاكي فاهم ايه معني القصيدة
وأنا الحزنان وباكي

ياعُمُر
=========================================

ياعمر خليني انسي والبينسي الريده سيبو
خلي عايش في خيالو بكره ما الايام تجيبو
لا العذر يشفع اليه ولا الندم في يوم بفيدو
ياعمر الفات ودع ماضي ابداً ما بعيده
الزمان ادي الفرح للقليب المابريدو
الزمان الداير يصيدنا الزمان باكر بصيدو
لما قسم للشقاوه اداها للناس البريدو
ياما نشقي عشان عيونو لا الفرح كان يوم بايدو
ياعيون حزنانه صبرك مافي زول فايت نصيبو
ياعمر خليها سيره دا الزمان حدد مصيرو

الحنين
=============================

الحنين البي ليه ما قدرو
العمر من وين بيشترو
ضوق وقاسي الوحدة ياقلبي الرهيف
ياوليف الشوق بقيت فاقد الوليف
من تناسى وضاع خلاص حبي الشريف
الكلام البينا كيفن ينكرو
الحنين البي من قلبي الأمين
من مشاعرو السامية والريد الدفين
الحنين البي لو طالت سنين
ما بتمر بي خاطري لحظة تودرو
وين زمان العشرة وين طيبة القلوب
وين أماني عمرنا والريد الطروب
المحبة البينا لو كانت ذنوب
الذنب في الريدة ليه ما يغفرو

بعد الفُراق
=================================

بعد الفراق ما عدت تاني تهمنا
أيه الحصل تكتب جواب مضمونو انت تزمنا
ما قلت في ساعة الوداع مافي أمل حيلمنا
اخترت انت طريق طويل سكتنا ما زي سكتك
نفس المظاهر والغرور في نص الطريق بنزلك
أيه الحصل تكتب جواب عايزنا نحن نقدرك
ما قلت في ساعة الوداع انت النجوم وايدينا ما بتحصلك
نحنا ما درنا الفراق البيهو جيت فاجأتنا
عايشين على ريدك سنين في لحظة جيت بس خنتنا
أيه الحصل تكتب جواب طالب نواصل ودنا
ماقلت في ساعة الوداع مافي أمل بيلمنا

ما بتقدري
============================

مـــابتقدري..حلوه حقو تفكري قبال قرارك تصدري

ومـــابتقدري..

اتذكري انو الهوى غلاب وسلطان الغرام مابتقهري

واتصوري انك قدرتي على النوى القادره للنوم تشتري

ومــابتقدري..

اتمهلي من قبل ماتتهوري ياواحده دون الناس

ومــابتتكرري..

أحلى زولاً غنو ليه .. ليك الدلال ادللي

ابقي البحر بدلا ليه ابقي السما بطلع عليه

ماتهددي وتتعللي وخليهو قلبي على العليه

صمت الشوق
==================================

اقول ليكي و لا اخلي صمت الشوق يزيد البي على البيكي

اهاجر في جمال محياك واسيب عينيا لعينيكي

بكون ماسخ كلام الريدا لما يقولو ليك لسان

تتبكم حروف القول و مابتعكس شعور ولهان

يسبح في سعير شوقك على موج الهوا البركان

يحرق في حشا الاحساس ويخلق قدرة الإمكان

أصادق صمتك البواح واكبل انطلاق السيل

من القلب العزف اهاتو بذكراكي عز الليل

آنين صداح من الاعماق يفيض بكل تقيل الشيل

ونكـتم لهفة الاشواق مع الفرح البشد الحيل

أقول ليكي ولا اخلي صمت الشوق يزيد البي على البيكي

أهاجر في جمال محياك واسيب عينيا ..لعينيكي...

الخطوة من دونك
===================

مهما الظروف تقسى
ارسى ومعاك انسى
الحلوة وسمح لونك
الاحساس معاك مابفيد
اقرب ضفاف لوحة
اقدف واحسك فيه
اكتب حرف من تيار الموج يهيج يطفئي
الشوق صياحو يصلك
صوتك صداك مابفيد
البي اواصلو كييييف
حلم الفريق يصفو
صدق الحبيب لطفو
درب العميق اليم كايس جذور صدفو
مهما الزمن قذفو
حلم الرياح خطفو
لابد يلاقى القيف

الــــفـــات زمــــان
========================


الكنت قايلو فات زمان

رجعتو بى طعم الغنا

احلام صباي والزكريات

هومت بي بالدندنة

اتارى فى جواي نغم

وهنا القليب بيدق هنا

ناسى الزمان اتغيرو

لكنى ما اتغيرت انا

اطياف هواي

الليلة جات تسأل

علي ملهوفة كيف

اجمل صور عبر الخيال

مرسومة فى خطوط الحروف

يا وجعة الزول اليتيم

ياحسرة القلب الرهيف

يا حليلة طلات الصباح

طى العوينات الشفيفة

الكنت قايلو فات زمان

الكنت قايلو فات زمان

مكتوب علي سفر الشجون

شوق الحنين ولوعة حزين

مكتومة فى اعماقى اناااا

محبوسة فى دموع العيون

لمتين ورااك سفر الشقاء

قولي متيين لى متين يكون

لمتين ورااك سفر الشقاء

قولي متيين لى متين يكون

كأنى مديون للعذاب

ودفع سنين من عمرى دين

بساط الريح

بساط الريح بجيني متين
أغمض عين وأفتح عين
أكون جالس مع الطيبين هناك في مقرن النيلين

ريجيتو يجيني ما جاني
تكون غلطة زمن جاني
حرمني أعود لأوطاني
ولا ظروف معاكساني
ولا يكون بساط الريح فقد في الجية عنواني
وبقيت محسوب من الضياعين

بساط الريح متين تظهر
يشيلني جناحك الأخضر
أشوف النيل بيتمختر
ألاقي عيون من الكوثر
أعود من تاني لي أهلي
وظروف العودة تتيسر
تقيف وتجف دموع العين

مشيت أسأل بساط الريح
شنو اللأخر معادو صحيح
أترجيتو يبقى صريح
يوري حكايتو دون تلميح
شنو الخلاهو يتأخر !!
حلف انو المطر والريح جارو عليهو مجتمعين

بعدت ما اتلاقت خُطانا
الفاتح حمدتو
=================================

بعدما اتلاقت خطانا والفرح في قلوبنا هلل

تاني جيتك لي زيارة كيف تفارق تاني ترحل

نحن ما صدقنا انك جيتنا عن احوالنا تسال


قلنا يمكن دي البداية وبيك حلاوة الريدة تكمل

نلقى في عيونك معاني سمحة كايسين ليها طول


تبقى زادنا واعتمادنا يبقى طعم الدنيا اجمل


انت ياالطليت علينا نحن ليك قربنا نوصل


في العيون شيلناهو ريدك واصلو ريدك ما تبدل


رغم ظلم الدنيا لينا برجوعك عشنا نامل


لما اصلك جيت وراجع نحن بعدك شن بنعمل


كيف تفارق تاني ترحل كيف تفارق تاني ترحل

لمسة شوق
الفاتح حمدتو
======================

بلمسة شوق وطيب خاطر
يا حلاوة الريدة الفي الاخر
تظلل بالسماح الفيك
عيون الدنيا يا ساحر

عشان حبك بهاجر ليك
واردد كل يوم غنــوة
اسافر في رحاب عينيك
وادخل في المحال عنوة
اقابلك بالمحنة واجيك
تفرح قلبي دا الحابيك
ونشوف الدنيا يا ساحر

زمان قالوا المحبة عذاب
ونار اللوعة بتحـــــرق
ظروف بتجمع الاحـــــباب
وتقسى عليهم وتفـــــرق
كل الإلفة بتبقى ســـراب
والناس تتلاقى زي اغـراب
دا حال الدنيا يا سـاحر

تعال نبداهو من أول
طريق بالريدة كان عامر
نحاول نمشي للاجمل
ويبقى املنا في باكر
ظروفنا المرة تتبدل
وطعم الريدة يبقى عسل
وتحلو الدنيا يا ساحر

تعال وتعال وتعال وتعال
تعال يا حبيبي يا راحة البال

لميس
الفاتح حمدتو
====================

يا لميس يا حروف ندية
يوم زفافك إيه أقول
العبرة خانقاني وبقاوم
في الدموع ما يشوفها زول

لميس يا حروف ندية
بعد فراقك إيه أقول
العبرة خانقاني وبقاوم
في الدموع شان ما يشوفها زول

هل صحيح بكرة بتسافري
والغياب يا الحب يطول
صحيح بكرة بتسافري
والغياب الغياب يا لميس يطول

لميس يا حروف ندية
بعد فراقك أنا إيه أقول
العبرة خانقاني وبقاوم
الدموع ما يشوفها زول

هل صحيح بكرة بتسافري
والغياب يا الحب يطول
صحيح بكرة بتسافري
والغياب الغياب يا لميس يطول

يا لميس يا درة نادرة
تهدي للناس للناس اليقين
تزرع الريد والأماني
بسمة للقلب الحزين

لميس يا درة نادرة
تهدي للناس للناس اليقين
بتزرع الريد والأماني
بسمة للقلب الحزين

يحفظك مولاي ويصونك
ويبعدك عن كل عين
يحفظك مولاي ويصونك يصونك
ويبعدك من كل عين

يا لميس يا نور حياتنا
يا قمر عالي عالي ومنير
إنتي يا كل المعاني
الحلوة يا حبي الكبير

لميس يا نور حياتنا
يا قمر عالي ومنير
إنتي يا كل المعاني
الحلوة يا يا حبي الكبير

ألف مبروك يا عروسنا
بكرة نسمع كل خير
ألف مبورك يا لميسنا يا عروسنا
بكرة نسمع عنك كل خير

مبروك يا عروسنا يا عروسنا
بكرة نسمع عنك عنك كل خير
ألف مبروك يا لميسنا
بكرة نسمع عنك كل خير

حوتا
النهايات
============================

النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية

حوتا
قربــك
===============================

قربك بفرحني بعدك بجرحني
حبك بسمحني صدك بقمحني
إن شاء الله دايم لي قربك وحبك لي
إن شاء الله لينا تدوم المودة والريدة
ننسى السهر والنوم نحضن أغاريدا
ننسج سوا الأحلام نتفانى شوق وهيام
وهواك يحلق بي وارعاك بضي عيني
الله العليم بالريد جافانا صداً ليه
قسمة ما بالأيد وهواك هد الحيل
وهواك شال البال ياغاية الآمال
سآل الكريم الحي يحميك ويلطف بي
مالينا غير الريد غير الهوى الغلاب
غير رحمتك يالسيد يامجمع الألباب
يجمعنا رغم البين ونعيش سوا الإتنين
أرضيك وتبسم لي يالبي هواك أنا حي

احلام الطفولة
======================

قبل مانعرفك قليبك
يرضي ريدنا ولا يابة
جينا بي فرح الطفوله
زي شتل راجي السحابة
من زمن والدمعه قبلك
مابية من ديارنا ترحل
لما طليت دنيا ريدنا زي
حلم في عيونا طول
الخريف في غير ميعادو
جانا بي غيماتو ظلل
وانت لما تكون معانا
مااظن في الدنيا نسال
ده الفرح قبال تجينا
جينا كسنا ماخلينا وادي
ذي عصافير في الهجير
قابضه عشها قايله هادي
تاري جات الريح براها
وروحت بسراع رمادي
نحنا بعدك ياهو حالنا
ديمة للافراح ننادي
نبقا ذي احزان غريب
في الشمس مستني ضلو
انت لو خليتو ريدنا باقي
ريدك في محلو
برضو نغرق في انتظارك
والدموع في رجاك كملو

اسمعنا مرة
كلمات / اسحاق الحلنقي
=================================

ان درنا نشكي...وين نشكي ليكا

وين نلقا دنيا تجمعنا بيك...

ما كنتا بتيجنا يا حليل مجيك

ان ضاع عمرنا محسوب عليك

انتا البتنهي وانتا البتأمر ان درتا

نشقا بنشقا وان قلتا نصبر

زي الفراشه في سمانا تهطل

نادر وجودك في الدنيا يندر

احنا المشاعر جنات حبيبه

دنيتنا راحه وعالمنا طيبه

دايريين عيوووونك تصبح قريبه.

علشان كلو حلوه في الكون نجيبا

اسمعنا مره وحاتنا عندك اسمعنا مره

الدنيا تبقى ما فيها مره

والكون يلالي بهجه ومسره

حن في عمرنا شايفنو مره

ان قلتا لا لا هم استمرا

مابنختلف
كلمات الراحل / حسن الزبير
==============================

مابنختلف مابنختلف
درسني بس قانون هواك
بحفظ حروفو حرف حرف
اول بشيل الضمه ديك
وابدي السكون حرف الوقف
واكسر عيوني امام عينيك
واحفظ ملامحك بالوصف
أنا ببقى زي قيس زي جميل
أبكي واجن أشكي وأعف
ونرجع الريد الزمان
القالوا عند الناس خرف
شفاف وشوفتك شفا
وزعلك يشفق وبعترف
في سري في الغيب من سنين
ما قايل الغيب بنكشف
سامحني مرة إذا نسيت
ما تبقى صارف ومنصرف
لو حتى حق الريدة هان
انا لي عليك حق الولف
أنا عندي ليك سر من زمان
داير أقواو ومنكسف
كل ما أقول قربت ليك
ألقاني بادي من الألف

يامشرقة
للشاعر :مختار دفع الله
============================
يا مشرقة ...
يا دوحة العمر الجميل المورقة
لمتين أزاي في نار هواك المحرقة
يا طيبة ...
يا دمعة في عيون ناس حنان وقريبة
لحظات فراق عينيك دوام
يا ست هواي متهيبة
يا روعـــــة يا ...
يا بهجة يا فرح الأماسي
الحلوة يا عطر الحياة
يا عفة كاسيها الجمال
مزدانة بالزرق والحياة
يا مفرحة ...
إنتي المباهج مسرحاَ
وأنا يا مناي روعة عينيك
كــــيفن أســــــــيبها أبارحـــــــــا

في الشاطي يا الحبان
كلمات / محمد عوض الكريم القرشي
==============================

في الشاطي يا الحبان ساهرتو بينا
الليله يا الحبان ساهرتو بينا
عند النهر والنور
والساقيه بينا تدور
القمري يحكي الحور
وانا الفنان
الموج يداعبنا والحب يقربنا
الشاطي يفرحنا والحب معاهو كمان
يا حليل ربوع شندي
بلد الجمال عندي
الفيها انا فني والمتمه امان
نذكر وطنا دوام
وحده وعمل وسلام
سيبو الخلاف يا عظام
دايرين يكون لينا شأن
مجلس نبيل طاهر
فيه الادب زاهر
لي نيلنا بنفاخر
وبي وطنا السودان
في الشاطي يا الحبان
ساهرتو بينا ..

الشاغل الافكار

محمد عوض الكريم القرشي


الشاغل الافكار
سلمتو قلبي وسار
هل من عوده لي
قابلتو دون ستار
سعدت بيه مرار
اخلص لي والاخلاص
يا ربي دومو
ولمست فيه شعور لغيري ما معروف
وتراني ليل ونهار انا اشكي وابكي
الحبيب الشالو القطار
يلاك نزور الديار الفيها قطف الثمار
ريدنا النبيل يا حليلو
يا حليلو ليلنا الطويل
انا كم رشفت رضاك
من فاهو كالسلسبيل
تشهد نجوم الليل تشهد زهور الخميل
وفيما يجدي الملام او يسمر السمار
هل نلمح ظبي الديار
صدفه الحبيب اختار
قربي وهوائي شعار
عرفتو اني محب انظم هوائي اشعار
عرفني انو دان لقلبي دون إشعار
فتعال يا أسفار
يا الشاغل الافكار
نمرح مع الاطيار
والحب يصفو لي ..

الذكريات

محمد عوض الكريم القرشي


الذكريات صادقه ونبيله
مهما تجافينا بنقول حليله
الذكريات في كل ليله
توحي للحبايب اشياء جميله
فمن يغني يذكر خليلا
ومن ينعي ماضي جميلا
ومن يعبر فقد طال ليلا
فلتذكرونا كثيراً او قليله
الذكرى تجمعنا ونمرح طويلا
الذكرى للحبان أجمل بشاره
هي للقلوب مرأه وللحب مناره
مرات تجود بي جنانا ومره لا لا
حيث الاثاره في الحب صعب مزاره
فذكرياتنا جميله وكم نبيله
واحبابنا وين الليله في اي ليله
رجع الصدى المحزون بالذكريات
وأحياء الالم والجور والذكريات
فرح الاحبة يتم في الامسيات
حيث اللقاء يذهب ما كان وفات
يالفي الجنوب حيي الشمال
يا الفي الشروق ليك شوقنا طال طال
يا الف الغروب هاك لحنى قال قال
الذكريات نهضت بجيله
وانا كنت حاديها ودائماً دليله .

الزهور والورد

محمد عوض الكريم القرشي


الزهور والورد شتلوها جوه قلبي
عشان حبيبي تذكارو ديمه عندي
وطيف جمالو متى انت غبت عني
اجتمعنا في تهني وتمنى
ثم افترقنا وكأني ما كاني
فيا صحابي يكفيني صنت عهدا
من الموده وجزائي كان صدا
الجور تفشى
والهجران تبدا
والحب ده ولى والاخلاص تعدى
ترك حمامه تخبرني بيه ياما
تقولي اصبر في العجله الندامه
وكم صبرنا كم كم الاما تضيع عهودنا
وتحرمنا من غرامه
حبيبنا شرف واخدني في هدومو
عرفني بزعج وتدلى من نجومو
ليه ليثبت انو وحيات عيونو
شوفتو مره حاجبو قمره
منحني نظره قلبي فره
شوف جمالو كيف اجرى
دلال معظم كله جبره..

*******

ايامنا

برعي محمد دفع الله

يا النسيت ايامنا
الضقنا فيها غرامنا
ايامنا
في الفواد ذكراها
قولي كيف تنساها
ما بحن لسواها
للممات نطراها
يا النسيت ايامنا
ايامنا
في الفواد الجوه
يا ام جبينً ضوه
يا النسيت الخوه
يا النسيت ايامنا
ايامنا في الليالي الحالمه
في الجزيره العائمه
والعوازال نائمه
والمحبه الدائمه
يا النسيت ايامنا
الضقنا فيها غرامنا
ايامنا ونار هوانا القائده
والظروف الكائده
يا الحبيب يوم عائده
ايامنا
يالنسيت يا حليله
الجميله جميله
طول نهاره وليله
كم مشت لقيله وليله
يا النسيت ايامنا
الضقنا فيها غرامنا ..

وطن الجــــــــــــــــدود
من أجمل الأغاني الوطنية
كلمات:محمد عوض الكريم القرشي
ألحان:عثمان الشفيع

*************


وطـــــنـــي .. وطـــــنـــي
وطن الجدود نفديك بالأرواح نجود
وطــــنــي ..

وطن الجدود نِعم الوطن
خيراتو كم يتدفـــــقـــن
آن الآوان أن نـُُـمتحـــن
في سبيلو لا نطلب ثمن

وطن الجدود نحن الفداء
من المكائــــد والعـــــدا
نتمنى ليك دايما تســـود
بدمانا نكتب ليك خــلـود
هيا يا شباب هيا ياجنـود
هيا حطمــوا هذي القيود

هيا يا شباب هيا للأمام
سودانّا قد ملّ المــــــلام
حرية كاملة هي المُرام
تؤخذ ولا يجدي الكلام
حذاري أن وطنك يضام
حذاري أن يصبح حطام
جهلٌ .. وفقرٌ .. وانقسام
فلنتحد ويجب نعــيــــد
لوطنّا أمجاد الكرام

هيا ياشباب ضموا الجنوب
القافلة ســــــارت لن تؤوب
أبنوا السلام دكوا الحروب
وماء نيلنا يكون عـــذوب

أهتف معي قل يا أخي
يحيا الكفاح وينتقي
فليخرج الباغي الشقي
ويرفرف العلم الأبّي

وطـــــنـــي .. وطـــــنـــي
وطن الجدود نفديك بالأرواح نجود
وطــــنــي ...

فى الضواحى
لخليل فرح

في الضواحى وطرف المداين
يلا ننظر شفق الصباح

قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح



للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح

يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح

شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لاح بهل الوشاح

يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لج

أنساني وأنا أنساك
عبد المنعم عبد الحي


أنساني وأنا أنساك
والحلوة القضيتا معاك
تصير مرّة
ونتقاسم مرار البين
أنا ويّـأك

حبيبي الدنيا يوم بتروح
لا بدوم لا فرح لا نوح
ونحن اليوم ورود بتفوح
غداً نصبح حطام احلام
وتزرونا الرياح في الدوح
فليه قلبك تزيدو جروح


حبيبي يا الظالم المظلوم
حبيبي يا الحالم المهموم
افيق واترك عزيز النوم
واحلام تائهة في دنياك
هناك لو دام
سحابة يوم
حبيبي الدنيا ما بتدوم


حبيبي الما جفاك نضار
وما أضنت رؤاك أشواق
وما فجعت هواك أيام
وما كحلت سهاد عيناك
شربت من المودة دوام
ومن كأس السلامة سلام
خلاص أنساني وأنا أنساك
نتقاسم مرار البين أنا وياك ...

القطار المرة
كلمات محمد عوض الكريم قرشي
،،،،،
القطار المر
فيه مر حبيبي
بالعلى ما مر
يا الشلت مريودي

في الرصيف مستني
وللثواني احاسب
امتى يظهر نورو
الليه ديمة اراقب
القى فيه هناى
يلقى فيني هناهو
ننسجم لريدنا
الكان يا مريودي

الاشرجي تراه
للاشارة اداهو
فتحوا السنفور
لمروره براهو
قلبي زاد خفقانه
و زاد كمان في ولاه
للحبيب الماري
الليهو زاد شوقي
القطار يتهادى
حل في وادينا
يلا نجري نشوفه
المن زمان ناسينا
في السلامة سلامة
اه انا الجنيتها
في المحطة بكيتها
يا القطار تدشدش
يا الشلت مريودي

بتقولي لا
كلمات الراحل الشاعر / عثمان خالد
========================================

بتقولى لا بتقولى لا
لقليب عليك يقطر حنان
ويذوب وله بتقولى لا لقليب
رهيف ماظنو لالالا بيحمله
بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر
ملهمه ومتامله
شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاكى المساء ادى
الفروض داعب شفايفك وغازله
شال لون جميل من وجنتيك مسح خدودك
وبلله
اصبح يلملم فى النجوم وينظم عقوده ويغزله
طرز لى جيدك
بالحرير
وتقولى لا
انا بيك بدغدغ فى القلوب ياحلوه احرف وشتله
املاها رقه ودنده عناق حنان ومبادله
اسقيك حنان ماظنو كان فى الدنيا
او كانت صله
انا بيك لو قلبك يحن عالم تجن من الوله
اسقيك حنان ما اظنوا كان دى الدنيا او كانت صلة
وازرع هواك بين النجوم روضة حنان وادللة
واحكيك لحون يا غالية لو سالت والعود غازلة
واخلى كل الكون اقول فنان ادوب و اغزلة
بتقولى لا يا لهفة المشتاق وطعم الحلا

احلى عيـــــــون
====================

أحلى عيون بنريدا
في زول علمنا الريدة
فضلنا نعد في رمو شها
و سرحنا في دنيا بعيدة
في احلى عيون بنريدا
عينيكي الضاحكة خجولة
ولي رمشك سيرة نقوله
يا روعة و فيكي طفولة
و فيكي حلاة غرويدة
يا احلى عيون بنريدا
يا غيمة بتسقي الفل
يا واحة بترمي الضل
يا نسمة تعطر ليالينا
يا غنوة نحب ترديدا
يا أحلى عيون بنريدا
مرافي عينيك يا مرسى
مراكبي تايهة بترسى
ضميني و فيهم أرسى
و اعيشك احلى قصيدة
يا احلى عيون بنريدا

طـــــــــــريق الشــــــــــــوق
كلمات والحان الفنان / الطيب عبد الله
=====================================



طريق الشوق مشيناهو

وبحر الريد عبرناهو

وقولنا مصيرنا يوم نوصل

خيالك ما وصلناهو

وطول يا ليل وفيك تتطول مااسينا

نسكب فىك دموع الشوق وما نلقى البواسينا

حبيبنا هناك بعيد وسعيد وناسينا

متين يا شوق ظروفنا تروق وعلى الافراح ترسينا

اقول انساك وانسى الماضى واحزاانو

يجينى اليل يصحى الشوق وحرمانو

سنين العشره والايام عليك هانو

مشيت خليتني للايام

غريباً فارق اوطانو

ياجميل مابصح ليك
===========================

أنا بيك سعادتى مؤكدة وبلاك حياتي منكده
ياجميل مابصح ليك تعمل كدا
يامن محاسنك بي قلوب العاشقين مستفردة
خليتني أشكو من الغرام وأقول حقائق مفردة
وأقول حبيبي عمل عدوي خلاني للأسى والردى
ماعندي مانع حتى لو ضيعني ساكن الموردة
ياجميل مابصح ليك نعمل كدا
أنا بي محاسنك بفتخر وانت المحاسن سيده
يومي الأشوفك يبقى عيد والدنيا تبقى معيدة
البدر ان شافك يدوب من الأنوار الجيدة
أما الشمس لو شافتك ترجع أسيرة مقيدة
ياجميل مابصح ليك نعمل كدا
أنا طرفي شايفك ياجميل فقت اللجين والعسجدة
ومهما أعاين في الشباب وين زي محاسنك أوجدة
متى روحي من هذا العذاب تشفق عليها وتنجده
ياجميل مابصح ليك نعمل كدا
يا من على حرب العشوق لحظك سيوفه مجندة
قامتك رطيبة كأنها مخلوقة من زهر الندى
مالحكمة في كونك بخيل وأهلك أرابيب الندى
أصلك بتدلل علي والا الحكاية معاندة
ياجميل مابصح ليك نعمل كدا

ما كُنتا عارف
كلمات / محمد جعفر عثمان
==========================

ما كنتا عارف يا ريتني كنتا عارف
السنين ضاعت وآ حسرتي
لا الطيبة اجدت لا دمعتي
وكم في الخيال زينتا بيك دنيتي
واحتضنتو غرامك خبيتو في مهجتي
وما كنتا متصور في هواك خداع
في يوم أصادف يا ريتني كنتا عارف
جاري وراء السراب مخدوع وضاع الزمن
كيف انسى العذاب قول ليا قول يا شجن
ما عدتا امني روحي بيك وهواي كان التمن
وما كنتا متصور في هواكخداع
في يوم اصادف
وما كنتا عارف يا ريتني كنتا عارف

تحرمني منك
كلمات الشاعر / عوض احمد خليفة
==================================

تحرمني منك ويبقى عمري اســــــــــى وجراح
بتحرمني منك ومن عيوني بتحرم الليل والصباح

تحرمني منك ويبقى عمري حزين حزين طابعو الاسف
وقلبك يتنكر للمودة كانو لا راد لا رعف معنى الولف
ايه الغرام من غير محنة يكون مظنة ويا ما نقسى ونختلف

الذكرى تبقى امل يعيد الصدفة لما توددت
شالت عيونك لعيوني واحلى قصة حب بدت
ولي سنين عرف المحنة والاماسي حنان بقت

بتحرمني ومن عيونك تهديني يا اسى وندام
ويبقى الغرام هيمان يفيض والحب وهم
والريد عدم كل الامل يصبح سراب مسكين غرامنا الانهزم

ليه ياقلبى ليه
==============================

ليه ياقلبى ليه تانى رجعت ليه
زى ايام زمان عودتا تحن ليه ليه
ليه ليه ليه ليه ليه وليه وليه
وحيات الشجن واغلى الذكريات
ما تردد كلام ياحيي الفات ومات
وما تخلى العيون تحكى الامسيات
وتجدد غرام امكن هان عليه
ليه ياقلبى ليه تانى رجعت ليه
زى ايام زمان عوده تحن ليه ليه
مسكين الزمن كم اهدانا ريد
خلى الدنيا جنه وكل ايامنا عيد
حلفناهو ينسى لو نسيان يفيد
وليه بنقولوا تانى نرجع من جديد
ليه ياقلبى ليه تانى رجعت ليه
زى ايام زمان عوده تحن ليه ليه
ياما حلفتا قولتا لو غرب تشرق
تبعد عن طريقوا وعن هجروا البحرق
هسى لقيت عيونو سيل اشوق اغرق
ياتوا سبب سهادك ماقادر تفرق
ليه ياقلبى ليه تانى رجعت ليه
زى ايام زمان عوده تحن ليه لي
زى ايام زمان عوده تحن ليه ليه
ليه ليه ليه ليه ليه وليه وليه

حاجة آمنة
عبد الوهاب هلاوي
==================================

حاجة آمنة أصبرى
عارف الوجع فى الجوف شديد
عارفك كمان ما بتقدرى
اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير ومابحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى

سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى

مشيتى لى برج الحمام
برجك صفحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه

وسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى

بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى

من جديد
الشاعر مدني يوسف النخلي
===================================

من جديد جيت تانى تكسر صمتى بالنظرة الخجولة
يا أمل عمرى القبيل
ويا سنين عامرات .. فصولا
ما قدرت أنساك من زمان
بس ضاعت أحلام الطفولة
الحنين الجيتنى بيهو
جانى فى لحظات ندم
ما زمان ضيع صبانا
وكل لحظات العشم
من جديد جيت تانى ليه تبنى فينى الإنهدم
وما قدرت أنساك من زمان
بس ضاعت أحلام الطفولة
ما بفيد لو ألملم من عيونك .. ذكريات
أو أصحى الماضى فيهن
وأنسى حزن الأمسيات
برضو زمن البهجة عدّ
وعمرى فات فيهو الفوا

أملنا الباقى
الشاعر /مدني يوسف النخلي
=========================================

أملنا الباقى يسرح بى
وأسافر لى زمن تانى
تبقى الدنيا فى عينى
هجعة خطوة .. فى سكة فرح مفقود
ورحلة موجة فى بحر الأسى .. الممدود
ورجعة غنوة من درب الضنى المهدود
وأفتش ليك
وأفتش ليك حنانى معاى
أمانى تصارع المكتوب
عشانك لا مسافة تطول
ولا بتصعب معاكى .. دروب
وقلبى عليك
وعلى الوعد الحزين .. مصلوب
وراجع ليك
وأفتش ليك
أجوب الدنيا .. وأرجع ليك
أجيك فارساً يشق صمت المتاهة .. الطال
يواعدك بى حكاوى الشوق
وبى شمساً .. وراها منال
وبى فرحاً يغرد .. فى سماك ألحان
ويجيب البهجة للأطفال

ســـفـــر العـمـــــر
الشاعر مدني يوسف النخلي
======================================

مـا بــان عــليـك سـفــر العـمـر
لســة الربـيـع يـادابــو زار
لسّــة الضـفـاف المـتـرعــة
بـتـفـيـض نـدى ... وتـطـرح ثـمــــار
الـنـاس عـلـيـك نــاداهـا .. فــــال
فى عـيـونـا نـام الإنـبـهـار
وأنـا جـّــوة قـلبى الـمـشـتـهـيـك
نـزفـت جـراحـات الـودار
جــّوة العـيون غــطـّى الـفـرح
لـمّ الـزفـــاف
جـــّوة العــيــون تـشـرق شـمـوس
يـرحـل جـفـاف
أزمان بـتـغـرق فى الـنـعـيــم
وحـنـان غـمر عـاشـقـيـن رهـاف
يـازهـــرة طــالت بى الـفـــرح
بـتـراقـص أنـوار الـمســـــــا
مـا بــان عـــلـيــك أثــر الــقــطــاب
ولا جـاتــك أيــام الـقســــا
ما أروعـــك وإنـتى الـشـــبــاب ..
بى حــمــرة الـريــد إكـتـســـــا

إستلاب
الشاعر يحي فضل الله
=========================================

خبرينى
والمساء الشاحب الخطوات يحترف التعب
ورحيل أغنيةٍ توشوشُ فى خبايا الإنتظار
تضيع منى
كى تجاذب كل أطراف الزمان
أهدهد الكلمات
لا أقوى على شىءٍ من الذكرى
وهذا العقلُ متعب
رجوعُ الدرب .. لا يفضى إليك
ولا إلى اللغةِ الصريحة
كى أحدد ما تبقى من رحيقك
فى مسام الروح .. والجسد إشتعالاً
وهذا النبض .. أتعب
وتلك الخطوة إبتعدت عن الصحو
المكمِّل للحقيقة
أغلقت بالخبث أبواب الوضوح
زيفت صوت المغنى
عهرت لغة النشيد
ضيعت حلم الصبايا .. فى طوابير الرغيف
غيبت حلم الطفولة
أنهكت حزن الشيوخ
همشت منك .. القضايا
فى إحتمالك للتواصل
والمرابون إستباحوا هذه الأرض الحلوب
فيا جميلة .. خبرينى
كيف بددنا الكذوب
ثم إنّا لم نعد ندرى بأنا
مذ حملناكِ .. جنينا
قد نسينا أن نضع فيه الملامح
لو سـُئلنا كيف ضيعنا إنبهارك بالخصوبة
وأرتضينا أن نسلم للعساكر
من ثمارك ما يطيب