حلمنتيش

سانكيو علاء الدين

Thank you very much

فلا العربة تمشي
اذا ابدل لها البنزبن ماء
ولا الفقر المدرع بسيف
رايت له بين الفيافي دواء
فلا زقزقة بطن تشفع
لنا عنده ولا سوء كساء
اذا ما الفقر اعتد لحربا
وجاء مجلجل ينوي النصر جاء
فحينها لا تقوى اجسامنا
على النصر وليس لها فيه رجاء
ولكن لن نياس قطا
وسنرفع الاكف ندعو رب السماء
اغثنا يارب اعنا
على عدو احتار فيه العلماء
فلا عالم انتصر عليه
ولا جاهلا من الجهلاء
ولكنى رأيت الصبر شجاع
يجدع انف الفقر ويمزق منه الرداء
الا يا فقر صبرا
فان الصبر سيقطعك اربا واشلاء

مشكور على مرثية الفقر
اقصد على الحلمنتيش

لكم الشكر جميعا

وردي الاسطورة وردي سرالفن السوداني تعالو سو نغني نقول
زمان الفرقة والتجريح
بسيبو عشان تشيلو الريح
بسيبو عشان صحيح الذكري بتوّه عمرنا صحيح
انتي معاي لا بندم ولا بقضي العمر تبريح
اصلو العمر كان دربا مشيتو فسيح


هجرة عصافير الخريف في موسم الشوق الحلو
هي يجي رحيلا مع الغروب احساس غلبني اتحملو

تحت الغمام شايف مواكب الهجرة اتلاشت سراع
ليه يا عصافير ليه الاسي مين علمك اسف الوداع
زي مابتخافي من الرياح بنخاف كمان نحن الضياع

رحلت وجيت في بعدك لقيت كل الارض منفي

ما تخجلي يا السمحة قولي استعجلي
عطشتي قلبي كل يوم تتجملي
اديني كلمة طمنيني وطولي
خلاص كبرتي وليك تسعتشر سنة
عمر الزهور عمر الغرام عمر الهنا

خوفي منك تنساني وتنسي الليالي
يا حبيبي انا خايف
خوفي منك تنساني وتنسي الليالي
اه ابقي تايه والغرام يصبح حكاية
والاماني الحلوة دي الكانت بداية
تبقي اشواك في طريقي في النهاية
اه اه اه اه اه اه يا حبيبببببببببببي


قلبي الحابيك ما خان لياليك
مابدّل حبو ابدا ما اتنكر ليك
انا في الماضي ما تقول ناسيك
لكن الاشواك والنار حواليك
يا نور العين انت وينك وين

في اللون الاسمر ذوبت شبابي
وعشقت الجنة وفي الجنة عذابي
صابر وبتألم والمر دا شرابي
يا حليل الراحوا يا حليل احبابي


انا والانغام والعود في ايدي
بحكيلو حكايتي يعيد ترديدي


كل التهاني للشعب السوداني وليك ياوردي وانشاءالله الف شمعة وشمعة

لك الشكر اخي عبد الله
شكرا ياسر المهندس

صاحبنا كان ماشي السوق قاشر..جمعت الصُدفة بوحدة ... و لسوء الحظ، صاحبتنا ما كانت هاضماهو، و دخلو في مناقرة... الله وحده بيعلم نهايتها !!!

لقاها يوم في سوق الغرام..
أخونا كان قاشر تمام..
شاكي القميص و كارب الحزام، و الجزمة بتلمع في الظلام..
لابسة اسكيرت و البلوزة...حاجة لخبطت النظام..
أخونا ما بكّاي خلاص، طوالي قام رصّ الكلام..
" هووووي يا بنية، حبيني أوعك تابي ريدي
أنا الناعم زي الفينو..انا الطاعم زي الفتة
ما تبقي مسيخة زي الفتة...أخير ترضي و تريديني"
*أريدك أنا يا عولاك يا عرة يا شحات
يا عرة يا العنقرته مسلولة لبرّه و خشمه مارق لبرّه؟
أريدك أنا يا الكل ما أعاين ليك مورم خشمك بالسفة
و في الكَم مرة شفتك بس تجيني الدوخة و اللفة...أريدك أنا؟؟*
" هوووي استني يا مفجوخة النخرة، غبارك وراكي رابط تقول الزولة دبابة!
* أريدك؟ يا سلامة الريدة..ريدة التابه و اليابه، هوي يا أبو راس تقول كورة يا أبو شلوفة مبهولة، يا كبكاب يا ريّال، يا أبو نخرة أتقول ماسورة*
*تريدني أنا السمّوني أمورة، أريدك انت الدايش الملخوم بأكل الدوم تقول دلدوم!
"شناتك شلتي مني النوم يا أبو قدوم، خلاص سِبتك يا جربانة يا الماسكاكي كاروشة يا الجزمة الخلاص كملت، قامو رموكي في الكوشة، يا الطوالي حبوبتك مكملة فيكي برطوشا!
الكان زمان أمك تغمض عشان تشيل بوسة..يا مربوشة يا أوضة وقع حوشا!
"أنا...أنا الطاعم زي الكفتة أنا الناعم زي الفينو

طالبة عريس
فتاة بجامعة القاهرة الفرع

لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلــــع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***
للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعتوا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

الإخوة الأعضاء الأفاضل
هذه القصيدة من تأليفي الخاص، كتبتها عام 1999م في الفترة الجامعية، وكنا حينها في السنة الثانية بكلية الاقتصاد جامعة الخرطوم، ولكن أريد أن أنوه إلى أن ما جاء فيها عن محاولة الغش في الامتحان ليس بصحيح وإنما هو من وحي الخيال المحض، فلم يكن الغش في الامتحان منهجي ـ ولله الحمد ـ (من غشنا فيس منا) ولكن كما يقولون (الشاعر يمكن أن يعيش بيئة خيالية صادقة).
قاعة الامتحانات



يا قاعةً للامتحاناتِ بِفِيكٍ كمْ
سخرتْ لنا الآهاتُ أو لاحَ العدمْ
ألذا انتشتْ فيكِ القِبابُ بدون همْ
وضحكت حين مضى يمزقنا الندمْ
أخزاكِ ربي يا مآسٍ عاصفةْ
**********
كنا (برالمــــةً) بهمٍ فائقِ
وطموحنا ملءَ الفضاءِالشاهقِِ
وعلى يديكِ ووسط جوٍ خانقِِ
لمعت نُيوبُ إعادةٍ وملاحقِِ
فطفت عيون بالدموع المترفة
***********
وزميلةٍ عُرفتْ بحلَِ المعضلةْ
في الامتحانِ سألتُها عنْ مسألة
متمنياً إسكاتَ تلكَ المهزلةْ
فوجدتُّها مثلَ المراقبِ ذاهلةْ
لو أنهـا نطقت لقالت: آسفةْ
*************
وأخٍ عنِ الزملاءِ ليس بسائلِ
بين التهامِ مراجعٍ ومسائلِِ
لكنه في الامتحانِ الهائلِ
أضحى متيَّمَ راحةٍ وبدائلِ
تباً لكلِّ قراءةٍ متطرفـــةْ
************
وزميلةٍ منْ كلِّ عقلٍ ساخرةْ
فكمِ ادَّعتْ فهمَ الدروسِ القاهرةْ
لكنها يا ويحها في العاشرةْ
كُشِفت خلال الامتحانِ (مبخِّرةْ)
فلذا علمتُ لكمْ غدتْ متفلسفةْ
***********
إنا فلولٌ منْ فئاتٍ مغضبةْ
من زارَ مكتبةً لديها مشتبهْ
وإليكَ من أمثالِهَا المُستغربةْ
سَيَّان مكتبةُ العلومِ و(مصطبةْ)!
الحبُّ بذلُ والنجاحُ مصادفة!
*************
ما قدْ شرحنا الاقتصادَ المُوهِنَا
لا غيرُنا للـ(ماثِ) قدْ شرحُوا لنَا
اليومَ أدركْنَا وقدْ غاضَ الهَنَا
أنَّ النجائلَ لا تُشيِّدُ مَوطِنَا
أنَّ المصيبةَ في القلوبِ المُرْهِفَةْ

هذه قصيدة حلمنتيشية عن الغربة أتمنى أن تنال رضاكم


يا غربة يا غشاشـه يـا بكايـة يـا مستهبلـة
تغرينـا بدرهـم قـروش ولا قنـطـار بهـدلـه
جيناك بس نقصد سنه وحاجاتنا ناقصـه نكملـه
نبني البيوت في العاصمه نفـرش أثاثـه نجملـه
وكورلا حاره نرسله أصلو النقـل صـار مشكلـه
ونكمل الدين بي مهل والسمحه جاهـزه نحصلـه
غير القـروش اللاهـل عبـر الشهـور بنرسلـه
والباقي يدخل في البنوك ونشـوف دينـا نشغلـه
لكن حساباتنـا الغلـط فـي كـل عـام بنرحـل
مـرة سنـه مـن عمرنـا بنعدهـا ونفصـلـه
والحسبه وصلت طاشرات يمكن نعيـش ونعدلـه
لكن تعال نحاسبك يا وهم من غير رقم أو أمثلـه
كان للقروش نجري ونحوش لكن تقول بنشاكلـه
ما راضيه تقعد في الجيوب وتقول حرامي وبينشله
لكن بتقعد في الضهـور بديـون تقيلـه مقيلـه
كملانه ما بتقضي الغرض وأقـل حاجـه تكملـه
كملانه بي مطار وحق وزن ومجاملات مستعجلـه
ضرائب أبو عاج المشى وإلزامي حمـدي نحولـه
أحلامنا فيك صبحت سراب نمشي ونجر ما نحصله
زله ومهانه وإحتقـار خلـو النفـوس متململـه
سجن كبير فيـه الكفيـل سجـان قيـوده مكبلـه
وبقينا زي كيمان لحـم جـوه الهـدوم متكومـه
وأكيـد أكـل المعلـب والكندشـه ليهـم صلـه
مصران وقرحه وإكتئاب مرض القلب ووجع الكلى
لكن أريت هم القروش يا غربه فيك هو المشكلـه
سجن العيال جـوه الشقـق ولا فـراق العائلـه
جيب العيال بجيبنا مال وجيوبنـا غيـره مميلـه
تلقى الولد غالبوا الكـلام والبـت كبيـره مريلـه
كل المشاكل جاتهم سوا ما قدرنا أصلـوا نغيـره
لكن خلاص هان الخلاص عدك نزل مهمـا عـلا
يا غربه أدينـاك كتيـر أدينـا خاطـرك يسهلـه
خلينا نرجـع بالفضـل نلحـق حياتنـا نواصلـه
يا غربه يا غشاشـه يـا بكايـه يـا مستهبلـه

وصح ياجماعة ده الحاصل الان في الغربة