ياريتني لو كنت مغترب
كان أعجب ديك البت الطلبه صعب
ياريتني لو كنت مغترب
مابقت الغربة اولى الشروط
ماكل البنات حول المغترب بتحوط
ياريتني لو كنت مغترب
كان اتلصحت زي الرجال
ولبست لي هدوم عداااااااال
واجيب لي امي دواء السعال
واشتري لي اخوي جلابية ونعال
وألبس اخواتي الحظهم مال
انا ياريتني لو كنت مغترب
وليه ما أبقى مغترب
كانو اولاد حلتنا افضل مني
ولا ماخدين شهادات تفرق عني
ما انا عندي شهادات
ماخد في حرث الارض بكالوريسات
وفي سقاية الزراعة ماجستيرات
وفي الرعي دكتوراة
مو ياها شهادات ازواج المغتربات
ياريتنى لو كت مغترب
خلاص يا يمة ابشري
قررت اغترب
وارمي داك الحال الصعب
وانسى ايام التعب
واخلي حالي عجب
وتفرح حياتي وتطرب
يالله يا يمة اديني قريشاتك
ويا اختي دينيني غويشاتك
ويا اخوي سلفنى ماهيتك
انا ناوي اغترب
طلع الجواز والحبية
وانتهت خلاص بيهن المشكلات العصية
واخدت تذكرة لدولة عربية
ناوي عمرة ومعاها عربية
ركبت الباخرة وسافرتا
ومن شوقي ليك يايمة ياريتني رجعتا
ودخلت ديك البلد الزيها ماشفتا
وانا اصلا ايه شفتا
مشيت مكة وعمرتا
ومشيت المدينة وزرتا
وخلاص تاني لي جدة رجعتا
وفي بيت العزابة عسكرتا
بس كان شفتي الكشات
سوت فينا حب سوات
ما لينا معاها صولات وجولات
وجري في الزقاقات
بس حليلك يمة
حليلك لما تصحيني للفجر
مابتطفشي ميني يصيبك ضجر
وحليل قهوة الظهر
وحليل لمتنا العصر
حليل شاي المغرب تحت الشجر
وحليل ونستنا في ضو القماري والسهر
حليلك يمة
اسع يايمة ما الحال انقلب
وبقى ماشي من صعب لى اصعب
وبقى اكلي كعب
افطر بكباية نوم واصحى الظهر
اتغدى سندوتش بيض ناكله بس بالصبر
نتعشى على فول معصور عصر
ونساهر على الكشتينة للفجر
ونوم تانى للظهر
اشتهيت يايمة القراصة
وحاولت بس ماعرفت العواسة
وضحكوا على زعلت ومشيت
ما انتى عارفاني شخصتي حساسة
ومابحب الضحك والانطماسة
بس ما اتعسرت الا لي يسر
ولقيت شغل ...؟
اتيسر لي فيهو الامر
راعي في صحراء قتلنا فيها الحر
لاموية فيها لا لون اخضر
بس اخير من النوم والسهر
واخيرا وثقت الاقامة
وارتحت من الكشة وسهامة
وبقيت حر زي الحمامة
وبقيت باخلاقي بينهم لي علامة
صحيح يايمة مات ابوي
لاكنك ربيتني على توقير الكبير واحترامه
وصون اللسان والنفس والكرامة
والصوم والصلاة لما عملت في جبهتي علامة
يالله يايمة عجبتني بِنية
جمال وطول وعيون بُنية
ولي في خطبطها يايمة نية
وخطبطها وباركتي لي بالتلفون
ومن فرحتك دمعت العيون
لما اتورمت الجفون
صرفت عليها يا يمة حب فلوس
اشتريت الشبكة والشيلة
بس تستاهل مو هي العروس
وضغطت على نفسي
وبقيت على تعبي ادوس
ولما نفضتني على الاخير
قالت : انت ما مستواي احسن نتفارق اخير
ده جزاة وفاي ليها في الاخير
انا مالي بس ومالها
وليه غراني جمالها
ماله يايمة بت عمتي مالها
هدية ورضية وساترة حالها
والأدب والاخلاق والعفة جمالها
مافي يا يمة بكمالها
اخطبيها لي وبرسل مالها
يايمة خلاص راجع للبلد
بعد ماعرست لاخوي واخواتى
وبعد ما حججتك في اطهر بلد
وصلحت بيتنا واعددته عد
جايب معي سيارة اشغلها الخرطوم البلد
خلاص يايمة
خديني في حضنك اديني ضمة
والسلام عليك يا العم والعمة
ويا الخال والخالة ويا ود العمة
وخلاص استقرينا انا وبت العمة
دي حكاية غربتي من الالف للياء
مشيت علشان علاج من داء
داء الفقر اللى ماليهو دواء
غير الصبر ورجاء رب السماء
يفتح ابواب الرزق بلا عناء
ولا غربة ولا العذاب ولا شقاء
_________________
'' اللهم إني أسالك إيمانا ًدائما ً
وأسألك قلبا ًخاشعا ً
وأسألك علماً نافعاً
وأسألك يقيناً صادقاً
وأسألك ديناً قيماً
وأسألك العافية من كل بلية "
كان أعجب ديك البت الطلبه صعب
ياريتني لو كنت مغترب
مابقت الغربة اولى الشروط
ماكل البنات حول المغترب بتحوط
ياريتني لو كنت مغترب
كان اتلصحت زي الرجال
ولبست لي هدوم عداااااااال
واجيب لي امي دواء السعال
واشتري لي اخوي جلابية ونعال
وألبس اخواتي الحظهم مال
انا ياريتني لو كنت مغترب
وليه ما أبقى مغترب
كانو اولاد حلتنا افضل مني
ولا ماخدين شهادات تفرق عني
ما انا عندي شهادات
ماخد في حرث الارض بكالوريسات
وفي سقاية الزراعة ماجستيرات
وفي الرعي دكتوراة
مو ياها شهادات ازواج المغتربات
ياريتنى لو كت مغترب
خلاص يا يمة ابشري
قررت اغترب
وارمي داك الحال الصعب
وانسى ايام التعب
واخلي حالي عجب
وتفرح حياتي وتطرب
يالله يا يمة اديني قريشاتك
ويا اختي دينيني غويشاتك
ويا اخوي سلفنى ماهيتك
انا ناوي اغترب
طلع الجواز والحبية
وانتهت خلاص بيهن المشكلات العصية
واخدت تذكرة لدولة عربية
ناوي عمرة ومعاها عربية
ركبت الباخرة وسافرتا
ومن شوقي ليك يايمة ياريتني رجعتا
ودخلت ديك البلد الزيها ماشفتا
وانا اصلا ايه شفتا
مشيت مكة وعمرتا
ومشيت المدينة وزرتا
وخلاص تاني لي جدة رجعتا
وفي بيت العزابة عسكرتا
بس كان شفتي الكشات
سوت فينا حب سوات
ما لينا معاها صولات وجولات
وجري في الزقاقات
بس حليلك يمة
حليلك لما تصحيني للفجر
مابتطفشي ميني يصيبك ضجر
وحليل قهوة الظهر
وحليل لمتنا العصر
حليل شاي المغرب تحت الشجر
وحليل ونستنا في ضو القماري والسهر
حليلك يمة
اسع يايمة ما الحال انقلب
وبقى ماشي من صعب لى اصعب
وبقى اكلي كعب
افطر بكباية نوم واصحى الظهر
اتغدى سندوتش بيض ناكله بس بالصبر
نتعشى على فول معصور عصر
ونساهر على الكشتينة للفجر
ونوم تانى للظهر
اشتهيت يايمة القراصة
وحاولت بس ماعرفت العواسة
وضحكوا على زعلت ومشيت
ما انتى عارفاني شخصتي حساسة
ومابحب الضحك والانطماسة
بس ما اتعسرت الا لي يسر
ولقيت شغل ...؟
اتيسر لي فيهو الامر
راعي في صحراء قتلنا فيها الحر
لاموية فيها لا لون اخضر
بس اخير من النوم والسهر
واخيرا وثقت الاقامة
وارتحت من الكشة وسهامة
وبقيت حر زي الحمامة
وبقيت باخلاقي بينهم لي علامة
صحيح يايمة مات ابوي
لاكنك ربيتني على توقير الكبير واحترامه
وصون اللسان والنفس والكرامة
والصوم والصلاة لما عملت في جبهتي علامة
يالله يايمة عجبتني بِنية
جمال وطول وعيون بُنية
ولي في خطبطها يايمة نية
وخطبطها وباركتي لي بالتلفون
ومن فرحتك دمعت العيون
لما اتورمت الجفون
صرفت عليها يا يمة حب فلوس
اشتريت الشبكة والشيلة
بس تستاهل مو هي العروس
وضغطت على نفسي
وبقيت على تعبي ادوس
ولما نفضتني على الاخير
قالت : انت ما مستواي احسن نتفارق اخير
ده جزاة وفاي ليها في الاخير
انا مالي بس ومالها
وليه غراني جمالها
ماله يايمة بت عمتي مالها
هدية ورضية وساترة حالها
والأدب والاخلاق والعفة جمالها
مافي يا يمة بكمالها
اخطبيها لي وبرسل مالها
يايمة خلاص راجع للبلد
بعد ماعرست لاخوي واخواتى
وبعد ما حججتك في اطهر بلد
وصلحت بيتنا واعددته عد
جايب معي سيارة اشغلها الخرطوم البلد
خلاص يايمة
خديني في حضنك اديني ضمة
والسلام عليك يا العم والعمة
ويا الخال والخالة ويا ود العمة
وخلاص استقرينا انا وبت العمة
دي حكاية غربتي من الالف للياء
مشيت علشان علاج من داء
داء الفقر اللى ماليهو دواء
غير الصبر ورجاء رب السماء
يفتح ابواب الرزق بلا عناء
ولا غربة ولا العذاب ولا شقاء
_________________
'' اللهم إني أسالك إيمانا ًدائما ً
وأسألك قلبا ًخاشعا ً
وأسألك علماً نافعاً
وأسألك يقيناً صادقاً
وأسألك ديناً قيماً
وأسألك العافية من كل بلية "
