فضفض باغنية كاملة ...او مقطع ....أوبيت شعر من اجمل ما سمعت

تذكير بمساهمة فاتح الموضوع :

فضفض باغنية كاملة ...او مقطع ....أوبيت شعر من اجمل ما سمعت
الماضي
للرائع التجاني حاج موسى

وجايى تفتش الماضى ؟

خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى .........

دا الخلاني أريدك أكتر
انو حنانك لي ما اتغير
انو قليبك رغم الفرقا لا راح لغيري ولا اتنكر
فت عشانك وسبتا عيونك
كان المنية أجي وألقاك
كان الخوف مرات في الغربة
انو سواي بوراي بهواك
انو عيونك تنسا حناني
وابقا غريب انا في دنياك
جيت ولقيتك برضك وافي
كتر الشوق للقاي بكاك
آآآ وانتا صبحتا فعيني أكبر
دا الخلاني أريدك أكتر

وانا يا حنين برضي وحاتك
عشتا سنين الغربة وحيد
مهما عيون ناداني جمالا
ما حاولت سواك أريد
دي الأفراح ما شفتها بعدك
كيفن أفرح وانتا بعيد
حتى العيد لو مر بدونك
زي حسيتو بلاك ما عيد
وانا بي غيرك ما بتأثر
دا الخلاني أريدك أكتر

يلا نع ــيد أيامنا الأول
وما نندمـــ على كل الراح
كل الناس نهديها فرــح ــنا
ليل الغربة نعيشو صباح
لا تنساني ولا أنساكــ
نملا الدنيا هنا وأفراح
الاح ــزان لو جات كايسانا
نقولها عدى زمانكــ رااااح
افضل أح ــبك اكتر واكتر
افضل اريدكــ اكتر واكتر

شدوا ليك ركب فوق مُهرك الجماح
ضرغام الرجال الفارس الجحجاح
تمساح الدميره الما بيكتلو سلاح
السم النقوع الفي البدن نتاح
يا عُصار المفازه اللعيون كتاح
المال مابيهمك إن كتر وإن راح

بطناً جابتك والله ما بتندم
يا اسد الكُداد الفي خلاك رزم
يا رعد الخريف الفي سماك دمدم
بابك ما أنقفل نارك تجيب اللم
مابتعزم تقول غيرإستريح حرّم

أبواتك جبير بيحلو للعوجات
مطمورتك تكيل للخاله والعمات
في الجود والكرم إيديك دوام بارزات
يا أب قلباً حديد في الحوبه ما بتنفات

عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق للفارغه ما بتحوم
لا بتنلام ولا بتعرف تجيب اللوم
ود ناساً عُزاز جمعوا المكارم كوم
تفخر بيك بنات الباديه والخرطوم

يوم في يوم غريب
فيهو الشمس لمت غروبها وسافرت
بانت نجوم متفرقه زي الدموع
فى خد حبيب ودع حبيبتو السافرت
والليل ضفاير حزنو مداها الألم
زي التقول عارف النهاية القاربت
والكون حزين خايف الهجير
شايف الربيع غابت شهورو وهاجرت

شفت الفريق ضامي الفرح
فى دار حبيب ضميتو في قلبي الحنين
ماتت خطاي ... ضاع الأمل
واحترت في خوفي الدفين
عاينت لقيت الحبيب في عرشو
في تاجو الحزين
حولوا العيون فيها الفرح
بس الفرح في عيونو ماقادر يبين
والدمعة في عيني بتودع طيف حبيب
خلاهو لي قدر السنين

واشتقت لي طيف الدموع
ومشيت طريق اسمو المصير
ودعت زهرات الأماني
ورجعت لي ألمي الكبير
حسيت شعور الراهب السار السنين
مشتاق يفتش ليهو دير
لمن تعب سالت دموعو علي الدرب
خاف الأمل كره المسير

يا حبي عيش
كلمات خطاب من الحبيب كان النهاية
حرفو الدموع سطرو النحيب
والحسرة كانت فيهو غاية
خلاني اغرق في المصير
وانا لسه عايش في البداية
أندم علي الحلم اللي راح
واطفي الشموع وابكي النهاية

في ربيع الحب - كلمات المبدع المرهف الشاعر : إدريس محمد جماع
الحان وأداء المبدع : سيد خليفه


في ربيع الحب كنا
نتساقى ونغنى
نتناجى ونناجى الطير
من غصن لغصن
ثم ضاع الأمس منى
وانطوى بالقلب حسرة..

أننا طيفان في حلم
سماوي سرينا
واعتصرنا نشوة العمر
ولكن ما ارتوينا
انه الحب فلا تسأل
ولا تعتب علينا
كانت الجنة مسرانا
فضاعت من يدينا
ثم ضاع الأمس منى
وانطوى بالقلب حسرة ..

أطلقت روحي من الأشجان
ما كان سجينا
أنا ذوبت فؤادي
لك لحنا وأنينا
فارحم العود
إذا غنوا به لحنا حزينا
ثم ضاع الأمس منى
وانطوى بالقلب حسرة ..

ليس لي غير ابتساماتك
من زاد وخمر
بسمة منك تشع النور
في ظلمات دهري
وتعيد الماء والأزهار
في صحراء عمري
ثم ضاع الأمس منى
وانطوى بالقلب حسرة..

...
وعادي جدا ً انت تقسى...
أصلو ريدك فينا قيّل...
فينا أمسى...

*****

لو بتشتاق زيي انت...
ما أظن بتجافي مرّة...
تمشي تخلف لي وعودك...
ولعهودك تاني مرّة...
ورغم خوفك من ظروفك...
أنا عندي حبك شكلو تاني...
وتاني بعدك ما في تاني...
يا الهواك فيني استقرّ...

*****

الخطاوي الراسية ترسم...
في الدروب روعة جمالك...
والقلوب الحايمة واقفة...
وعايزة تعرف إيه في بالك...
وكل عصفور ليك بغرد...
أصلو صوتك سر دلالك...
فينا آسر كل رعشة...
وبينا سارح في خيالك...

حـــلـــو الــعــيـون
كلمات : التجاني حاج موسى
أداء : محمّد ميرغني


كـلـمني يــا حـلو الـعيون
حـيـرني صـمتك يـا حـنون
ارقـنـي سـهـرني الـلـيالي
غـرقـني فـي بـحر الـظنون
‏ ***‏
ويــن الـعـبارات الـجـميلة
ورنــة الـحـب والـجمال ؟!‏
ويـنـن مـشـاوير الـعصاري
والـخـطى الـفوق الـرمال ؟!‏
ومـنظر الـنيل فـي الـغروب
يـنـادي لـيـكا يـقول تـعال
صـدقـني مـا بـحمل بـراك
مـا عـندي قـدرة علي الظنون
كـلـمني خــت الـلوم عـلي
أنـا بـرضى بـالكائن يـكون
‏ ***‏
بفرق كتير وبتحسب كل يوم يمر
بفرق كتير طعم الحلو لو يبقى مر
وتـفـوت ومـا تـرد الـسلام‏
وتـسيبني فـي وسـط الـزحام
لـو بـس تـخت الـلوم عـلي
أنـا بـرضى بـالكائن يـكون
كـلـمني يــا حـلو الـعيون

مصطفي سيد احمد

في عيونك ضجة الشوق والهواجس
ريحة الموج البنحلم فوقو بي جية النوارس
ياما شان زفة خريفك كل عاشق ادى فرضو
مافي شمسا طاعمة طلت الا تضحكي ليها برضو
والغمام الفيك راحل في الصنوبر يلغي ارضو
والصباح امتدا ياما كل ما جاوبتي نبضو
في عيونك ضجة الشوق
نشتهيك
يا ما نحلم نحكي ليك عن المسافة
وعن سفن بالشوق بترسم في بحيراتك ضفافها
عن ملامح غنوة طلت في عويناتك هتافها
عن حقيقة نهاتي بيها وفي اساطير الخرافة
في عيونك
ضجة الشوق
يا صباحات الوانئ
حتى لو دربك ترنح في مشاوير الاغاني
والجرح ارتد بينا لي زمان الاهة تاني
يانا لا بنتحاشى صدك لا بتموت فينا الاغاني
يا غنانا المشتهنو
ياني موعود بي زمانك
بي مواقيتو البرنو
بارتعاش صرخة وجودك
يوم يطل ميلادي منو
لما اتوسد صباحك
يا تو ليل يفصلني عنو

سبوع تمام انا كنت عايش فى الخيال
اسبوع تمام انا والنجوم بنسال الليل الحزين
لو مر طيفك ليه هو طال
نبكى زى زولا بيودع الزمن لريده شال
نسرد حكاوينا
ونصبر فى العيون ياريتنا نقدر نلقى حال
ما حالنا من بعدك عذاب
وفرحنا من بعدك محال
............
لو شفتى كيف نحن بنشيل كل الامل
نفرش طريقك بالورود
ولا مرة هان لينا الوصال
وفى عينى شوقك يا عظيمة
زى السحاب يناجينى ويتقاطر لى فال
ما انت البشارة فى عيد وانا البعيد
لما القمر حكى لى قال
قال لى انت بعيدة جنبه
وانا الهناك ببنى القصور من الرمال
واشتت الرمل الحزين
واسال الودع البيخدع يقول لياجايه
جايه جايه معاى وجودك استحال
واسال النخل البهاتى يقبل وجيه ومنى مال
انا اسال الله يجيبنى ليك ما خجل كتير من السؤال
................
وبخلتى انتى بصورة لى اساهر بيها ساعات طوال
بس عزاى فوق الزمن وقوم يا فرح اسرع تعال
نور بزيناتك ظلامنا وطوف بالبوادى غنى وموال
رقص شبابنا الكل ريد وافردضفايرنا الطوال
...............
ما انت اول فرحة لى خجلانة من الخجل ولا المجال
ما تردى قولى بريدك انت ولا قولى لى كفاك سؤال
انا اصلى ما بسال براى
بتسال معاى الليل وسرى الدافنه فيه والانعزال
انا اصلى ما بشتاق براى
بتشتاق معاى كل العواطف فى ابتهال
انا اصلى ما ريدتك براى
رادوك معاى ناس الارض طيبة الارض زرع الارض قبل الظلال
..............
واهدل معاك عينى عجب
سبحان الخلقك ذو الجلال وخلقنى حارسك بالعيون
حافظ الله حارسك يا جمال
ده كله فى اسبوع تمام ان كنت عايش فى الخيال

على قدر الشوق

على قدر الشوق ما يمد مديت
على قدر خطاوي الريد غنيت
على قدر الشوق ما يمد مديت
على قدر غناوي الريد غنيت
مشيت عديت فوق لي ألأزمان
ونغني حنان فنان مرهف يقول دوبيت
لاحلى عيون في أحلى صباح زي الأفراح
نغني حنان فنان مرهف يقول دوبيت
على قدر الشوق ما يمد مديت
على قدر غناوي الريد غنيت

الوسيم

الوسيم القلبى رادو الجمال حاز انفرادو

مالو لو مرة افتكرنى؟؟ مالو لو أنجز ميعادو؟؟
ليه نساني أو تناسى لاهو جامل لاهو آسى
وقلبي بي التعذيب أبادو منّي شالو وما أعادو
شفتو كان في توب حدادو وكل حواسي عليهو نادو
استجاب لي نداي وجاوب كان عواطف وكان تجاوب
عز من بعدو التلاقي رغم بعدو وأشتياقي
طرفي متزايد سهادو وخلي جافا الرقاد مهادو

إيه يكون في نظري زادو غير خصالو واعتدادو
مهما يجفو في قربو أطمع ما بطيق لي غيرو أسمع
أسألوهو إذا تبسّم واتركوهو إذا تألّـم
واجبي حتّــم أصون ودادو مهما زاد صدّوا وعنادو

بتقول مشتاق مشتاق
مسكين الشوق لو ذي شوقك
اسبوع بي حالو ولا تسال
ياسيدنا ولا تفكر توصل
بس بتقول مشتاق .. مشتاق

بالصدفه نقابلك ذي نسمه
في عز الصيف فارده جبينا
وتبادر بي عتابك تزعل
وتقول ناسيين نحنا بقينا
ما انت كمان برضك ناسي
اسبوع لا نشوفك ولا تجينا
وعشان عارفنا بنغفر ليك
ونشتاق ليك بتتمادي وتتدلل فينا
بس بتقول مشتاق

إتلـومت فـينا
مالو لو صافيتنا إنت
مره مره بقيت تجينا
نحنا ماقصرنا حاشـا
إنت إتلـــومت فيـــنا
بعدك الايام حزينة شايلـــــه
كل الدنيا اها لاصباح طلاها
بعدك لاحنان الريد غشاهــا
مالــو لـــو قلـــبك طرانـــا
وقسوة الايام خشاها نحنا بي
ريدك شــقينا إنت إتلومت فينا
،،
الدرب مرات بجيـــبك
وانت ما قاصــــد تجيـــنا
مره شفناك وانت مــاري
زي النداوه القاطره فينا
نحنا في الدمعات غرقنا
وانت زي ماحاسي بينا
الله يهديك يوم علينا
انــــــت يالقصرت فينــــا
،،
بكره ترجـــع لينا إنت
الدنيا شايله عمرنا راحه
ونرسل الكلمات تغازل
غيمه غيمه وواحه واحه
ونفتح الشباك نقالــــــد
في سماحة الريد سماحك

امى

امى الله يسلمك
ويديكى لي طولة العمر...
وفى لدنيا يوم ما يألمك ..
امى الله يسلمك

امى يا دار السلام
يا حصنى لو جار الزمان
ختيتى فى قلبى اليقين
يا مطمنانى بطمنك
امى الله يسلمك
************
خيرك علي بالحيل كتير
يامرضعانى الطيبه بالصبر الجميل
يا سعد ايامى وهناي
لو درتى قلبى اسلمك
امى الله يسلمك
************
انا مهما افصح عن مشاعرى
برضو بيخونى الكلام
وقولة ( بحبك)
ما بتكفى وكل كلمات الغرام
يا منتهى الريد ومبتداه
يا الليا الله يسلمك
ويديكى لي طول العمر
وفى الدنيا يوم ما يألمك
امى الله يسلك

كلمات: جمال عبدالرحيم
ألحان: حمزة سليمان

المناظر هي زاتا
الصور نفس المشاهد
الشوارع والبيوت
الأماكن والمقاعد
والزمان ثابت مكانو
والرقم اللسة واحد
وحشة الليل البهيم
ولمة الناس الحزانى
غصة الشوق القديم
بدموعا وبحنانا
وقصة الولد اليتيم
ونفس صوت الاسطوانة
دنيا تتغير ودنيا
ادمنت عشق الثوابت
صوت ينادي الاستحالة
والحقيقة صوتا خافت
جرح ينزف وقلب دامي
ولسة صابر ولسة ساكت

افتقدتك يا صبا عمري وشبابيى افتقدتك لما ذاد الشوق عذابي
وافتقدتك في اساااااااااي......وفي شقاي وفي اغترابي
افتقدتك
افتقدت الابتسامة والعيون الساحرة يوم يسحركلامها
افتقدت الابتسامة يا حبيبة عمري في الدنيا وزحامها
اكتبي لي عن سنيني كل يوم عن يوم بيمر بيزيد حنيني
اكتبي لي عن مشاكلك قولي لي عن ايشيء في الدنيا شاغلك
اي زول في الدنيا لو سالك علي قصده يعرف ايه علاقتك انتي بي
قولي باكر ايوة راجع جاااااااااااي لي

لمحتك .. قلت بر أمن
بديت احلم ..
الملم قدرتي الباقية ..
واشد ساعد علي المجداف
تلوح لي .. مدن عينيك
وترفع لي ..منارة بسمتك سارية
وبديت احلم ..
كل ما الريح تطارد الموج
ازيد اصرار .. واحلف بيك
اغير سكة التيار..
واقول .. يا انتي .. يا أغرق
الوح لي مدن عينيك
تلوح لي ..
اخاف الضفة ترجع بيك
قبل الحق ..
اخاف .. غيم المني الشايل
تسوقو الريح ويتفرق
اخاف .. واخاف .. اخاف
واخـــــــــــاف

واشد ساعد علي المجداف
واجيك بي قدرتي الباقية
حطام انسان ..
موسم بي شقا الدنيا
ومقسم قلبو في الاحزان
اجيك فنـــــان ..
أشد اوتاري واحكيلك
حكاية انسان ..
وهب لي سكتك نفسو
ورسم صورتك علي حسو
وربط ساعد علي المجداف
وقــال .. يا أنتي ، يا اغرق
أخاف .. أخاف .. وأخاف
والاقيك يا اماني سراب
مواهبي عليهو تدفق
وأخاف ..
أخاف .. وأخــــاف..

سطوة محاسنك

كلمات : صلاح حاج سعيد


كان نفسي اقولك من زمان
بالكاتمو في سري ..
ومكتم في حشاي ..
مدسوس سسنين ...
بالشايلو في عيني معزة ....
وفي القلب ريدا ....
بخاف الغربة والشوق والحنين ...
زاملني زي خاطر الفرح ....
وقتين يقاسم الهم عزا ..
وكتين مدامعي تكون جزا ...
تفتح مباهج الليل ظنون ..


كان نفسي اقولك من زمان ..
سطوة محاسنك عندي ما كسرت جفون ..
وكت العيون تعبرني زي خاطر المسا ...
سطوة محاسنك ما الرخام الفي الحرير ...
وكت الثغير يفجعني بي حرق وقسا ..
سطوة محاسنك عندي ..
وكتين كبرياءك ينهزم ...
لي طيبتي بي لفظة حنان ...
وأكتم مشاعرك تنسجم في عمري ..
تنفح قلبي بي رعشة امان ..
سطوة محاسنك عندي ....
وكتين شوقي يصبح في هواك ...
ليل عزة ما بتعرف هوان ....
كان نفسي اقولك من زمان ..

عينيك وحاتك ...
غربتي واهلي وبلادي ...
ألفيها ضايع فيها زمن ...
عينيك وحاتك ....
شوقي لي زولا ولوف ...
من بعدو ساب عيني سهن ...
وانا الكنت داير من زمان ..
أشرح حكايتي معاك ألف ...
أحكي وأزيد في القول ولف ...
وأتمنى لو قلبك عرف ...
كان من زمان ...
من قبل مافي قلبي يتحكر ..
زمان الحرقة في جرح الأسى ..
من قبل ما حرف الحقيقة الحلوه يتبدل عسى ..
ويصبح أماني كثيرة في خاطر الحنان ..
كان نفسي أقولك من زمان .............

علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..
ضللي الناس بي حنانك ..
أبقي ليهم ضُل غمامة ..
الشقا اللازمني مدة ..
يوم إفوت ، والفرحة تبدأ ..
ما بقول فارقني عدَّا ..
عشان بخاف ترحل عيونك ..
وتنهزم فيني الأماني ..
وبي أساهو وبي شقاهو ..
تاني إتوشح زماني ..
أصلو غير عينيك وحاتك ..
ما في للأفراح معاني ..
جينا ليك .. شوق في عيونا ..
وفي عيونك شوق إناغم ..
الشجون باكر بترحل ..
والزمن يصحى ويسالم ..
الحلم يصبح حقيقة ..
وتنسجم في الحب ظروفه ..
والحنين تزهر غصونه ..
والعشم دانيات قطوفه ..
شوفي كيف يوم بكرة عامر ..
هاتي إيدك شان نشوفه ..

الجريده


سارحة مالِك يا حبيبة
ساهية أفكارك بعيدة
بقرى في عيونك حياتي
وإنت مشغولة بجريدة
بتقري في إيه كلّميني
ياسلام مهتمه عامله
يعنى لازم تقرى هسا مقالْ
بحاله، وقصّه كاملةْ
كم شهور مرّت علينا
وبينا فرقه شامله
*****
العيون رويانا تبكي
والقلوب مشتاقة امله
*****
أي حاجة تمر بخاطركْ
قصة أو أخبار جديدةْ
عندي ليك خبر أهمْ
جايبو بي أشواق شديدةْ
أسمعي وطاوعيني مرّة
أيوة، ما تخليك عنيدهْ
عايز أقول لكْ
ليه أقول لكْ
ما بقولكْ
مش مخير
ساعة مرت ساعة واكتر
والوقت روّح إتأخر
زى عنادك عايز اعاند
لكن يظهر ما حا اقدر
امرى لله كنت عايز اقول
بحبك يا وحيدة
بقرى في عيونك حياتي
وعاملة مشغولة بجريدة

الحزن النبيل
صلاح حاج سعيد
************

وبقيت اغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
بعتينى لى حضن الأسى
وسبتينى لى الحزن النبيل
***************
ومشيت معاك..
كل الخطاوى الممكنة
وبقدر عليها .. وبعرفـا
أوفيت وما قصـّرت فى حقك
ولا كان عرفة غيرك .. أصادفا
وقدر هواكى يجيبنى ليك
جمـّع قلوبنا .. وولـّفا
وكتين بقيتى معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
*********************
ندمان أنا ؟
أبداً وحاتك .. عمرى ما شلت الندم
ما أصلوا حال الدنيا ..
تسرق منية فى لحظة عشم
ندمان أنا؟
وأنا عندى ليك كان الفرح
رغم إحتمالى أساكى يا جرح الألم
كان خوفى منك جايى من
لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا باعنا الهوى
وماشين على سكة .. عدم

اذاك يا عيونى
جزاك
درت السهر لى روحك براك

ورينى كيف
زدتى إنهمال
ورينى ليه
شفت الجمال
مسحورة بى سحر الدلال
مفتونة بى عيون الغزال
الله لا يهدى الكان هداك

الليل ليك كم ليل ويوم
ولهانة سهرانه النجوم
فى سيل دموعك عايم عوم
لا شايفة زول لا لاقية نوم

يا عيونى ايه
الكان هداك
تتشابي لى
شوفة الملاك

سببت لى يا عيونى نوح
وهديتى لى قلبي الجروح
هزيتى جسمى أذيتى روح
وبعدت بى عن النصوح
وقعت فى شراك الشباك
وأحترت كيف أعمل معاك

أنت عارف أنا بحبك وبحلفبك ولا ماك عارف بالمرة

إنت صارف عني مدة وانا خايف تتحدى

طمنى تعال نبدأ التآلف والتعارف والمودة

يا حبيبى من فضلك طاوعنى جاملنى

لا تخالف واحدة مرة

أنا شايف المحاسن الطرائف فى صمتك فى كلامك

فى عيونك فى إبتسامك فى خدودك فى قوامك

انت جالس انت ماشي انت واقف

انت نائم صغير غرير الطرف حالم ماك عارف

انا طرفى جفا المنام آلف الحب والهيام

مع الجمال بالعواطف فى غرامك استمرا


متين أصادف رضاك على وعلى توالف

هواى مناى حياتى حبك المسرة

بلاك أشوف النور ظلام

واضوق طعم كل حاجة مره

وإن ما رايتك بالقرب منى

هل تدرى إنى اسعد أظنى

أحس بعظمة وشان كبير أفرح كتير

فرح كبير واكاد اطير من الفرح

والأمل احيا واحالف المسرة

زورنى مرة حبيبى مرة .

عصافيـر الخريـف
إسحـق الحلنقـي
هـجرة عـصافير الـخريف في مـوسم الـشوق الحلو
هـيج رحـيلا مـع الـغروب إحساس غلبني أتحملو
وكـــتــمــت أشواق الــحــنـيـن
دايـــــــر الــــدمـــوع يــتــقــلـو
ورجـعـت خـليت الـدموع ..يـرتاحو ..مـنى ويـنزلو
لـــيــه يـــــا عـصـافـيـر الــخـريـف
خـضـرة مـشـاعـرى اشــيـلـهـا صـــيــف
تـحت الـغمام شـايف مـواكب الـهجرة إتلاشت سراع
لـيه يـا عـصافير ليه الأسف مين علمك أسف الوداع
وعـارف دا مـا أول سـفر لـبلاد بـعيدة بـدون مـتاع
زى مـا بـتخافي مـن الرياح ..بنخاف كمان أنحن الضياع
ليه يا عصافير ليه الضنى ..صفقة جناحك أحزنها
غـايـب الـسنين الليلة مـالو غـنا الـعصافير غـلبو
طـراهو زولا كـان ولـوف كـم رضـا خـاطرو وطيبو
سـمع قـليبو كـلام حـنين هـدهد مـشاعرو ودوبـو
الـناس ..سـعيدهم ..في الـحياة لا ضاق فراق لا جربو
وأنا حالي في بـعد الـوطن ..دفعني ضي العين تمن

بناديها


وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لي شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيها
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـهَــا
وبناديـهــا

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر



الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر



لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر



لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

حبيبى اكتب لى .. وانا اكتب ليك
بالحاصل بى .. والحاصل بيك
الحاصل بى ..انا شوق وحنين
واقيم الليل .. آهات وانين
فارقنى حبيب .. آلفنى سنين
ماليك امان .. يا دا الزمان
يا ليالى زمان .. الله عليك
****************
اذكر جلوسنا .. على الربى
نستعرض .. اسراب الظبى
نسمع لهمسات ..الصَبا
ونحنا فى .. فجر الِصبا
ابسم اليك ..تبسم معاى
تسمع .. غناى ..
مع صوت الناى ..وانا يا مناى
الطول حياتى .. بغنى ليك ..
*****************
أنا أكتب ليك .. وأنت أكتب لي
يا حبيب روحي .. يا نور عيني
يا وحيد عمري.. مادمت حي
أكتب لي .. عن كل شئ
أذكر ودادي .. وارحم فؤادي
ارع الوفاء .. ودع الجفا
واذكر صفاء .. أيامنا ليك

هـجرة عـصافير الـخريف

فـى مـوسم الـشوق الحلو

هـيج رحـيلا مـع الـغروب

احـساس غـلبنى اتـحملو

وكتمت اشواق الحنـيـن

داير الدموع يتـقـلـو

ورجعـت خليت الـدموع

يـنسابو ..مـنى ويـنزلو

ليـه يا عصافيـر الخريف

خضرة مـشاعـرى اشيلا صيف

تـحت الـغمام شـايف
مـواكب الـهجرة اتـلاشت سراع

ليه يـا عـصافير ليه الاسف

مين علمك أسف الوداع

وعارف دا ما اول سفر

لبلاد بـعيدة بـدون مـتاع

زى ما بتخافي مـن الرياح

بنخاف كمان انحن الضياع

ليه يا عصافير ليه الضنى

صفقة جناحك احزنها

غـايـب الـسنين الـليله

مالو غنا العصافير غـلبو

طراهو زولا كان ولوف
كم رضا خاطرو وطيبو

سمع قليبو كـلام حـنين

هـدهد مـشاعرو ودوبـو

الـناس سعيدم فى الـحياة

لا ضاق فراق لا جربو

وانا حالى فى بعد الوطن

دفـعنى ضي العين تمن

انتي وانا
مــــن حقنـــا
نفرح نطير زي الفراش لمكان
بعيد ما زارو زولا قبلنــــا
نلملم عقاب الذكريات
لو الذكرى تاني تلمنا
ونبقى عشاق للابد
نشيل الغرام في دمنا
لا انتي تنســــيو لا انــا

انتي وانا عاشقين رهاف ساكنين
ضفاف شتل الاماني وحبنا
ومن حقنا نسكن في الكواكب
في قصر لى غيرنا ابدا ما انبنى
نسامر النجوم ويزورنا القمر
الحتى لو جافا الظهور ما بغبنا

ورجعنا تاني لقينا الصبر
كان اصلو مزروع عندنا
انتي ما روحي واماني والزول
الجميل الاصلو مخلوق مننا
وشنو الفضل ما بقيت
انا وباقي الحكاية المحزنة
انسان بريد عينيك كتير
عشق حكايتك وادمنا
ولما رحع خطوي ولقاك
بق يكره الغربة المريرة ويلعنا
وياربنا وياربنا العشناه من
ظلم الهوي ما يعيشو زولا بعدنا
وانتي ونا نبقى عشاق
للابد نشيل الغرام في دمنا
لا انتي تنسيو لا انا

تباريح الهوى


ده الجانى منك ومن تباريح الهوى ،

وصفو بصعب يا جميل

وبعدت عنك ، ولما طال بى النوى ،

بقى لى أسيبك مستحيل ،

تبقى سيرتك هى الكلام

وتبقى صورتك هى الرؤى الحلوة البعيشها

فى صحوتى ، او حتى فى عز المنام

ويبقى اسمك هو الغنا

هو البجفف لى عذابات الضنى

ما الشفتو منك يا منى الروح يا أنا ،

وصفو بصعب يا جميل ....

وبعدت عنك .... ولما طال بى النوى

بقى لى أسيبك مستحيل

***

بشكى ليكم يا مظاليم الهوى

أصلى مجروح مرتين ،

يمكن القى الزيى فيكم

ضاق جراح الحب ومتعذب سنين

ويمكن القى وصفة تنفع ..

ولا يمكن القى حاجة تخفف الجرح القديم ..

حاجة تشفع ..

**

ده الجاني منك ومن تباريح الهوى

وصفو بصعب يا جميل

وبعدت عنك ، ولما طال بي النوى

بقى لى أسيبك مستحيل

++ أنا بيك سعاتي مؤكدة ++
*******
أنا بيك سعاتي مؤكدة وبلاك حياتي منكدة
حرام عليك يا جميل ما صح عليك تعمل كدا
يامن محاسنك بي قلوب عاشقين مستفردة
خليتني أشكو من الغرام وأقول حقائق مفردة
وأقول حبيبي عمل عدوي خلاني لي الأذى و الردا
ما عندي مانع حتى لو ضيعني ساكن الموردة
أنا بي محاسنك بفتخر وانت المحاسن سيدا
يومي الأشوفك يبقى عيد والدنيا تبقى معيدة
البدر إن شافك يزوول من الأنوار الجيدة
أما الشمس لو شافتك ترجع أسيرة مقيدة
أنا طرفي شايفك يا جميل أخد اللجين العسجدة
مهما أعاين في الشباب وين ذي محاسنك أوجدا
قبال أراك أنا كنتا في أيام جميلة مبجدة
متى روحي من بعد العزاب تشفق عليها وتنجدا
بقا عقلي مشغول بي الوصال والكان ديما مهودة
خايفك تحرض يوم لقائي وأيام عزابي تزودا
بالنفرة والجفا والصدود مسلتا غزلان الودا
نفسك على جور والبعاد والعزلة والعوائدة
يامن على حرب العشوق لحظك جيوش مجندة
وقامتك تطيبك كأنها مخلوقة قطر الندى
والحكمة في كونك بخيل وهلك أرابيب الندى
أصلك بتدلل على ولا الحكاية معاندة .!
أصلك بتدلل على ولا الحكاية معاندة .!

واحشني


واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وانت لما بتسيبنى وتسافر
خت فى إعتبارك ،
انو دنياى فى مدارك
وجد- لفافات الصبر دخنتها
وكل المقاطع فى غناى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة – جد – وأجتزتها
ولسة واحشنى

كيف لا اعشق جمالك
ما رات عيناي مثالك و كيف لا اعشق جمالك
كيف لا اعشق جمالك و انت مغري
زنت بي ادبك جمالك و انت سحري
فيك اجمل شي خصالك و انت بدري
ابعد الغايات منالك
لو رنيت ترسل نبالك
قلبي لاعب بيه مالك
ليهو حق لو كان هوانك
و كيف لا اعشق جمالك
بسمتك توحي الاغاني
و اسمي ايات المعاني
في هواك لاقيت هواني و بيهو راضي
معتلي قلبي و لساني
انت زي زهر الخميلة
تزدهر في روح جميلة
و عالية اخلاقك نبيلة
و يخجل البدرين هلالك
و كيف لا اعشق جمالك
انت رافل في نعيمك
وبس انال منك جحيمك
وقول لي كيف اظفر بليمك
ناري تطفأ روحي ترفأ
في سماء العز زي كمالك
كيف لا اعشق جمالك

ليه بتسأل
ليه بتسأل عني تاني بعد ما شلت الاماني
روحت خليتني لزماني وانت عارف علي جاني

لو ببعدك الليالي تداوي غلبي ولاتاني ترجع الافراح في قلبي
كنت واهم يا حبيبي
دي الليالي امر ليا من دموعي الفي عنيا
كل لحظة تمر عليا تنقص الايام شوية
واطفي شمعاتي القليلة وافضل ابكي واقول حليلا
للدموع النازلا كل ليلة زايدة اشواقس وحناني

امنياتك من حياتك زاد حياتي كنت اجمل كنت اجمل امنياتي
انا عهدي راح ما اظنوا اتي وما فضل يا ناس غير اغنياتي
وفيها ضاءت ذكرياتي
مرة اضحك ومرة ابكي ومرة اتحمل اسيا
مرة اهرب منو واشكي واعتبر حبك حكاية
عشت فيها بكل روحي تشفي ليا زوهدي وجروحي
كنت داري كنت دوحي واختفيت يا نور زماني

لا وحبك
لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية
انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..
كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..
حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...
و برضو يحصل..
تنسى عشك ..
في النهاية ..
لا وحبك لن تكون ابداً نهاية..

يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
هواك لازال بواليني ...
خيالك جوه في عيوني..
لكن انت ناسيني ....
وانا الاشواقي ليك زايدين..
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
وليه يا روحي متخاصمين....
بعد ما كنا متحابين...
ياروحي الفراق لمتين...
فراق يومين عليّ سنتين....
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
ياغايب عن عيني....
حصل ايه بينك وبيني....
تجافيني وتعاديني....
وتترك قلبي بين نارين..!!
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن

خصل شعرك
خصل شعرك حروف شعري البيوصف حالي شوق وحنيــن
ولون شعرك سواد حظي أنا معاك في الريدة سبعة سنــيـن
عندي يقين أمل في بكرة بالتحسين...
نسافر في بحور عينيك نخاف الموج نصد راجعــيـــــــــــــن
نطوي شراع ملاه الريح نسيبو سفرنا تاني سنيــــــــــــــــن
نسافر كيف وليل عينيك محيط يهدر علي الشطيــــــــــــــــن
بين أمرين بقينا وحالنا محتارين...
نخاطر و نركب المجهول نسافر في بحور العيـــــــــــــــــــن
نلف الليل معاه نهار... معاه نهار وبين ليليــــــــــــــــــــــــن
أخير ارجع واسود قوام أطوف بالهند ونهر السيـــــــــــــــن
خصل شعرك حروف شعري البيوصف حالي شوق وحنيــن
ولون شعرك سواد حظي أنا معاك في الريدة سبعة سنيـــن

نسانا حبيبنا مامنظور ينسانا
ده حبيبنا ما منظور ينسانا
حبيبنا سفر ودع ما غشانا
حليلا الاخوه ماقدّر عشانا
**************
نسانا حبيبنا وعارف ريدنا ليهو
عشانو بتبكي قلوبنا ورا رحيلو
سافر بينا لدارو ومقيلو
سافر بينا بدارو ومقيلو
نقول ده سافر ودع ياحليلو
**************
نساهر ونشقى لو ينفع شقانا
تسيل دمعاتنا بشوقها وحنانا
عشان مايطرأ ريدتنا ومنانا
يذكر قلبو أيامنا المعانا
*************
وحات الريده ما بنسالو عشره
ااااه يادنيا نبكي وقالو مره
اتذكرنا عودة طيفنا مره
إذا كان يحليلو عرف الفرقه مره
*************
كيفن يقدر يستحمل قليبو
كيفن يرضى ويستحمل قليبو
الزمن قساه نسى إخلاص حبيبو
يا معذبنا وما قادرين نسيبو
يا مجننا وما قادرين نسيبو
نقول لا بد بكره الشوق يجيبو
************
نقول يا ليـــل ياليــل
نقول ياليل لي همي وأسايا
واشهد قلبي ونوح سهري وبلايا
خلاص بريدو ضاع أملي ومنايا
أأأأأه بحبو ضاع أملي ومنايا
ياناس بريدو ضاع أملي ورجايا
بقيت وحيد نجوم الليل عزايا
*************
نسانا حبيبنا مامنظور ينسانا
ده حبيبنا ما منظور ينسانا
حبيبنا سفر ودع ما غشانا
حليلا الاخوه ماقدّر عشانا

دنيا المحبة
~ ~ ~
في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم
*
من لمسات حنانك خلاص تمينا دور
أيام مرة خالية من طعم السرور
كل ما غنى شادي دوبني الشعور
وأقول يا ريت حبيب لو في الطيف يزور
*
لو كان التمني بينفع كل حبيب
ما كان السعادة بقت قسمة ونصيب
ولا قلوبنا الحيارى مع الايام تشيب
ولا عاش قلبي تايه في حبك غريب
*
لا تسأل مشاعرك ليه عيني بكن
يوم ودعني حسنك ولازمني الشجن
باكر يا حبيبي يعلمك الزمن
ليه دنيا المحبة للعشاق وطن

في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك
ومديت يميني بلا
كلام ما قدرت قدامك أقيف
ورجعت حابس
أدمعي في الليلة ديك
في الليلة ديك
والناس تشارك فرحتك
حسيت بإني غريب
هناك وغريبة
إنتي في دنيتيك
حسيت معاني الفرقة
حسيت بالوجود
ماخذ سواد من حنتك
شفت الدموع خلف الرموش
مكبوته بي حسرة وضياع
ورعشة الكف الخضيب
مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك

قصر الشوق

كلمات: التجاني حاج موسى

أقول أصبر على الهجران
أقول أنساك لا بد
أشوف بس طرفك النعسان
تخوني القوة والشدة
تصبر قلبي على الهجران
يثور ماضينا ويتحدى
يا قصر الشوق لو هداك
حبيبك ومر ليك صدا
بأبنيك بغلاوة الريد
محال أنا قصري يتهدا
أهي الأيام بتتعدى
ونرجع تاني لا بد
وحات عمراً قضيتوا معاك
محال عن ريدك ارتد
وراجي العين تلاقي العين
وأحضن إيدك البضة
وأهي الأيام بتتعدى
ونرجع تاني لابد
باب الريده وإنسد
نقول ياربي إيه جد؟
تمر أيام وتتعدى
ونقعد نحسب في المدة
مهما أجرب النسيان
ألأقي الشوق يمتد
ما باب الريدة وإنسد

داوي ناري وإلتياعي
وتمهل في وداعي
يا حبيب الروح هب
لي بضع لحظات سراع
قف تأمل مغرب
العمر وإخفاء الشعاع
وأبكي جبار الليالي
هده طول الصراع
ما يهم الناس من
نجم على وشك الزماع
غاب من بعد
طلوعه وخبا بعد إلتماع
أه لو تقضي
الليالي لشتيت باجتماع
كم تمنيت وكم
من أمل مر الخداع
وقفة أقرأ فيها
لك أشعار الوداع
ساعة أغفل فيها
لك أجيال امتناع
يا مناجاتي وسري
وخيالي وابتداعي
تبعث السلوى وتنسي
الموت متروك القناع
دمعة الحزن التي
تسكبها فوق ذراعي
داوي ناري وإلتياعي
وتمهل في وداعي
يا حبيب الروح هب لي
بضع لحظات سراع

ليه كل العذاب
_
كلمات: التجاني حاج موسى

ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
الدرب المشيتو مشيتو عشانك
عذب وزيد عذابك يا سلطان زمانك
عذب وزيد عذابك يا جبار زمانك
كل ما أجيك داني كايس لي حنانك
تبعد مني تقسى وتزيد الألم ألم
لو تعرف يا ظالم بحبك قدر إيه
بحبك والله عالم ده حب احترت فيه
بحبك زي عيوني ولو سألوني ليه
لأنك في عيوني في عيوني الألم
عذب فيني بالغ وزيد منو الكتير
لو يرضيك آذاي عذب يا أمير
قالو البهوا دايماً ياما يشوف كتير
وشفت غلاوتي عندك وحبيت الألم
ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
لسه الفرقة حاصلة وبقاسي الألم
لسه الفرقة حاصلة وبقاسي الألم

لاهماك عذابنا
+++
كلمات: يوسف محمد يوسف
ألحان: زيدان إبراهيم

لا هماك عذابنا
لا دموعنا وشقانا
نهديك المشاعر وتخون الأمانة
عارف ريدنا ليهو كم قاسينا فيهو
لو غاب من عيونا دقيقة دقيقة نخاف عليهو
أصبح لينا مرسى نرتاح في عينيهو
تمشي تخونا إنت تقول تتهنى بيهو
في ساعة غيابك نسأل وين تكون
وسدناك رموشنا وشلناك في العيون
كيف يرضيك ضميرك تتنكر تخون
العشرة الكانت ببتحدى الظنون
سبتا مصيرنا ضايع مرساه العدم
في بحور السراب بالدمعات وهم
عشان آمالنا فيك قلبنا ما ظلم
خلاص عرف الحقيقة
وما بفيد الندم
لا هماك عذابنا
لا دموعنا وشقانا
نهديك المشاعر وتخون الأمانة

لواحبك
----
لو أحبك أنا العمر كلو
برضو شاعر ما كفاني
انت فاكر للعواطف
ظاهرة في روحي وكياني
والمحبة البين ضلوعي
خالدة برويها بحناني
إن مساهر بالي فيها
وان نسيت كانت أماني
مشتريها بي شبابي
والشباب ما بجيني تاني
*
بين شفايفك ابتسامة
زي قمر ضوا في حياتي
وكل بسمة بتزيد شجوني
وما في زول يرحم شتاتي
لما تحكي الشوق عينيا
أو تعاتبك اغنياتي
كلمة حلوة من لساني
فيها أجمل ذكرياتي
بس بنظرة بترد عليا
ومن بعيد تلهم سكاتي
*
كن مجامل يا حبيبي
ويكفي انك تصطفيني
عشّي خاوي بالليالي
والنهار بشهد انيني
الضلام بكتب عليهو
بي حروف النور حنيني
والنجوم تشهد ضنايا
وتقرا فيك لمحة ضنيني
متين تعود أيام هنايا
وتاني ترجع تصطفيني

دنيا المحبة
~ ~ ~
في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم
*
من لمسات حنانك خلاص تمينا دور
أيام مرة خالية من طعم السرور
كل ما غنى شادي دوبني الشعور
وأقول يا ريت حبيب لو في الطيف يزور
*
لو كان التمني بينفع كل حبيب
ما كان السعادة بقت قسمة ونصيب
ولا قلوبنا الحيارى مع الايام تشيب
ولا عاش قلبي تايه في حبك غريب
*
لا تسأل مشاعرك ليه عيني بكن
يوم ودعني حسنك ولازمني الشجن
باكر يا حبيبي يعلمك الزمن
ليه دنيا المحبة للعشاق وطن

إفـــــتــــــتــــــــان

لي حق إذا هممت ......فؤادي عندك إنت

حبيب الروح سَلِمتَ......أنا بي لو عَِلمتَ

أنا الأمين ووافي .........وليك ودادي صافي

يا ملهمي القوافي ........ولكل معنى واافي

زي بسمت الأزاهر..... في نظري إبتسمت

زي نقشت الخواتم......في قلبي اترسمت

أقول لـيـــــــــــــــك ....أقول ليك إذا سَم*َحتَ

أنا شايـــــــفك .........حبيبي شايفك

أنا شايفك تبهرج........ كل ماليك لَمَحتَ

وضوء الفجر بِنتَ......زهر الروض فُوحتَ

ياحلو المناظر .......يا ساحر النواظر

يالنظروك فَرَحتَ....... وبالنظرات جَرَحتَ

يــــــــا حــبــيــــــبــــــي أنا بيك افـــتـتــنــــــــت

وبدر الحسن انت .......وبين الناس عُرِفتَ

إن وصفو المحاسن بس ماهن وُصِفتَ

أنا أنا أنا نـــــــاري أنا نـــــــــاري يا تومي

أنا بي عيوني شفت..........وصادق إن حلفت

من تأثير عيونك ......صديتني ورجفت

ومن تأثير عيوني ......على خديك خفت

أنا أنا أنا نـــــــاري أنا نـــــــــاري يا تومي

أنا ما بقطف زهورك
أنا ما بقطف زهورك بعاين بعاين بي عيوني
يا الغصن الفي تهورك بعاين
يا البدر الفي خدودك بعاين
مترقب ظهورك بعاين
اتأمل بي محاسنك و اتمتع بي مناظرك و اتوسع بي ...
لعبت بي دورك بعاين
و أصبحت مسحورك بعاين
سبحت في بحورك بعاين
عرفت أوزانك و عزفت ألحانك آهات و أنين
لا زلت مأسورك بعاين
ما قادر ازورك بعاين
ملأ العيون نورك بعاين
كشف الظلام بسمك و تجلا لي رسمك شخصك ملأ عيوني
اضناني تأثيرك بعاين
و ما بشكي لي غيرك بعاين
اعياني نفسيرك بعاين
يا الرمز الحيرني و هواك سيرني أتحدى الخزلوني
يا العالي موهوبك بعاين
يا الراقي اسلوبك بعاين
الناس يأنسوبك بعاين
يا العالي تعليمك انا من مظاليمك إيـــه زمبي وريني
إيـه زمبي يا حبيبي .. إيــه زمب يا حبيبي
إيه زمبي يا حبيبي
انا ما بقطف زهــــورك بعاين بعاين بي عيوني

في عيونا بنشيل الصبر ... كل العمر
بنشيلو ريد وبنشيلو عز
وانت بتجينا بلا ميعاد تحرق فؤاد عاشق بعز
وتسيبو لي ليل الشجن اصلو طبعك يازمن
لا راضي انت تغيرو ولا نحن راضين بالمحن
قدامنا شوف كم زول بكى قدامنا شوف كم زول تعب
لا مرة ولا يوم اشتكى ولا قال خلاص صعب الدرب
اهو نحن عارفين الحصل وبرضه بنقول عاوزين نحب
وبي روحنا ماشين للمحن
اصلو طبع يا زمن
شوف ... نحن عارفين قيس ..شقى
وعارفنو كان تايه وحيد
لاحبو لاريدو اتلقه
ولا في عمره يوم عاش سعيد
طول عمره كان مستنى ليلى
وكان بيحلم بالجديد
اهو هسه مرت الف ليلة وبرضه بنفكر نريد
مع انو عارفين الثمن اصله طبعك يا زمن
انا ما بقول يا قلبي اقسى وخلي للحب الدرب
لكن كمان ما تكون عنيد
وتحب ليك زول ما بحب
معقول ؟؟ بس زول ما بريد
يعصر وراك دم القلب
ساكت تضيع ويروح شبابك
وتفنى في نص الدرب

حسنك امر احمل صبابات الهوى
وأحضن براي نار الجوى
لاكلّ قلبي ولا فتر
حسنك امر و الشوق بحور
ماليها حد ماليها قيف
احترت كيف اقدر اصل
بالله قول بالله كيف
حسنك امر ... وآ لوعتي
وآ لهفة القلب الرهيف
حسنك امر
مهما صعب درب الوصول
لازم أصل
اتحدى دربك لو يطول
ومين غيرنا نحن البحتمل

سيبي دربي
سبي دربي خلاص كفايه اضيع معاك وتضيع خطايا
شلتا اسمك من ضميري الى حبك كان حكايه
انا كنت ما عارف الحقيقه ضايعه كانت في البدايه
الى في الاخر عرفت ان قلبي ما معايا
و الكلام القلت لي كان خداع و قصص روايه
ما براي انا في طريقك راحوا قبلي كتار ضحايا
امشي في دربك وحيده و انسي اشراقات هوايا
امحي من قلبك حناني و اهدي ريدك لي سوايا
كنت لي دنياي زهره كنت احلى من غنايا
الليله راح البينا كلو و بقينا في اخر النهايه
انا بكره ياما اشوف حبايب و انسى بي الافراح شقايا
القى ناس طبيين معاهم ابني عريشه هوايا
قلبي بي الامال ينور و القى بعد الهم رضايا
و اللي راح في الدنيا راح الله يغفر ليك ازايا
و اللي راح في الدنيا راح بكره في الجيات عذاب
و اللي راح انا راضي راح الله يغفر ليك ازايا

العهود صونوها
الشاعر:اسماعيل حسن
غناء :محمد وردى
ياما دربك كنت بفرشو ورد وحنية واماني
ياما عهدك صنتو وما خنت وكام ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
ءإن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تيقى جنبي ونسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني