فضفض باغنية كاملة ...او مقطع ....أوبيت شعر من اجمل ما سمعت

تذكير بمساهمة فاتح الموضوع :

فضفض باغنية كاملة ...او مقطع ....أوبيت شعر من اجمل ما سمعت
الماضي
للرائع التجاني حاج موسى

وجايى تفتش الماضى ؟

خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى .........

حمد الريح
وصفك حير الأفكار



للتحميل

[ندعوك للتسجيل في المنتدى أو التعريف بنفسك لمعاينة هذا الرابط]

زيدان إبراهيم
قصر الشوق



للتحميل

[ندعوك للتسجيل في المنتدى أو التعريف بنفسك لمعاينة هذا الرابط]

سميرة دنيا
وحياة غرامنا



للتحميل

[ندعوك للتسجيل في المنتدى أو التعريف بنفسك لمعاينة هذا الرابط]

صلاح بن البادية
وشوشني العبير



للتحميل

[ندعوك للتسجيل في المنتدى أو التعريف بنفسك لمعاينة هذا الرابط]

مصطفى سيد أحمد
الشجن الأليم



للتحميل

[ندعوك للتسجيل في المنتدى أو التعريف بنفسك لمعاينة هذا الرابط]

العزيزة المابتسأل عن ظروفنا


العزيزة الما بتسأل عن ظروفنا
الوحيدة الطال عشان جيتك وقوفنا

العزيزة الما بتسأل عن ظروفنا
الوحيدة الما بتحاول يوم تشوفنا

المواعيد لسة حزنانة بتنادي
والأماسي بتبكي في أسى ما إعتيادي

ما كنتي بهجتا براوئع قوس قزح
والله ما طلانا من بعدك فرح

سلميلنا على ضفايرك موجة موجة وكلميها
قولي ليها حرام تتوه فيها المواسم ونحنا بالجد نشتهيها،

سلميلنا على عيونك يوم تسهي تغروديها
ويبقو تفاحتين خدودك بس خدودك وين شبيها،

سلميلنا علي يدينك وشملة الريد أنسجيها
سلميلنا علي خطاكي عزة العاملة ومشيها

والله أحضانك بلد يا حلوة ما تنسينا فيها

زمان الناس
كلمات: عبدالكريم الكابلي

زمان الناس هداوة بال و انت زمانك الترحال

و ليلم عمرو ما سآل و ليلك لي صباحو سؤال

قسمتك يا رقيق الحال مكتوب ليك تعيش رحال

تسامر في الغيوم أشكال روائع تذهل المثّال

شي سيرة زفة بي طبال و عروسة في جبينا هلال

مواكب فرحة من أطفال يحاكوا السمحة ست الخال

و قُبّال ما الصور تنشال على خيوط الأمل و الفال

و صبح الناس يجيك مرسال

يشيلك فوق وسط عينين يوديك مقرن النيلين

يخدر فيك عقيد ياسمين

و تقوم شتلة محنة مثال أريجا دعاش و حزمة نال

قبال توتي ام خداراً شال عيون ام در لبيت المال

غريب و الغربة أقسى نضال غريب و الغربة سترة حال

قريب و بعيد حضور و زوال دا روم الاصلو ما بنقال

تراقب في المجرة زوال عيونك ما عيون أجيال

حبك للناس خلاني احبك تاني

فيك الاحساس نساني اعيش احزاني


ما انت نغم رنان في خيالي

ما انت عشم فنان زي حالي

عارفك ساحر ازمان قبالي

تسحر ازمان جاياك وليالي


كيف ما اريدك لو كان احوالي

بيك تتباهى وتزدان وتلالي

ياروح سر الالوان يا غالي

يا صاحب عظمه وسلطان ومعالي


كم في معناك حنان متوالي

كم في دنياك امان ياغالي

يالحسنك بيك فرحان ومتعالي

وكم فرحت بيك احزان يا حالي

يا حبيبي قلبي حاب
رحلة بين طيات السحاب
وحدنا
أنت وأنا


حبيبي خاف يوم الذهاب
في بساط الريح المهاب
حبيبي عاتبني
سميري عاتبني


وبعيونه كان العتاب
وللاحباب لغة العيون
أبلغ خطاب


قال لي ألمس قلبي ذاب
أنا خايف
و انت شايف

طوينا الجو طي الحجاب
و بقو لينا الانجم قراب
من هنا
جن جمبنا
انت و انا


احدث ما عرف الوجود
اشبه بنعيم الخلود الفي الكتاب
عشان رضاك


عشان تقول و اقول معاك
انشوده الهوه و الشبب


الحب نما
و بلغنا اشباب السما


سبحنا فل علا كالشهاب
و بنشوف العالم رهاب
تحتنا و يهتف لنا
يا بختنا
انت و انا

عدنا
و بينا ما طال الغياب من رحله
طي الاثير مع السحاب


وصلنا جهة معينة
مين زينا
انت و انا
يا بختنا


إتخذنا الآفاق رحاب
وأتخذنا الأنجم صحاب

شربنا كاسات الهنا
دور منهن
و دور مننا

انا آه ناري انا
انا ناري ناري انا

يا حبيبي قلبي حاب
رحلة بين طيات السحاب
وحدنا
أنت وأنا


حبيبي خاف يوم الذهاب
في بساط الريح المهاب
حبيبي عاتبني
سميري عاتبني


وبعيونه كان العتاب
وللاحباب لغة العيون
أبلغ خطاب


قال لي ألمس قلبي ذاب
أنا خايف
و انت شايف

طوينا الجو طي الحجاب
و بقو لينا الانجم قراب
من هنا
جن جمبنا
انت و انا


احدث ما عرف الوجود
اشبه بنعيم الخلود الفي الكتاب
عشان رضاك


عشان تقول و اقول معاك
انشوده الهوه و الشبب


الحب نما
و بلغنا اشباب السما


سبحنا فل علا كالشهاب
و بنشوف العالم رهاب
تحتنا و يهتف لنا
يا بختنا
انت و انا

عدنا
و بينا ما طال الغياب من رحله
طي الاثير مع السحاب


وصلنا جهة معينة
مين زينا
انت و انا
يا بختنا


إتخذنا الآفاق رحاب
وأتخذنا الأنجم صحاب

شربنا كاسات الهنا
دور منهن
و دور مننا

انا آه ناري انا
انا ناري ناري انا

ارحمينى يامشاعر


ارحميني يا مشاعر ويا مواقف ياظروف

ماكفاك الشلتي مني قلبي مليتي خوف

شلتي امالي البنيته وضاعت انغام الحروف

الناس بتحصد في الفرح وانا بحصد الهم والجروح

الحصاد الوقتو فات بنتظر باكر بعود

تملا دنياي السعادة وانسى ايام الصدود

بزرع العنوة ابتسامة وانسى ايام الصدود

ارحميني يا مشاعر ويا مواقف ياطروف
ارحميـــــــــــــني

الفات زمان



الكنت قايلو فات زمان

رجعتو بى طعم الغنا

احلام صباي والزكريات

هومت بي بالدندنة

اتارى فى جواي نغم

وهنا القليب بيدق هنا

ناسى الزمان اتغيرو

لكنى ما اتغيرت انا

اطياف هواي

الليلة جات تسأل

علي ملهوفة كيف

اجمل صور عبر الخيال

مرسومة فى خطوط الحروف

يا وجعة الزول اليتيم

ياحسرة القلب الرهيف

يا حليلة طلات الصباح

طى العوينات الشفيفة

الكنت قايلو فات زمان

الكنت قايلو فات زمان

مكتوب علي سفر الشجون

شوق الحنين ولوعة حزين

مكتومة فى اعماقى اناااا

محبوسة فى دموع العيون

لمتين ورااااااااااااااااااااك سفر الشقااااا

قولي متيين لى متين يكون

لمتين ورااااااااااااااااااااااك سفر الشقااااا

قولي متيين لى متين يكون

كأنى مديووووووون للعذاب

ودفع سنين من عمرى دين

صحوة الذكرى ::
يا صحوة الذكرى المنسية
من بعدك وين الحنية
بتعدّي مواسم وتروّح
والذكرى بتصبح أبدية
أبديييياااااااااااااااااااااااا


يا مرسى الفرحة يا واحة
قبلة عيني وصباحا
من بعدك غنيا بتشجيني
وخطايا بعدك تواها
الحزن الخيّم في قلبي
وأيامي الفاتت أفراحا
لا فرحة بدونك بتدوم
لا قلبي وراك لقى الراحة


عصفورنا الروّح كلمتو
وصيتو يكوس يسأل عنك
في جنب جناحو سطرتو
بحناني الفايح منك
في أي مكان لو قابلتو
أنا شوق الدنيا علي منك

بتعدّي مواسم وتروّح
وبتجيني أظنك وما أظنك
يا صحو الذكرى المنسية
من بعدك وين الحنية
بتعدّي مواسم وتروّح
والفرقة بتصبح أبدية
أبديييياااااااااااااااااااااااا




الرحلة طويلة
مكتوبة عليّ وبمشيها
المسافة بعيدة
ومحسوبة خطاوي وجاييها
الغنية حزينة
مليانة محنة بأغنيها
والذكرى الباقية معاي منك
يا ريتو قلبك يصحيها

اعمل شنو في ريدك اكتر من العامـلو
اعمل شنو في عينيك لابهادنو لابجاملو
اعمل شنو


سهر العيون هين بصبر عليهو سنــين
والدمعه لو سالت بتوري شوق العيــن
وانا في هواك حاكون هيوف جديد لمتين
بس انتي كيف ترضي كل العليك يبيـن
اعمل شنو؟



ماقلنا من اول لامن نريد بنريد

وانا من زمان عارف وجع المحبه شديد
بس انتي ريدك كمان رغم الوجع بزيد
وانا كيف اشوف لو من بعيد لي بعيد
اعمل شنو؟


الليل عشان عينيك سهر قناديلو
بكي من حنينو الطيب بلل مناديلو
فاقدين حنانك يا املي البناديلو
انا والقمر ساهرين يحكيلي واشكيلو
اعمل شنو؟

قلت ليها

وإيدى فى أيديها

دمعة حزن سالت ..

جاى منك ... وماشى ليك

يا مداين غربة طالت

لو مدارات نجمى ضلت ..

وسكة السفر استحالت ..

كونى فى دربى الحقيقة

الديمة ليها مشاعرى مالت..

قلت ليها ..

وكنت راجع لى عينيها

من أسى الزمن المسافر فى المشاوير .. العصيبة

من متاهات الأمانى

فى مدار الحسن ضماها وحبيبه ..

بينى لا بينك مزار ..

لا محطات إنتظار ..

لا مواعيدك قريبة

إنتى يا الفرح .. الحقيقة المستحيل ..

هدهدي الصبر الجميل

وأمسحى الألم المخيم ..

فى المدارات الرحيبة

قلت ليها

الحقيقة الضايعة

بين .. قلبى وعيونك

أنى لا قادر أفوتك لا أجيك

وأنى ما عارف بدونك ..

أبقى كلمة حب

تزف البشرى فى ساعة مجيك

وأنتى عارفة .. وقلت ليك

يانى أكثر زول بريدك ...

يانى صفوة عاشقيك ..

يانى راكز الخيل عليك

ولسه بى حبك متيم ومبتلى

ألا ريدك زادنى حيرة .. على العلى

لا مراكب البشرى ختن

.. قلبى عندك

وإنتى لاقلبك

نسانى

ولا عليـــــــك

علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا
بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
علمينى الإحتمال
ونحنا كيف نقدر نقاوم
فى بلد ملّ الحِوار
صرخة بتموت فى المزارع
زيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّل ومضة الأمل
البيشرِد كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى حروفك
وغيث يخدر فى سهولك
علمينى الأحتمال
ونحن كيف نقدر نجمّع
لى ملامح الليل
بنوصل من مدار
علمينى الإحتمال
وكيف قواى تقدر تقاوم
فى بلد ملّيت صِفوفة
ولاّ أمشى على المزالِق
فى بلد نقرت دِفوفة
ولاّ أشيلِك وإحتِمالِك
إمّا أدّيك فى إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من جروفك
برجا هجعة ليل طيوفك
علمينى الإحتمال
ولاّ نتعاهد نواصِل ..
فى الدروب القاسية نمشى
وفرحة الأطفال نشوفة
ومضة تمحوها الظلال
ولا نتعاهد نواصل
ونظرة تغنيك عن سؤال
فى خيالك .. وغيم ظلالك
بين ظلالك واحتمالى
لمّا يتجاوب سؤالك
ترفع الأحزان ظروفة
وتنقر الأفراح دفوفة
لمّا نتقابل نحقّق
فى وجودى .. وفى وجودِك
أحلى شوفة0000

كل لحظة بتمر على انت فى خاطرى وعينى
انت فى فنى البعيشوه فى المدى فى الابدية

قدر ما احاول اخاصمك وانسى احزانى واساها
واكتم الغير فى قلبي واطوى جرحى فى الحنايا
القي اثرك فى حواسى و خطاى
القى كل الدنيا حولى


فى حياتى قبل انت عشت قصة حب قاسية
لسه ما زالت بقلبي زكرياتها المره باقية

لما احلق فى وجود و كنت بقيك سعادتى باقية
لكن انت هدمت املى

انا لوعارف خصامك لى ايامه بتطول
كنت ما اترددت لحظة لما حار بى الدليل
انسى ظلمك وارجى حلمك
وانسى كل الراح قبيل
اصلوا حبك فوق ارادتى

بهوى العيون السودة ... وأحب سمار في خدودة

إنت الصباح الضاحي ... إنت الغروب الباكي

إنت المياه العذبة ... إنت النسيم الصافي

بهواك وأزيد في حبي ... مهما تزيد في نوحي

وقلبي راح لقلبك ... نسيتني مالك روحي

كف عيونك عني ... لغة العيون كاتلاني

حب الجمال جنني ... شوق الوصال أضناني

بهوي العيون السوده

ده الجانى منك ومن تباريح الهوى ---- وصفو بصعب يا جميل
وبعدت عنك ولما طال بى النوى -----بقى لى أسيبك مستحيل تبقى سيرتك هى الكلام
وتبقى صورتك هى الرؤى الحلوة البعيشها-----فى صحوتى او حتى فى عز المنام
ويبقى اسمك هو الغنا ----- هو البجفف لى عذابات الضنى

ما الشفتو منك يا منى الروح يا أنا
وصفو بصعب يا جميل --- وبعدت عنك ----
ولما طال بى النوى -- بقى لى أسيبك مستحيل

========

بشكى ليكم يا مظاليم الهوى ..أصلى مجروح مرتين ،

.يمكن القى الزيى فيكم

ضاق جراح الحب ومتعذب سنين ..ويمكن القى وصفة تنفع

.. ولا يمكن القى حاجة تخفف الجرح القديم ..

حاجة تشفع ..

=========

ده الجاني منك ومن تباريح الهوى …وصفو بصعب

يا جميل ..وبعدت عنك ، ولما طال بي النوى

ما عشقتك لجمالك
إنت أيه من الجمال
أو هويتك لخصالك
أنت أسمى الناس خصال
أو لي روحك لجلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهاهو
من مناظر السبر صفحة
من رهيد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصح و طريقنا باين
يا شبابنا نقيف نعاين
الأمل معقود علينا
والعمل ظمآن إلينا
بي سواعدنا ونضالنا
في جنوبنا وفي شمالنا
غيرنا مين يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليك تزحمنا الخواطر
نبني مجدك يا بلادي

ننساك انت انت بتتنسي
ما انت روحنا وحبنا
سافرنا في عينيك ولسه
قلوبنا بيك ... متجننه
يا اغلى من نور العيون
يا احلي من النور غنا
كون من رشاقة وامسيات
باقات انيقة ملونه
الحان طروبه ووشوشات
انجم .. موسيقى .. ودندنه
ذابت قلوبنا عليك حنان
وانت بعيون ذوبتنا
غار المساء و الكون صبح
عشاق جمال يتاملو
وكل الحروف الفي الخيال
في لحظة جادو وما غلو
حتى القمر حولو النجوم
اتلفو فيك يتاملو
وقالو الجمال يا غالي بيك
كانت نهايتو .. واولو
ونحن في هواك يا غالي
لا بنطيق فراق لا بنحملو
واصلو المحبين الحنان
لا بنسو لا بتحولو
ننساك ؟؟ هو انت انت بتتنسي

ياطير ياطائر
يا طير يا طاير من بعيد فوق الغمام
من ربوعي أحمل الشوق يا حمام
انشالله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام
يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام
ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام

القمر بوبا
الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل
الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل
القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل
الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضرالقمر بوبا
الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل
الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل
القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل
الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

القمر بوبا عليك تقيل

اخادع نفسى بى حبك
أخادع نفسي بي حبك وامنيها
واهرب حتى من ذكراك
الاقيها
دموع الحسرة في عينية اخفيها
نار الشوق اقول الصبر يطفيها
اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر
شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه
تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

حرمت الحب والريده
الطاهر ابراهيم
قست الدنيا علية
وجافى النوم عينية
مع هجرانك لية
حالفة تغدري بية
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
فكري الحيرتيهو
وعقلي الودرتيهو
صوني وعدك ليهو
أوعك تخلفي بيهو
حرمت الحب والريدة
برضي ما أرضيت
صعبان علي وحياتك
ياريت لو ماحبيت
خليتيني في حيرة
وما راعيتي الجيرة
والله أنا جارك وانتي
يا جارة بهواكي رغم الغيرة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
الحب والريدة
رمز الحب والريدة
أنا برضي ما أرضيت
صعبان علي وحياتك
ياريت لو ماحبيت

الوصيه
حلفتك يا قلبي حلفتك بري
خليهو الغرام
يتنكر لحبك
وريهو الخصام
ليه تتهان يا غالي
ليه والذل حرام
إتعذب لوحدك
ليل والناس نيام
إن جاك يوم يصالحك
قول ليهو الكلام
أو آيات حنينة
بترد السلام
أوع يا قلبي تنسى في لحظة الوصية
أنا عرفك حنين بتشمت علية
أوع يا قلبي تنسى
أوع يا قلبي
حلفتك يا قلبي
الخانك تخونو
والفيت غرامك
أوع في يوم تصونو
وزي ما أبكى عيني
سهر لي عيونو
أوع تقوللي تاني
ما بنعيش بدونو
أريت الحب لقينا
غير همّو وشجونو
أوع يا قلبي تنسى
أوع يا قلبي
حلفتك يا قلبي حملتك أمانة
الفاتك عهود ما تبكي عشانة
حلفتك تقول لي إيه آخرة بكانة
الدنيا الجميلة
والحزن الحلال
الطير في غصونو
الساجعة في حنانا
كل الناس تغني
ليه نحن الهم طوانا
ليه ..ليه
يا قلبي ليه
قول لي بأمانة
أوع يا قلبي تنسى
أوع يا قلبي

الصوره
توعدنا وتبخل بالصورة
يا غنوتنا
يا بهجتنا
ويا مسا عيونا المبهورة
ما نحن بطبعنا ناس طيبين
غلطاتك عندنا مغفورة
يا نسمة في عز الصيف هبت
يا روح الروح
يا آمالا
إن جيت تطلبنا بضي العين
مابنقدر نحن نقول
لا لا
العين مابتعلا على الحاجب
وعزيز الروح مابتعالا
لو نحن بكينا على الصورة
سامح دمعتنا المعذورة
ما نحن بطبعنا ناس طيبين
غلطاتك عندنا مغفورة
الكلمة الحلوة الفي قلبك
وحياتك ماتعاند قولا
خلينا نصابح بيها العيد
نرحل لعوالم مجهولة
لو نحن مقامك ماقدرو
أعذارك عندنا مقبولة
روعة سحر الأسطورة
يا سمحتنا الما بنطولة
لو نحن مقامك ماقدرو
أعذارك عندنا مقبولة
بنحبك نحن وما قادرين
أبدا عن حبك نتخلا
نتخلا عن الوجه البشبه
ضي القمرة الناعس طلا
كل الآمال الل يخليك
ويحرسك من عين الناس الله

رائعة كجراي
مافي داعي
مافي داعي تقولي مافي
يالربيع في عطرو دافي
لهفة الشوق
في سلامك
في كلامك
وسر غرامك ماهو خافِ
إرتعاشاتك بتحكي
قصة أحلامك معاي
وكل خفقة في قلبي نغمة
تحكي ليكي شوقي وهواي
إنت في بهجة شبابك
وحبي ليك من غير نهاية
مافي داعي ..
قلبي أخضر ولسة في ريعان شبابو
في حرارة شوقو بيسطر كتابو
شوفي كيف نشوانا بتتراقص حروفو
كل لحظة شوق بتتجدد ظروفو
مافي داعي ..
عشنا في دنيا الصبابة
والسعادة فتحنا بابها
بهجت الدنيا وشبابها
ابتساماتك حبابها

عذبني
عذبني وزيد عذابك
يمكن قلبي يقسى
وزي مانساني قلبك
يمكن قلبي ينسى
يازين
عذبني وتفنن
في ألوان عذابي
ما تمسح دموعي
ما ترحم شبابي
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتناسى
الكان بيني بينك
ما تطرا العشرة
والفات من سنيني
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتنكر
للحب والحنان
للريد والمودة
وكل الكان زمان
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين

وتر مشدود

سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود

واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود

واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام

جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود

مسامحك يا حبيبي مهما قسيت علىّ
قلبك عارفو أبيض وكلك حسن نية
وما خطرت لقلبي سلوى تحيدو عنك
ما ممكن أعاتبك وياخد خاطري منك
أنا عارف خصامك وغضبك في كلامك
ما من جوة قلبك كله على لسانك

مسامحك يا حبيبي

وأسال عنى طيفك وزكراك هم شهود
وياما إشتقت ليك ورجيتك لو تعود
وحشتنى الإبتسامة عيونك بي كلامها
تداري في إشتياقها وتفضح لغرامها

مسامحك يا حبيبي

سيان عندي عدلك وجورك عليا
تكابر أو تداري حبك باقي لي
بترجع لي تاني وتسأل عن مكاني
تجدني زي ما كنت زايد في حناني

مسامحك يا حبيبي

ظلموني القالو عني غيّرني البعاد
وحيات نور جمالك زاد البي زاد
وأصبح شوقي أكتر حبك عندي أكبر
أملي في هواك نامي ولسه أخضر

مسامحك يا حبيبي

الهوى الاول
محمد وردي - الجيلى عبد المنعم

أخــادع نـفــسي بي حــــبـــك وامنيها
واهـرب حــتى مـن ذكـــراك الاقيها
دمــوع الـحــســرة فـي عـيـنـية اخفيها
نـار الــشـــوق اقـــول الـصـبـر يطفيها

اقـول انـســـاك وانسى شقاي لو قادر
وطــول الـــغــــربـة والـحـرمـان بلا آخر
اســـيـبـك كـيـف وانت الناهي والآمر
وكيف اصبر وعارف نفسي ما صابر

شـــبـابـي مــعــــاك مـا أضــــيـع امـانيه
وعــمـــر هــــواك مـا أقــصــــر لـيـالـيـه
رضـــــيـت بـي ظـلـــمـو أحـــياه أقاسـيه
ولـــو خــــــلانـي مــا بــــقــــــدر اخــلـــيـه

تـخـاصــم وتـفـتـكر إحـساسي اتبدل
وقــايـل قـلــبي مـال لي سـواك واتحول
وحـــياة ريـدتـــنـا وحــيـاة الـهـوى الأول
بــنـرجــع تــاني لـو زاد الـجـــفـا وطول

منو القال ليك بنتحمل فراق عينيك

منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
تنزل دمعة تتحدر
نرجع تاني نغفر ليك

******
فراقك يوم بعذبنا
بعادك أه بيتعبنا
كيفن مدة ما نشوفك
كيفن يعني ما نلاقيك

******
وعاد يا غالي لما تروح
أنت وراك تروح الروح
بنمشي معاك ونبقى وراك
أبقى وراك عشان أحميك

أسئلة ليست للإجابة
ما معنى أن نحيا .. ولا ندرى
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
***********
هل يختفى الظل الذى لا ينتمى
إلا لمعرفتى وجهلى
وهل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى ..
والرحيل المر دوماً
حين يختلط المدى بالمآسى .. والمخاوف
وأحتراق الأمنيات
*********
تعِبٌ هو البرق الذى لا يضيءُ أقبية الخبايا
لا ينتمى للسحبِ ..
والعشبُ الذى لا يرتوى
إلاّ بطعمك يا عصيراً من خليط الدهشةِ الأولى
وأحتراق الأغنيات

أبداكى من وين
أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
..........
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين ؟ ..

الحزن النبيل
وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
بعتينى لى حضن الأسى
وسبتينى لى الحزن النبيل
***************
ومشيت معاك
كل الخطاوى الممكنة
وبقدر عليها .. وبعرفا
أوفيت وما قصـّرت فى حقك
ولا كان عرفة غيرك .. أصادفا
وقدر هواكى يجيبنى ليك
جمـّع قلوبنا .. وولـّفا
وكتين بقيتى معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
***************
ندمان أنا ؟
أبداً وحاتك .. عمرى ما شلت الندم
ما أصلوا حال الدنيا .. تسرق منية
فى لحظة عشم
ندمان أنا؟
وأنا عندى ليك كان الفرح
رغم إحتمالى أساكى يا جرح الألم
وكان خوفى منك
جايى من لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم

أنت حكمة

أنت حكمة أنت آية ولا إنسان
أنت صاحي ولا نايم
ولا طرفك من طبعو نعسان
أنت راحي أنت روحي أنت انسان
عيني يا صاحي وأنت أحسان
انت نادى انت هادى وأنت ميسان
انت ظافر انت ضافر أسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابة ومر عذابها وقلبى اقران
وانت ساهى انت لاهى انت بطران
يا صفائى يا وفائى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبى خافق هل توافق قدرى ينهان
يا حبيبى كن طبيبى أمرى حيران
طول نهارى ثم ليلى ساهى سهران
طال عذابى وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بى غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان

حـــــــــــاولت انســـــــاك


حاولت انســـــــــاك وقلبي زاد في جروحه
وريني كيف الحـــي يودع روحــــــــــــــه؟
وريني كيف اســلاك انا حرت في امــــري!
وسجلت ليك حبــــي وهبت ليك عمـــــــري
اقضي الليـــالي انوح......................
اسامر الانـــــــــجم واسجع مع القمري...
****************
شغلت افكـــــــــــاري ياحالي احلامـــــي
في مسرحك يا حبيب مثلت اقــــــلامـــي
جود يا سمـــــــــير الروح!!!!!!!!!!!!!!!
بي نظرة لا تــــــظلم ؟خـــفف لآلامـــــي
***************
ياساحر النظــــــرات عطفك علي الولهان
حطمت امـــــــــــالي ايه ذنبي يا دلــــهان
غير اني ولـــــهان بيــــك!!!!!!!!!!!!!!!!!
والحب يزيد تشبيك !وفراقي ليك كيف هان
**************
مابتدري بي حالــي انا عمري ليك بازل
مابخشي فيك رقيب مابهمني العـــــــاذل
اقــــــــــــسم بـــي وجناتك..............
انا ما ببادل بيــــك مهـــــما تكون هازل

حبيبى اكتب لى .. وانا اكتب ليك
بالحاصل بى .. والحاصل بيك
الحاصل بى ..انا شوق وحنين
واقيم الليل .. آهات وانين
فارقنى حبيب .. آلفنى سنين
ماليك امان .. يا دا الزمان
يا ليالى زمان .. الله عليك
****************
اذكر جلوسنا .. على الربى
نستعرض .. اسراب الظبى
نسمع لهمسات ..الصَبا
ونحنا فى .. فجر الِصبا
ابسم اليك ..تبسم معاى
تسمع .. غناى ..
مع صوت الناى ..وانا يا مناى
الطول حياتى .. بغنى ليك ..
*****************
أنا أكتب ليك .. وأنت أكتب لي
يا حبيب روحي .. يا نور عيني
يا وحيد عمري.. مادمت حي
أكتب لي .. عن كل شئ
أذكر ودادي .. وارحم فؤادي
ارع الوفاء .. ودع الجفا
واذكر صفاء .. أيامنا ليك

غلطة

اسماعيل حسن


قاسي قلبك علي ليه
قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه

غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه

صدفة

صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا

النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار

صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني أسكر
قلبي فراشة حولك وانت شبابك أخضر
ياما بحبك وبعبد حبك علشان حبك روحي فداك

الحزن القديم

كلمات: عمر الطيب الدوش


الحزن القديم ..
ولا إنتِ
ولا لون الفرح...
إنتِ
ولا الشوق المشيتْ بيهو..
وغلبْنى أقيف...
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه..
ومن شهقَة زهور عطشانَهْ
فوق أحزانهْا..
متْكَّيهْ..
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى..
معاكْ يجينى زمن..
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي..
خُطانا الإلفَهْ والوحشَهْ..
وتمشى معاي... وتْرُوحى..
وتمشى معاي وسط روحى
ولا البلْقاهو بِعْرِفنى...
ولا بعرِف معاكْ ..روحى

الود

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
صحيح انو الزمن غلاب
لكن انحن عشناه ومشينا
على عذاب وعذاب وعذاب
دروبنا تتوه
ونحن نتوه
ونفتح للامل أبواب

أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ

ما غنيت يوم جيتك صدفة ..
قبل أبداك كان غصنك بشر ..
يوم ما كان إحساسك مسى ..
عرج غيمك فيني ومطر ..
لحظة طار عصفور من صدرك ..
رتب فينا إحساس بالإلفة ..
ودوزن عصب الزمن الأشتر ..
وإتوكلت عليك وقلت ..
المارق منك داخل جرح الوردة ..
وراسم فوقه غناوي الطل ..
المارق منك ...
رجع للغابات العرب العاربة ..
وللعتمور الزنج الهاربة ..
وأدى الكون مفتاح الحل ..
المارق منك ...
شادد عصب الورقة وحرفي وراصد ..
في اللاوعي سكون مواعيد ..
صحوة ... وحلمه... ولونه ..
وشاري يقينك في زندي ...
وسارق لحظة إني أفكر ..
المارق منك ... مارق منك ..
أو مت شهيد ...

آه آه يا حلو


يافرحة أيامي الغلو
يا لون جديد في أولو


قبل الربيع طلّ الزهر
و أهداك منو قرنفلو


جات الطيوب أعواد تميس
من طيبه أهدت صندلو


و اتجمعت كل الطبايع
و قالوا ليك
طبعك براك هاك أعزلو


و عزلت طبعا كان معاي
من ما وعيت بتخيّلو


كنت فاكرو المستحيل
لكن بديع الكون إذا ما
أهدى مين البسألو
بس لودادك نسألو


احترت فيك واحتار معاي
كل البحسوا وبعدلوا


في حسنك الكل يوم جديد
وريني كيف بتشكلّو


ألوان من البهج الرفيع
نوّر سمانا وجملو


ألحان من اللهج الوديع
شاف المسامع بلبلو


تحنان وطيبة ناس زمان
شالوا السماحة وشيّلو


انسان مضمّر شايلو بان
غازل غماما هطّلو


أنا في رجاك هاك روحي
من فيض حنانك بللو


أو شئت ياسحر الجمال
بالمرة قصّو وفللو


ما إنت ما إنت الجميل
ما إنت ما إنت الحلو

الشاغلين فؤادي .. وفايقين تائهين

يكفي البي زارف .. دمعا ما يقيف

تالي القبلي شايف .. لي برقاً لمع

والصيد في الخمايل .. ياناس إجتمع

قوموا ياأعزة .. نسترق السمع

ما بطيق القعدة .. والمها اجتمع

ديل احبابي ليّ .. يا مولاي قدروا

انسلبت لحومي .. وأعضاي خدروا

لاموني العوازل .. وبحالي اذدروا

هم سايقين دلالهن .. تايهين ما دروا

سامرت الكواكب .. لما الفجر لاح

منادي الفجر نادى .. وقال ياأهل الصلاح

صلوا الوقت حاضر .. قاموا أهل الصلاح

وأنا الليل قايمه .. لخيال ليّ لاح

البلابل ناحن .. في الليل الهجيع

سهرانات عيونن .. مابيات الضجيع

من الحالة ديكي .. أخير لي النجيع

واحسرة شبابي .. الما لقيت لي وجيع

اريت الدنيا تضحك لى

اريت الدنيــأ تضحــك لـى و ترجع ليا نور عينيا

انحنا اتنين و زى نجمين واحده تضوى لينا تزيد

وواحده تورى شووووووووووق العين

حليلو نصيبنا بين البيييييييييييييين

وكيييييف اقدر على فراقه

حبيبى الغالى ليهو سنين

عشت معاه شوق و حنين

قصه حب مليانه انين

وهسه بقينا احلى اتنين

وكيييييييييييييييييييييييييييييييف

اقدر على فراقه

قريب من قلبى ليا بعيد

اقول انساه اشقى شديد

و اجرى وراه بالتاكيد

متين يالله يتم الريد

وكيييييييف اقدر على فراقه

روحـــــى ليــــك



خلــــــــى القســـوه

ليه بنهرب من مصيرنا
نقضى أيامـنا فى عذاب
ليـه تقــول لى إنتهينا
نحن فى عـز الشــباب

************

نحنا فى الأيام بقينا قصة
ما بتعرف نهاية إبتدت
ريده ومحبة وأصبحت
فى زاتا غاية كنت تمنحنى
السعادة وليا .. ليا تتفجر
عطايا لما أغرق فى دموعى
بتبكى .. بتبكى من قلبك معايا

************
نحنا فى ماضينا قوة
قوة تتحدى الصعاااااااب
بتصدع الليل المخيم
تمشى فى القفر اليبااااااب
كنا للناس رمز طيبة
وكنا عنوان للشباب
ولسه تايهين لينا مدة
بنجرى من خلف السرااااب
************
تاني ما تقول إنتهينا تلقى جيل
ينظر إلينا باني أمالو وطموحوا
معتمد أبداً علينا نحن قلب الدنيا
ديه نحن عز الدنيا بينا تاني ما
تقول إنتهينا نحن يدوب إبتدينا

أنا بيك سعاتي مؤكدة ++

*******
أنا بيك سعاتي مؤكدة وبلاك حياتي منكدة

حرام عليك يا جميل ما صح عليك تعمل كدا

يامن محاسنك بي قلوب عاشقين مستفردة

خليتني أشكو من الغرام وأقول حقائق مفردة

وأقول حبيبي عمل عدوي خلاني لي الأذى و الردا

ما عندي مانع حتى لو ضيعني ساكن الموردة

أنا بي محاسنك بفتخر وانت المحاسن سيدا

يومي الأشوفك يبقى عيد والدنيا تبقى معيدة

البدر إن شافك يزوول من الأنوار الجيدة

أما الشمس لو شافتك ترجع أسيرة مقيدة

أنا طرفي شايفك يا جميل أخد اللجين العسجدة

مهما أعاين في الشباب وين ذي محاسنك أوجدا

قبال أراك أنا كنتا في أيام جميلة مبجدة

متى روحي من بعد العزاب تشفق عليها وتنجدا

بقا عقلي مشغول بي الوصال والكان ديما مهودة

خايفك تحرض يوم لقائي وأيام عزابي تزودا

بالنفرة والجفا والصدود مسلتا غزلان الودا

نفسك على جور والبعاد والعزلة والعوائدة

يامن على حرب العشوق لحظك جيوش مجندة

وقامتك تطيبك كأنها مخلوقة قطر الندى

والحكمة في كونك بخيل وهلك أرابيب الندى

أصلك بتدلل على ولا الحكاية معاندة .!

أصلك بتدلل على ولا الحكاية معاندة .!

حتي باقي العمر شيلو

اديتك القلب المعذَّب وقلت لي ألمو بتزيلو
إبقى في وارف رموشك فرحتو ولحظات مقيلو
تبقى نورو وتبقى فجرو وتمنع الدمعات إسيلو
وهسه لو داير تسيبو حتى باقي العمر شيلو

بي محنه الزول بلوِّم دمعه في الخدين بتجري
كنت بأمل في سماحك والظروف فرقتنا بدري
انت ماريدي ومنايا كل لحظه بتضوي عمري
وكنت دايرك ياحبيبي لو مره بي آلامي تدري
وهسه لو داير تسيبو حتى باقي العمر شيلو

في نهاية لومي ليك برضي بطمع تاني ترجع
برضي راجي الدنيا تبسم لينا في افراحها تجمع
اصلي عارفك يامنايا كلِّ لحظه بتصبح اروع
وانت من طليت عليَّ طرفي ما اظن مره دمَّع
وهسه لو داير تسيبو حتى باقي العمر شيل

دا الخلاني أريدك أكتر
انو حنانك لي ما اتغير
انو قليبك رغم الفرقا لا راح لغيري ولا اتنكر
فت عشانك وسبتا عيونك
كان المنية أجي وألقاك
كان الخوف مرات في الغربة
انو سواي بوراي بهواك
انو عيونك تنسا حناني
وابقا غريب انا في دنياك
جيت ولقيتك برضك وافي
كتر الشوق للقاي بكاك
آآآ وانتا صبحتا فعيني أكبر
دا الخلاني أريدك أكتر

وانا يا حنين برضي وحاتك
عشتا سنين الغربة وحيد
مهما عيون ناداني جمالا
ما حاولت سواك أريد
دي الأفراح ما شفتها بعدك
كيفن أفرح وانتا بعيد
حتى العيد لو مر بدونك
زي حسيتو بلاك ما عيد
وانا بي غيرك ما بتأثر
دا الخلاني أريدك أكتر

يلا نع ــيد أيامنا الأول
وما نندمـــ على كل الراح
كل الناس نهديها فرــح ــنا
ليل الغربة نعيشو صباح
لا تنساني ولا أنساكــ
نملا الدنيا هنا وأفراح
الاح ــزان لو جات كايسانا
نقولها عدى زمانكــ رااااح
افضل أح ــبك اكتر واكتر
افضل اريدكــ اكتر واكتر