فضفض باغنية كاملة ...او مقطع ....أوبيت شعر من اجمل ما سمعت

تذكير بمساهمة فاتح الموضوع :

فضفض باغنية كاملة ...او مقطع ....أوبيت شعر من اجمل ما سمعت
الماضي
للرائع التجاني حاج موسى

وجايى تفتش الماضى ؟

خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى .........

إستلاب
الشاعر يحي فضل الله
=========================================

خبرينى
والمساء الشاحب الخطوات يحترف التعب
ورحيل أغنيةٍ توشوشُ فى خبايا الإنتظار
تضيع منى
كى تجاذب كل أطراف الزمان
أهدهد الكلمات
لا أقوى على شىءٍ من الذكرى
وهذا العقلُ متعب
رجوعُ الدرب .. لا يفضى إليك
ولا إلى اللغةِ الصريحة
كى أحدد ما تبقى من رحيقك
فى مسام الروح .. والجسد إشتعالاً
وهذا النبض .. أتعب
وتلك الخطوة إبتعدت عن الصحو
المكمِّل للحقيقة
أغلقت بالخبث أبواب الوضوح
زيفت صوت المغنى
عهرت لغة النشيد
ضيعت حلم الصبايا .. فى طوابير الرغيف
غيبت حلم الطفولة
أنهكت حزن الشيوخ
همشت منك .. القضايا
فى إحتمالك للتواصل
والمرابون إستباحوا هذه الأرض الحلوب
فيا جميلة .. خبرينى
كيف بددنا الكذوب
ثم إنّا لم نعد ندرى بأنا
مذ حملناكِ .. جنينا
قد نسينا أن نضع فيه الملامح
لو سـُئلنا كيف ضيعنا إنبهارك بالخصوبة
وأرتضينا أن نسلم للعساكر
من ثمارك ما يطيب

يابكرة
الشاعر يحي فضل الله
=============================


مساماتك بتشقق عشان تشرق صباحاتك
صباحاتك بتتعانق مع الفكرة
وتاخد من جراحاتك
نضيف إحساسنا بى بكرة
يا بكرة الغصن ناشف
ويا بكرة الفرح يوماتى ..
بيكاتل حزن أطفال
بتتشابى عشان تعرف
شنو الفى إيدنا لى بكرة
شنو الداخرنـّوا لى الكسرة
عشان تشرق صباحاتك
عشان تقصر مسافاتك
عشان تبرق غماماتك
عشان تخضر مساحاتك
عشان بكرة
وبعد بكرة

خطوتك
الشاعر / يحي فضل الله
=============================

لا زمان حبك حقيقة
لا تعب زمنك .. فرح
يا خطوتك
يا خطوة الوجع .. الجرِح
لا الفيها منك إبتدا
لا البيها منك إنتها
يا خطوة ضاعت بين صراخك .. والصدى
بين المشاوير والنوى
بينك وبين كل المشاعر
الفينا غرقت فى الغنا
يا خطوتك داست على الحرف اليِبِس فوق الشفاه
داست على البوح والكلام
داست عليك
وعلى إنتظارك والملام
داست عليك
وعلى الدروب الجاية منك .. وماشة ليك
لا تِعِب فيها الحرف
لا فتر فيها الوِلِف
يا خطوتك
بين إبتعادك .. وإنتظارى
بين مشاوير طفلة ضاعت
بين عيونك .. وإفتكارى

غيابات الخليل
الشاعر/ يحي فضل الله
============================================

بالأمس .. كان غناؤنا عذباً
و كنت تتخذين قافيةً
لها طعم التواصلِ .. و التبادلِ بين قمحٍ و خصوبة
فلماذا تأخذين الآن شكلاً يرتدي لغة الظهيرة
يقتفي ظل الفجيعةِ
تختفي منه العذوبة؟
إنها اللغة التي عمقت فينا التداعي
و غلغلت بين العظامِ
تزامن الوجعِ المعبأ بالضياعِ ... و بالرطوبة
فأخترنا من بين الزحام
خرائط الفرح الملون
بالطبول العازفات مقاطعآ تنمو علي عين الحبيبة
بادرتني هواجسي
فأستعرت من الشوارعِ عظمةً كانت تحدقُ في الحياةِ
و تعتريها الأمنياتْ
و سمعتُ من مدنِ الخرابِ حكاية الآتين منك
يلعقون السمّ
من شفةٍ تدندنُ بالرخيصِ من التباكي التشاكي الأغنياتْ
فيا بنتُ المسافةِ والرجوعْ
و يا بنتُ الخريطةِ و الدموعْ
إذهبي مني ..تمنِّي
و أمنحي القلب التجلِّي
و غادري اللغة التي ظلت تموتْ
أغرزي فيّ الثباتْ
الله يا وجعآ تمدد في العشيةِ 00و الصباحْ
الله يا حلمآ تناثر بين افواهِ الرياحْ
و يا طفلةً ظلت تفتشُ عن ضفيرتها
تحدقُ في حطامِ الأمسياتْ
سافري
سافري
سافري
سافري .. فيّ شموسآ و وتر
عمقي جرحي اقترابآ و سفرْ
لأغنيكِ التماسك
أبتغي منكِ الوصول
أمنحي القمح الخصوبة
أمنحيني نفسي دون خوفٍ .. دون همس
وأمنحي المدن الدليل
فيا طفلةً ظلت تفتشُ عن ضفيرتها
بين دمعٍ و رحيلْ
هل يكون الموت نوعآ من تآلف
في غياباتِ الخليلْ ؟

علمى عيونى السفر
الشاعر/ مدني يوسف النخلي
===================================

علمى عيونى السفر
ما البسافر فى عيونك
سكتو بتبقى السلامة
ينسى أحزانو .
ويعرف الدنيا جنبك إبتسامة
ظللى الناس بى حنانك
أبقى ليهم ضل غمامة
الشقا اللاّزمنى .. مدة
يوم بفوت .. والفرحة تبدا
ما بقول .. فارقنى عدّى
عشان بخاف ترحل عيونك
وتنهزم فينى الأمانى
وبى شقاهو .. وبى أساهو
تانى يتوشـّح زمانى
أصلو غير عينيك .. وحاتك
مافى للأفراح .. معانى
جينا ليك شوق فى عيونـّا
وفى عيونك شوق يناغِم
الشجون باكر بترحل
والزمن يصفا .. ويسالم
والحلم يصبح حقيقة
وتنسجم فى الحب ظروفو
والحنين تزهر غصونو
والعشم .. دانيات قطوفو
شوفى كيف يوم بكرة .. عامِر
هاتى إيدك .. شان نطوفو

حاجة فيك
الشاعر / هاشم صديق
==========================

حاجة فيك
تقطع نفس خيل القصايد
تشده أجراس المعابد
توهتنى .. جننتنى
جننت حرف الكلام
وبرضو أدتنى السلام
حاجة فى شُرف المداين
وفى غرف كل السفاين
جوّة فى عمق المناجم .. والعيون
حاجة زى ماتكون محلـّق فى العواصف
فجأة .. تهبط لى السلام
حاجة زى نقر الأصابع
لمـّا ترتاح .. لى الموسيقى
حاجة زى أخبار .. تناغم من جريدة
حاجة زى وتر الموانى
لمـّا يصدح لى سفينة
حاجة فيك
حاجة فيك
لا بتبتدى .. لا بتنتهى
خلتنى أرجع لى القلم
وأتحدى بى الحرف .. الألم
وأضحك مع الزمن .. العريض
وأنسف متاريس الطريق
وأعرف متين أبقى المطر
وأفهم متين أصبح حريق
.. حاجة فيك..

ضجة الشوق
الشاعر/أبوذر الغفارى
=========================================

في عيونك .. ضجة الشوق والهواجس
ريحة الموج البنحلم ..
فوقه بى جية النوارس
يا ما شان زفة خريفك
كل عاشق أدّى .. فرضو
ومافى شمساً طاعمة .. طلـّت
إلاّ تضحكى ليها برضو
والغمام الفيكى .. راحل
فى الصنوبر بلقى أرضو
والصباح يمتد .. ياما
كل ما جاوبتى نبضو
نشتهيك
يا نحلم نحكى ليك عن المسافة .. ونشتهيك
عن سفن بالشوق بترسم
فى بحيراتك .. ضفافا .. ونشتهيك
عن ملامح غنوة هلت ..
فى عويناتك هُتافا .. ونشتهيك
عن حقيقة نهاتى بيها
فى أساطير الخرافة
يا صباحات الموانى
حتى لو دربك ترنـّح ..
فى مشاوير الأغانى
والجرح إرتد بينا
لى زمان الآهة .. تانى
يانا لا بنتحاشى صدّك
لا بتموت فينا الأغان
يا غنانا المشتهنو
يانى موعود بى زمانك
بى مواقيتو البرنـّو
بى إرتعاش صرخة وجودو
يوم يطل ميلادى .. منـّو
لما يتوسـّد صباحك
.. ياتو ليل يفصلنى عنو ؟

كان نفسي اقولك من زمان
الشاعر / صلاح حاج سعيد
=====================================

كان نفسى قولك من زمان
بالكاتمو فى سرى ومكتم
فى حشاى مدسوس سنين
كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاب
وقتين مدامعى تكون جزا
وتفتح مباهج الليل ظنون
كان نفسى قولك من زمان
سطوة محاسنك عندى ما كسرة جفون
وكت العيون تعبرنى زى خاطر المسا
سطوة محاسنك ما الرخام الفى الحرير
وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم
لى طيبتى بى لفظة حنان
وكتين مشاعرك تنسجم فى عمرى
تنفح قلبى بى رعشة امان
سطوة محاسنك عندى وكتين شوقى يصبح فى هواك
.. ليل عزة ما بتعرف هوان
كان نفسى قولك من زمان
عينيك وحاتك غربتى وأهلى
وبلادى الفيها ضائع لى زمن..
عينيك وحاتك شوقى لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الِـف
أحكيك وأزيد القول ولف
وأتمنى لو قلبك عرف كان من زمان
من قبل مافى قلبى يتحكر
زمان الفرقة فى جرح لأسى
من قبل ما حرف الحقيقة الحلوة يتبدل عسى
ويصبح امانى كتيرة فى خاطر الحنان
كان نفسى اقولك من زمان

أبداكى من وين
الشاعر / أزهري محمد علي
==================================

أبداكى من وين
وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
ولا بترجِّع ليا من تالاك صدى
أبداكى من وين ؟ ..

شلاقة كتب:

تَانى كاتب لىَّ خبارك

انتَ قَايْل انّهُ لِسَّه

قَلبىِ تايهُ في مَدَارَكْ

دِىِ الدِيَارُ خَلْيتَها ذَاتَها

لَمَّاَ ضَاقت بَىْ ديارك

والبعاد الشايفو قاسى

ما زمان كان باختيارك

انت فاكر بنسى جُرحك

جيت تنمق فى اعتذارك

لما رحت تجور عليا

ورحت ابعد عن مسارك

تانى كاتب لى خبارك

***

الجواب الجاى منك

عندى صار ماليهو قيمه

والهوى الكان بينى بينك

عدى بالشوق والهزيمة

وهسَّه لمّا طريت هوايا

وقصة الذكرى الأليمه

جاى تانى عشان تعاود

للحكايات القديمة

***

ويبقى ردى على جوابك

يا جميل الرجعه لا...لا..

كونى ارجع ليك تانى

ألف مليون استحاله

ما الفراق انت البديته

يوم حرمت الروّح وصالا

وانت عارف البادىء أظلم

وايه لُزوم يعنى الرساله

***

والكلام الفى جوابك

كان بيعدِّى على زمان

قبلما تغدر عيونك

وقبلما يخونى الزمان

انت قايل قلبى بنسى

فترة الذّل والهوان

لا..لا..لا..لا

دىِ الكرامه العِندى أغلى

من عيونك والحنان

***

انت قايل انى ممكن

ليك أرجع تانى مرة

لا..لا..لا..لا

دَا الجرح ممّا استمر

لو حصل طيفك غشانى

ومرة في ذاكرتى مره

ببدا ينزف تانى مره

وتانى مرة وتانى مّره

يا حليل أيام عيونك

كان بتلهمنى المسره

***

أصْلُو كان خادعنى لونك

والبريق الفى عيونك

والكلام القلتو ليّا

كان بيخدع فينى زيفو

والجُرح في قلبي نوسر

وديمه زايد في نزيفو

.... وكنت برضو....!!

ممكن أهديك نور عيونى

شان عيونك منّى يرضو...!!

وأصلى حاسس طول سنينى

إنو أشواقى وحنينى

نقطة الضُعف الى فينى

***

الاّ هَسّه

إنت أنسى..

وحقو تنسى

إنو كان بيناتنا قصه

واصلو ماتعشم عيونك

انى بهواك انت لسَّه

***

انت لو فاكرنى بحزن

شان فراقك او جفاك

تبقى موهوم في عواطفك

اصلو قلبى زمان نساك



وابتديت انساهُ ليلكْ

والسنين الرّاحو ديلك

وانسى جور كُل الاماسى

الفيها كم قاسيتو ويلك

وانت لو فاكرنى بحزن

شان فراقك يا حليلك

يا حليلك..يا حليلك

الموضوع منقول القصيدة منسوبة الي الشاعر مختار دفع الله

وين أنتى يامعلم ماظاهر

كن أسدا تأكل الثعالب من بقاياك ولا تكن ثعلبا يأكل من بقايا الأسد

أغنية : لو أعيش زول ليهو قيمة
كلمات الشاعر / قاسم الحاج
الحان وغناء الراحل / عبد العزيز العميري
======================================


لو اعيش زول ليهو قيمة اسعد الناس بوجودي
زي نضارة غصــــــن طيب كل يوم يخضر عودي
ابقي دار لكل لاجــــئ او حنان جوه الملاجئ
ابقي للاطفال حكـــاية حلوة من ضمن الاحاجي
بيها يتهنو وينمو واحرسـهم طول ليلي ساجي
والقي في راحة نفوسهم بسمتي وطول ابتهاجي
لو اعيش طول عمري نسمة او مع الايام سحابه
اهطل ادي الدنيا بسمةاوري وادي واسقي غابة
لو اعلم طفل واعد لســــــه ماعرف الكتابة
ابقى شجرة ظلالها ورافة تحتي نايمين ناس تعابة
اشقي والقي وابقي بهجة في النفوس لكل مناضل
ابقي للمعتل علاجو وابقي للفلاح ســـــــنابل
ابقي للثوار ســــلاحأً اعتي من قذف القنابل
وابقي للكداح الملـــوح كل حق موفور وعادل
وابقى زولاً ليهو ابقى زولاً ليهـــــــو قيمة

الملاك
كلمات د/ علي الكوباني
=====================================

انا شفت الملاك ..
بأيدي سالمتوا..
بهرني بنورو ..
خلاني مأسورو ..
إن ضعت في بحورو ..
أنا عقلي فارقتوا ..

لو طلاك صباحوا ..
او ضماك جناحوا ..
حقيقة القلب بشفى ..
وتاني تطيب جراحوا ..
كمان لو شفته لونوا ..
سحرو الفي عيونوا ..
تدور ترحل في كونوا ..
من حسنو ولطافتوا ..

الراقي في وسامتوا ..
مرسومه ابتسامتو ا..
تفوق البدر صورتوا ..
أية الحسن هامتوا ..
دلال من غير تعالي ..
رقه وزوق مثالي ..
زي الدر بلالي ..
في أصلو وداعتوا..

من يوم ما ليقيتوا ..
كل الفات نسيتوا ..
في قلبي اصطفيتوا ..
دون الناس هويتوا ..
صار لحياتي معنى ..
في أحلامي جنه ..
بس الحظ تجنى ..
شال قلبي وسعادتوا ..

أغالب دمعى واتصبر

اغالب دمعى واتصبر
واقول يالله صبرنى
على فراقك يا اغلى الناس
سواد حظى الملازمنى
مساهر وطرفى جافا النوم
اقول لو مرة طيفو يزور
اشوفو وطلعتو تفرح
تضوى سماى احلا بدور
اعيش لو لحظة بقربو
مناى اللحظة تبقى دهور
عظيم فيهو الدلال خايل
حبييبى الكلو نور فى نور
انا الحافظ ودادو سنين
انا الماخنت عهد الريد
انا الصابر عليك ياهم
وانا الوافى وهواى فريد
زمااااااان قالو الغرام قسمة
حقيقة القسمة بالايد
مصيرو الحى يعود تانى
ويهل فى سمانا اجمل عيد

انت المهم
كلمات الشاعر/ عبد العال السيد
=====================================

انت المهم الناس جميع ما تهمني
انت العزيز افرد شراعك ضمني
خايف تفوت والسكه بيك ما تلمني
انت الوداد
نبض الفؤاد
بستان نضير
وصفا وعبير
وجمال رهيب
ودلال عجيب
ريّح شقايا وجمّني
جيتك شعاع
نجمه وشراع
نسيني يا عمري الضياع
لو كنتا جد بتعزني
قول ليا قول
يا احلى زول
خلي الحزن يرحل يزول
وريني وين درب الوصول
لو كنت جد بتعزّني
انا ليك وبيك
مداح عيونك ومشتهيك
مهما تجور بنزف واجيك
لا بقسى لا بزعل عليك
لانك انت تهمني
وخائف تفوت والسكة بيك ما تلمني

ما تبكي يا عيوني
كلمات الشاعر / عوض حبريل
==============================

كفاك ماتبكي يا عيوني
اتاريهم نسو الريده و نسوها حتي نسوني
كفاك ما تبكي يا عيوني
خلاص ما تبكي يا عيوني
اتاريهم نسو الريده و نسوها حتي نسوني
كفاك ما تبكي يا عيوني
خلاص ما تبكي يا عيوني
كفاك يا عيوني ما تبكي
كفاك يا عيوني ما تبكي
و جفاكي ما تسوقي خلاص ما تبكي يا عيوني
و ما تالمي و تشكي
ما تالمي و تشكي
الساب الحنان فكيه
و حقيقه الريده بتبكي
خلاص ماتبكي ياعيوني كفاك ماتبكي يا عيوني
اتاريهم نسو الريده و نسوها حتي نسوني
كفاك ياعيوني ما تعبتي
كفاك ياعيوني ما تعبتي
حتي اليل ده غلبتيه
خلاص ما تبكي يا عيوني
منو نهلتي و شربتي
سابك و ما حصل سبتي
خلاص ما تبكي يا عيوني كفاك ما تبكي يا عيوني
اتاريهم نسو الريده و نسوها حتي نسوني

عيونك فيها شئ يحير

عيونك فيها شئ يحير يغير من اتجاه الزول
يسهر في عيوناالنوم يودر قلبي في المجهول

رائيتك مره و اترائيت
علي جناح الخيال فريت رحلت بعيد و اضاريت
ﻻ بينت ﻻ وريت
هي رحلت بعيد و اضاريت ﻻ بينت ﻻ وريت
و عن انظاري اتواريت و خليت ليا في عنيا صوره زول
عيونك فيها شئ يحير يغير من اتجاه الزول

وصورتك جات قريب مني
حلاه مرسوم يكلمني
يمد الين يسالمني حديث الريد يعلمني
هي يعلمني يعلمني حديث الريد يعلمني
يناجني يفرحني يعلمني يساهر بيا ليلي يطول
عيونك فيها شئ يحير يغير من اتجاه الزول

أُمي الله يسلمك
كلمات الشاعر / التجاني حاج موسى
=================================

أمى .. الله يسلمك

ويديكى لى طول العمر..

وفى الدنيا يوم ما يألمك ..

امى .. الله يسلمك ..

* * *

أمى يا دار السلام

يا حصنى لو جار الزمان ،

ختيتى فى قلبى اليقين

يا مطمنانى .. بطمنك

أمى .. الله يسلمك

***

خيرك على بالحيل كتير ،

يا مرضعانى الطيبة بالصبر الجميل ،

سا سعد أيامى وهناى

لو درتى قلبى ، أسلمك.

أمى .. الله يسلمك

***

أنا مهما أفصح عن مشاعرى

برضو بيخونى الكلام

وقولة ( بحبك )

ما بتكفى وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

أمى .. الله يسلمك ..

جنا الباباي
=====================================


جنا الباباي يا جنا الباباي
مرة قبل جاي بالي في ريدك يبقى وينو رجاي

مالي بهواك وكتر همي
انت عارف الشوق بجري في دمي
حقوا تفهمني يا نغم دمي
قصدي صورة معاك وتبقى مهتمي

جنا الباباي يا جنا الباباي

ليه امجد فيك وانتا ناسيني
مالي زي ايوب ضري ماسيني
لو عرفتا الحال ما بتكويني
اللي في ايدك مافي ايديني

جنا الباباي ياجنا الباباي

قلبي يحنو اليك وانتا مابتحن
وين ابل شكواي صبري منك يئن
راعي حرماني واخشى عامل السن
اني ماشي كبير ليه تسيبني اجن

جنا الباباي ياجنا الباباي

مــــلوك الــــــــــــعز
===============================

ليك حق باللون الفيك تعتز

وتهز الناس بعيونك هز...

لو شايف روحك هي العاجباك ..
وحياتك أنحنا ملوك العز

الحسن الآثر بكرة بروح
صدقني جمال الناس في الروح

الروح هي الوردة الما بتجف
في أي عمر تلقها تفوح

اتنازل عن طبعك مرة
وما تنسى الناس كدا بالمرة

تسرح في عيونك تتغزل ...

يوم تصحا يكون عمرك مرة

اتلما تعال على أحبابك ...
خلي النوار يعرش بابك

أبسم لي الدنيا بتبسم ليك
قبال ما يضيع لون عنابك

يقولوا iiمشغوله



كلما سألت عليك يقولوا مشغوله


ايه شاغلك عنى ورينى يا زوله


مالسكه لي دربك طوالى مقفوله


وان تهت في حبك تبقى انت مسئوله


رسلت ليك انسان جاب ليك


جواب منى


وضحت فيهو كتير


وشرحت كيف انى


محتاج ومشتاق ليك


يا ملهمه فنى


رد الخطاب ما جاء


خيبت لي ظنى


ما انت من اهلى


ومن جيرتى وناسي


شمتى فينى الناس


جرحتى احساسي


كان العشم القاك بس


قلبك القاسى


حرج على قلبى واجح


نفور ناسي

حبان قساى نسو وعلى قليبى قسو
والريح مشت من غير تشتهى نفسى
واصبحت زى شدرا الخريف منسى
عدمان صفق لا موجود لا فيهو ضل لا عود
الناس تصابح العيد وانا بالحزن موعود
سديت دروب الريح راجى الليالي تعود
رسلت ليكم ناس حملتهم اشواق
وتحية من قلباً لى قلبكم مشتاق
وهديه من إنسان حساس مشاعرو دقاق
ده من هواكم يوم ما شغلتو الارزاق .

(*) كلما سألت عليك بقولو مشغولة
آيه شاغلك عنى ورينى يا زولة
ما السكة لى دربك طوالى مقفولة
وان تهت فى حبك تبقى انت مسئولة
رسلت ليك انسان جاب ليك خطاب منى
وضحت فيهو كتير وشرحت كيف إنى
محتاج ومشتاق ليك يا ملهمة فنى
رد الخطاب ما جاء خيبت لى ظنى
ما انت من اهلى ومن جيرتى وناسى
شمتى فينى الناس جرحتى احساسى
كان العشم القاك بس قلبك القاسى
جرّح على قلبى واجج نفور ناسى

ما بقدر اعيد
كلمات الشاعرة/ حكمة محمد يس
=========================

صدقني ما بقدر اعيد ..
قصة غرام والشوق مضت ..
رحلة عذاب دابة انتهت
كيف تاني ترجع من جديد..

من عمري اديتك كتير ..
اخلصت ليك وانت بتغير ..
و الغيرة كم فرقت قلوب
طريقها كان مخضر نضير..

من بدري خليتك انا..
و نسيت عشرة كم سنة..
ما انت ضيعت الهنا..
كل السعادة العندنا..
كتبت لي ريدنا الفنا
و بقت النهاية المحزنة..

الليلة بتقول نبتدي..
لازم انا انسى الحصل و ليك اجي..
وافرح عمرنا وينتشي..
انت فاكر حبي ليك لسة ندي..
انا حبي ليك بدري انتهى
وزي الما كان بيناتنا شئ ..

زهرة السوسن
عبدالعال السيد __ كمال ترباس

عطرك الفواح للنفوس مسكن
قلت ليك طلي وحي لو امكن
قلتي لى لالا فى الربيع احسن
والربيع أهو فات
وانت ما جيتى
وحزنت الساحات
وجرحى صحيتى
فيها ايه لو يوم جيتى طليتى
يا النسيتينا وقلتى ما نسيتي
زهرة الحانى
الربيع لو زار خلي يغشاني
موسم الأزهار خايفو ينساني

الشبه باين
كلمات حسن الزبير

أعاين ما الشبه باين
وعايدة القمرة لي أصلها
كبرنا وكبرت احزانا
وإنتوا كبرتوا وزدتو حلا
وزي ما القمرة تبدأ هلال
جمالك إنتي يومي يهل
ومحيك بدرو يتجلى
ويزيد قجة ويوج ويول
وعينيك سارحة ما هماها
يكتر سهري ولا يقل
صباحك إنتي حقو الناس
يجوهوا يشيلوا منو الفال
صباح البشرى للمحزون
صباح العيد على الأطفال
وطبعك فيه رقة ونفرة
زي طبع الجدي الجفال
وأسألي عن سؤالي عليك
الطير في سماه سألتو
لو لاقيتي يشرح ليك
ما فضلت غير أسرح
واناديك وأشابه قيس
وكل عيون أعاين فيها
بينا وبين عيونك أقيس
وكل نغم سمعت نداه
وكل خطاوي جاية تميس
أقول إنتي وخلاص بنتي
وأبشر زي كأني عريس

ست اللهيج السكري

كلمات حسن الزبير

ست اللهيج السكري
إنتي الجمال بتسكري
وجوه القلوب بتعسكري
صاحب الصبابة توكري
وليك بي رحالو تكركري
طاش نومي ياناس بنكري
ونام الحسود بالدكري
ببراءة تصطادي البريء
وترديه وإن سألوك بري
هيابة تهري الجوف هري
وفي قلوبنا إسمك تمهري
أمشي الهوينا اتمهلي
وهزي القوام السمهري
خلي العزول اتجاهلي
وهاك قلبي ليك تستاهلي
يا الرايقة حامد وتشكري
وفي الجبرة ما بتتشكري
كدا مرة أرسي وفكري
وإخلاصنا ليك ما تنكري
يالفقتي كل تصوري
وكيف حالي ما بتتصوري
المتلي لو كان بنطري
ما بس سطر بتسطري

أبوى

أبوى انشاء الله لي تسلم
ابوي يالطيب الانسان ويا دراق
سيوف الهم
حنين كلك سماحه وفال
وفيكا مهابة الابطال
والقلب الكبير يا يابه
فيهو براءة الاطفال
ملان حنيه يا يابه
واراده تفتت الصخره
وعامر ديمه بالإيمان
وزى الوادي فى الصحراء
تدل التائهه الطشه
وتبقى قداحه للضيفان
تعشى اللسه ما اتعشى
ابوى قادوس سواقى النيل
ونخلاتن تهش للدنيا شاربات
همبريب الليل
سديد رايك أبويا يا أب راي

ويالقلبك تملى معاي
ومهما اقول عليك من قول
ابوى ما بيوفي ليك غناي

الــــــقمــــــري


القمري في صباحك اهز الروح نواحك
اسل الروح نواحك
لوتقدر تجامل لو عايز تجامل
رسل لي جناحك

رسل لي جناحك لي يوم ما بزيدو
اسافر بيه وامشي لي زولي البريدو
ابل في الشوق في قربو وجيش الهم ابيدو

لو جاك يوم عزولنا وشوش ليك خايف
عايزك تابا لي وتحرمني الجناح
عارفو حسود و جاهل وما بدور لي نجاح

لو قال ليك بسرقو وبمشي بعيد و ينجع
يسكن جم حبيبو وما منظور دة يرجع
بحلف ليك بربي و قوتك عيشة عيشة
ارجع ليك جناحك كامل ريشة ريشة
و ما بسرق جناحك وما بكتم صراحك
لي لحظات فريدة وعايز يوم اعيشا

الماضى



الحان الشاعر .. اداء الفنان كمال ترباس

وجايى تفتش الماضى ؟

خلاص الماضى ولىَّ زمان ،

وجفت مقلتى الباكية ..

ونامت من سنين أحزان ،

وجاى تفتش الماضى ؟



**

أرجع بالزمن مرة وأتذكر حكايتى معاك ..

تلاقى القصة – جد – مره

هل راعيت شعور مضناك؟!

كلما تزيدنى فى هجرك

أقول ليك زيدنى ما أحلاك

لا شفع التوسل فيك .. ولا حرمانى يوم هماك

وجاى تفتش الماضى ؟

وجيت تترجى بالدمعات...

أسامحك أنسى أغفر ليك ؟

جفف دمعك الغالى ..

مسامحك وما عشان عينيك..

عشان تتعلم الغفران..

وتصفح لو زمن جار بيك

وحاول لو قدرت كمان

تقدر رقة الحابيك

وجاى تفتش الماضى ؟

وعزة نفسى مابيه على

أسلم قلبى ليك تانى..

سنين الهجر بيناتنا

وحاجات تانية حاميانى

ولو رجع الحنين وعاود

وليك من تانى ودانى

ولو مكتوب ليَّا تانى أحب

بحب إنسان يكون تانى

اظلم من ظلم

ألحان الشاعر... أداء الفنان : كمال ترباس



كم شفت من مجهول مصير

وشفت ياما شفت كم

انا شفت ناس ظالمين كثير

بس أنت أظلم من ظلم

انا تانى ما بندم عليك

اصلو الندم بيفيد شنو ؟!

ولمتين انا اترجى فيك

الزيى كان رادك منو ؟!

لكن طباعك يا ضنين

لكن طباعك ما بتلين

جفوة ونفور وعذاب وسنين

وعمرو قلبك ما رحم

انا شفت ناس ظالمين كثير

بس انت اظلم من ظلم

**

يا دنيا ياما فيك ناس

بتقابل الريد بالجفا

يا دنيا ياما فيكى ناس

اتعلمت قل الوفا

ويا دنيا ياما فيكى ياما

وياما فيكى وبس كفى

آه من جفاك .. خليت شنو

انا شان رضاك

يا العمرو قلبك ما رحم

انا شفت ناس ظالمين كثير

بس انت اظلم من ظلم

اديني من ريدك مدد
===========================

اديني من ريدك مدد ماالشوق بحر ماليهو حد
انا في هواك درويش غرام ماسك حروف اسمك عدد
مدد مدد مدد اديني من ريدك مدد
مالو طيففك يزور او مرة شخصك جاني جد
كان استرحتا من العذاب كان هلى لي نجم السعد
يا ارقى من همس النسيم يااحلى من طعم الشهد
خايف عليك من العيون خايف عليك من الحسد
مدد مدد مدد اديني من ريدك مدد
مرات اقول انسى العزاب اقفل كتابك للابد
القاك انسان للعيون ملكتا الروح والجسد
مدد مدد مدد اديني من ريدك مدد
انا في هواك درويش غرام ماسك حروف اسمك عدد

بقيت تنسى
كلمات حسن الزبير
ألحان كمال ترباس

من هسه وبقيت تنسى
دلايل الريد وكت تظهر
وحاتك ما بتدسى
شفنا عيونا بي عينيك
وما عدينا لي مرسى
شقى وغرق مشاعرنا
بحر أمواجوا ما بترسى
زمان كنت الحنان سيدو
وزمان ما كان بتتوصى
شقي البمسك درب ريدك
وراك قليبو بنقصى
تعال ناجينا حجينا
وأحكي عن الغرام قصة
قلوبنا صداها غطاها
زمن محتاجة لي لمسة

بتخيلك

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى

بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربو ساحل لا جزر لا طوق نجا

بتخيلك لمة صغار ونسة و حجى
و قمراً طلع ضو الدساتر و مهرجا
بتخيلك في كل شي لمن ابالغ وانتشي
لما تظلمني الخطى وابا المشي

و بتخيلك

ياريت
كلمات الشاعر / السر احمد قدور
==================================


سألوني عن حبي وانكرتا ما قريت
شافوهو متخبي في عيون تقول ياريت

لوكان حبيبي أباح واعلن عن هواه صرح
كان الفؤاد ارتاح وانا كنت ليهو مشيت

حاولتا اكتب ليك واصور الاحســـاس
وأقول كلام في الريد زي النجوم والماس
تعبتاالقى حرووف ما سمعو بيها الناس
سبتا الكلام وبديت تاني اقول
ياريت ياريت ياريت ياريت ياريت
ياريتني اقدر ابوح واقليهو ياعمري
انتا الحبيب الروح
لكني خايف اقول يبعد مني يروح
عشان كدا استكفيت وكفاية اني هويت
لما الحنين فاض بي من الحنين غنيت
ياريت ياريت

ما تهتمي للأيام ظروف بتعدي..
طبيعة الدنيا زي الموج تجيب وتودي..
ما تهتموا للايام..

وما تهتمي أصلو الناس حياتا ظروف ..
بتتعود تغير كل خط مألوف..
مصير الزول حياتو ياما فيها يشوف..
وفي دنيانا بنلاقي الفرح والخوف..
وما تهتموا للايام..

مصير الزول عشان يفتح طريق يادوب ..
بكون زادو البشيلو معاهو شوق مشبوب..
عشان يلقا إنتصارو يا زمن محبوب..
يضوق المرة ويتوشح بي صبر أيوب ..
ومهما تظلم الأيام ضياها الفال ..
وما تهتمي للأيام ظروف بتعدي

سيبني في عز الجمر
كلمات الراحل / عوض جبريل
==================================

سيبني في عز الجمر
انت من حولي تمر
انت عارف انو عارف
انو صبري فات حد الصبر

كلو ماتلاقيني او على لا تهملني
ماتكون بي قاسي وبالحنان اغمرني
ماتقول حبيتك عشان كدا تجاملني
لو كنت ما مصدقنى مرة اتأملنى

ياغرام في بحورك كم تعب مجدافى
برضي في مشواري ماشي في اهدافى
داير اعيش في ريدو وفي حنانو الدافئ
اليالي بتضحك والحزائن مافي

****سيبني في عز الجمر****
ياظلام الليل العلي ما تزيلوا
طال بعاد افراحي والالم طال ليلو
ياحليلو حنانا وريدنا بالوليلو
الخواطر تبكي و العيون تحكيلو

****سيبني في عز الجمر ****

ماليا غيرك حياة
يا اسمر يا رمز الضياء
انت حياتى
يا فاهم يا دارس معنى الحياة
من ادبك ليك حارس من غير رياء
يا باسم ياناعس
يا ملاك يا لابس توب الحياء
انت حياتى
في حسنك الملون
وكم من سحر مكون
واحي النعاس الفي جفونك
واحي الظهر في عيونك
اعجبتا بيهو
ونظمتا فيهو
انتاحياتي
معلونك الاسمر
ورد الخدود محمر
لا بودرة لا احمر
الوان محاسنك زى ماءالحياة
ماشوهوك بفصادة
على الخدود السادة
طبيعى خلقة ربك
ما دايرزياد

ياريت ياريت ياريت ياريت
سألوني عن حبي انكرتا ما أقريت
شافوهو متخبي في عيون تقول ياريت
ياريت ياريت ياريت ياريت ياريت
لوكان حبيبي أباح واعلن عن هواه صرح
كان الفؤاد ارتاح وانا كنت ليهو مشيت
ياريت ياريت ياريت ياريت ياريت
حاولتا اكتب ليك واصور الاحســـاس
وأقول كلام في الريد زي النجوم والماس
تعبتا تعبتا القى حرووف ما سمعو بيها الناس
سبتا الكلام وبديت تاني اقول
ياريت ياريت ياريت ياريت ياريت
ياريتني اقدر ابوح واقليهو ياعمري انتا الحبيب الروح
لكني خايف اقول يبعد مني يروح
عشان كدا استكفيت وكفاية اني هويت
لما الحنين فاض بي تاني اقول
ياريت ياريت ياريت ياريت ياريت ياريت
ياريت ياريت ياريت ياريت
ياريت ياريت

ستار يا ليل
-------------------------------------------

ستار يا ليل
لمن تجن
واحمل همومى اتوسدا
واعيش براى
والوك ضناى
شوقى الشديد
الشايلو فى ضو النهار
ابثوا ليك اهات طوال
تشد رحال
ترحل بعيد
فوق للنجوم
ترحل بعيد فوق للنجوم
الممعنه ترجع صداه يهتف يقول
ستـــــــــــــــار يا ليل
ستــــــــار ياليل
لمن تضم كل القلوب العاشقه
تحمل ضناها ولوعته
تمسح دموع وتضم ضلوع
على القلوب الواجفه
والكان قبيل فى الجوف خفا
بنقال اليك ونقول عليك ستار يا ليل
ستـــــــــــــــــار يا ليل
لماالصباح يشرق صباح
وطيوره فى الاغصان ترف
لما الصباح يشرق الصباح
لماالدموع فى العين تجف
اهضم مناى والوك ضناى
واظهر سعيد ..اطهر سعيــــــد
واروح اعيد
كل الشريط من اولو
فى سرى فى قلبى الكبير
واهتف براى .براى .. براى
عز الصباح

تعال يا ليل
-------------------------------------------

تعال يا ليل خليك معايا
داير اشكي ليك سهدي و اسايا
داير اشكي ليك هجر الحبيب
السابني و راح يا ليل برايا
سابني و راح خلى الجراح
الجوا في داخل الحنايا

منايا كان يا ليل حبيبي
يكون يكون معايا
يسهر معاي يا ليل معاي
حتى الصباح يسمع غنايا
اشكيلو كل املي الكبير
و اشواقي و كل همي و عنايا
لكن يا ليل راح الحبيب
خلاني اتوجع برايا

رغم الألم رغم الجراح
الفي حشاي في حشايا
دايرك يا ليل تسمه غناي
و تغني لي اجمل روايه
قول للحبيب الغالي دايما
زكرتو في دربي و خطايا
قولو يعود يشفي الجراح
الجوا في داخل الخلايا

لو تعرف الشوق

لو تعرف الشوق
انت يا المريود
كنت مابتروح وتنسانى
شلت ليك الشوق الشوق
لو بى اييدك كانت الاحلام
مابنسيبها حرام
نهجر الريدة ياحبيبى
تعال ليه بتنسانى
دى اصلها الريده
فى القلوب بتروق
تفعل الجميل
قالو اهل الريد
اصلها الريدة فى القلوب بدوب

حبيب العمر يا غايب
-----------------------------------------------------

حبيب العمر .. يا غايب
بتدرى هواى ..
بحبك وإنت فى قلبى ..
نعيم دنياى ...
وعزّة نفسى .. تمنعنى ..
أبوح لى سواى ..
بآلامى .. وأحلامى و كل شقاى ..
ما إنت فى بالى يا حبيبى ..
ليه غيابك طال ..
حبيب العمر ما صدقت عنى تغيب ..
يصبح حالى فى لوعه كشمعة تذوب ..
وحالى البى لو جربتو يالمحبوب ..
كنت بكيتو من قلبك .. ودمعك سال ..
ما إنت فى بالى يا حبيبى ليه غيابك طال ..
وحات عينيك لهيب الشوق .. مصيرو رماد ..
تعال ارحمنى من هجرك .. كفاية بعاد ..
تعال الليلة ما بكرة .. بدون ميعاد ..
نحن فراقنا ما ممكن يا روحى محال ..
ما إنت فى بالى ياحبيبى ..
ليه غيابك .. طال

البهجة في عينيك
-------------------------------------

البهجه في عينيك
فسر عليك الله
البهجه من البيك
من البقولو عليك
شايفنو في عينيك
آآآآآآآآه
فسر وريحنا
قول البريحنا
البهجه من البيك
منالبقولو عليك
ولا العليك تقيل
آآآآآآآآه
أسمر جميل وكحيل
وإنت القمر بليل
إنت القمر دورين
وقت البريدك إنت
محميه بين قوسين
شايفين عيونك ساحره
نحن العيونا مساهره
دايما تفكر فيك
في جمال عينيك
ماليانا حب وحنين
آآآآآآآآه
نحن الشرف عارفنو
نحن الجميل رايدنو
دايرين حنانو وحبو
دايرين نكون بي قربو
أيام شهور وسننين

بتقول مشتاق
كلمات الشاعر / محمد سوركتي
------------------------------

بتقول مشتاق وتسير الشوق لو زي شوقك
اسبوع بي حالو ولا تسال يا سيدنا
ولا تفكر توصل وتقول مشتاق

وفي غيابك يا ما سالتا عليك السكة
حقت كل المارين
لو شافوا عيونك في ناصية
وعرفوا متين بيجوا الحلوين
ما الشوق غلبنا وفاتنا وراك
احترنا معاك واحشنا وديمة
عليك سألين سألين

بالصدفة نقابلك زي نسمة
في عز الصيف فاردة جبينا
وتبدر بي عتابك تسال
وتقول قاسين نحنا بقينا
ما انت كمان برضك قاسي
اسبوع لا نشوفك ولا تجينا
وعشان عارفنا بنغفر ليك
ونشتاق ليك تتهادى وتدلل فينا

مين فى الاحبة
اخلص وحبا
غيرك يا قلبي
فاكر المحبة
******
ومين ينسى روحو
على شان صحابو
غيرك يا قلبي
ويرضى بي نصيبو
شـــــــــايف حبيبو
ممكن يســـــــــيبو
مشتاق وخايف
الانظار تصيبو
*********
ياريتو يعرف
تقديرو عندك
لو كان بحبك
وداير يعاندك
ماكان جفاك
وكتر فى صدك
واتناسى ريدك
وخلاك لوحدك
*******
يصعب يا قلبي
تنسى الليالي
الفرقة حارة
والعهد غالي
ايه قصدك انتا
عايز انشغالي
وتسيبني وحدي
وتتبع خيالي

قلبي دقا لما شفتك
--------------------------------------

قلبي دقا لما شفتك من بعيد تنظر اليا
لما بان حُسنك عرفتك زاد في دقاتو شوية
بنظرة حييتك وانت بي بسمة رديت التحية
وقلبي دقا

العوازل قالوا عنك لاهي ما عندك عهود
كل من اصبح اسيرك قالوا جازيتو بصدود
قالوا تلعب بي عواطفو وبرضو دون اسباب تخالفو
قلبي راجيك لو تعاطفو ياما نكويهو الحسود
وقلبي دقا

مسيحية

كلمات الشاعر محمد علي طه
غناء حسن خليفة العطبراوي
---- ** ----**--------

يا سلوة المحزون ... يا قيثارة القلب الجريح
يا درة فاقت على الاتراب... بالقد المليح
يا زهرة أنفاسها كالعطر... عَبَّقَ بالضريح
أهوى جمالكِ والشعور يزينه القول الصريح
قد هزني منك الجمال فجئت بالشعر الفصيح
فترفقي يا هذه .. فالناس من جســـــدٍ وروح
وبحق بطرس يا فتاتي من شفى الرجل الكسيح
وبمريم العذراء .. والأحبار والراعي الصليح
وبماري جرجس والصليب وبالكنيسة والمسيح
بالقس بالمطران بالجرس المرن على السطوح
بمعاهد الرهبان بالدير المقدس .. بالمســــــوح
برسائل الميلاد .. بالشجر المنور .. بالصبوح
بقداسة البابا المعمد .. بالمســــــــوح وبالذبيح
أن ترحمي متعذباً يهواكي في حُبٍ .. صحيح
متى يتم لقاءنا ... في شاطئ النيل الفســـــيح
والموج والصفصاف والقمر المطل على السفوح
أنين ساقية تدور .. وصوت مزمار يصيح
بدت نجوم الفجر بالأضواءفي الافق تلوح
وتجئ شقشقة الطيور كرنة الوتر الذبيح
هناك ينبعث السرور على النفوس فتستريح

أنا سوداني أنا
كلمات الشاعر : محمد عثمان عبدالرحيم
غناء : حسن خليفة العطبراوي
--------------------------------------------------------

كل اجزائه لنا وطنٌ اذ نباهي به و نفتتن
نتغنى بحسنه ابداً دونه لا يروقنا حسنُ
حيث كنا حدت بنا ذكرٌ ملؤها الشوق كلنا فدها
نتملى جماله لنرى هل لترفيه عيشه ثمنُ
خير هذي الدماء نبذلها كالفدائي حين يمتحنُ
بسخاء بجرأة بقوى لا يني جهدها ولا تهنُ
تستهين الخطوب عن جلد تلك تنهال وهي تتزنُ

أيها الناس نحن من نفر عمروا الارض حيث ما قطنوا
يذكر المجد كلما ذكروا وهو يعتز حين يقترنُ
حكموا العدل في الورى زمنا اترى هل يعود ذا الزمنُ
ردد الدهر حسن سيرتهم ما بها حطة ولا درنُ
نزحوا لا ليظلموا احدا لا ولا لااضطهاد من امنوا
وكثيرون في صدورهم تتنزى الاحقاد والاحنُ
دوحة العرب اصلها كرم والى العرب تنسب الفطنُ
ايقظ الدهر بينهم فتناً ولكم افنت الورى الفتنُ

يا بلاداً حوت ماثرنا كالفراديس فيضها مننُ
فجر النيل في اباطحها يكفل العيش وهي تحتضنُ
رقصت تلكمُ الرياض له وتثنت غصونها اللدنُ
وتغنى هزارها فرِحاً كعشوقٍ حدا به الشجنُ
حفل الشيب والشباب معا وبتقديسه القمين عنوا
نحن بالروح للسودان فدا فلتدم انت ايها الوطنُ

لن احيد
رائعة الشاعر الكبير / محي الدين فارس
الحان وغناء العطبراوي
---------------------------------------------------------

أنا لستُ رعديداً يكبل خطوه ثقل الحديد
وهناك أسراب الضحايا الكادحون
العائدون مع الظلام من المصانع والحقول
ملأوا الطريق
عيونهم مجروحة الأغوار ذابلة البريق يتهامسون
وسياط جلاد تسوق خطاهم ما تصنعون
يجلجل الصوت الرهيب كأنه القدر اللعين
تظل تفغر في الدجى المشئوم أفواه السجون
فيغمغمون نحن الشعوب الكادحون
وهناك قافلة تولول في متاهات الزمان
وبلا دليل
عمياء فاقدة المصير
تمشى الملايين الحفاة العراة الجائعون مشردون
في السفح في دنيا المزا بل والخرائب ينبشون
والمترفون الهائمون يقهقهون ويضحكون
يمزقون الليل في الحانات في دنيا الفتون
والجاز ملتهب يضج حياله نهد وجيد
موائد خضراء تطفح بالنبيذ والورود
لهف من الشهوات يجتاز المعابر والسدود
هل يسمعون ؟
صخب الرعود صخب الملايين الجياع
يشق أسماع الوجود
لا يسمعون إلا شهوات حياتهم
وكأنهم صم الصخور
وغداً نعود حتماً نعود
للقرية الغناء للكوخ الموشح بالورود
نسير فوق جماجم الأسياد مرفوعي البنود
تزغرد الجارات والأطفال ترقص والصغار
والنخل والصفصاف والسيال زاهر الثمار
وسنابل القمح المنور بالحقول وبالديار
لا لن نحيد عن الكفاح
ستعود ياسوداننا وتعود أنغام الصباح

في الأسي ضاعت سنيني
-----------------------------------------------------------------

في الأسي ضاعت سنيني فأذا مت إذكريني،،
هذه زادي من الحسن و قيثاري و قربي
إن يكن حبك ذنبي ذنباً فأنا أهوي الذنوب
ها هنا أغاريدي و أعشاش الطيوب
لا أري فيها سوي إلفين كالحن الطروب

إيها البلبل قل لي إنشودة العشاق عزمي
وتعلم كيف تحيا في الهوي الحزنِ
عشها في القلب مهجور و لكني أغني
و أنا الشاعر يا بلبل دنياي التمني



يا حياة القلب غد طال إلي حِبي حنيني
فأنا وحدي فأن شئت إلي حِبي خذيني
هذه دنياي مالي في الأسي ضاعت سنيني
سئمت روحي حياتي فأذا مت إذكريني

القلوب مرتاحة

كلمات : الطاهر محمد عثمان
---------------------------------

ديمة في العشاق القلوب مرتاحة
وإنت يا قلبي الما لقيتلك راحة
ديمة في العشاق القلوب فرحانة
في مجال الكون تسمو أعلى مكانة
تنجلي وتتهنى... يبقى في إمكانه
بالسرور وتطوف الدنيا بي أركانه

ديمه في العشاق القلوب تتهنى
في مجال الحب تلقى ما تتمنى
إنت يا قلبي عليك حبيبك ضن
يا قليب إتصبر .. الله يدي الجنة

يوم قطارو القام ... الفراق هزاني
يا دموع الدم ... الجارية في وجداني
ما قدرت أوادعوا ... من سهادي الجاني
والألم بيقطع جوه في وجداني

ما عرفت الحب ... كنت بسأل عنو
ماني قايل الناس في سبيلو يجنو
ولم شفت عمايلو
قلت أهرب منو .. واللي ما عارفين عليهو يبكو يغنو