أضف رقم هاتفك

الاخوه الكرام السلام عليكم ورحمة الله وبركاته
كم اسعدني اليوم اتصال من شخص لم القاه من 10 سنوات رآني في المنتدي وعرف اني متواجد بالمملكه من ما جعله يتكبد عناء السؤال عن هاتفي جزاه الله خيرا واخيرا تحصل عليه واتصل ...
مما دفعني ولفت انتباهي الا ذلك وهو عدم وجود رقم هاتف بالبيانات الشخصيه فقمت بأضافة هذا الحقل
هناك أحبة لكم يسألو عنكم فيمكنكم الآن اضافة رقم جوال أو هاتف في صفحة بياناتكم الشخصيه اذا احببتم
ولكم جزيل الشكر

على الاقتراح ياريس
الصراحة فكرة مرة 
بتزيد التواصل ...و...

شكرا علي المرور واتمني ان ينال اقتراحي رضا الجميع وان يدونوا ارقامهم

والله اخ كان هنا رايك سديد بالنسبه لوضعك وانت في البلد لكن لم تكون بره البلد في ناس كتيره جدا بتكون اتفرقت بينا و بينهم السبل وبعتقد انو فيهم ناس مغربين برضو فعشان كده دي حته بتاعة تواصل بالنسبه لينا وبعدين تماضافة الخانه لرقم الهاتف ودي حريه شخصيه لاي واحد طبعا اذا عايز يضيفوا ولا لا
ولك الشكر على مرورك الكريم

تحياتي للجميع
اولا اخ ياسر لايمكن ضبط التسجيل في المنتدي وكلن امل في ان يسجل ابناء المنطقه بأسمإهم الحقيقيه لانه لا احد غريب وليس من الجميل ان تصف بالعشوائيه مواضيع الساده الاعضاء وهذه حريه شخصيه اذا كان الشخص لا يريد تسجيل اسمه الحقيقي
ولم نجد حتي الان موضوع يخل بالآداب العامه وقوانيين المنتدى واذا بدر من احد فعل كهذا فستحذف عضويته من المنتدي ولن يتمكن من التسجيل مره اخري باي وسيلة كانت ولنا وسائلنا في ذلك
وبعض نقاشات الاخوه الاعضاء مع بعضهم ولو اختلفت ارائهم ليس فيها عيب عليهم او علي المنتدي ولن نتوانا في الرد على أي إسأة تصدر تجاهنا او لاحد مشرفينا او أعضائنا
فنرجو من الاخوه ياسر وشلاقه وكانهنا بالإلتزام بقوانيين المنتدي وتركوا مابينهم من حوار ونقاش لا يفيد بقية الاعضاء والمنتدى بشي من له اراء شخصيه فليحلها بعيدا عن المنتدي

السلام عليكم ورحمة الله وبركاته
التحيه والتجله ليك ياابوهيام وللأبن كان هنا ومازال هنا

ياكان هنا ( شوف المخاطبه زاته ماحلوه ولا اللغه العربيه مظبوطه لما أخاطبك ياكان هنا
عليك الله شوف لينا اسم حلو زي ماأديتنا صوره حلوه
أشكرك علي الصوره
السؤال دي صورتك شخصيا وله من النت
عشان مانتخيل في السراب
زي ماقالوا ناس الهيلاهوب
سير سير يا........الباقي تموا خيال
علي العموم لو ماغيرته الاسم انا بناديك وبتعامل معاك بأبومحمد
لانوا اي زول بعد الزواج تقريبا بكون ابو محمد


نرجع لموضوع التلفونات

ياأبني انا لي عشره سنه ماخليت منتدي ماأشتركته فيه
وكل المنتديات بسجل فيها رقم تلفوني وصورتي
وعدة صور في لقاءات مع اعضاء المنتدي
خد عندك مثلا منتدي الراكوبه


http://www.alrakoba.com/vb/t16434.html



منتدي عام لانعرف بعض لكن كل واحد مصرح عن شخصه
قمنا دعينا للقاء عام في فندق من فنادق ابوظبي
وتلاقينا هناك وكل واحد دفع 100 ريال وعملنا عشاء وحفله
وكانت أجمل لقاء وتعارف وكان هنالك بنات برضوا جوا وتعرفوا بنا
وتعرفنا عليهم

فمابالك بأولاد أعم وأولاد قريه واحده هي المسيكتاب
كمال خال ياسر وشلاقه ود عمي
والعقرب صديقي واخوي
فلماذا أعامله كأنه غريب
ويختبي مني تحت أسم مستعار بدون ان يكشف عن شخصه

أرجوا منك أن تعامل الجميع بأسمائهم شخصياتهم المعروفه
في ابلد وخليهم يعاملوك بأنك فلان ود فلان الاستاذ أو المهندس
المشهور المحترم لدي الجميع

نكته
أسمع هسع لمن تكتب رقم تلفونك يمكن يقع في أيد واحده وتتصل
عليك ويحصل بينكم تعارف وحب وزواج وتخلفوا صبيان وبنات
أها كده انت خسران وله ربحان

أسرع وأدينا رقم تلفونك ونزل لينا رصيد عشان نتصل عليك


لك أجمل تحيه
وأن شاء الله يكون كلامي ده مقنع لك وللجميع


والسلام ختام

يديك لينا الصحه والعافيه يا ابو امجد كفيت ووفيت
ووين الغيبات ياسيد الحروف ليك وحشه والله
وتحياتي للجميع

السيد ابو هيام
تحية طيبة وبعد
بخصوص الموضوع اعلاه انا حقيقة لا اتفق معك فصحيح هذا هو منتدي المسيكتاب وكل اهل السيكتاب هم اهلنا لا نستطيع إخفاء ارقامنا منهم إلا ان هذا المنتدي لا تقتصر العضوية فيه على منطقة معينة فأي إنسان في العالم يمكن ان يصبح عضوا فيه معنى هذا بإمكان اي شخص له دوافع إجرامية الزج بالهاتف الشخصي لي في مكان الجريمة وبهذا يمكن ان تدخل في مشكلة طويييلة جدا وانا اعلم كم قصة حصلت بهذه الطريقة وهي عملية تتويهية بستخدموها المجرمين عمدا وبعدين في بعض الهكر عندهم رسائل مفيرسة برسلوها للهواتف النقالة يمكن ان تسبب الكثير من الاضرار ولهذه الاسباب مجتمعة لا يمكنني إضافة رقم جوالي وأنا على إستعداد تام لأرساله لأي عضو يطلبه مني .......

افاده طيبه نشكرك عليها

فعلا بالنسبه للبنات خارج طرح الموضوع لانو معروف الوضع بالنسبه لهم وشكرا علي مرورك
ونحن تحت خدمتكم دايما

انا عندى فكرة يا ريسنا ابو هيام

لو امكن انه يكون الرقم مخفى وممنوع مشاهدتة من قبل الزوار ولا يتمكن رؤيته الا الاعضاء المسجلين فقط

يعنى كما يحدث في بعض المنتديات من حظر للمواضيع والصور والروابط فلا يراها الا الاعضاء المسجلين فقط

وشكررررررررررا

سلام اختي الحنين
هي فكره ممكنه لكني اعتقد انها لن تمنع من المتطفلين

والله هي فكره رائعة وقيمة ولفته بارعة من الزعيم أبو هيومة الله يخليهو
والحمدله أنا منزل رقم جوالي وجاتني إتصالات من أعضاء في المنتدي بعرفهم وناس إتعرفت بيهم وكان
كسرة يا عمي كمال ما فيهم ولا بنيه ت حاجة حلوه عديل

والله هي فكره رائعة وقيمة ولفته بارعة من الزعيم أبو هيومة الله يخليهو
والحمدله أنا منزل رقم جوالي وجاتني إتصالات من أعضاء في المنتدي بعرفهم وناس إتعرفت بيهم وكان
كسرة يا عمي كمال ما فيهم ولا بنيه ت حاجة حلوه عديل

والله هي فكره رائعة وقيمة ولفته بارعة من الزعيم أبو هيومة الله يخليهو
والحمدله أنا منزل رقم جوالي وجاتني إتصالات من أعضاء في المنتدي بعرفهم وناس إتعرفت بيهم وكان
كسرة يا عمي كمال ما فيهم ولا بنيه ت حاجة حلوه عديل

والله انا شايف فكره التلفون دى مافيه حاجه تب ازعاج شنو خصوصيه شنو الداير يضرب يضرب والداير يرسل يرسل بعدين انتا البتعرفو بتتواصل معاو ومابتعرفو انساو بس والله شنو

طيب ما تنزل رقمك يا العربي

العربي كتب:

والله انا شايف فكره التلفون دى مافيه حاجه تب ازعاج شنو خصوصيه شنو الداير يضرب يضرب والداير يرسل يرسل بعدين انتا البتعرفو بتتواصل معاو ومابتعرفو انساو بس والله شنو

دة بالنسبة ليك

شنويالصحاف عامل فيها عمر البشير هههههه

كلامك صاح يا العربي
ويا طارق ما تدور الراجل يقوم بكره ينزلو ههههههه

والله فكرة حلوة جدا عشان كدا انا سجلت
وفعلا حصلت نتايج ايجابية
اقرب مثال شلاقة دا

مشكور يازعيم على الفكره الرائعه

والله الموضوع شكلو مسخن لكن انا شايف انو الفكرة حلوة وبسيطة يعنى يالعربى كلامك فى الصميم لانو الوحد العاوزك بتصل عليك ومافى واحد بتصل ليهو على زول بدون موضوع بقصد الازعاج

كن أسداً تأكل الثعالب من بقاياك ولا تكن ثعلباً يأكل من بقايا الأسد

رد علي الاخ المسيكتابي قال القحطاني
لاتطلبن من النساء مودة فقلوبهن سريعة الميلان