المعصـــــــــــوب

لما نعمل القراصة بتزيد مننا حبة حبتين

نرميها ..؟!

لا طبعا حرام علينا

ندخلها الثلاجة ..؟!

تاني بيكون طعمها عويــــــــــــــر


خلاص عندى ليكم فكرة

مكونات الفكرة :

عسل - زبدة - موز - القراصة المذكورة اعلاه

والكميات على حسب المتوفر (افتحي ثلاجتك قدر الفيها بس)

الطريقة :

هاتى القراصة دى وقطيعها واعجنيها تمام
واعجني معاها الموز وصبي عليهم العسل
ضعى الزبدة على نار هاااااااااااادئة الى ان تصير مثل السمنة البلدي(واحلى منها )
وبعد ان تجهز صبيها عليهم ويالله حركيهم

واصبحت جاااااااااااااهزة للاكل

الاكله دى اسمها المعصوب اكله يمنية
بس بقراصة ســــــــــــودانية 
هههههههههه

بالهناء والعافية

ايوه لازم بالقراصة

ياخى القراصة دى سااااهلة ليكم ياناس العزابة

المكونات :
دقيق - بيكنج باودر - رشة ملح - ماء

الطريقة :
اعجن كله مع كله في زبدية ( كورية )
ولع النار في المقلاة (الطوى) وادهنها ( رشها) بحبت زيت كمية كده زي كمية قلي البيض

وصب عليها العجين اللى بيكون غليظ القوام بعض الشئ ورفيع في نفس الوقت

يالله بعد ما يستوى الوجه الاول اقلبها بالوجه التانى الى ان تستوى

وكده جاهزة تاكلها بالتقلية ولا معصوب ولا اى حاجة تانى

بالهناااااااااااااااااء

اولا انت عندك مشكلتين فيها

الاولى كيف تعرف انه وجهها الاول استوى علشان تقلبها:
دى سهلة
اول ماتشوف العجين اللى في الوجه بدأ يتماسك وينضج اقلبها على طول

تجى للمشكلة التانية كيف تقلبها وانا اقولك

انا ذاتى ماشاطرة في قلبانها بيدي
علشان كده في مقصوص اللى بنقلب بيهوالبيض
وهو واضح في الصورة دى ممكن تختار بين رقم (3) او (1)


[ندعوك للتسجيل في المنتدى أو التعريف بنفسك لمعاينة هذه الصورة]


يالله تقلب القراصة زي البيض بسرعة
وبس
شايف المسألة بسيطة كيف

ياسيد الحروف الحنين ماقصرت معاك في الشرح وطبعا أنا استفدت أيضا وأتمنى القراصة تطلع تمام ياسيدا

والله ياسيد الحروف من الضحك غلبني أكتب ليك حاجة الله شوشو مرتك أخير أنت القراصة بتعجنا في طوتا أنا من أول مرة طيرتها بره الطوة وزي ماقالتلك حبوبتي الحنين خلي الطوه تسخن ولرمي العجين وخلي الطبقة الأولى لمن تنشف من العجين خلي بالك(انا قلت تنشف ماتحرق)وكان الله في عون خالك المسكين والله أثبت إنكم عزابة بجد لكن الطايوق دا حق شنو(غنم-بقر-جمل-بشر)الله يريحك ويرسلك عروسة من السماء بالبرشوت ومعاها صحن قراصة.

(الحنين) الله يقرص اضنينك إنشاء الله مالك على الولد مشوشواه ومضحكة خالو فيه (لو عندو بت داير اديها ليه مابديها)
مافي مشكلة يا سيدالحروف بقتلا ليك يوم الخميس :

اولا مشكورين كلكم على المرور

سيد الحروف
الطبخ اكيد فن مو اي احد عايز يطبخ خلاص بقى طباخ

واهم حاجة كمان في القراصة النار الهادية على مهل تستوى بدون ما تحترق

وربنا يسرها ليك

ياخى دى قراصة لو قلت ليك اعمل حاجة تانى تعمل شنو؟؟؟؟؟؟؟؟

هههههههههههههههههه

وشكرا ليك يا المهندس ياسر

بس في حاجة مافهمتها ((سيدا )) يعنى ايه ؟

اما انتى يا الوردة اقولك شنو؟

اقولك شنو؟

التحرق قراصتك ان شاء الله قولى آآآآآآمـــــــــــــــــــــــــــين؟

بمزح معاك ياوردتي
ما تزعلى منى

بالعكس بتمنى امورك دايما تنجح

الله يوفقك داميا وابدا وين ما ارتحلتى ورحلتى

قوووووووووووووووووووووولى اميــــــــــــــــــــن؟

السلام عليكم
حقيقه انا واحد من الناس بموت في المعصوب ومشكوره يالحنين علي المعصوب اللذيذ يسلمو الايادي

الله يسلمك يا ريـــس

اولا الاسم خضاني لاكن

لما شفتا المكونا ساهل جدا جدا
مشكوووووووووووره

لا شكر على اكله

هههههههههههه بس ما قلت لينا جربتها ولا لسه

والله ما جربتها لاكن انشاء الله بجربها