فريق القوز للناشئين

في زمن وجيزاستطاع نفر كريم من شباب القوز تكوين فريق محترم للناشئين أصبح فريق يعتمد عليه في تمثيل القوز والمسيكتاب.
نبعت الفكره أصلا من بعض الشباب.حيث كانت البدايه بجمع أكبر عددممكن من الناشئين واخضاعهم للتمارين المسائيه مما أدي الي تشكيل فريق يعتمد عليه في المستقبل لتشريفنا جميعا.
شارك الفريق في العديد من المباريات الوديه حيث برز بمستوي راقي اثبت انه فريق المستقبل ان شاء الله.
أخيرا الشكر للقائمين علي امر الفريق ,اؤلئك الشباب من ضحوا بوقتهم لاثراء الساحه الرياضيه وكل من ساهم ايضا لدفع الحركه الرياضيه الى الامام.
أخيرا نتمني من المولي عز وجل ان يديم الفريق ويقوي شوكته لرفع اسم القوز والمسيكتاب عاليا خفاقا
ان شاء الله


ابراهيم عبد القادر

الاخ ابراهيم ارجو ان تذكر اسماء القائمين على امر هذا الفريق ليعرفهم الجميع كما نرجو منك كتابة اسماء اللعبيين لنعفهم ايضا .......... ودمت

فريق للناشئين !!
خلطة بين شباب وناشئين
يعني اعمارهم بين 15 /19

أنا لما كتبت الموضوع كنت عاوز أذكر أسماء
لكن خفت من أنسي زول

مشكور يا ود وادي النيل وياريت تذكر الاسماء لكي يعرفهم الجميع

والله الفريق دة مستقبلوا مشرق إذا واصلوا بنفس النهج والتزموا بالتعليمات والاخلاق وما عملو فيها شفوت ومقطعنها لأنو دة الشيء البرجع السودان كلوا لي ورة
ومع احترامي للكبار لو اقتدى بهم فريق الناشئين فسنواصل في مسلسل المهازل لأنو اي زول ما مقتنع بالتاني

كلام زعل يعني عشان ما بلعبوك

مشكور ياابراهيم

الفريق يحتاج الى دعم مالى ومعنوى

فريق القوز للناشئين الذي رأيت قبل اسبوعين وهويجاري اللاعبين الكبار،اعتقد انه سيكون له شان كبير اذا لاقي بعض الدعم المادي والمعنوي؛لمافية من مواهب تحتاج من ينميها.

مبروك ياشباب هذا الفريق وربنا يوفقهم

شلاقة كتب:

كلام زعل يعني عشان ما بلعبوك

لا زعل ولا أي حاجة دة كلام معروف وما محتاج لإجتهادودة الحاصل... والصغار حيسيروا في نفس النهج إلا أذا التزمو بما يقال لهم
وبعدين يا شلاقة ما بلعبوك دي شنو !!!! في حد بيقدر يمنعني ألعب لو كنت عاوز ألعب ... ياراجل قول كلام عديل !!! انت عارف تمرينا وين محلو وميدانا براهو.. كلام عجيب

شنويا طارق إنت بتزعل طوالي والله شنو
إنت ما في زول بقدر يمنعك يا أخي إنت فوق القانون
إنت ما بتعرفني والله شنو

فوق القانون كيف! أنا كدة يادوب زعلت..........قاصد شنو

قاصد إنك.....................

حكومة يا خي إنت دافعابي يعني من آل دافعاب#نهيان@

يا طارق طول بالك علي شوية ماتسخن طوالي

ومالوا يعني الدافعاب ......اها !!!ما تشتح يا زول وبعدين لبس ولدنا بتاع الشرطة دة ما صدقت ادوك ليه شدة تلبسو كمان تتصوربوا وتنزلو في المنتدى ! جنس شلاقة !والله
لكن يا شلاقة حركتك دي ما بتنطوي تحت امتهان شخصية والله شنو وعقوبتها شنو يا جنابو

ههووويييي أنا ذاتو دافعابي والله نسيت
وتعال هنا في البداية أثبت إنو حقوا وتعال قول لي تاني

عقوبتها القطامة واللداحة عليك ههههههههه

أنا خايف أقول ليك عقوبتها الح قيقية تصدق إنو أنا جناو
$جنابـ................. ............%100

ياطارق خليت الولد منطط عويناتو حرام عليك خلي يعيش الوهمه

اعصرو لينا حدده معاهو كان يخلي الشلاقة دي

والله انا شكيت انو الكاكي اللابسو ده شاديهو

افضل لاعب في القوز لعام 2009 هو ود الحامدي (طاهر محمد الحاج العبيد )

يا سيد ابراهيم الفريق المؤسس الاول له هو عبدووووو العمده
اما ناس فلان ما عندهم شغله
ثم تاني الفريق وين الايام
اي زول (شتت ) شاف معايشوا
ههههها قال نفررررررررر كريم

يا ناس مافي فريق ناشئين
دي الوقت بيلعبووو مع الكبار
ثم تاني ياناس طارق وشلاقه البياخه دي شنو انتو متخلفين

البياخة عند انت يا سيف وامثالك هم سبب تدهور مستوى الكورة وبعدين ناس الناشئييين غالبيتهم ممتحن والاولية للدراسة هم ما محترفين عشان يتمرنوا طوالي ....
وبعدين متخلفين دي شنو عليك الله في ابيخ منك؟ عجيييب

لكم تحياتى واتمنى من الاخوة مدنا بصور لهذ الفريق لاننا فى شوق شديد كى نسع اخبار كرة القوز

والله يا جماعة البيئة في القوز ما مناسبة عشان قريق يمش لي قدام ، أنا حضرت كم مباراة لي الفريق دة مع فرق من شندي والعشرة وبصراحة كورتهم حلوة يعني عندهم المهارة بلعبو باصات كويس يعني باختصار يرجى منهم ولمن يلعبو مع الكبار بيخافو (ودة واحد من العيوب)والكبار ديل بيكرهو فريق الشباب دة الواحد يقولك يجرني شافع ؟ ياخ دة ود أول أمس!! ويرهبو ليك باي طريقة يقولو بشيلك كراعك........على العموم في حقد على الفريق دة لدرجة أنو لمن يلعبو مباراة كل ناس الفريق الكبار وغيرهم يشجعو في الفريق التاني وبكل حماس ولمن تكون في ناس زي دي قدامك اكيد بتقتدي بيهم وحا تطلع زيهم لا تتطور نفسك ولا تخلي الناس تتطور............وشكرا
مع احترامي لود الحامدي وعلاء كرم وسيف وغيركم لكن دي الحقيقة حسب رأيي ! و

ربنا يوفق

يا طارق انت ما بتفهم (القلم ما بزيل بلم) شكرا

يا السيف ادينا معلومة مفيدة (ود الحامدي شنو البعرف كورة )انت نسيت ناس جبرونا وبسي

saif كتب:

يا طارق انت ما بتفهم (القلم ما بزيل بلم) شكرا

فعلا صدقت فهمت ؟! امش اشتر فهامة لو ما فهمت

مؤمن بقيت زي شلاقة ولا دخلت الشرطة وما كلمتنا

يا سفسف القلم مابزيل بلم المفروض تتقال ليك إنت لانو حسب معلوماتي الموثوقة والشئ المعروف عنك إنو إنت حايم في الجامعة شما رات بس واللا شنو إعترض لو بتقدر

وبعدين ما أي هظار الزيك يدخل فيهو في حاجات مابتنفع إلا تكون بين إتنين وا تتلتها وعلي غينك يا تاجر

شلاقة مشكور علي الموضوع ياشليق بعدين ياطارق إنت ماتخم الجماعة كلهم بذنب بعض منهم سيد سيف انت ماجادي ومسبب للفوضة لكن نعمل شنو لابد من بصلة عشان تخرب باقي الفريق

يا طارق دي ملبس الجيش مو الشرطه

التمبلوووووووووووووولا

لا جديد النشاط متوقف نصف الفريق ممتحنين والباقين يمارسون نشاون نشاطهم مع الكبار