منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...

منتديات المسيكتاب

منتديات سودانية إسلاميه إجتماعيه ثقافيه تعليميه
 
الرئيسيةالأحداثالمنشوراتالتسجيلدخول
كل عام وانتم بخير
بمناسبة مرور عشرة سنوات على إنشاء المنتدى تم تفعيل الرسائل المميزة بالمنتديات الرئيسية نتمنى لكم امتع الاوقات في طى صفحاتنا .. والاعلانات التجارية مجانا... ودمتم

شاطر
 

 الــــحردلّــــــــــــــــو

اذهب الى الأسفل 
كاتب الموضوعرسالة
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: الــــحردلّــــــــــــــــو   الــــحردلّــــــــــــــــو Icon_minitimeالأربعاء 08 ديسمبر 2010, 11:52 pm

لهذا الوطنْ

معمدة’’ جبهتي بالحَزَنْ ،

ومنذورة’’ كلُّ لحظةِ شِعرٍ ..

وميلادِ أُّغنيةٍ .. أو شجنْ ،

O لهذا الوطنْ

معمده’’. كلُّ رعشةِ حبٍ .. ،

وكلَّ ابتساماتِ هذا الزمنْ ،

O ومنذورة’’ .. كلُّ أيامِ عمري ..

فما كان منها ...

وما لَمْ يكنْ ،

O لهذا الوطن.
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالخميس 09 ديسمبر 2010, 12:04 am

ليس لي مِنْ وطْر

ولا مِنْ مفْر ،

فكلُّ المخارجِ مغلقة’’ في طريقِ السفرْ

وكلُّ المداخلِ موصدة’’ في سبيلِ الإيابْ ،

لا مناص أمامي – إذنْ –

نهض البحر قّدام خيلي..

وعلمها الإنسحابْ.

-2-

فأنتِ جميعُ النساءِ اللواتي

تربعنّ فوق ذرى الأَمكنه

وأنتِ جميعُ النساءِ اللواتي

سيولدن في مُقبلِ الأزمنه

ويمنحنَ شعراً جديداً .. وفكراً ،

ويكتُبْنَنا وطناً أحسنا .

-3-

وأنتِ هجرتي إلى مدائنِ الشعرِ

وصولتي في باحةِ النثرِ ،

وسيفيَ المسلولُ عند حومَةِ الوغى..

وخيليَ المقتحمه

حين تحين لحظةُ المصادمه ،

وأنتِ رحلةُ الإيابْ –

للفارسِ الظافرِ –

سالماً وغَانما

ورابحاً تجارةً وفيره ،

وأنتِ – يا أميره –

تلامسين قلبي مثلما

يلامس السحابُ قُننَ الجباْل

فيهمر المطْر

يسقي الحقولَ والأنهارَ والأطيارَ والوهادْ

فتورقُ الرحمةُ..

ثم يبدأُ الميلادْ.

-4-

سيدتي المتوجة

بالوهِج والدهشةِ والحضورْ ،

سيدتي الموسمه

بالحبِ .. والغبطةِ والسرورْ ،

أعترفُ الآنْ

بأنْ أبقى لديكِ

عاشقاً متوجاً

وفارساً موّسما

تلامسين قلبَه كما يلامس السحابُ قُننَ الجبال ،

فيهمر المطْر

وتطرح الأرض الغلالَ والظلالَ .. والأطفاْل.
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالخميس 09 ديسمبر 2010, 12:05 am

-1-

تقول لِى شنو

وتقولى لِى منو ،

-2-

أنحنَا السَّاسْ

ونَحنا الرَّاسْ

ونحن الدّنيا جبناهَا

وبَنيناها..

بِويت ..فى بِويتْ

وأسْعل جدى ترهاقَا

وخلى الفَاقة .. والقَاقا

-3-

تقول لِى شنو

وتقول لِى منو ،

-4-

تَالا أبوى .. بعنخى لَزَمْ

وتَالا اللُمْ..أَبوىْ أوْلبَابْ

وأمى مهيرة بتْ عبودْ

وأخويا المهدى ..سيد السيفْ

والخلى النصارى تقيفْ

هناك ..فى القيفْ ،

-5-

تقول لِى شنو

وتقول لِى منو ،

-6-

ونحن الشينْ

ونحن الزينْ

ونحن العقبه والعتمور

ونحن القِبله .. والقرعانْ

ونحن الشانْ

ونحن النانْ

أتينا عشانْ

نسوى الدّنيا للإنسانْ

تقول لِى شنو

وتقول لِى منو ،

-8-

ونحن الصّافى

والوَافى ،

ونحن الشّافى

والكافِى ،

ونحن الزادْ

ونحن العِينه

والزِيّنه ،

ونحن – يمين – أهالينا

أهلى سرورْ

ووكَتين ينزل المستورْ

تَرَانَه النور

-9-

تقول لِى شنو

وتقول لِى منو ،

-10-

ونحن الجبنه واللبريقْ

ونحن قداحنا سَاوات ضيقْ

ونحن بيوتنا مفتوحاتْ

مَسَاىْ .. وَصباحْ

ونحن وشُوشنا

مطروحاتْ

مَسَاىْ وصباحْ

ونحن السَمحه

والقَمحه

ونحن الطله .. واللمحه ،

ونحن الصِيدْ

ونحن العيدْ ،

-11-

تقولى لِى شنو

وتقولى لِى منو ،

-12-

ونحن عُزَازْ

ونحن حَرَازْ

ونحن هَشَابْ

ونحن قُمُوحْ

ونحن تُمُورْ

ونحن عُيُوشْ

ونحن النيلْ

وَكضَاب – يا زويل – منْ قالْ

إنّك .. تانى لينا متيلْ ،

تقولى لِى شنو

وتقولى لِى منو ،

-13-

ونحن الحَجه والتوبه ،

ونحن الهِجره .. والأوبه ،

ونحن كُتَارْ

ونحن كُبَارْ ،

ونحن – يمين – جُمَال الشيلْ

ونحن – يمين –نَضِمنا قليلْ ،

-14-

تقول لِى شنو

وتقول لِى منو ،

-15-

ونحن مِحايه

نحن طِرايه

نحن فِدايه

نحن سِمايه

نحن حجاب

ونحن اللوحْ

ونحن شَرَافه فى الدنيا

ونحن كِتاب عِلمْ مفتوحْ

على كل البُلودات ..نُورْ ،

ونحن – يمين – مَداين نورْ ،

ووشنا نورْ ،

-16-

تقول لِى شنو

وتقول لِى منو ،

-17-

ونحن الحِنه والجرتقْ

ونحن الزفه والسيره ،

ونحن ..أبشرى والشبال ،

ونحن السَىْ

ونحن الوَىْ

ونحن الرقبه .. والتُمْ تُمْ

ونحن اللَمْ ..

يكون فى الدنيا ..متلنا ..لمْ

-18-

تقولى لِى شنو

وتقول لِى منو ،

-19-

ونحن العَاجْ

ونحن الصَاجْ

ونحن البوشْ

ونحن الحوشْ

ونحن الناسْ

وكتين الديارا ..يباس

وإن درت العديل والزين

تعال يا زول ،

وإن كست الكعب والشين

أرح .. يا زول

-20-

تقولى لى شنو

وتقول لى منو ،

-21-

ونحن السورْ

ونحن الحُورْ ،

ونحن بناتنا محروساتْ

ونحن وِلادنا ضُلالاتْ

ونحن أُماتنا ياهِنْ ..ديلْ ،

وجِيب ورينى زيىِّ منو ،

وتقول لِى شنو

وتقول لِى منو ،

-22-

ونحن فَزَعْ

ونحن وجَعْ

ونحن اليُمه ..واليَابَا

ونحن أريتو بالتَابَه ،

ونحن – يمين – إذا حَرّتْ ،

نخلى الواطه ..رُقَابه ،

-23-

تقولى لِى شنو

وتقولى لِى منو ،

-24-

ونحن زَغَاوه والعطرونْ

ونحن الدُونَا ..مافيشُ دونُ

ونحن وِلاد مَلك خِرتيتْ

وسَابَ الجرْ

وحجَر السِكه ،

والتاكا ،

وسيّدنا الفى الجبل ..دَاكَا

ونحن – يمين – نضِمنا كُتُرْ

وشيَتنا كُتُرْ

وأسعَل ناس كَرن والطُورْ ،

وأسعَل كَررى .. والعَتْمُورْ

وأسعل – يا جنَاَ – الخرتُومْ ،

وشوف كيفن زعلنا كُتُرْ ،

وشوف كيفن فرحنا كُتُرْ ،

أنحنا الـ للرجال خُوسَه ،

ونحن –يمين – جِنَات موسى ،

-25-

تقولى لِى شنو

وتقول لِى منو ،

-26-

ونحن الدوكه

والضُلاله ، والدونكه ،

ونحن الدانقه ،

والراكوبه ، والواطه ،

ونحن الفَكَه

والشِبكَه

ونحن الحجزه .. والعكَه ،

ونحن الجُودْ ،

ونحن أسودْ ،

ونحن النَانْ ،

حديثنا إذا أرِدتو رُطَانْ

وحين دايرين ..نسوى بَيَانْ ،

-27-

تقول لِى شنو

وتقول لِى منو ،

-28-

ونحن الخَلوهَ والدايره ،

ونحن تَكيه العايره ،

ونحن الضُّلْ ،

ونحن الكُلْ ،

ونحن سبيل غريب الليلْ ،

ونحن صباح مسافر الليلْ ،

ونحن فَنَاجرةَ الدّنيا ،

ونحن حَبَابْ

حديثنا حَبَابْ

تعال شَرِف .. وشوفنى منو ،

وتقولِى شنو ،

وتقولِى منو ،

-29-

أقيف لِسَعْ

وأقيف وأسمعْ ،

ونحن صديرى منضوم ويلْ

ونحن القَرمصيص ..بلحيلْ ،

ونحن التوبْ

ونحن الووبْ

وناس حبوبْ

وناس حَرّمْ

ونحن إذا رأينا كبيرْ

نقيف طولنا ..ونقولْ لُه ..حَبَابْ

ونديه البُكَان ..ترحابْ

ونحن. اليَانَا ديل .. يا زولْ

وتسعلنى .. وتقول لِى منو

وتقولِى شنو ،

-30-

أقيف لسعْ

وأقيف .. وأسمعْ

ونحن التَايَهْ

والاندايَهْ

والزِريعهْ

والعيزومهْ

واتفضلْ ،

ونحن الرايَه مرفُوعه

ونحن الكُلفَه مرفُوعه

ونحن حلفتَ ... مدفوعه

-31-

تقول لِى شنو

وتقول لِى منو ،

-32-

وأما عجيبْ

وأما غريبْ ،

وأقيف لسعْ

وأقيف .. وأسمعْ ،

-33-

أنا الكَعَب البسوى الويلْ

وأنا الزول السَمِحْ ..بلحيل ،

وداير ..منَِّهُمْ .. يَاتُو ..،

تقولى لِى شنو

وتقول لِى منو ،
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالخميس 09 ديسمبر 2010, 12:10 am


أنا ، واستغفْر المولى ،

من قولة .. أنا .. ، أدبى ،

شاردْ من التاريخْ

ونازل بدون تصريحْ

وشايل قَلمْ دهبى

وقرطاسْ ورقْ عربى ،

وبكتب كلامْ أدبى

وما عندى غيرو أنا فى الدنيا .. من أرَبِ

-2-

كلامْ عشان الحُزُنْ .. والناسْ ..

كلام أدبى ،

ما عندى غيرو أنا فى الدنيا . . من أرَبِ ،

لا خزنة . . لا سُلطانْ

لا غيرا .. من طَلبِ

الناسْ مطالبى أنا . . والحبُ للأدبِ ،

-3-

يا أيُها مطرودْ

إنى أنا زولَكْ

وأيُها محزونْ

إنى أنا هُولَكْ ،

هَادِى مطالبى أنا ..

والحبُ للأدبِ .
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالخميس 09 ديسمبر 2010, 12:16 am


يا جَنَا .. أبداً جَرَالَكْ أمرْ مِن هَذَا القبيلْ ،

إنك مسافر فى بلاد بره .. وزول عابر سبيلْ

تلقاك بنية حليوة .. زى موية السبيلْ ،

والدنيا حرْ ..

والجوف عليلْ ،

تنده عليكْ

يا ماشى زى الغابة .. يا زولْ .. يا جميلْ

وَقفْ .. وهاكنى معاكْ .. وسافِرْ .. يا جميلْ ،

- أيوه حَصَلْ ،

بس المطرْ كان قاجى .. والليل كان جميلْ

والبندقية .. جزيرة الطِليان ..

يمين . . مليانة شيلْ

والبحرِ رايقْ .. والمزاجْ . .

والجيب تقيلْ ،

وشربنا . . ناماً شُفنا ايطاليا مدنقرة فى المحيطْ،

وتقول ياليلْ

ويمين – حلفنا – نعومْ .. وكان الكيفْ تقيلْ

والواطة ليلْ ،

يا زول حَصَلْ .. زى ما حَصَل . .

ما الدنيا ليلْ

والزول مسافرْ

والطلايناتْ ديكْ . . يا ليلْ ،

- أيوه حَصَلْ

. . . بَس المطر كان قاجى .. والليل كان جميلْ
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالأربعاء 02 فبراير 2011, 11:38 pm


الشاعر الحاردلو – شاعر البطانة :-

ولد الشاعر الحاردلو فى البطانة عام 1830م على وجه التقريب وهو محمد أحمد عوض الكريم أبو سن من بيت الرئاسة والنظارة فى قبيلة الشكرية ولقب بالحاردلو لأسباب إختلف فيها الناس ويعتبر من أشهر الشعراء السودانيين وأبعدهم أثراً وهو شاعر الجمال والغزل وقد عاش فى مجتمع بدوى شبه متحضر وفى بيئة ارستقراطية فيها الكثير من قيم القبيلة وخشونة البادية وقد إهتم الحاردلو كثيراً بالرمز فى شعره وهى طريقة بدوية تجنح الى الإيجاز فى الوصف وتكتفى بالتلميح والإشارة .



(ج) سوف أورد فى هذا المقال بعض نمازج من شعر الحاردلو الكبير مع التركيز على معانى المفردات البجاوية الواردة فيه ولن أتعرض لشرح معانى أبيات شعره لأن المجال لا يسمح بذلك وعلى المهتمين بشعر الحردلو الرجوع لديوانه إن أرادوا ذلك . الغرض من هذا المقال تأكيد ما ورد فى قول الدكتور عون الشريف قاسم رحمه الله وفى حلقات أخرى سوف أتعرض لشعر بعض الشعراء الآخرين ممن ضمنوا أشعارهم مفردات من اللغة البجاوية ....

(1) مِن بيلا الصَّباح أسَّربَقَن هُمَّال

والدُّوفْ فوق حَقايبِهن كَتَرنو جَمال

الخور العَطيش بَلَداً عَزازْ ورمْال

ومَدْروك ماهو مِن حرَّ النَّهار بِكمال

الدوف :

الدوف فى اللغة البجاوية قطعة اللحمة الخالية من العظم والحردلو هنا يصف اللحم المكتنز فوق إعجاز الظباء .

حقايبهن :

المؤخرة او العجيزة وهى مأخوذة من كلمة حقيب البجاوية والتى تعنى المؤخرة أو العجيزة .

الحاردلو عرف دوف بأداة التعريف العربية "ال" فاصبحت الدوف وعند تعريفها بأداة التعريف البجاوية "أو" والتى تعادل أداة التعريف العربية "ال" تصبح الدوف وعند البجا أودوف .

الحاردلو يصف وجود اللحم المكتنز على أعجاز ومؤخرات تلك الظباء بأنه زادهم جمال على جمال فهو دليل الصحة والعافية والشبع عكس الهزال والجوع .

هناك اداة تعريف اخرى وهى (( إى )) فمثلاً البجا يسمون الفونج فون ويحذفون الجيم ولا أدرى السبب وعندما يضعون أداة التعريف "أي" التى تعادل أيضاً أداة التعريف العربية "ال" . يصبح اسم الفونج المعرف إيفون وقد تكون هى الكلمة التى كان يطلقها العنج البجا عليهم قبل قيام سلطنة الفنج واللغز الأكبر لماذا يصر البجا على حذف الجيم من كلمة الفونج . هذه الكلمة التى إشتهرت على مستوى السودان وهل يعقل أن البجا على حق فى إسم فون وكل السودان على خطأ فى إسم فونج من يدرى ؟ وهل يعقل أن الفون أضافوا لإسمهم جيم تشبهاً بالعنج حكام أواسط السودان فى ذلك الزمان ؟ وهل إسم فون إسمهم الحقيقى أم إسم اطلقه العنج عليهم وهل فى السودان وما حوله من أقطار افريقية قوم عرفوا أو يعرفون بالفون أو إيفون ؟.

(2) مِطَّامْناتْ هِناكْ لامِن نِهاِرنْ زالْ

وشَرَفَن كلِّهن شّمَّن ِدعاشْ اتْعالْ

مابْيَات البَلَد دَايْراتْ حَقُو السِّروْالْ

وَصْفاً مَتَّع الغَنَّاى قَدُرْ ما قال

دعاش :

وهى ريح باردة تهب بعد نزول الأمطار وهى تحمل رائحة إختلاط المطر بالتراب والقش ، ودعاش كلمة بجاوية أصيلة أصبحت جزءاً من العامية السودانية ولكن المؤسف انها لا تنطق بالبجاوية كما هى مكتوبة بالعربية فهناك مشكلة البجا مع الأصوات فلهم حروف واصوات – حوالى خمس حروف – لا وجود لها فى الحروف العربية فالدال فى بداية دعاش لاتنطق كما هو باللغة العربية – فالدال فى اللغة العربية تنطق بوضع اللسان على سقف الحلق وعند البجا تنطق بوضع طرف اللسان فقط ملامساً لسقف الحلق ووراء الاسنان .

أرجوك جرب نطق دعاش بالطريقة البجاوية – برافو! وكذلك حاول أن تنطق دقنة وهدندوة بنفس الطريقة . إن حرف الدال أصبح مشكلة عند البجا فعثمان دقنة لا علاقة له بالدقن فالدال عندما تنطق بالبجاوية تعطينا معنى بعيد جداً عن عالم الدقون وكذلك هدندوة لا تنطق بالطريقة التى تكتب بها بالعربية والأمثلة كثيرة وهناك أربعة أحرف بجاوية أخرى لا تكتب لا باللغة العربية ولا اللغة الإنجليزية ، ومن يدرى ؟ لعلنا نجد هذه الأحرف تكتب عند أقوام آخرين فى أقاصى الدنيا ونحن مصرون فى هذه الألفية الثالثة أن نجعل من لغتنا البجاوية لغة مكتوبة فهى الآن تعتبر من

أقدم اللغات الموجودة على وجه الأرض ، بل هى أقدم من اللغة الإنجليزية بأربعة الف سنة وعاصرت اللغة المصرية القديمة .

إتعـال :

تال وبال تعنى سحب بالبجاوية وعندما نضيف اليها اداة التعريف "إى" التى تساوى أداة التعريف "ال" فى اللغة العربية تصبح إيتال وإيبال بمعنى السحب وبما أن البجا لا ينطقون حرف العين فإيتال هى إيتعال كما وردت بشعر الحاردلو والدعاش هو نتيجة هذه السحب او إيتال البجاوية او إيتعال كما أوردها الحاردلو – كلمة عفرت او أفرت أيضاً بجاوية وهى تستعمل بمعنى قطعة من السحاب كما قال عبد الحليم على طه (العفرت رحل يبكى ويسوى القوق ) وقال الشلهمة (بعد دور الجفاف قام عفرتك مجارى).

(3) مِن دَعَتْ السراويل قَبَّلَن دارتات

على العاشنوق لِقن زوزاى وبى فارَّات

عَسْكَر خاف عليِهن فى ضرا مَيَعات

وجاهِنْ زاعلن بعد النَّهار ما فاتْ

دعت :

وهى القمل والهوام التى تعيش على جسم الحيوان أو الإنسان ولكن البجا ينطقونها تت لأنهم لا يستطيعون نطق العين وفى هذا البيت يذكر الحاردلو أن الظباء تركن المنطقة المسماة بالسّراويل لكثرة القمل والهوام المزعجة بها وإتجهت لمنطقة العاشنوق .

(4) انْحلَّن جناهِن وفى ضَرا نالاتْ

لامن رضَّعنُّوا وجف من السِّبياتْ

كم فوقِن دِقوناً ولَّفن قافاتْ

قالَنْ دوبَة لِيهن والزمان الفاتْ

دوبة :

دوبة باللغة البجاوية هو العريس والعروس دوبات والعرس دوبانى والأغانى التى تغنى فى العرس دوبيت أو دوباي . والعريس عند البجا بمثابة ملك وتعمل له كل مراسم التتويج كملك ويعمل له وزراء وحاشية وهى بالنسبة له تعتبر مناسبة العمر خصوصاً الزواج الأول فلذلك كلمة دوبة ليهن معناه التمنى لهن بالسعادة والفأل الحسن كما يحدث للعريس الجديد وكما قالت العبدلابية (دوبة أبوى سيد البصر والرأى)



(5) وكت ادَّرْدَقَن بى مَطْبَق الِوديان

كلبى الشَّارعوا فيِهن جاء مِنْقِلب هَقْلان

اتحيَّرت قَعَدت ساكِت بقيت مَحَنان

بِكتبْ لى لِماهِن ربَّنا المنَّان

هقلان :

وهى كلمة بجاوية تعنى أن الشخص لم يجد شيئاً أو حاول وفشل فى الحصول على الشئ الذى يريده وهذا الأمر يسمى هقول والذى لم يجد شيئاً يسمى هقلان وعند الشتيمة أو السب للشخص يقولون له هقلة بمعنى انشاء الله تخيب . والحردلو فى هذا البيت من الشعر يذكر ان كلبه الذى اطلقه لصيد الظباء والغزلان عاد خائباً دون ان يصطاد شيئاً وهذه المفردة هقلان ومشتقاتها تستعمل كثيراً فى العامية السودانية فقد قال الرباطابى :

"محجوب ود على زعلان وراح من اللحم هقلان" ، وكذلك قال أيضاً : "للصباح هقلان من النوم" وكذلك قال "من دا العرس أحسن الهقال".

وكذلك قال الكردفانى " أم الخواف لامن تموت هقلانة " ومن الأسماء المشهورة عند البجا إسم باهقيل وتعنى الذى لا يخيب .



(6) ودُّوا أخبارى ياعوَّادى

قولوا مَقِيلوا إن أمسا بو يِصبح قاضى

شَمْبانى ام نعيم ضاربنى بى فؤادى

قبلوا مِعضِّعضّة وشبرين مَرق بى غادِى

شمبانى :

وهى باللغة البجاوية تعنى أهداب العين والرموش والحردلو فى هذا البيت يقول إن أهداب ورموش عيون أم نعيم قد أصابت فؤاده كما يصيبها السهم مخترقاً لفؤاده مقدار شبرين وفى بيت آخر يقول "شمبانيها ريشة قلبى تب قصاها " وقال عبد الله أخو الحردلو أيضاً "شمبانيها مو برانى خافس قلبى ".

(7) الحم غرَّزن لى حْسارى عِندى بَواِرق

كولْهِن طَعْنوا تَف لى من بعيد ما بْزاِرق

السبَّب الخلانى من النقَّير مِداِرق

سَكَعى البانَقير بى دريِب أصُبرى العارق

سكعى البانقير :

سك فى اللغة البجاوية تعنى السير ودخلت فى العامية السودانية بهذا المعنى وبمعنى المطاردة أيضاً كما نقول فلان سكّ فلان

والحردلو فى هذا البيت يذكر سير جمله المسمى البانقير فوق درديب اصبرى والبانقير كما ذكرنا يعنى بالبجاوية الجمل الذى لا يعطش ويتحمل السفر الطويل وكثير من الشعراء السودانيين ذكروا هذا النوع من الجمال . قال ود ضحوية فى جملة "زى دق الشتم بانقير إيديك " وقال الرباطابى " كم ركب فوق البانقير" وقال ود الفراش "اشد وأركب البانقير جملى المضمَّر "

(Cool2 جات آمنَة سوت مَسَخَت عَلِينا الجِيل

طَبَلَت قِيدها كعْ فى العاصى والعِنتِيل

الشَّرْباتةَ شتَّت والعواصى تسِيل

مى داب وَدْ رَهَدْ مَدْروك مَجَر النِّيل

مى داب:

وهى بالبجاوية تعنى اللسان والحردلو فى هذا البيت يتحدث عن لسان نهر الرهد الذى يصب فى النيل وهو هنا يذكر أن آمنة سوت جاءت فجعلت كل من سواها من بنات الجيل بلا طعم . وأسرت بحسنها رجالاً ذوى تجربة "العاصى والعنتيل" فر من جبروتها كل ضعيف "الشرباتة" وسالت دماء من صبر عليها من الرجال المعاندين "العواصى" . أن خطر آمنة سوت قد تجاوز نهر الرهد وأصبح يهدد النيل .

(9) يومْ بوش ْ العِصير مَرَقَت عليهو أمَّونة

خلت جيلوا كُلُو تقول كيايِل شونَة

الناس الْ بماثْلوكْ على هنُّونة

مَخسوفِين عَقُل ما عِنْدهُن مَوزونة

بوش :

وهى كلمة بجاوية تعنى الحفلة أو الإحتفال الكبير ودخلت فى العامية السودانية بهذا المعنى .



(10) مابتشوفى هَسَّع كِيفْ بِقيت مى أيَّاى

يوماً تَبْ أغيب ويوم أطِش بى خَلاى

فرق النيِّة بلحيل قَل علىَّ حياى

فيها شبه خِلَقْ بُرِّيبة الباسياى

باسياى :

وهو إسم مكان فى البطانة وبالبجاوية باسياى تعنى المكان الذى لايميت بمعنى انه مكان طيب توجد به وسائل كسب العيش . كما ذكرنا أن البجا فى الأسماء يهتمون بإثبات صفة أو نفى صفة وهم لنفى الصفة أميل . لقد لاحظنا أن الكثير من الاسماء الجغرافية وكذلك اسماء النباتات فى اواسط السودان وخصوصاً بمنطقة البطانة تحمل اسماء بجاوية مثل وادى الهواد وجبال تواوا وباهوقى وريرة وبافليل وبانقوقا وغيرها كثير والأمر يحتاج لبحث وحصر وتفسير .
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالأربعاء 02 فبراير 2011, 11:40 pm


1-

كنتَ قايلِك لىْ ضَهَرْ أركزْ عليهُ

وكنتَ قايلك لىْ صَدُر أهجعْ اليهُ

وكنتَ قايلكِ حُبْ كبيرْ ..

دقيتَ صدرى أباهى بيهُ

ورُحتَ أقدل فى البلدْ

وأدوبى ليكى .. أنِمّ ليهُ

وكنتَ قايلك لى زمنْ لِسَعْ…

وقايلِك جايه بيه

وفيه أطفالْ .. فيه أشعارْ

فيه خيرْ وسلامْ .. وفيه

وفيه سُودانا البنحلم بيه

والدايماً نكاتل نِحن ليه

-2-

كنتَ قايلْ ما فى بعدكِ

تانى زولاً أشتهيهُ

ولا جمالاً غير جمالِك

فى بلدنا نفيستى فيه

ولا وطنْ غيرك سَكَنْ

يدينى .. ما تدينى ليه

وجيتْ برايا إلى ضَراكِ

إتضارى من أحزانى بيه

مُحبْ مُطاردْ من بلاده

والعجيبه بلادهُ فيه

خافقه فى كُلْ نبضة ليه

وشايله أمطارْ فى عينيه

-3-

جيتَ قايلِك لىْ ضَرايه

ولىْ صَدُر يهجعْ معايا

وكنتَ شايلِك لىْ تميمه

وكنتَ كاتبِك لىْ محايه

ولما جات الحارة دايره

ودارتْ الأيامْ عليّا

لقيتكْ إنتِ غريبة عنى …

وواقفه فى جانبْ عِدايا

كأنه يومْ ما كنتِ ليّا

وكنتَ ليكى هدفْ وغايه

كنت قايلِكْ لى برايا …

وفى النهاية .. بقيتْ برايا !
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالأربعاء 02 فبراير 2011, 11:43 pm

حرف الياء

اللهيج النى
زينب فى البنات مى داب سماحة الزى
شن تشبه بلا اللدتو أمو ودى
فيها تلت خصالا ما حواهن حى
الصبا والجمال عقب اللهيج النى


شوق زينب
بعد سبعين سنة وبيض سبيب عينى
ما بحسب بساهر من طوارق الغى
شوق زينب ترى خلانى منى ولى
أشكى على الغصون لى من يعرف ألبى


قل حياى
ما بتشوفنى هسع كيف بقيت مى اياى
يوما تب اغيب ويوم اطش بى خلاى
فرق النية بلحيل قل على حياى
فيها شبه خلق بريبة الباسياى


عجز الشعر
أبى يبقالى فوق غيرك اجيب بوباى
لا شفناك ولا خبرنا بيك حجاى
القاف السبق والدايرو من أوجاى
كل أل قتو فى وصفك أراه دون جاى







حرف الهاء

قوز ود ضياب
قوز ودضياب يالليل ترى بى شياهو
بهما بطرد فرحان ودعاجبو خلاهو
زولا فى أم قدود المولى كان اداهو
يقعد عندهن يترك لهن ماواهو

قالت واحدة منهن
واحدة منهن قالت ولوفنا تراهو
قلت ليهن نعم محسوبكن اياهو
الصبا والجمال الدايرو ها اللبراهو
ترى هدا الهرد قلبو وقسمها وكلاهو

شهادة مجرب
بت ناس فاطنه زينب فيها عنقا باهى
شن تشبه برا الفى النالة غريد ساهى
حلفوا الضاقو ليمك فوق كتاب الله
أحلى نفيسها مالا الزعفران والشاهى

القلب المقصوص
يارب يا إلهى ألبى الجمال خصاها
شبريق الملاين شوفو كيف رصاها
سلطان الغرام بالتيه على عصاها
شنبانيها ريشة قلبى طب قصاها

كرباج النصر
جمال أمات خدود قط ما انذكر لى براها
بكرة إن شال قدمنا الكريم نصباها
فى بوش العصير كية الشباب خالفاها
كرباج النصر بتورو فوق ندداها

عتر وما سمى
ود اللدرع أل بين ود فهيد ومساهى
فى شورتين تحت حزاز وريدو الباهى
ما شفت أم نعيم الكنت بيها بلاهى
دابى عتر دحين ما قلت بسم الله

حرف النون


نسينا اهلنا
الزول السمح يوم الخميس واعدنا
فى ديم كسلا إن سافرنا منو ابعدنا
يا عبد الامين ما شفتو كيف واددنا
ترى هادا المنسينا العقاب وبلدنا


حكم الشاعر
يوم بوش العصير مرقت عليهو أمونه
خلت جيلو كلو تقول كياييل شونه
الناس أل بماثلوك على هنونه
مخسوفين عقل ما عندهن موزونه


دموع النافلة
بت ألبى سرب قناصى ما نشاهن
مرقت من كلاب ألبى الشرع وشاهن
من سرق إيدى جيزان الدموع بشاهن
رقدن فى الشلوخ لا النافلة ما قشاهن


كلام الناس
البارح كلام الناس بدور افرقنا
كلو مرق كضب عقبان صفينا ورقنا
الدرعة أم شلوخ ستة مالكة عشقنا
تتمايح متل قصبة مناصح الحقنه

فوق كم ؟
قوم يا اللوس أرح فوق كم عقب قعدتنا
نبل شوقنا ونشوف اللينة بت بلتنا
فوق جمرا صنوبر والهبوب هبتنا
نعود النمهن دايم الابد شغلتنا


يأس العاذل
تام قنعان خلاص واتيقن الهادينى
قال لى توب وارجع من طرق سيتينى
من فرق الشبيشب الوسادتو يمينى
من المستحيل يسهى وينوم ودعينى


الريال البرانى
شتن والعقد الفريد احمد ترى أورانى
وتعب الفى العقاب لى هيادة اترجانى
وكت الحضرة جات من بيتها ها الورانى
ود الفونج على ريالك طلع برانى


الظاهر المخفى
الناس كلهم يهدونى
من اللبنت فوسيب جزائر عونى
أكلتم حبها واخفاهو ما يدرونى
يظهر كل مرة ويفضحنو عيونى


عيون القلب
بع ليهن شبابى كان إحمدن
ترك ليهن الفرض والسنة عمدا
كلاب شرع القنيص بى دريبها رمضن
عيون القلب من البصلحنى رمدن


الشباب خجلان
ضربولو الهبك واتجمع البيشان
جات تقدل مهيرة كرجة ود عدلان
العينين بعاينن والشباب خجلان
حققنا القمر يخفى النجم إن بان


حرف الميم

القلب المطفطف

خلانى البريق داك البلوح قدامى
بصدد متل جفر الجمال الرامى
طفطيف قلبى عادنى وزاد خيال احلامى
عقبان طول اللسنات على لوامى

صبوة العابد

ترى شفناها بت بت المعرز عومو
الحاويها فى السالكات مندر كومو
على المتشببات سوقك بعيد فى سومو
شوفتك تبدل الحارت صلاتو وصومو


أيام مضت

كم شويم لهن وكتا عدال ايامى
شيخ اللتبراوى وفيهو ماشى كلامى
بالغبى والبيان ما بطلها الغنامى
دى قسيت على ناسا كبار ومسامى


بنات العام
الضو ال بشوفو بدا لى يا قدام
برقا لاح بعيد ولا فريقها بت هجام
انا واياها كان بيناتنا ماشى كلام
اقنع بيها اصلا من بنات ها العام


طعام من حنظل
جفر الجمال حاكيتو ها الايام
من زولا بدلنى وصابنى منو غرام
الخلانى انوح بعد السقد ما نام
الهور والحناضل ستو لى طعام


أحلى من المسك
طاقة التاجر الجابها المسافر الشامى
فى سوق الحراج دلالى فيك ما بسامى
مسيكة أل كت قبل فوق بلغة العوامى
عرق التاية افرق منو لى الشمامى


قل نومى
من ديفة ال بغادرن درت الكرامى
اللحم انسلب رابن على عضامى
التاية ام شليخ حسرورها قل منامى
فيها مكملات خلق الجدى البعامى



حرف اللام

الساق المصبوب
فى امات البنات حايدانى ولدت نيلة
وساقا دقوصب عقب القناية عديلة
انا واياها كان بيناتن ا جارية خليلة
اقنع بيها من غى العرب والعيلة


جمر الحسار
بشكى عليك " يااللوس " صديق الخلة
ماقال لى بت نور خاتمة العرب والحلة
كان خلتنى فوق جمر الحسار إتقلى
شوفتك تبدل الصابق الرغيبة وصلى


رجع الكلام
ود الفونج حديثك فى امات عقيدات لولى
واقع بف دحين رجع الكلام لى قولى
أم ريقا متل عناب جنينة الخولى
قالت لى رجب ما جيتا شن سيتولى


هبرت كفتى
ديفة اليازمان وردن قبل كلكول
جفلن بى صقيع وكتين بدا لن زول
ما بمسك جيدهن خيل ولا زهمول
هبرت كفتى وساكت قعدت فى سهول


درجات من الجمال
فى يوم الجمع بلحيل رطبها عوالى
ما خده النورة فوق الصفصفو الغربالى
إن ثبتت سيادتك للشباب اجمالى
تحكابها الدول لا عن سراية الوالى


ضراعة عاشق
أمرك نفديهو وفى الحكم ما تبالى
مكيون سلمك رتبة مدير طوالى
بضرع تملى ولى الخلقنى سؤالى
من شأن أم قرين ما ينقطع ميصالى


الدمع المنهل
البارح طريت ليمك هوية ليل
مسافتك يا أم رشيم لى ابعدت بلحيل
أل خلى صبيت عينى جلبا سيل
ضوق الكمعه مسخ تافح القنديل


آمنة سوت
جات آمنة سوت مسخ علينا الجيل
طبلت قيدها كع فى العاصى والعنتيل
الشرباتة شتت والعواصى تسيل
مى داب ود رهد مدروك مجر النيل


دلاح ادريس
جيب دلاح دريس خل بيهوها النسله
ما ببرد على فرق الفويطر و مجله
بعد جيعانه والملق الحضاها إتمل
ظنيتو القعاد امسخ لى يا عبد الله
حرف الكاف


شيطان الشعر
كل صبحا جديد بسمع ربعا غريب فى غناك
من شدة فهم ولا أم نعيم قابلاك
أحكى لى الصريح والشئ ال عليه مطاوعاك
خلنى ها النغنى والضايقو أضوقو معاك


نصيحة عالم
مما قمتى فوق ساجك مولع ضيك
ما اتبعت عر لافية العطاش بى ريك
السرع والنشاط ما بشبهن لى زيك
تاتى المشية خلى الناس تموت بى غيك


بدرى النخل
العتب الكتير يا بدرى لى السماكى
ما شاف النخل وكتين إميل متاكى
كان خلقك تمام ومصدقات دعواكى
ود بنقالى كان اقعد تملى معاكى


شديرة من قاسك
بت اليازمان جا بالقماح قناصك
لا بهجس ولا بضوق الغميد جساسك
فى الزمن القبيل عاجبانا قوة راسك
شن معناك بقيتى شديرة لى من قاسك

حرف القاف

بوراق الحب
الحم غززن لى حسارى عندى بوراق
كولهن طنعو تف لى من بعيد ما بزارق
السبب الخلانى من النقير مدارق
سكعى البانقير بى دريب اصبرى العارق


سخلة ود فهيد
جميز فامك البارى الهرف والفرق
برعيمك سمح دغمة براطمك زرق
كحلة وغر عيونك يا أم حواجبا فرق
سخلة ود فهيد ديفة الثنايا البرق

رمح حاد
درعا تا على عليو النعام مراقة
درجت عقلى فى نجيم علقته أم براقة
تف أم إيدنفج حربته مى زراقة
حادة برا نفخ فورا كتير وطراقة


امتنعت عن كل طالب
قرنك برعوهو وجدعو كلاقة
قرطن فوق عقد ورقك برا لصاقة
ست سرقة مشية ثابتة خاتية شلاقه
دى قسيت على فرسان ا والدراقة


حديث عذب
بت اليازمان قبل الرضيم تتاقه
فيها خمس حزوز شورتين عقب خناقه
تلت وبكت الخوخ النقرتو دقاقه
فوته على البنات تمرة لسان وحداقه


دهر معاكس
كم شويم لهن وكتا كتير فوق ناقة
زمنا فى طرف ريسة وشوية فاقه
عاكسنا الدهر كترت علينا العاقة
نحن برانا يا عبد الله كيف نتلاقه


جفانى النوم
ها الايام على زايد حسار معتوقة
آخد ليلى تام غمدة نهار ما بضوقه
جلد الما انسلخ لحمو وانجلب فى سوقه
كرفها قالوا منعش لى البشم معشوقه


فاقت بنات الجيل
لخلوخة تقوم مسايسه ومفروقه
بين التقنتين دفق البصير ما روقه
ان جلست معاك وان سمع منطوقه
على المشببات بلحيل بعيد معلوقه


شهادة شاعر
ديفة اليازمان جفلن على بانقوقه
دفقوا الشاهى صرف فوق عقلته المشقوقه
كان يا الليلة فى قيد الحياة ود دوقه
نما مو ملتق كان بجدعو فوقه


تحسر على الماضى
كت فى جقدله وفا قه وشوية روقه
على الدنيا راضية العندى مى ممحوقه
شن معناها هسع نمتى المربوقه
كانت ليك قبيل ما تبقى كدى مسرقه


لا أطيق فراقا
لتيب خشم الدرو الكبد البقونة بساقى
فى ناموسو فوق ساجا كبير متاقى
ديفة الفى اللتيمة مقمحة البنداقى
فى سهمين عوالى وجرسه منو فراقى

خفيف الراس
ستات اللبيق ال فصلنو مطارق
حسرورهن على كل مرة بصبح فارق
خفيف الراس شفق جاب لى الخبر مسارق
قالوا بحنسوهو وخالتو فى بطارق


نسام الغفر
لتيبا حارسو حراتو ومسايس وفارق
عقب الحرة صقار من السموم مدارق
أتناين عروقو وراح فصيصو يزارق
لامن جاهو نسام الغفر مسارق


الحساب الفارق
حسرورن زمان انا ضيقنبو خلاقى
طول الليل مساهر وعينى ما بتلاقى
من فرط البجينى الهجعة بى العراقى
وين ما دور أغلق فوقى يصبح باقى


جيل طردونة
مطرقى مابمضع فيها لى السواقه
كتلت من عصرها وما انخبر سراقه
جيل طردونة هادا ما لى فيهو علاقه
يا ريت السركه تكون لى فيهو لياقه


حرف الفاء

دراهم المحبين
الداير مصاريف عندهن بتخنف
وأخاد قرشهن مليوم زمان ومنشف
ولف لى نميما فيهو ما بتخنف
عدلان قولو اجدع كلمة ما تصنف


حتى عبد الله
حت عبد الله شاف الحال معانا ضعيفه
ما قال ضوه خلت فى عقابها خليفه
الضايقين لماها قالوا : إن حلفونا حليفه
حلوة ولينة يدفى جليده من الزيفه


الكثير القليل
أجمع فى الرزق لى شان رضاهن افافى
كترتو ومسخ واتعاجزت عرافى
قدر ما أدى قدر مظنونى مانى مكافى
غير متأسف ألياخدنو كلو عوافى

كان قد أجاب بها على قصيدة
محمد ود أحمودة الشاعر الفادنى:
رويان موية زين ماكل دره ومتعافى
بليدن غادى كان ما تكون وشيكا شافى
بت اللى تعيلات النطح متلافى
يبرد فى البطين لى سعدو ذابح دافى


حرف السين

الذوق السليم
الشافك قبيل ميت عليك بى حساسو
وال هسع سمع ظنيتو يقسى خلاسو
الذوق المكمل والصبا ألبى قياسو
من دون البنات فازت بو خلت ناسو


كيف خلاصى؟
قالة منامى إن اصبحت وان كت ماسى
ساعة فقدها جدن على امقاسى
جلدا مسو يخفى طاقة المدراسى
من نيران غرام اللينة كيف خلاصى


المكتوم ظهر
غى التاية دسيتو وابى يندس
أول كان ملاسعنى ودحين بان بس
تحت العقلة وقت اتلامع الكسكس
قدر النملة من غى أم نعيم ما خس

القبلة المسروقة
كم شويم لهن وكتا بفاقق وريس
كم وديت لهن من عندى واحد كيس
بسرق دغمتن نعمنى فيهن سيس
دا وكت الزمان بلحيل معانا كويس

حكم الليل
العقد المبانت وفصلو كله خروس
تلق من طرف فيهن كتير ملبوس
تتحكم عليك بعد النجم ما يغوس
توريك ريسة الريس على المريوس


حرف الراء

شيخة بنات الدار
لقتنى خجيجة فى كل الامور محتار
جاتنى مدرجة البهم الصباهو كبار
تتضلع متل مكلوف على دينار
سلمناها ليك شيخة بنات الدار


اتشرفت بها ريرة
بلاش غنانا ألما ذكرنا جزيرة
نار بيها البلد واتشرفت بها ريرة
لين فخدها المخدة سديرة
فيها شويرة اللدتو امه محيرة


الذهب خجلان
مبرومة الحشا الميها الخفيفة وطيرة
خجل التبرى من ضو جبهتا وتنويرة
زولا مج بريطماته ووسدتو يسيره
كان يقنع وتوب من الشبابات غيره


شراب على ظمأ
حمدية السرور ما ركبوك فوق عر
ما بتمجدك تقطع قراك بالمر
إن جادت عليك تديك مويخرا در
وعقبان تربعك لامن تضوق الشر


الدل المحبب
بت الما بريدن حايمة الصفير
على هنباى لقن زوزايت أما اضفير
درعاتا تغلب شقلة والكانفير
بدرى الليل تعدية حنبقة ونفير


القلب الخافق
ديل الطبعهن دايم الابد قفير
حيامة الكلب تزيدن زعزعة ونفير
مطعونن كضب ما بنفعو الغفير
قلبى بشوف عقب بادالى فى الفرفير


حربها سلام
كم شلع لكيب دوتى وخرب كجيرو
كم كسر نهيدا حالى فى عصيرو
سرى الخاتو عندو حفيظ على ستيرو
حربو معاى افضل من أيا تيب غيرو


النهد المسبوك
نهدا دق تبل ماهو المدوشش قرو
يلعب حردفى توو المراقد ترو
فوق بوش العصير الناس يقوموا يبرو
فوق ندداها كرباج النصر بتورو


السبب الحمانى
الزول الصباه فات الكبار والقدرو
كان شافوهو ناس عبد الله كانوا يعذروا
السبب الحمانى العيد هناك أحضروا
درديق الشبيكى الفصلو فوق سدرو

حرف الدال

جرح جديد
ظهرن فى ها الايام جروحه جداد
بتكدر وانوح والنوم على ما عاد
من فرق ام دغستا خلقة مى مرواد
معشوق ليلى اخير ما لاى ضاقلو رقاد


سهام ام نعيم
ودوا اخبارى يا عوادى
قولوا مقيلو ان امسا بو بصبح قاضى
شمبانى ام نعيم ضابانى بى فى فؤادى
قبلو معضضه وشبرين مرق بى غادى


الليل الطويل
ان امسيت الليل على بعيد
وان اصبحت حسرات ام نعيم بتزيد
من فور محورها الراسو ونصابو حديد
بطنى اشيمطت واتل قلبى هريد


الى متى
يا حليلك قبيل وكتا بانقير عندى
جمالى مشنكتات وبخدمن الفى شندى
بعد ما بقيت مفلس وعادم الجرقندى
يا معشوقة يا متين نتقلد فى الهندى


اصابة المقتل
ها الايام بشوف زرقك كتير وابصيد
وطعنك لى قديم يا اللينة ما هو جديد
مرا تف مسك حزة وقريب ام إيد
ومرة حنضل معاه مدروش قرض مرميد

حرف الحاء

ليلى ونهارى مسرح

كبس الهم على ليلى ونهارى مسرح
بطنى اشيمطت قلبى البفر مجرح
الصايدنى كان صاد الحجار بتمرح
لكن رحمة المولى الوسيعة تفرح


حرف التـاء

نمامو متلق
زى بت اب سبيب قول لى الخضر كان شفتو
نما مو متلق كان عليهو ولفتو
الدر والجواهر بيهو ان وصفتو
أقدر اقول انت الليلة ما انصفتو


دمى العزيز
غيها فى ظاهر للبدور معرفتو
فى الباين على دمى العزيز انا خفتو
عرقا فى المناكب كان كتب كارفتو
داك لومك على ما تقول عقب قافتو


ظلم المحبين
بت ال سوللن من الفروخ قادمات
وفوق القو ز لقن دفيق برم سلمات
ديل ال طبعهن دايم الابد ظالمات
أخدن كولتى منى وقبلن سالمات


بنات المسيد
انس امات رشوم كم ضقت فيهو ونلتى
متيت ما سمعتى ذكرو من الملك تنفلتى
المعزى الغيهن بطلت ليهو شغلى
يقول ود اب دبل من المسيد لى ألتى



حرف الباء


مس ايوب
إللموا الجماعة وقالو لى تتوب
من العنقو زى الشمعدان مصبوب
فات فى الفوات وبقيت زى مجذوب
الحاس بيهو ماظنيتو مس ايوب


الجمال الاصيل
ديفة اليازمان جين بين قنيص وقنوبة
سلمن من طعن طبيزة البرجوبة
الصبا والجمال الباقى مو قشروبة
متوارثاهو من حبوبة لى حبوبة
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

الــــحردلّــــــــــــــــو Empty
مُساهمةموضوع: رد: الــــحردلّــــــــــــــــو   الــــحردلّــــــــــــــــو Icon_minitimeالأربعاء 02 فبراير 2011, 11:44 pm

حرف الياء

اللهيج النى
زينب فى البنات مى داب سماحة الزى
شن تشبه بلا اللدتو أمو ودى
فيها تلت خصالا ما حواهن حى
الصبا والجمال عقب اللهيج النى


شوق زينب
بعد سبعين سنة وبيض سبيب عينى
ما بحسب بساهر من طوارق الغى
شوق زينب ترى خلانى منى ولى
أشكى على الغصون لى من يعرف ألبى


قل حياى
ما بتشوفنى هسع كيف بقيت مى اياى
يوما تب اغيب ويوم اطش بى خلاى
فرق النية بلحيل قل على حياى
فيها شبه خلق بريبة الباسياى


عجز الشعر
أبى يبقالى فوق غيرك اجيب بوباى
لا شفناك ولا خبرنا بيك حجاى
القاف السبق والدايرو من أوجاى
كل أل قتو فى وصفك أراه دون جاى







حرف الهاء

قوز ود ضياب
قوز ودضياب يالليل ترى بى شياهو
بهما بطرد فرحان ودعاجبو خلاهو
زولا فى أم قدود المولى كان اداهو
يقعد عندهن يترك لهن ماواهو

قالت واحدة منهن
واحدة منهن قالت ولوفنا تراهو
قلت ليهن نعم محسوبكن اياهو
الصبا والجمال الدايرو ها اللبراهو
ترى هدا الهرد قلبو وقسمها وكلاهو

شهادة مجرب
بت ناس فاطنه زينب فيها عنقا باهى
شن تشبه برا الفى النالة غريد ساهى
حلفوا الضاقو ليمك فوق كتاب الله
أحلى نفيسها مالا الزعفران والشاهى

القلب المقصوص
يارب يا إلهى ألبى الجمال خصاها
شبريق الملاين شوفو كيف رصاها
سلطان الغرام بالتيه على عصاها
شنبانيها ريشة قلبى طب قصاها

كرباج النصر
جمال أمات خدود قط ما انذكر لى براها
بكرة إن شال قدمنا الكريم نصباها
فى بوش العصير كية الشباب خالفاها
كرباج النصر بتورو فوق ندداها

عتر وما سمى
ود اللدرع أل بين ود فهيد ومساهى
فى شورتين تحت حزاز وريدو الباهى
ما شفت أم نعيم الكنت بيها بلاهى
دابى عتر دحين ما قلت بسم الله

حرف النون


نسينا اهلنا
الزول السمح يوم الخميس واعدنا
فى ديم كسلا إن سافرنا منو ابعدنا
يا عبد الامين ما شفتو كيف واددنا
ترى هادا المنسينا العقاب وبلدنا


حكم الشاعر
يوم بوش العصير مرقت عليهو أمونه
خلت جيلو كلو تقول كياييل شونه
الناس أل بماثلوك على هنونه
مخسوفين عقل ما عندهن موزونه


دموع النافلة
بت ألبى سرب قناصى ما نشاهن
مرقت من كلاب ألبى الشرع وشاهن
من سرق إيدى جيزان الدموع بشاهن
رقدن فى الشلوخ لا النافلة ما قشاهن


كلام الناس
البارح كلام الناس بدور افرقنا
كلو مرق كضب عقبان صفينا ورقنا
الدرعة أم شلوخ ستة مالكة عشقنا
تتمايح متل قصبة مناصح الحقنه

فوق كم ؟
قوم يا اللوس أرح فوق كم عقب قعدتنا
نبل شوقنا ونشوف اللينة بت بلتنا
فوق جمرا صنوبر والهبوب هبتنا
نعود النمهن دايم الابد شغلتنا


يأس العاذل
تام قنعان خلاص واتيقن الهادينى
قال لى توب وارجع من طرق سيتينى
من فرق الشبيشب الوسادتو يمينى
من المستحيل يسهى وينوم ودعينى


الريال البرانى
شتن والعقد الفريد احمد ترى أورانى
وتعب الفى العقاب لى هيادة اترجانى
وكت الحضرة جات من بيتها ها الورانى
ود الفونج على ريالك طلع برانى


الظاهر المخفى
الناس كلهم يهدونى
من اللبنت فوسيب جزائر عونى
أكلتم حبها واخفاهو ما يدرونى
يظهر كل مرة ويفضحنو عيونى


عيون القلب
بع ليهن شبابى كان إحمدن
ترك ليهن الفرض والسنة عمدا
كلاب شرع القنيص بى دريبها رمضن
عيون القلب من البصلحنى رمدن


الشباب خجلان
ضربولو الهبك واتجمع البيشان
جات تقدل مهيرة كرجة ود عدلان
العينين بعاينن والشباب خجلان
حققنا القمر يخفى النجم إن بان


حرف الميم

القلب المطفطف

خلانى البريق داك البلوح قدامى
بصدد متل جفر الجمال الرامى
طفطيف قلبى عادنى وزاد خيال احلامى
عقبان طول اللسنات على لوامى

صبوة العابد

ترى شفناها بت بت المعرز عومو
الحاويها فى السالكات مندر كومو
على المتشببات سوقك بعيد فى سومو
شوفتك تبدل الحارت صلاتو وصومو


أيام مضت

كم شويم لهن وكتا عدال ايامى
شيخ اللتبراوى وفيهو ماشى كلامى
بالغبى والبيان ما بطلها الغنامى
دى قسيت على ناسا كبار ومسامى


بنات العام
الضو ال بشوفو بدا لى يا قدام
برقا لاح بعيد ولا فريقها بت هجام
انا واياها كان بيناتنا ماشى كلام
اقنع بيها اصلا من بنات ها العام


طعام من حنظل
جفر الجمال حاكيتو ها الايام
من زولا بدلنى وصابنى منو غرام
الخلانى انوح بعد السقد ما نام
الهور والحناضل ستو لى طعام


أحلى من المسك
طاقة التاجر الجابها المسافر الشامى
فى سوق الحراج دلالى فيك ما بسامى
مسيكة أل كت قبل فوق بلغة العوامى
عرق التاية افرق منو لى الشمامى


قل نومى
من ديفة ال بغادرن درت الكرامى
اللحم انسلب رابن على عضامى
التاية ام شليخ حسرورها قل منامى
فيها مكملات خلق الجدى البعامى



حرف اللام

الساق المصبوب
فى امات البنات حايدانى ولدت نيلة
وساقا دقوصب عقب القناية عديلة
انا واياها كان بيناتن ا جارية خليلة
اقنع بيها من غى العرب والعيلة


جمر الحسار
بشكى عليك " يااللوس " صديق الخلة
ماقال لى بت نور خاتمة العرب والحلة
كان خلتنى فوق جمر الحسار إتقلى
شوفتك تبدل الصابق الرغيبة وصلى


رجع الكلام
ود الفونج حديثك فى امات عقيدات لولى
واقع بف دحين رجع الكلام لى قولى
أم ريقا متل عناب جنينة الخولى
قالت لى رجب ما جيتا شن سيتولى


هبرت كفتى
ديفة اليازمان وردن قبل كلكول
جفلن بى صقيع وكتين بدا لن زول
ما بمسك جيدهن خيل ولا زهمول
هبرت كفتى وساكت قعدت فى سهول


درجات من الجمال
فى يوم الجمع بلحيل رطبها عوالى
ما خده النورة فوق الصفصفو الغربالى
إن ثبتت سيادتك للشباب اجمالى
تحكابها الدول لا عن سراية الوالى


ضراعة عاشق
أمرك نفديهو وفى الحكم ما تبالى
مكيون سلمك رتبة مدير طوالى
بضرع تملى ولى الخلقنى سؤالى
من شأن أم قرين ما ينقطع ميصالى


الدمع المنهل
البارح طريت ليمك هوية ليل
مسافتك يا أم رشيم لى ابعدت بلحيل
أل خلى صبيت عينى جلبا سيل
ضوق الكمعه مسخ تافح القنديل


آمنة سوت
جات آمنة سوت مسخ علينا الجيل
طبلت قيدها كع فى العاصى والعنتيل
الشرباتة شتت والعواصى تسيل
مى داب ود رهد مدروك مجر النيل


دلاح ادريس
جيب دلاح دريس خل بيهوها النسله
ما ببرد على فرق الفويطر و مجله
بعد جيعانه والملق الحضاها إتمل
ظنيتو القعاد امسخ لى يا عبد الله
حرف الكاف


شيطان الشعر
كل صبحا جديد بسمع ربعا غريب فى غناك
من شدة فهم ولا أم نعيم قابلاك
أحكى لى الصريح والشئ ال عليه مطاوعاك
خلنى ها النغنى والضايقو أضوقو معاك


نصيحة عالم
مما قمتى فوق ساجك مولع ضيك
ما اتبعت عر لافية العطاش بى ريك
السرع والنشاط ما بشبهن لى زيك
تاتى المشية خلى الناس تموت بى غيك


بدرى النخل
العتب الكتير يا بدرى لى السماكى
ما شاف النخل وكتين إميل متاكى
كان خلقك تمام ومصدقات دعواكى
ود بنقالى كان اقعد تملى معاكى


شديرة من قاسك
بت اليازمان جا بالقماح قناصك
لا بهجس ولا بضوق الغميد جساسك
فى الزمن القبيل عاجبانا قوة راسك
شن معناك بقيتى شديرة لى من قاسك

حرف القاف

بوراق الحب
الحم غززن لى حسارى عندى بوراق
كولهن طنعو تف لى من بعيد ما بزارق
السبب الخلانى من النقير مدارق
سكعى البانقير بى دريب اصبرى العارق


سخلة ود فهيد
جميز فامك البارى الهرف والفرق
برعيمك سمح دغمة براطمك زرق
كحلة وغر عيونك يا أم حواجبا فرق
سخلة ود فهيد ديفة الثنايا البرق

رمح حاد
درعا تا على عليو النعام مراقة
درجت عقلى فى نجيم علقته أم براقة
تف أم إيدنفج حربته مى زراقة
حادة برا نفخ فورا كتير وطراقة


امتنعت عن كل طالب
قرنك برعوهو وجدعو كلاقة
قرطن فوق عقد ورقك برا لصاقة
ست سرقة مشية ثابتة خاتية شلاقه
دى قسيت على فرسان ا والدراقة


حديث عذب
بت اليازمان قبل الرضيم تتاقه
فيها خمس حزوز شورتين عقب خناقه
تلت وبكت الخوخ النقرتو دقاقه
فوته على البنات تمرة لسان وحداقه


دهر معاكس
كم شويم لهن وكتا كتير فوق ناقة
زمنا فى طرف ريسة وشوية فاقه
عاكسنا الدهر كترت علينا العاقة
نحن برانا يا عبد الله كيف نتلاقه


جفانى النوم
ها الايام على زايد حسار معتوقة
آخد ليلى تام غمدة نهار ما بضوقه
جلد الما انسلخ لحمو وانجلب فى سوقه
كرفها قالوا منعش لى البشم معشوقه


فاقت بنات الجيل
لخلوخة تقوم مسايسه ومفروقه
بين التقنتين دفق البصير ما روقه
ان جلست معاك وان سمع منطوقه
على المشببات بلحيل بعيد معلوقه


شهادة شاعر
ديفة اليازمان جفلن على بانقوقه
دفقوا الشاهى صرف فوق عقلته المشقوقه
كان يا الليلة فى قيد الحياة ود دوقه
نما مو ملتق كان بجدعو فوقه


تحسر على الماضى
كت فى جقدله وفا قه وشوية روقه
على الدنيا راضية العندى مى ممحوقه
شن معناها هسع نمتى المربوقه
كانت ليك قبيل ما تبقى كدى مسرقه


لا أطيق فراقا
لتيب خشم الدرو الكبد البقونة بساقى
فى ناموسو فوق ساجا كبير متاقى
ديفة الفى اللتيمة مقمحة البنداقى
فى سهمين عوالى وجرسه منو فراقى

خفيف الراس
ستات اللبيق ال فصلنو مطارق
حسرورهن على كل مرة بصبح فارق
خفيف الراس شفق جاب لى الخبر مسارق
قالوا بحنسوهو وخالتو فى بطارق


نسام الغفر
لتيبا حارسو حراتو ومسايس وفارق
عقب الحرة صقار من السموم مدارق
أتناين عروقو وراح فصيصو يزارق
لامن جاهو نسام الغفر مسارق


الحساب الفارق
حسرورن زمان انا ضيقنبو خلاقى
طول الليل مساهر وعينى ما بتلاقى
من فرط البجينى الهجعة بى العراقى
وين ما دور أغلق فوقى يصبح باقى


جيل طردونة
مطرقى مابمضع فيها لى السواقه
كتلت من عصرها وما انخبر سراقه
جيل طردونة هادا ما لى فيهو علاقه
يا ريت السركه تكون لى فيهو لياقه


حرف الفاء

دراهم المحبين
الداير مصاريف عندهن بتخنف
وأخاد قرشهن مليوم زمان ومنشف
ولف لى نميما فيهو ما بتخنف
عدلان قولو اجدع كلمة ما تصنف


حتى عبد الله
حت عبد الله شاف الحال معانا ضعيفه
ما قال ضوه خلت فى عقابها خليفه
الضايقين لماها قالوا : إن حلفونا حليفه
حلوة ولينة يدفى جليده من الزيفه


الكثير القليل
أجمع فى الرزق لى شان رضاهن افافى
كترتو ومسخ واتعاجزت عرافى
قدر ما أدى قدر مظنونى مانى مكافى
غير متأسف ألياخدنو كلو عوافى

كان قد أجاب بها على قصيدة
محمد ود أحمودة الشاعر الفادنى:
رويان موية زين ماكل دره ومتعافى
بليدن غادى كان ما تكون وشيكا شافى
بت اللى تعيلات النطح متلافى
يبرد فى البطين لى سعدو ذابح دافى


حرف السين

الذوق السليم
الشافك قبيل ميت عليك بى حساسو
وال هسع سمع ظنيتو يقسى خلاسو
الذوق المكمل والصبا ألبى قياسو
من دون البنات فازت بو خلت ناسو


كيف خلاصى؟
قالة منامى إن اصبحت وان كت ماسى
ساعة فقدها جدن على امقاسى
جلدا مسو يخفى طاقة المدراسى
من نيران غرام اللينة كيف خلاصى


المكتوم ظهر
غى التاية دسيتو وابى يندس
أول كان ملاسعنى ودحين بان بس
تحت العقلة وقت اتلامع الكسكس
قدر النملة من غى أم نعيم ما خس

القبلة المسروقة
كم شويم لهن وكتا بفاقق وريس
كم وديت لهن من عندى واحد كيس
بسرق دغمتن نعمنى فيهن سيس
دا وكت الزمان بلحيل معانا كويس

حكم الليل
العقد المبانت وفصلو كله خروس
تلق من طرف فيهن كتير ملبوس
تتحكم عليك بعد النجم ما يغوس
توريك ريسة الريس على المريوس


حرف الراء

شيخة بنات الدار
لقتنى خجيجة فى كل الامور محتار
جاتنى مدرجة البهم الصباهو كبار
تتضلع متل مكلوف على دينار
سلمناها ليك شيخة بنات الدار


اتشرفت بها ريرة
بلاش غنانا ألما ذكرنا جزيرة
نار بيها البلد واتشرفت بها ريرة
لين فخدها المخدة سديرة
فيها شويرة اللدتو امه محيرة


الذهب خجلان
مبرومة الحشا الميها الخفيفة وطيرة
خجل التبرى من ضو جبهتا وتنويرة
زولا مج بريطماته ووسدتو يسيره
كان يقنع وتوب من الشبابات غيره


شراب على ظمأ
حمدية السرور ما ركبوك فوق عر
ما بتمجدك تقطع قراك بالمر
إن جادت عليك تديك مويخرا در
وعقبان تربعك لامن تضوق الشر


الدل المحبب
بت الما بريدن حايمة الصفير
على هنباى لقن زوزايت أما اضفير
درعاتا تغلب شقلة والكانفير
بدرى الليل تعدية حنبقة ونفير


القلب الخافق
ديل الطبعهن دايم الابد قفير
حيامة الكلب تزيدن زعزعة ونفير
مطعونن كضب ما بنفعو الغفير
قلبى بشوف عقب بادالى فى الفرفير


حربها سلام
كم شلع لكيب دوتى وخرب كجيرو
كم كسر نهيدا حالى فى عصيرو
سرى الخاتو عندو حفيظ على ستيرو
حربو معاى افضل من أيا تيب غيرو


النهد المسبوك
نهدا دق تبل ماهو المدوشش قرو
يلعب حردفى توو المراقد ترو
فوق بوش العصير الناس يقوموا يبرو
فوق ندداها كرباج النصر بتورو


السبب الحمانى
الزول الصباه فات الكبار والقدرو
كان شافوهو ناس عبد الله كانوا يعذروا
السبب الحمانى العيد هناك أحضروا
درديق الشبيكى الفصلو فوق سدرو

حرف الدال

جرح جديد
ظهرن فى ها الايام جروحه جداد
بتكدر وانوح والنوم على ما عاد
من فرق ام دغستا خلقة مى مرواد
معشوق ليلى اخير ما لاى ضاقلو رقاد


سهام ام نعيم
ودوا اخبارى يا عوادى
قولوا مقيلو ان امسا بو بصبح قاضى
شمبانى ام نعيم ضابانى بى فى فؤادى
قبلو معضضه وشبرين مرق بى غادى


الليل الطويل
ان امسيت الليل على بعيد
وان اصبحت حسرات ام نعيم بتزيد
من فور محورها الراسو ونصابو حديد
بطنى اشيمطت واتل قلبى هريد


الى متى
يا حليلك قبيل وكتا بانقير عندى
جمالى مشنكتات وبخدمن الفى شندى
بعد ما بقيت مفلس وعادم الجرقندى
يا معشوقة يا متين نتقلد فى الهندى


اصابة المقتل
ها الايام بشوف زرقك كتير وابصيد
وطعنك لى قديم يا اللينة ما هو جديد
مرا تف مسك حزة وقريب ام إيد
ومرة حنضل معاه مدروش قرض مرميد

حرف الحاء

ليلى ونهارى مسرح

كبس الهم على ليلى ونهارى مسرح
بطنى اشيمطت قلبى البفر مجرح
الصايدنى كان صاد الحجار بتمرح
لكن رحمة المولى الوسيعة تفرح


حرف التـاء

نمامو متلق
زى بت اب سبيب قول لى الخضر كان شفتو
نما مو متلق كان عليهو ولفتو
الدر والجواهر بيهو ان وصفتو
أقدر اقول انت الليلة ما انصفتو


دمى العزيز
غيها فى ظاهر للبدور معرفتو
فى الباين على دمى العزيز انا خفتو
عرقا فى المناكب كان كتب كارفتو
داك لومك على ما تقول عقب قافتو


ظلم المحبين
بت ال سوللن من الفروخ قادمات
وفوق القو ز لقن دفيق برم سلمات
ديل ال طبعهن دايم الابد ظالمات
أخدن كولتى منى وقبلن سالمات


بنات المسيد
انس امات رشوم كم ضقت فيهو ونلتى
متيت ما سمعتى ذكرو من الملك تنفلتى
المعزى الغيهن بطلت ليهو شغلى
يقول ود اب دبل من المسيد لى ألتى



حرف الباء


مس ايوب
إللموا الجماعة وقالو لى تتوب
من العنقو زى الشمعدان مصبوب
فات فى الفوات وبقيت زى مجذوب
الحاس بيهو ماظنيتو مس ايوب


الجمال الاصيل
ديفة اليازمان جين بين قنيص وقنوبة
سلمن من طعن طبيزة البرجوبة
الصبا والجمال الباقى مو قشروبة
متوارثاهو من حبوبة لى حبوبة
الرجوع الى أعلى الصفحة اذهب الى الأسفل
https://sites.google.com/site/osamakhaan/
 
الــــحردلّــــــــــــــــو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المسيكتاب :: المنتديات الفنيه-
انتقل الى: