زمان لما نشوف أستاذ في الشارع الطلبة كلهم بهربو... عشان الأستاذ عندو هيبة فريده من نوعها، لكن تعال شوف الإستاذ الآن الواحد بكون بتونّس معاهو (التقول) دا ما أستاذ... وبعدين مافي أي إحترام ليهو!!!
يعني بي إختصار كدا الواحد لو الأستاذ ضربو في المدرسه عادي جداً تنتظرو آخر الحصص وتوقفوا في الشارع وتقول ليهو يا زول _لا حظ يا زول ما يا أستاذ_ ضاربني لي شنو ومن المؤسف إنّو الأبآء مساعدين هذه الظاهرة الجديدة ... الواحد من الصباح بلقي ولدو قاعد(يا ولد مالك ما مشيت المدرسه) بقول ليهو الليله عندنا دقّه ودا هنا علي طول بقول ليهو(أمشي وكان في أستاذ راجل خَلّو الـ يَهْبِشَكْ) ...
.و أنا رأيت بأم عيني طالب ضربوهو أبوهو جا وضرب الأستاذ يعني (إتسدَ حق ولدو) وبتحصل كتير ، وبقت حاجة عادية (الليله أستاذ فلان دَقّوهو) ولو ما دقّوهو بجيبو ليهو أمر قبض يعني ما حـ يجلي من واحدة _يا دَقّه تتحدث عنها العرب يا أمر قبض قبض_ وكل منهما أمرُّ من الآخر ... و بقي الأستاذ يخاف علي نفسو عشان ما يدخل في مشاكل، ويدَخّل نفسو في متاهات لا يستطيع الخروج منها و مافي داعي ليها عشان كدا بقي تحت ظـــل المثل (الباب البجيب الريح سَدّو وأستريح) .
المدرسه بقت زي الزريبه _عاوز تصحح ولا ما تصحح مافي أستاذ بتشغل بيك كتير و لو غبت ولا ما غبت برضو زول بتشغل بيك مافي وبقولو لي الطلبه أذهبو فأنتم الطلقاء_ المدرسه يا إخوانا إنتهت... نحن زمان أبواتنا بقولو لي الأستاذ (ليك اللحم ولينا العظم)ومرات بقولو ليهو شيل العظم واللحم... (طبعاً كلامنا دا في المدارس الحكوميه).
هل المشكله تكمن في الطالب نفسه؟؟؟
ولا المشكله من الآباء أنفسهم؟؟؟
ولا المشكله تكمن في الأستاذ المسكين؟؟؟
عدل سابقا من قبل osama في السبت 22 أكتوبر 2011, 9:05 pm عدل 1 مرات
يعني بي إختصار كدا الواحد لو الأستاذ ضربو في المدرسه عادي جداً تنتظرو آخر الحصص وتوقفوا في الشارع وتقول ليهو يا زول _لا حظ يا زول ما يا أستاذ_ ضاربني لي شنو ومن المؤسف إنّو الأبآء مساعدين هذه الظاهرة الجديدة ... الواحد من الصباح بلقي ولدو قاعد(يا ولد مالك ما مشيت المدرسه) بقول ليهو الليله عندنا دقّه ودا هنا علي طول بقول ليهو(أمشي وكان في أستاذ راجل خَلّو الـ يَهْبِشَكْ) ...
.و أنا رأيت بأم عيني طالب ضربوهو أبوهو جا وضرب الأستاذ يعني (إتسدَ حق ولدو) وبتحصل كتير ، وبقت حاجة عادية (الليله أستاذ فلان دَقّوهو) ولو ما دقّوهو بجيبو ليهو أمر قبض يعني ما حـ يجلي من واحدة _يا دَقّه تتحدث عنها العرب يا أمر قبض قبض_ وكل منهما أمرُّ من الآخر ... و بقي الأستاذ يخاف علي نفسو عشان ما يدخل في مشاكل، ويدَخّل نفسو في متاهات لا يستطيع الخروج منها و مافي داعي ليها عشان كدا بقي تحت ظـــل المثل (الباب البجيب الريح سَدّو وأستريح) .
المدرسه بقت زي الزريبه _عاوز تصحح ولا ما تصحح مافي أستاذ بتشغل بيك كتير و لو غبت ولا ما غبت برضو زول بتشغل بيك مافي وبقولو لي الطلبه أذهبو فأنتم الطلقاء_ المدرسه يا إخوانا إنتهت... نحن زمان أبواتنا بقولو لي الأستاذ (ليك اللحم ولينا العظم)ومرات بقولو ليهو شيل العظم واللحم... (طبعاً كلامنا دا في المدارس الحكوميه).
هل المشكله تكمن في الطالب نفسه؟؟؟
ولا المشكله من الآباء أنفسهم؟؟؟
ولا المشكله تكمن في الأستاذ المسكين؟؟؟
عدل سابقا من قبل osama في السبت 22 أكتوبر 2011, 9:05 pm عدل 1 مرات
