فضفض باغنية كاملة ...او مقطع ....أوبيت شعر من اجمل ما سمعت

تذكير بمساهمة فاتح الموضوع :

فضفض باغنية كاملة ...او مقطع ....أوبيت شعر من اجمل ما سمعت
الماضي
للرائع التجاني حاج موسى

وجايى تفتش الماضى ؟

خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى .........

فايت مروح وين وين ما لسه الزمن بدرى
خليك شوية معاى عشان جنبك يطول عمرى
دار الفرح والريد تلقانى من اهلا
لى الما بيعرف طيبة شباب كسلا
بين الضفائر بان وجه القمر طلا
وكيف قلبى يتصبر صبرنى يا الله
فايت مروح وين
يا اجمل الحلوين يا احلى ياسمينا
ما لينا غيرك اهل انت الاهل لينا
لمتين مراكبنا ترسى وترسينا
على وادى اسمو القاش والغيم حوالينا
على نسمتك يا قاش بالريد تعدينا
فايت مروح وين
باقى الجميل تموا اصلو العمر مرّ
وانا كم صبرتا معاك فى الحلوة والمرة
اطرح جبينك لى خليهو ينفرّ
وانت البيدور ضرك انشاء الله ينضرّ
فايت مروح وين
يلاك بعيد نرحل على دنيا حنية
نعيش لوحدينا والسيرة منسية
واوسدك قلبى وارعاك بعينيا
واسقيك مياه توتيل عشان تعود ليا
فايت مروح وين سايبنى رايح وين
لسه الوكت بدرى
خليك شوية عشان جنبك يطول عمرى
عارف الولف كتال وانا قلتا عزرى
وارحم بخاطرى انا ارحم تعب قلبى

لو تعرف الشوق ...انت يالمريود

كنت ما بتروح...وتنساني

شفت ليك الشوق ...ليل وتنهيدة

كانت الاحلام ....حالمة غريدة

كيف نسيبها حرام ..نهجر الريدة

يا حبيبي تعال ...ليه بتنساني

أبداكى من وين .. وظنى إنك
فكرة إعلان الحياة الحياةأبداكى من وين
أبداكى من وين .. وفينى منك لسة حاجات
من مخاوف ومن شجن
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
..........
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين ؟

من أوصاف عديدة ظهرت بى قوافي وفنون جديدة

تطربني القماري في غصنك نشيده
يا الحزت المحاسن يا المنية الوحيدة
أنا يا نور عيوني محبتي ليك أكيده
يا الصاين جمالك حسادك تكيده
0
قربك لي سعادة و شوفتك لي مفيدة
بشكي ليك حظوظي وظروفي العنيدة
يا الناعسات عيونك لي عينا سهيده
بى حالي وسهادي نجوم الليل شهيدة
0
يا حبيب انت جافي نيراني بتزيده
شايل قلبي عندك والروح انت سيده
يا عقد الجواهر يا معنى القصيده
تضرب بى سهامك أرواحنا وتصيده
0
حبك يا حبيبي أصبح لي فريضة
في وصفك مكمل في ذاتك فريدة
أنت سلبت روحي وأنا روحك بريده
شفنا الصيده عارت من جيدك وريده
0
الروح تهوى ذاتك يا حبيب وأنت عيده
البدرين تهابك من حسنك بعيده
نظراتك دواى وما منظور تعيده
لو طيفك يزورني دى الليلة السعيدة

انا في العيون ببني له دارين

من مودة ومن منا

وبضمه بقليبي البصادقه محبه فياضة وهنا

لا ريدت غيره ولا هو راد زولا سواي ابدا انا

نظراته كيفن اوصفها دي الفي عيوني مدونا

بقيت أغني عليك.. غناوي الحسره
والأسف الطويل
وعشان أجيب ليك الفرح
رضيان مشيت للمستحيل
ومعاكِ... في آخر المدي
فتيني يا... هجعة مواعيدي القبيل
بعتيني لحضن الأسي
وسبتيني للحزن النبيل

من صحابك .. و من قرايبك يا حبيبي بغير عليك ...
كل من قال : يا حبيبي افتكرتو يشير اليك.....
واي عاااشق لو تغنى قلت لااازم شاف عينيك ....

ما تنكر احساسي الجميل...بروعتك

لكن كمان ما بحتمل...اسى لوعتك

انا ما جنيت ...كل الحصل ...اني اصطفيت

فكرك وطيبتك ورقتك

وده كله من قلبي العطووف

وما مني يا سيد الحروف

الذكريات في كل ليلة ..توحي للحبايب اشياء كثيرة

فمن يغني يذكر خليلا

ومن بينعي ماض جميلا

ومن بيعبد قد طال ليلا

فلتذكرونا كثيرا او قليلا

الذكرى تجمعنا ...ونمرح طويلا

مكتوب علي سفر الشجون
شوق الحنين ولوعه حزين
مكتومة في اعماقي انا
منسوجة في دموع العيون
لمتين وراك سفر الشقي
قول لي متين لمتين يكون
كاني مديون للعزاب
وادفع سنين من عمري لية

ابتساماتك عزيزة ...بحرق الاهات عشانها

وكنت شايلك في عيوني ....باني ليك ارفع مكانة

بس لقيتك وانت جاير

تظلم الحب بالمهانه

هاكي قلبي وخلي بالك بس عليهوو

موش عشاني ...بس عشانك وانتي فيهووو

وخلي بالك انتي برضك من جمالك

لو بسمتي لينا وضحكتي

بسحرووك لو زاد دلالك

هاكي قلبي ...

داعبيهوو ودلليهو

زيدي نبضو وقلليهووو

وسوي زي ما دايرة فيهو

وحتى لي ما ترجعيهووو

لما الليل الظالم طوّل
وفجر النور من عينّا اتحول
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى

قصيدة رائعة للشاعر التجاني حاج موسى



ضل الضحى الرامى وشمس شتويه دفايه
وريحة البن لما يفوح فى قلايه
وفروة جدى صورة جدى لمن جيت أمد يدى :
( جدى أدينى تعريفه )
( بتقرا الحمدو يا المبروك )
( بقراها شان تعريفه ألقاها )
بجود فى القرايه كمان
وايه يا يمه والله زمان!!
وسبحة ( بنت الفكى )
والطورية والواسوق
وسعف حبوبة والكوريه والحنقوق
وصوت ( سعدية ) بت جيرانا
تشحد ليها فى طايوق
وصوت ( عرفه ) لما تخمج الدلوكه غنايه
وحبة فريك لموه لى رمضان
مصرور فى مخلايه
صور محفورة جوايا ومن يوم داك
ولى الليلة ولى بكرة وبعد باكر
شان الزمن غدار وما معروف
زمن مكار .. زمانا كلو خوف فى خوف
وايه يا يمه والله زمان
مشتاق يمه لى ملاح النعيميه
وريحة صاجك المحروق ولما تسوى طعمية
وغباشة روب وعنزه حلوب
بدور ارجع اجيكى هناك ضاقت بيه يا يمه هنا
بدور لتمسى بعيونك واصابحك يا حبيبتى انا
صباح الخير على عيونك
اتارى الدنيا من دونك شينة ومره ما بتندار
ومرة مرارة يا يمه دي مرة وحارى زى النار
ولو بتدورى احكيلك كيف احوالى فى البندر
من وين عايزه ابدالك مو شيتا غريب وعجيب
ده شيتا كلو شين فى شين
هنا الزول العديل ونصيح وحاتك انت يا غاليه
بعيش حياتو يوماتى بى وشين
وزولتى الحتى حبيتها لقيتها براى تحب زولين
وايه يا يمه والله زمان
دي قشة عينى من النوم معاى بشيل هموم باكر
قبل ما اشيل هموم اليوم اختها خطواتى الأولى
اعدى الباب تدق طبول الهم
خواطر تذهل الألباب واقابلك يا شوارع الجن
وفى جوايا حاجة تئن اشد وتر الحزن واعزف
تموت غنواتى يا يمه ويخنقنى الغنا وأنزف
وتنتر فى العروق حمى خيال بيتنا القديم يرجف
صور تنزاح وتتلم وتانى وتالت آيمه
واشوفك بى خيال حالم تشاورى وترقص السبحة
ملامح العابد الصايم تشع فوق جبهتك سمحة
وشييك يحاكى ضى النور مزدان يمه فى الطرحه
وتبسمي لى أمد ايدى اقول اتلاقى يا السمحة
يتلاشى الحلم واصحى ويدفق عرق مالح
ويسكن فينى كل الهم واشم ريحة ندم جارح
وارفس عصفورة منجرحه فارقت الفضاء البارح
وتانى وتالت آيمه وهم كل المداين وهم
وهم غرقانه فى زخم الحضاره الغم
حضارة بتحصد الإنسان وتزرع فى مكانه نغم
وقصد القول .. يا شايل اللوم ويما جابنى للبندر
وحاتك انتى يا الغالية ده يوماً شوم
ولا بسنى الخجل من راسى لى كرعى
شايلو وأحوم وهادي الحالة فى الخرتوم
زي عايش شقى ومهموم .

يعني كيفن ما بريدك

ما برارك شايفاهو ريدي

في سلامي

في كلامي

في قليبي شايله ريدك

كل كلمة ادور اقولها تبقى قاسية وقت اجيك

وانسى كل الداير اقوله من عيني تشوف عينيك

وانتي عارفة البي كله وبرضو زي الما عليك

مااااا خلاص ...دوبني ريدك

انتي عارفة البي كله الا بس يا حلوة احكي

انتي ما لي المقاسمة ولما افرح ولا ابكي

كم سنين من عمري عدووا ..وانتي زي الما عليك

ياااااااا حليل...قلبي البريدك

عايني في عيني بتلقي...الف دممعة تقول بريدك

حتى ايدي يوم تسالمك ...فيها ريد بتعرفه ايدك

الله يدي الفرحة عمري ...وانتي في الافراح يزيدك

وابقى لي يا حلوووة ...ريددددك

البكى ما كفاية ...انا طول عمري ببكي

لا قادر اتصبر ...لا قادر اشكي

لا دايرني انضم ..ولا لروحي بحكي

غيب وتعال
تلقانا نحنا يانا نحنا
ما غيرتنا ظروف
ولا هزتنا محنه
كم بعنا في الغرام
وإشترينا
غير هواك ما ربحنا
يا حبابنا يا شبابنا
يارباطنا يا سمحنا

غيب وتعال
تلقانا بي نفس الايادي
الراجفه مشتاقه
في ساعة سلامك
غيب وتعال
تلقانا بي نفس المشاعر
الطيبه الديمه
تطرب من كلامك
غيب وتعال

غيب وتعال
تلقانا بي نفس القلوب الياما
حزنت لما فقدت إبتسامك
والله بعدك يا غالي
لا غنينا ولا إنشرحنا
يا حبابنا يا شبابنا
يارباطنا يا سمحنا

انتوا لقلبي زاد عمره

وليه المنية والسلوى

جنوني عيون ...

عيون لو شافها عطشان سنين يروى

وليه ما اجن ..!!

الليل البشيل الناس ...بشيله هموم

اقاسي مرارة الوحدة واغالب دمعة المحروم

اتعذب سنين ما ضقت طعم النوم

صحيح شقي ومجنون

كتير يا ناس كتير

كتير امثالي من هجر الحبيب جنووا

ان شاء الله اجن ...وازيد في الجن

بس انتوا يا احباب حنووا

ايه انا عندي في الدنيا

فؤادي انتوا مالكنه

شبابي الكنت بحلف بيهو ...ودرتوهوا من بدري

*انا لو اقول اشتقت ليك
ما اظن قلت الجديد
لكن بقول احتجت ليك
والحوجة افضح للبريد
والوحشة في البعاد
تتنازع الاشواق شديد

بتمنى ليك كل السمح
لا تشوف عذاب لا تنجرح
واتمنى ليك سعد العمر
لا حسرة ولا احزان تمر
ويا ربي تنعم بالصبر
ويديك كمان طولة العمر

يا أغلى من عينيّ وأحلى من إبتسامي
و أحن من المحنة الفي رقّة سلامي
بعادك طال
مكتوب في جبيني غرامك وإنت عارفو
باين في كلامي في عينيّ شايفو
قلبي دعاهو حبك كيف يقدر يخالفو
لكن بعادك طال
يا أصدق مودة عاشت في الضمير
تقاسمني المسرة تملأ فؤادي نور
و أنسى معاك صعابي يهون أمري العسير

و أقول ليك يا حبيبي غيرك ما في تاني
ليك تذرت عمري و ليك رقيق حناني
ومن جنة هوانا نهدي الناس أغاني

لو الاماني بايدي

كنت اهديك عيوني

واسقيك من وريدي

صــــادفني الحبيب


صادفني الحـــــبيب بي حشمه سالمني
تركني اميل ثمــلان ليه قـــلبي سلمته
********

بـي سهامه المــني وابي ما يكالمــــني
في هواه ظالمـــني وانا برضه سالمته
********
فردوسه في ذهني وطهره المنزهنـــي
واجهته واجهنــي وبي عواطفي كلــمته
*********
بي ضميره كاشفنــي وهدم املي نشفنــي
سبأ عمري كاد يفني وانا مغمي ما علمته
*********
انا ريده بادلنـــــــي وهو العاطفه بادلنــي
لكنه بهدلنــــــــــي قال لي حظك وقسمته

الوصية _ عصام محمد نور

كلمات اسماعيل حسن ... الحان برعي دفع الله ... اداء وردي


حلفتك ياقلبى خلية الغرام
اتنكر لحبك وريهو الخصام
لية تتهان ياغالى..لية والذل حرام
+++++
تتعذب لوحدك ليه والناس نيام
ان جاك يوم يصالحك قول ليهو الكلام
اوع يعود حنينك وترد السلام
+++++
اوع ياقلبى تنسى فى لحظه الوصية
انا عارفك حنين وبتشمت عليا
+++++
حلفتك ياقلبى الخانك تخونو
والفايت غرامك اوعك يوم تصونو
زى ما ابكى عينى سهر لى عيونو
اوع تقول لى تانى مابنعيش بدونو
اية فى الحب لقينا غير همو وشجونو
+++++
حلفتك ياقلبى وحملتك امانه
الفائت عهودك ما تبكى عشانه
حلفتك تقول لى اية اخرة بكانا
الدنيا الجميلة والحسن الحدانا
الطير فى غصونو والساجعة وحنانه
كل الناس تغنى ونحن الهم طوانا
لية ياقلبى ليه قولى بى امانة
اوع يا قلبي تنسي

يا روعة لو عز اللقاء فرقنا يا حلوه القدر
دي الروعة قاسم مشترك ما وجيهك والقمر
يا روعة
بيناتنا مشوار من افق مطبوعة للقلب الشفيف
انا شلتو ريدك يا مناي داريتو في قلبي الرهيف
فردت اشرعة الخيال لي دنيا ما طلاها زيف
ومشيت علي شط الهوي وصابر علي المد العنيف
يا روعة
إنتي الملاذ لو غبته يومأشواقي عنك بسلألوا
ما نحنا والشوق والزمن جور الحبيب ما بنحملوا
عشان نعيد خيط الأمل لازم جفاك نستحملوا
لازم قساك نستحملوا
ونرجع الماضي البعيد مشوار هوانا نكملوا
يا روعة


تحميل الأغنية

[ندعوك للتسجيل في المنتدى أو التعريف بنفسك لمعاينة هذا الرابط]

يا فتاتي ... ما للهَوى بَلَدُكُلُّ قّلبٍ في الحُب يَبْتَـردُ
وأنَا مَا خُلِقتَ فـي وَطَـنٍالهَوى في حِمَاهُ مُضطهَـدُ
فلـمَـاذا أرَاكِ ثَـائِــرةًوَعَلاَمَ السِّبَـابُ يضطـرِدُ
والفراءُ الثميـن منتفـضٌكفؤادٍ يشقى بـه الجَسَـدُ
ألأنَّ السَّـوَاد يغْمُـرنـيليس لي فيه يا فتـاةُ يـدُ
أغريبٌ؟ .. أن تعْلَمي فأنالي دِيَارٌ فيحا ولـي بلـدُ
كَمْ تَغنيـتُ بَيـنَ أرْبُعِـهلِحبيبٍ فـي ثغـرِه رَغَـدُ
وَلكـمْ زَارنـي وطَوَّقنـيبذراعيـهِ فَاتـنٌ غَــرِدُ
أيَّ ذَنبِ جَنيـتُ فانْدَلَعـتثورة مِنك خَانهـا الجَلَـدُ
أو ذنبي في قبلةٍ خطَـرتمَع نَسيـمٍ إليـك يَتئـدُ؟
ألِهذا فالنهْـدُ مُضَّطـربٌ؟ولهـذا العيـون تَتـقِـدُ؟
ولماذا هذا الصليبُ تُـرَىبينَ نهْدَيـك راح يرْتَعِـدُ؟
خبريني ذات الفراء فقـدجَفَّ جناني وأحْدَبَ الرَّشَدُ
أيَمُّـر النُميـر بـي ألِقـاًوأنـا ظـامـئٌ ولا أرِدُ؟
أو غيري هـواكِ ينهبُـهوفؤادي لدَيْـكِ مُضطهـد؟
أليَّ الهَجْر والقِلـى أبـداًولغيري الشفاهُ والجسَـدُ؟
لي كغيري يا زهرتي أمَـلٌوفؤاد يهوى ولـي كَبِـدُ
لي بدنيايَ مثلمـا لهمـولِي مَاضٍ وَحَاضِـرٌ وغَـدُ
فالوداعَ الـوداعَ قاتلتـيهَا أنا عن حِمـاكِ أبتعـدُ
سَوفَ تنأى خُطايَ عن بَلَدٍحَجَرُ قلبُ حوائـه صَلِـدُ
وسَأطوي الجراحَ فِي كبديغَائراتٍ مَـا لهـا عَـدَدُ

[ندعوك للتسجيل في المنتدى أو التعريف بنفسك لمعاينة هذا الرابط]

لي متين يطول الانتظار ومن محطاتنا الحنيه يكون مجيك 0وبس حاجه فينا خلتنا نتحسر علي سفرك ومشيك
لو كنت ماشى عشان تجيب لينا الفرح والمستحيل 000ارجع تعال ماتسيبنا للحزن النبيل
عود لينا ياهجعه مواعيدنا القبيل 0مااصلوريدك فينا باقي في الحنايا وفي المعاني
عود لينا يافرح الأماني مابعدك انت جراحنا زادت وانكتم حس الاغاني
عود لينا في الزمن الفلاني نتلاقي قدام ضلنا المرسوم علي رمل المسافه

أغنية للوطن
ماذا تبقى من ضياء الصبح
فى عين الوطن
والشمس تجمع ضوءها المكسور
والصبح الطريد
رفات قديس يفتش عن كفن
النيل بين خرائب الزمن اللقيط
يسير منكسرا على قدمين عاجزتين
ثم يطل فى سأم و يسأل عن سكن
يتسوّل الأحلام بين الناس
يسألهم و قد ضاقت به الأيام
من منا تغير ..
وجه هذى الأرض .. أم وجه الزمن
فى كل يوم يشطرون النهر
فالعينان هاربتان فى فزع
و أنف النيل يسقط كالشظايا
والفم المسجون أطلال
وصوت الريح يعصف بالبدن
قدمان خائرتان , بطن جائع
و يد مكبلة .. وسيف أخرس
باعوه يوما فى المزاد بلا ثمن
النيل يرفع راية العصيان
فى وجه الدمامة .. والتنطع .. والعفن
****
ماذا تبقى من ضياء الصبح
فى عين الوطن ..
الآن فوق شواطئ النهر العريق
يموت ضوء الشمس
تصمت أغنيات الطير .. ينتحر الشجر
خنقوا ضياء الصبح فى عين الصغار
و مزقوا وجه القمر ..
باعوا ثياب النهر فى سوق الخناسة
أسكتوا صوت المطر ..
*****
فى كل شبر وجه ثعبان بلون الموت
ينفث سمه بين الحفر ..
فى كل عين وجه جلاد يطل ويختفي
ويعود يزأر كالقدر ..
صلبوا على الطرقات
أمجاد السنين الخضر
باعوا كل أوسمة الزمان البكر
عمرا .. أو ترابا .. أو بشر ..
*******
أترى رأيتم كيف يولد عندنا
طفل وفى فمه حجر
لم يبق شيء للطيور
على ضفاف النيل
غير الحزن يعصف بالجوانح
زمن العصافير الجميلة قد مضى
وتحكمت فى النهر أنياب جوارح
زمن القراصنة الكبار
يطل فى حزن العيون ..
و فى انطفاء الحلم ..
فى بؤس الملامح ..
************
ماذا تبقى من ضياء الصبح
فى عين الوطن؟!
زمن الفوارس قد مضى...
قل للخيول تمهلى فى السير
فالفرسان تسقط فى الكمائن
قل للنوارس حاذرى فى الطير
إن الريح تعصف بالسفائن
قل للطيور بأن وجه الموت قناص
يطوف الآن فى كل الأماكن
ويلٌ لماء النهر حين يجىء منكسراً
وفى فزع يهادن
**********
ماذا تبقى من ضياء الصبح
فى عين الوطن
والنهر مسجون...وطيف الحلم
بين ربوعه يجرى ...ويصرخ فى ألم
لم يبق شىء فوق أطلال الشواطىء
غير عصفور كسير كان يشدو بالنغم
لم يبق بين حدائق الأطفال
غير فراشة بيضاء ماتت
حين حاصرها العدم
لم يبق غير كتائب الجهل العتيق..
تطل فى خبث...وتضحك فى سأم
من باع لليل الطويل عيوننا؟
من أخرس الكلمات فينا؟..
من بحدِّ السيف ينتهك القلم؟
***********
ماذا سيبقـي بعد موت النـهر
غير شجيرة صفراء تبحث عن كفن
ماذا سيبقـي بعد قـتـل الفـجر
غير سحابة سوداء
تبكي فوق أطـلال الوطن
ماذا سيبقـي من رفات الصبح
غـير شراذم الليل القبيح
تـحوم في وجه الزمن
يا أيها اللــيل الطـويل
ماذا يضيرك إن تركت الصبح يلـهو
فـوق أعنـاق الحدائق..
ماذا يضيرك إن غرست القـمح في وطني
وحطـمت المشانق
في كـل بيت في مدينتنا سرادق
ماذا يضيرك أن يعود العدل
فينا شامخـا
ويطوف مرفوعا علـي ضوء البيارق
ماذا يضيرك أن يعود
النورس المقـهور
يصدح في السماء..
فلا تطارده البنـادق
ماذا يضيرك أن تعود قـوافل الأحلام
تسـكن في العيون
ماذا يضيرك أن يصير الحرف حرا
لا قيود.. ولاسياط.. ولا سجو
*********
يا أيها النـهر الجـليل
أنا من بلاطك مستقيل..
أنا لن أغنـي في سجون القـهر
واللـيل الطويل
أنا لن أكون البلبل المسجون
في قـفص ذليل
أنا لن أكون الفارس المهزوم
يجري خلف حـلم مستحيل..
ما زال دمع النيل في عيني
دماء لا تجف.. ولا تسيل
الآن أعلن.. أن أزمنة التنطـع
أخرست صوتي
وأن الخيل ماتت
عندما اخـتنق الصهيل
يا أيها النهر الجـليل
إن جئت يوما شامخا..
ستـعود في عيني.. نيل..

أنا في التمني
(( الشاعر محمد ود الرضي ))

أنـا فــي التمـنـي ديـمـه هديـلـي سـاجـع
مـا لقيـت لـي مغيـث ولا لقيـت لـي مـراجـع
------------
داير أشوف حبيبي اليوم داك .. شفته رايق ودمعه ناقع
أسـود شعـرو حالـك .. أمـا صـفـاره فـاقـع
تتلاصـف خــدودو .. لا حـجـاب ولا بـراقـع
أشوف لعسـو ونواعسـو .. جـل البـاري صانـع
أشوف في خدو شخصي .. وفي صدري المضـارع
------------
يفـر خيـت بسمـه يشبـه .. برقـا ً ليلـو هاجـع
يرفـع لـي رشاشـو .. يسـبـل نـظـره واقــع
دايـر أشوفـو غافـل .. ودايـر أشوفـو جــاذع
يتغطـى بـي سواعـدو .. ويحنـو كأنـه واجــع
ويلتجـى بـى مرافقـو .. وأطــراف المضـاجـع
وتتلـب فــوق شفاهـهـو .. لـؤلـؤة المـدامـع
يـردد لـي نغيمـا ً .. تشـتـاق لــه المسـامـع
------------
أعاين فيهو وأضحـك .. وأجـري وأجيهـو راجـع
أقيـس بالليـل شعـرو .. ألقـى الفـرق شـاسـع
أقيـس الفـم بودعـة .. الـقـى الــودع واســع
ده مـا بيلقـاهـو زول .. زي الصـيـده نـاجـع * * * *

أنا صادق في حبك
(( الشاعر عمر البنا )

أنا صادق في حبك لو قلبي
يتصل بي قلبك .. هذا مقصودي
********
أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... انت مريودي
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... انتهى وجودي
*******
الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي
*******
أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
******
قال لي لازم .. صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك .. والجفا شهودي
******
قلت له بحق .. ربك أسلي كل ...... أهلي
لو حظيت بي قربك حظي لو ... ساعد
ثانية بس أظفر بك بعد ذلك أموت
ما في شك بفخر بك أنت مريودي

المقدر لابد يكون
(( الشاعر /محمد علي عبدالله ))
-----------------
ما بخاف من شيء برضي خابر
المقدر لابد يكون
إن أتاني الهم جيشو دافر
يلقى يا مولاي صبري وافر
يلقى عقلي كمان ليهو ظاهر
يلقى قلبي شجاع ما خئون
بالعدا معروف ما ببادر
ما بخون الجار ماني غادر
ما بقول للناس مثلي نادر
بل بقول للخالق شئون
قول لشاهد الزور فيما ساير
هدّي روعك قبل الخساير
ياما قبلك عميت بصاير
من لساني وقولي الهتون
ما نكرت الحق ماني فاجر
لا ولا بالعالم متاجر
نفسي يا أحباب ليها زاجر
لا أكون كل يوم ليَّ لون
الثبات معروف لي معاصر
لو بقيت في داخل معاصر
الإله غير شك ليَّ ناصر
رغم أنف الواشي الخئون
عن لسان الحق ماني نافر
ما جحدتَ الخير ماني كافر
ما ضمرت السوء ماني حافر
للصديق لو جوة السجون

ياجميل مابصح ليك
(( الشاعر / عبد الرحمن الريح ))

أنا بيك حياتى مؤكدة وبلاد حياتي منكده
ياجميل مابصح ليك تعمل كدا
يامن محاسنك بي قلوب العاشقين مستفردة
خليتني أشكو من الغرام وأقول حقائق مفردة
وأقول حبيبي عمل عدوي خلاني للأسى والردى
ماعندي مانع حتى لو ضيعني ساكن الموردة
ياجميل مابصح ليك نعمل كدا
أنا بي محاسنك بفتخر زانت المحاسن سيده
يومي الأشوفك يبقى عيد والدنيا تبقى معيدة
البدر ان شافك يدوب من الأنوار الجيدة
أما الشمس لو شافتك ترجع أسيرة مقيدة
ياجميل مابصح ليك نعمل كدا
أنا طرفي شايفك ياجميل فقت اللجين والعسجدة
ومهما أعاين في الشباب وين زي محاسنك أوجدة
متى روحي من هذا العذاب تشفق عليه وتنجده
ياجميل مابصح ليك نعمل كدا
يا من على حرب العشوق لحظك سيوفه مجندة
قامتك رطيبة كأنها مخلوقة من زهر الندى
مالحكمة في كونك بخيل وأهلك أرابيب الندى
أصلك بتدلل علي والا الحكاية معاندة
ياجميل مابصح ليك نعمل كدا

وداعاروضتي الغنا
الشاعر / حميدة ابو عشر
---------------------

وداعا روضتي الغناء وداعا معبدي القدسي

طويت الماضي في قلبي وعشتُ على صدى الذكرى

وهذا الدمع قد ينبي بظلم المهجة الحيرى

لماذا الهجر يا حبي

لماذا دهرنا ظنا وشبع روحي باليأس

وداعا

نسيت الماضي يا ليلة ماضي الحب والطغري

ليالي مطري الليلة بحلو النجوة والشعر

ليالي حبنا الأولى ليالي حبنا الأول

نسيتي ليلة إذ كنا نفدي النفس بي النفس

وداعا

وظل أردد الشكوى لما لقيت من وجدي

حبيب الروح لا لا أقوى على حمل الهوى وحدي

ولما لم أجد سلوى ولما لم أجد سلوى

كسرت إبريقي وألدنا سكبت على الثرى كأسي

وداعا روضتي الغناء وداعا معبدي القدسي

بقيت تنسى
كلمات حسن الزبير
ألحان كمال ترباس

من هسه وبقيت تنسى
دلايل الريد وكت تظهر
وحاتك ما بتدسى
شفنا عيونا بي عينيك
وما عدينا لي مرسى
شقى وغرق مشاعرنا
بحر أمواجوا ما بترسى
زمان كنت الحنان سيدو
وزمان ما كان بتتوصى
شقي البمسك درب ريدك
وراك قليبو بنقصى
تعال ناجينا حجينا
وأحكي عن الغرام قصة
قلوبنا صداها غطاها
زمن محتاجة لي لمسة

بتخيلك

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى

بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربو ساحل لا جزر لا طوق نجا

بتخيلك لمة صغار ونسة و حجى
و قمراً طلع ضو الدساتر و مهرجا
بتخيلك في كل شي لمن ابالغ وانتشي
لما تظلمني الخطى وابا المشي

و بتخيلك

ياريت
كلمات الشاعر / السر احمد قدور
==================================


سألوني عن حبي وانكرتا ما قريت
شافوهو متخبي في عيون تقول ياريت

لوكان حبيبي أباح واعلن عن هواه صرح
كان الفؤاد ارتاح وانا كنت ليهو مشيت

حاولتا اكتب ليك واصور الاحســـاس
وأقول كلام في الريد زي النجوم والماس
تعبتاالقى حرووف ما سمعو بيها الناس
سبتا الكلام وبديت تاني اقول
ياريت ياريت ياريت ياريت ياريت
ياريتني اقدر ابوح واقليهو ياعمري
انتا الحبيب الروح
لكني خايف اقول يبعد مني يروح
عشان كدا استكفيت وكفاية اني هويت
لما الحنين فاض بي من الحنين غنيت
ياريت ياريت

ما تهتمي للأيام ظروف بتعدي..
طبيعة الدنيا زي الموج تجيب وتودي..
ما تهتموا للايام..

وما تهتمي أصلو الناس حياتا ظروف ..
بتتعود تغير كل خط مألوف..
مصير الزول حياتو ياما فيها يشوف..
وفي دنيانا بنلاقي الفرح والخوف..
وما تهتموا للايام..

مصير الزول عشان يفتح طريق يادوب ..
بكون زادو البشيلو معاهو شوق مشبوب..
عشان يلقا إنتصارو يا زمن محبوب..
يضوق المرة ويتوشح بي صبر أيوب ..
ومهما تظلم الأيام ضياها الفال ..
وما تهتمي للأيام ظروف بتعدي

سيبني في عز الجمر
كلمات الراحل / عوض جبريل
==================================

سيبني في عز الجمر
انت من حولي تمر
انت عارف انو عارف
انو صبري فات حد الصبر

كلو ماتلاقيني او على لا تهملني
ماتكون بي قاسي وبالحنان اغمرني
ماتقول حبيتك عشان كدا تجاملني
لو كنت ما مصدقنى مرة اتأملنى

ياغرام في بحورك كم تعب مجدافى
برضي في مشواري ماشي في اهدافى
داير اعيش في ريدو وفي حنانو الدافئ
اليالي بتضحك والحزائن مافي

****سيبني في عز الجمر****
ياظلام الليل العلي ما تزيلوا
طال بعاد افراحي والالم طال ليلو
ياحليلو حنانا وريدنا بالوليلو
الخواطر تبكي و العيون تحكيلو

****سيبني في عز الجمر ****

عينيك مدن
الشاعر/ صلاح حاج سعيد
==========================

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن

حلوة عينيك
كلمات/ د/ بشرى الفاضل
==================================


نفسـى فـى داخلـك أعايـن
وأروى روحى وأشوف منابعك
يــــــا ســــــلام
الصحرا فى عينيا تتواثب جناين
ماخدة صوتـك مـن جـداول
وما خدة صورتك من كهـارب
مـولـداً ميـدانـو حـافـل
كـلـمــا يـصـبِّــح ...
تجيهـو الـنـاس جحـافـلْ
يـا سـلام .... يـا ســلام
***
لمّـا تعبـرى فـى الشـوارع
شوفى كيف النـاس تصـارع
ناس تطفِّـر .. ونـاس تدفِّـر
فى البشابـى علـى نجومـك
وفى البخبْ .. كايس تخومِـك
وكل زول من عِنْ سُلافـك ..
لا لا .. قـال دايرلُـو كـاسْ
***
مرّة طربان .. شلـت صوتـك
شــــان أغــنـــى..
قـلــت آه يـالـيـل .. وآه
إنتى أول .. وإنتـى تانـى ..
وإنتى تالت .. وإنتـى رابـع
نافـرة زى صـيـد الـخـلا
وصافيـة زى نبـع المنـابـع
وقلتى لى غنـاى .. خـلاص
***
حلـوة عينيـك زى صحابـى
عنيدة كيف ... تشبه شريحتين
مـــــن شـبــابــى
حلـوة عينيـك زى صحابـى
وزى عِنـب .. طـوّل معتّـق
فـــــى الـخــوابــى
وسمحة زى ما تقول ضيوفاً ..
دقّـــــوا بـــابـــى
.. فرحى بيهم سال .. مـلا ..
حــتـــى الـكـبـابــى

ضؤ شبابيك البيوت
كلمات يحى فضل الله

ضو شبابيك .. البيوت
يا ضوء شبابيك البيوت
بين التوهج .. و الخفوت
أسرح معاك .. و اسألك
قبال ما يخنقنا الرماد ... و يعلم العقل الحياد
قبّـال لهب حلمك يفوت
و جذوتك تبهت ... تموت

يا ضوء شبابيك البيوت
أسرح معاك .. أستفسرك
عن ظلمة تمتد و تطول
وإتلخبطت فيها الفصول
عن كلمة ضاعت في الفراغ
بين البزيـِّف و البقول
عن سر يباس البذرة .. في طين الحقول
عن كل أحلامي ... الصغار
الما لقت ... غير الذبول

وبقيت أعاين فى الوجوه
وأسأل عليك وسط الزحام .. قُبـّال أتوه
يمكن ألاقى البشبهك
ما الليل براح
والشوق .. تعالى بيندهك
*********
شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك فى المنفى .. فى مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر
********
ما نحنا بينا الأمنيات والتضحية
بينا المعزات .. والعذابات فى الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا

كنت بريدك زي عينيا
وانا صدقت كلام الريده
وياما كتير وكتير فكرنا
وكنا بحلم بالمستقبل
ولكن فجاءة بديت تتنكر
وعن ريدتنا بقيت ما بتسأل

باسم الحب اقدم ليك حياتي
عليك ياحب تحياتي
عليك أوقفت غاياتي
في حبي اضحي بحياتي
عليك أوقفت غاياتي
في حبي اضحي بحياتي
احب الحب وأيامو وذكراتو
وأحلامو وما يوحي الهامو
أحبك فى كل اوقاتي
الاقي حبيبي يوماتي
أقول ليهو تعال لي
يقول لي العهود بيناتنا مرعيه
اقول ليهو تعال لي
حبيب ريدي تعالى لى
لنجلس جلسة غزلية
وأمتع فيك عيني
أشوفك أنسى آلامي
وأقول حققت أحلامي
علي تميل عشان نميل سوا ياجميل
وفيك أمعنت نظراتي
وجدتك كل مسراتي
وأفراحي وملذاتي
أحبك وأنسى فيك ذاتي
حبيبي أراعي تقديسك
ويرتاح قلبي لحديثك
حديثك يشفي العليل
وحاتك يا السامي الجميل
الحب الصادق قليل
البيشبة حبي الأصيل
وبدون دليل أهوى الجميل
انا يا جميل انت لي ميل
وأنا ليك أميل عشان نميل سوى يا جميل


ك : سيد عبدالعزيز
غ : ابراهيم الكاشف

لو داير تسيبنا جرب وانت ســــــيبنا
لو داير تحب حب وأنساهو ريدنـــــا
يوم ترجع تصافي نسامحك ياحبيبن

أنتا عـارف انا بحبك وبحلفيك
ولا مـاك عــارف بالمـــــــرة
انـت صـــــارف عــــني مـــدة
وانـا خــايــــف تتحــــــــــــدى
طمـنى تـعـال نبـدأ التآلـــــــف
والـتـعــارف والـمـــــــــــودة

كان نفسى قولك من زمان
بالكاتمو فى سرى ومكتم
فى حشاى مدسوس سنين
كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاب
وقتين مدامعى تكون جزا
وتفتح مباهج الليل ظنون

بريدك يا شقى الايام كان بيك الحبيب يسعد ...

واسهر نجمى عز الليل بعد روح صباحك جد ..

وابكى معاى عيون احباب عشان اسف الدموع يشهد ..

ما كان الفراق منية ...ولا فرقة عيونك وعد ....


(حمد الريح)