منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...
منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...
منتديات المسيكتاب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المسيكتاب

منتديات سودانية إسلاميه إجتماعيه ثقافيه تعليميه
 
الرئيسيةالأحداثالمنشوراتمكتبة الصورالتسجيلدخول
كل عام وانتم بخير
بمناسبة مرور عشرة سنوات على إنشاء المنتدى تم تفعيل الرسائل المميزة بالمنتديات الرئيسية نتمنى لكم امتع الاوقات في طى صفحاتنا .. والاعلانات التجارية مجانا... ودمتم

 

 أولاد دار جعل

اذهب الى الأسفل 
كاتب الموضوعرسالة
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: أولاد دار جعل   أولاد دار جعل Icon_minitimeالأربعاء 07 يوليو 2010, 6:01 pm

هذه الأبيات ملك لي ولا يحق لأي شخص نقل أو نسخ حرف واحد إلا بعد الإذن المباشر.

نحن اولاد جعل أسود ولينا مهابه
سيوفنا يوم المحاص سكابه
ونحن لي عدونا نارا أجاجه
و كلمتنا حتي للجبال فتاكه
ودايما نشاط لي اي حاجه ابدا مافينا كآآبه
نحن بنسند الضعاف و الغلابه
نحن مشرع مويتو للعطشان صافية وناقعه
إيدينا رخية إلا في المعارك صاقعه
مستورين حال حتي لو حصلت فاجعه
بناتنا غبش ما فيهن واحده لامعه
في كرهنا وترهنا يدينا دايما جامعه
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالخميس 12 أغسطس 2010, 8:48 pm

والله شــــــــــــــــــــــــــو
الرجوع الى أعلى الصفحة اذهب الى الأسفل
https://sites.google.com/site/osamakhaan/
كركعوبة
عضو جديد
عضو جديد
كركعوبة

عدد الرسائل : 12
العمر : 101
تاريخ التسجيل : 16/08/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالثلاثاء 17 أغسطس 2010, 3:19 pm

الكتراااااابة ..
كلام رجاله جد ...
علا .. بناتنا ديل حقو تفتحن شوية من الفباشة العليهن دي

_________________
أي حل في البلد دي عندنا ليه مشكلة
الرجوع الى أعلى الصفحة اذهب الى الأسفل
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالجمعة 20 أغسطس 2010, 5:53 pm

إنت ما جادي والله شنو
الرجوع الى أعلى الصفحة اذهب الى الأسفل
https://sites.google.com/site/osamakhaan/
عمر التاج
عضو جديد
عضو جديد


عدد الرسائل : 4
تاريخ التسجيل : 11/10/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالثلاثاء 12 أكتوبر 2010, 6:36 pm

شكرا شيخ اسامة
زدنا من الشعر قيرطا او اثنين
ثم
نم نمة جعلي خالف رجلوا فوق بعيرا حايم براهو في نص الخلا .


أها البلد لقيتها كيف ؟
الرجوع الى أعلى الصفحة اذهب الى الأسفل
سراج الدين
عضو جديد
عضو جديد
سراج الدين

عدد الرسائل : 24
العمر : 48
تاريخ التسجيل : 01/10/2009

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالخميس 28 أكتوبر 2010, 4:17 pm

الشيخ أحمد عوض الكريم أبوسن
عبد الله حمد ودشوراني الصادق أب أمنة
علي سليمان المرغمابي
كرار أب كردم
العاقب ود موسي

هؤلاء من أفذاذ شعراء البطانة وغيرهم كثر

كانوا في مشوار وقالوا كل واحد إتكم في جملو

أحمد ود عوض الكريم أبوسن ( شيخ العرب ) قال

ياكور المفازات اللخبر فرك
وقبال تبقى نايب للوعر جرك
رئيس المنطقة المنو الغميد إنفك
أهجو الليلة يالسمح اللقالو مدك

ودشوراني قال

أب صلعة القطابي الطار بعد مارك
أسرع منو فور هرع البروق لا شك
علي دكك الجنيب الراسي مك من مك
سوى مشي الهوى القالع بعد مافك

الصادق أب أمنة قال

أكل الصافي علاك يا أب سناماً رك
أبوك فارط الجدي الأخد الروينة وجك
علي ست الصبا الدكانا قاطع اليك
رايف وفكفك الحسكة أم حديداً شك


علي سليمان المرغمابي قال

حر عنافي نسل أماتو قاطع الشك
جدو الأبيض السابق خيول المك
الرمى الحجيل من النزيل الفك
بعيد ياأربد الشرق المجارب السك

كرار أب كردم قال

بعد ما إتفاضل الزهمول وسوطو جبك
جريك عنا وسرعك برق ونايبك كك
علي ست أم مرادة مني ما بتنفك
هاجم كاضم وزي حاضن الحبارة برك

العاقب ود موسى قال

يا الرهو المسافر للحجاز شرك
وعادة جدك السوسيو عليها عرك
عاشقي منزه الطبع العليه الرك
بعيد يا غايس البرق أب هديلاً تك
ياعمر واسامة العاملين لى فيها همباته عليكم الله اشرحو لينا الكلام دا


عدل سابقا من قبل سراج الدين في الخميس 28 أكتوبر 2010, 4:35 pm عدل 1 مرات
الرجوع الى أعلى الصفحة اذهب الى الأسفل
سراج الدين
عضو جديد
عضو جديد
سراج الدين

عدد الرسائل : 24
العمر : 48
تاريخ التسجيل : 01/10/2009

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالخميس 28 أكتوبر 2010, 4:27 pm

وهذه هدية لكل عشاق الشعر السودانى الرصين:
مسدار ياقميرية للشاعر يوسف البنا :

الليلة البلوم اصبح يقوقى وينوح
وميزان قلبى اصبح من بكانو مفوّح
على بـهماً لِوَيِّنْ بى النتيل مِسَّوِّح
لى شوفتو بترد الروح بعد ما تروّح
*********
الليلة البلوم طربان يقوقى ويصيّح
والعاشق ينوح لامن صباحو يبيّح
عناب الحجاز فدّع غصونو بميّح
ترا الحارق حشانا ولى قلوبنا مسيّح
*********
يا قميرية نغمات الغارم زيديهن
وسوى القوق ونماتك عقب رديهن
على بهم النديمات القفر واديهن
ليهو سلامى والشوق يا أم جناح وديهن
*********
انزلى فوق فريع قبل الفريق يا نايحة
كترى في الطنين متل الحوارة الرايحة
مربوعة بنات لينة ورطيبة ومايحة
قوليلا السلام ليك يا أم ضفيرة سايحة
*********
قوليلا العشوق تعبان اذاهو مطوّل
يات من شافو اصبح في العليه متهوّل
عشان عينيك مبارى البى القفار متجوّل
لاكين لى الممات من عهدو مو متحول
*********
كل ما شاف برق في القبلة يشلع وجّة
يتقافى المنام من عينو ياخد لجّة
نيران الجحيم ليهو في الفراش منفجة
دكتور الغارم مع اهلو عامل حجّة
*********
قال مرضان هواك لى شفاهو مافى طريقة
في كبدو الحراب في جوفو باقة حريقة
قط ما ليه علاج من غير يقرطع ريقا
والا يمددوهو ويمسحوه بى عريقا
*********
طارت منى قمرية المحبة وقفّت
نافضاهن على بلد الحبيّب خفّت
براى خلتنى زى جاهلا يتيم اتلفت
تقطر عينى بى الدمعة الروية الصفت
*********
قمزت وصفقت وضربت هوايا فوق
وخلست بى رشيشا اصلو مو ملحوق
نافضاهن قلب والداً رؤوف وشفوق
شاهد في المنام دم الصغير مدفوق
*********
قط لا اتصددت لا اتصنتت لى قوق
وسوّت لى الهبوب لفحى الهدم مشقوق
هوّت بى صقيعا منطرح واقوق
في شوفو البعير متل الخلال مدقوق
*********
الصقر المضر لا حسب لا راعى
لى مركب غرامى الجبدولها شراعا
شافا وانعدل ختف الجناح بسراعا
واتجمع تقول حرحافا ماضى ضراعا
*********
يا صقر السواد عينك تشوف الابرة
يخرخر ماها جدول لا تطيب لا تبرى
جناحك بى حديد شركا سريع في الهبرة
يردخو لى الكتف ردخا منافى الجبرة
*********
علّق فوق تقول نجمة وهجع شاتيها
جاها مخوى متل الصاقعة متواتيها
هيّق لى الكفت لاكين وقع خاتيها
قيّع وانعدل عقان سبح بى تيها
*********
حست بى هواهو اتدلدمت وانصرت
وانبرمت متل مترار فلانة الترت
هوّت بى الصقيعة تقول نجمة خرّت
وخوّت جو تقول طنوب وجيبة درّت
*********
غتسن في السماء وقطعن سبيبة الشوف
عقب ادنقسن لى الأرض بسون فوف
بجمّع عليها بشوف حمار الدوف
وهى بتنصرّ منو غادى تسو رحيل الخوف
*********
كبدو انسل دم داير يقصّر قيدا
وهى بقت تحوّت في المِكَر رِقِّيدة
من ربط الحبيل تب فضلتلو عِقيدة
مقطوع النصيب دخلت طريدتو عَقيدة
*********
نزلت في كتيرا اتركبت في فروعا
كلها تترجف من السفر والروعة
قالتلو القدام قالو البلد مضروعة
كان ما صب مطر ما تنبت المزروعة
*********
غير اليوما تام قط ما بتموت لك صيدة
والبجدعها القدر قطعا حربتو تصيدا
معلوم في المقانص تربح الرصيدة
والنوم لى القماح أم الزرع حصيدة
*********
علق يسوى جاك لامن شميشتو انجمعت
وضحكن من قماحو بروق قبلتو ولمعت
حنت لى القميرية سحيبة ماعت ودمعت
وكت الليل برد في الوعرة ناو انسمعت


طلعت فوق فريع من الهبوب لوّاج
وجدعت شوفا بى ضى البروق وجواج
رضيت بى سقط زيفة انطلق سوّاج
وقالت الزيفة اخير لى من اضافر اب عاج
*********
كل الليل تهلع عدتو القمرية
من اب عاج مبيتة في مخافة وريا
قبل القبلة تشرب غبشتا البدرية
صبحت دارا خالية ترا السفر باكرية
*********
حصّلت الفريق وديارو ساعة النافلة
نظرت في البنات من غير حفل والحافلة
لقت في محبوبتى كفل أم سبيبة الجافلة
وعنق اللريل وعيون الجدية الغافلة

نزلت فوق فرع سيالة تبكى تنين
مراتن تردد لك نغيمها حنين
مراتن تسوى القوق معاهو طنين
تطرى الزول حبيبا ليهو منو سنين

محبوبتى سمعت وفهمت نمة الغناية
ونظرت ليها بى عيون التملى تنايا
دميعة زى نداية مقدة متناية
قطرت بى الخديد متبعة مى وناية
*********
قالت كيفن حالو يا قميرية
يبقى عليهو متل العلى حمة عضام نارية
بذّكرنى عند ساعة الهجعة ويقول يا ريا
والا خلاص نسانى وبقيت عندو ما مطرية
*********
كل ما اطراهو يا قميرية ريشات فؤادى يفرن
تقول عقد انقطع يجرن دموعى يترن
قلبى مرات يجر مرات يقيف يتحرن
واحس بى تياب جمر فوق لى عضاى انشرن
******
يعلم خالقو يا قميرية قلبى بريدو
فكرى معاهو رحل شال المنام فوق ايدو
الشوق العلى زايد تملى جديدو
والريد العلى فات العبار تحديدو
*******
روّحى ليهو يا قميرية واحكى الحاصل
قوليلو الشوق عليك ليل بى النهار متواصل
قوليلو المنام بقى بى السهر متفاصل
قوليلو كفاك نجيع عود لى ديارك واصل
*********
روّحى سافرى يا قميرية والله يعينك
ومن عقب الطريق مولاى يبقى ضمينك
جمّعى في هواك من الشمال ويمينك
لامن توصلى سيد حياك وفيهو بتنوم عينك
الرجوع الى أعلى الصفحة اذهب الى الأسفل
سراج الدين
عضو جديد
عضو جديد
سراج الدين

عدد الرسائل : 24
العمر : 48
تاريخ التسجيل : 01/10/2009

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالخميس 28 أكتوبر 2010, 4:54 pm

والله دى عجبتنى كمان:
الواعى ما بوصو
من أمس الضحى جوني الجنود ساقو
يا مقنع ولياتو...

تور بقرالجواميس العليك الرك
ياعقد الحديد للحلــــبي مابتنفك
يامقنع ولياتو...

تورك يا ام رشوم في الحلق عشرق
دقيت الجسر وحاشي الكلام عن حق
يا مقنع ولياتو...

غنيت وبجيب مسدار
المكن اب سكاسك
جنن مدافع النار
يا مقنع ولياتو ...

لقوك بحر الكحل
قالوك مابتندار
أمانة يا بطل
ماهجرت ليك برجال
يا مقنع ولياتو ...

غنيت بجيب نمات
وبجر القول عليك
يا مقنع الكاشفات

يا أسد الخلا يا الحجر اليويات
ساقوك للشــــنق يا أبو أمنة
حوبتك جاتك

غني وشكريهو يا خـــــــــدرة الجوخ
طلع لي عشاري الليلة مسكوا يفوح

ما خطف البدين وما جفل المجروح
سيفو بياخد الخودة ومعــاهاالروح

أمك ولدتك ما ولدتــــــم اتنين
تسلم لي يا تلبي البكيل العين
ما بتوه وبيــــــــــــــــن البين
دقيتالجسر لمتـــعة الحيين

غنيلو يابنية
من قومة الجهل
ماقاملو بنية

وقت الجند جو وقفولوسلــــطية
استعد وركز قال أخوك يا رغية

الواعي ما بوصوا
الرجوع الى أعلى الصفحة اذهب الى الأسفل
سراج الدين
عضو جديد
عضو جديد
سراج الدين

عدد الرسائل : 24
العمر : 48
تاريخ التسجيل : 01/10/2009

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالخميس 28 أكتوبر 2010, 5:01 pm

سيد محكر الديوان
ثابت يا أب قلب تقابة لي النيران
وين متل الحسن

ده أنا غنيت بولف لي
الدابي العشاري المتل الشرار عيني
خبارة البندقية وقالوا دي بترمي
وتلب يا صقر
توِّر الرخم مني
وتلب يا الحسن
توِّر الرخم مني
ده أنا غنيت ليك بي قياس
صنديد لي الولايا ولي الضلع قصاص
ويا مطر السواري الليك هبوب ورشاش
وسيد دينا قبيل .. قبل الناس تعرف الناس
وهيلك من قديم قبل الناس تعرف الناس
ومحكر الديوان .. وثابت يا أب قلب
تقابة لي النيران
وين متل الحسن
ويا الحسن يا الحسن الفي العايلة ما تسمى
وما ضبح الرباية ودردمن ولمّ
ويا حنكي البليغ الما بردد الكلمة
هوي النيل والتساب الفوق البلد عمّ
يا ولادة النجاح المابتلدك البلمة

الرجوع الى أعلى الصفحة اذهب الى الأسفل
سراج الدين
عضو جديد
عضو جديد
سراج الدين

عدد الرسائل : 24
العمر : 48
تاريخ التسجيل : 01/10/2009

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالخميس 28 أكتوبر 2010, 5:06 pm

منقول من موقع الدكتور. عبد الكريم عبد العزيز الكابلي ..

قصائد ومعاني
* ماهو الفافنوس *

القارئة الكريمة/القاريء الكريم . . إنّ أغنيتنا المختارة بما تقتضي مقاييس الجودة وبما نؤمل ونرتجّي هي أغنية تراثية ربما قارب عمرها القرنين من الزمان وتندرج في أدبنا الموروث تحت باب الرثاء أو قل المناحة وهي من النواح الذي يرد في بعض البلاد العربية باسم النياحة. وكما هو معلوم فإنّ النواح أو الرثاء يحمل في مدلوله الإنطباعي ملامح الحزن الموجب للفجيعة والإنكسار ولكننا ومن خلال الإطلاع المتواضع على المشابه في بلاد عربية أخرى، وجدنا أنّ هذا الباب في أدبنا الشعبي تغلب عليه معاني الشجاعة والحكمة والتحدي والمديح المتعدد الجوانب والمرامي ولا غرو إذ أنّ المخاطب في تلك المناسبات وأشباهها هم الأحياء لا المتوفى في رسالة واضحة المعاني تتلخص في أنّ إنكاركم لذواتكم أثناء حياتكم وما قدمتم من خيّر الأعمال لن يقدر الموت على طمسه أو سلبه منكم فهو محفوظ لكم و . . (شكّار نفسه إبليس - والله ما يجيب يوم شكركم). وهذه المناحة قالتها بنونة بت (إبنة) ألمك نمر رأس قبيلة الجعليين بمنطقة شندي والمتمة وهو صاحب التاريخ المعروف مع إسماعيل بن محمد علي باشا، قالتها في أخيها عمارة الذي توفاه الله على فراش المرض وهي ميتة سهلة ما كانت تريدها لإخيها وهو الفارس المغوار. كانت تتمنى لو أنّه مات في ساحة الوغى وتوشح بدمائه. تقول بنونة:

ماهو الفافنوس ماهو الغليد البوص
ود المك عريس خيلا بجن عركوس
أحيّ علي سيفه البحد الروس
ما دايرالك الميته أم رمادا شح
دايراك يوم لقى بدميك تتوشّح
الميت مسولب والعجاج يكتح
أحيّ علي سيفه البسوي التح
إن وردن بجيك في أول الواردات
مرنا مو نشيط إن قبّلن شاردات
أسد بيشه المكرمد قمزاته متطابقات
وبرضع في ضرايع العنّز الفاردات
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دم

إنّها تنفي عن الممدوح أن يكون متل ذلك النبات الرخو (الفافنوس) الذي ينمو على ضفاف النبل ويسهل قطعه وربما كانت الكلمة نوبية قديمة شأنها شأن أكثرية المسميات المتصلة بالنيل. ثم نفت عنه كذلك أن يكون كالقناة أو القصبة الجوفاء التي يسهل كسرها ثم أثبتت أنّه إبن المك بلا نقصان وأنّه عريس خيل وهو تعبير متعامل به بين العرب في جزيرتهم وأحيانا يقولون (إنّه أخو خيل) كناية عن الفروسية. يقول ألشاعر المعروف أحمد بك شوقي في رثائه للثائر عمر المختار: (بطل البداوة لم يكن يغزو على تنك ولم يك يركب الأجواء – لكن أخو خيل حمى صهواتها فأدار من أعرافها الهيجاء) وعركوس كلمة عربية فصيحة تفسرها المعاجم بالكثرة والتجمع. وعركست الخيل أي تجمّعت. وتواصل بنونة رسم صورها الرائعة فتبدي أسفها على تلك الميتة السهلة التي يكون فيها البكاء والعويل وتذري فيها النسوة الرماد على رؤوسهن وهو التفسير الذي أرجّحه على سواه، إذ أنّ البعض قد ذهب إلى رؤية أخرى. ثم تذكر بأنّ الممدوح في كل المعارك في موقف الهجوم أو الورود والضمير هنا (إن وردن) للخيل فهو في المقدمة أمّا في موقف الفر فهو المتأخر المتباطيء على الدوام، أمّا بيشة الواردة في النص فهي المنطقة المعروفة الآن بهذا الإسم في الجزيرة العربية وكانت مأسدة عرفت بضراوة سباعها. ونجد بعض الكلمات التي تتسم بالوضوح كالكوفية والخوده وهي الخوذة وبولاد هي فولاذ وقد قلبت الفاء باء، وربما كانت هي الأصل، وأم لهيب من أسماء الحرب وفي آخر مرثيتها تشبّه الممدوح بجرعة السم المركّز وأنّه الستر لكل فتيات قبيلة الجعليين وهي القبيلة التي اشتهرت بالعزّة والفروسية والتصدي للظلم والضيم. وهذا شرح موجز لهذه الأغنية الرائعة التي يمكن الإسترسال المسهب في إيحاءآتها المتعددة ولكننا محكومون بأكثر من متطلب للإيجاز. فقط أود أن أشير إلى ما درجت على ألإشارة إليه في العديد من محاضراتي عن تراثنا الحبيب وهو أن نحفظ الحق وأن نشيد بالدور الإبداعي للجهة التي يصدر عنها ومنها مثل هذا الإبداع التربوي الرائد الرائع وذلك قبل مناداتنا بأن نتعامل معه بوصفه التراث الملك المشاع الذي صدر منا جميعا لنتعامل معه وبه جميعا إذ ما أحوجنا إلى هذه القيم التي تجمعنا فنلتقي في جمالياتها، بعيدا عن العصبية.
الرجوع الى أعلى الصفحة اذهب الى الأسفل
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالإثنين 01 نوفمبر 2010, 4:29 am

مشكور يا خال
flower
الرجوع الى أعلى الصفحة اذهب الى الأسفل
https://sites.google.com/site/osamakhaan/
سراج الدين
عضو جديد
عضو جديد
سراج الدين

عدد الرسائل : 24
العمر : 48
تاريخ التسجيل : 01/10/2009

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالإثنين 08 نوفمبر 2010, 6:32 pm

الفتوة والفخر في الدوبيت السوداني .... بقلم: أسعد الطيب العباسي

(أشعار الفتوة والفخر تثير الحماسة في قلوب الشعراء والمتلقين بشكل واضح ومدهش، مثلما تلهب أشعار الغزل والوجدانيات العاطفة بحرائق متصلة، ولعلها من أكثر الأغراض التي اهتم بها شعر الدوبيت السوداني، فأشعار الفتوة والفخر وجدت سندها من القبلية التي تنازعتها الحروب، ومن العرقية التي غذتها النعرات والانتماءات اللصيقة والمجتمعات المغلقة وقد وجد شعراء الدوبيت في باب الرثاء متسعاً للإفاضة في معاني الفتوة والفخر كما سنرى في مرثية الشاعر بابكر ود مهدي التي قالها في عمارة بن المك نمر بل تكاد قوافي الفتوة والفخر تنتظم وتسلك في غالبية أبواب شعر الدوبيت).

نبدأ بما قاله الشاعر العاقب ود موسى العيشابي في الفخر:

نِحَنا بنسوي وما بــنقول سـويـنا

نحنا نفرتِق الكرنه أم صِفوف بـإيدينا

الزول البضيف عَـدم الشداعَه عليـنا

يفهم مِني ويسأل من تـوارخَ النيـنه

ويتضح لنا أن الإشارة التي أتى بها الشاعر وهي (النينا) الذي هو سيف عتيق لدى قبيلة الشكرية وقاتل به حسان ود أب علي في حرب الهمج والفونج تحمل الدلالة على أن الفخر والتعبير عنه شعراً رفدته القبيلة التي تنازعتها الحروب. ويعود نفس الشاعر ليدلل لنا على أن الانتماءات اللصيقة والمجتمعات المغلقة من دواعي الفخر، وذلك عندما اشار إلى مجتمعه الذي ينتمي إليه وهو مجتمع قبيلة الشكرية بقولِهِ:

نحنا الـود لبّونَا بشيلْ حُـمول النايبْ

تَصْرَم عِندنا القَحبه البصيبا الصايـبْ

نحنا أولاد شِكير جورنالنا كُـلو نَقايبْ

ديمه نلولي في المِحن الكُبار وغَرايبْ

ونجد أن أشعار الفخر تبرز القيم التي تعتز بها القبيلة، كالشجاعة والصبر والكرم وإجارة المستجير وحماية الضعيف. يقول الشاعر العاقب ود موسى:

نِحنا سهمنا دايماً في المصادِف عالي

نِحـنا العِـندنا الخُلق البِِتاسع التالي

نِحنا اللي المِحن بنشـيلا مـا بنبالي

بِنلوك مُـرهِن لامِـن يجينا الحـالي

ولعل ادعاء التفوق رسالة أخرى تحملها أشعار الفخر، كقول الشاعر ود الصِقري الذي افتخر بقومه فقال:

نِحـنا صَـواقع البَرق الشَـلع ضَحـوِّيه

ونِحنا الفوق نِحاسـنا بِنلـعبْ الصَقـرِّيه

نِحـنا صَغـيرنا مَـاموناً يلاقـي المِيـه

نِحنا قرارنا مالكِنو مِنو البِرفع علينا قضيه وترتبط أشعار الحماسة والفخر والفتوة في أحايين كثيرة بأخبار الحروب والمعارك فتبرز البطولات والمواقف التي تشي بالقوة والشجاعة كما قال أحد شعراء البطانة:

أمانه عليك بطانة اب سن بتنبي الكاعه

يوم اكلت كباد ساكت رخم وضباعه

يوم محمود وناس عوض الكريم سمساعه

واقفين في الشمس دايرين يغطوا شُعاعا

وفتوة وفخر الهمباتة تتجلى كثيراً في أخبار معاركهم التي تنشأ مع مغامراتهم غير أنها تبرز أيضاً في محابسهم عندما يسقطون في أيدي السلطات، يقول أحدهم:

زنزانة الرماد قاطعه البصيص والضو

وفيها مسجنين ناساً أسوداً حو

أرجا الباري شن ما يريد عليك يسو

وإن وقع القدر تلقانا يابسين كو

وللحماسة والفخر مواقع متميزة في شعر الدوبيت، وهي مدار من المدارات الخصبة للمجادعات والمساجلات والمجاراة، ونسوق لذلك مثالاً، فقد دار في جلسة ضمت الشاعر المعروف عكير الدامر والشعراء حمدان ود حاج والطيب حاج عبد القادر ومحمد خير الدوش، مساجلة سلكت فيها مربعاتهم في شكل من أشكال الربقية توخوا فيها موضوعاً واحداً هو الفخر وقافية واحدة وهي النون.

قال عكير:

نِحنا إن هـجنا تتضلل لِيـوث الكـرنا

جايعات السباع في العوق بتتذكَّــرنا

نحنا الفوق كـراسي المملكة اتحكَّـرنا

نِحنا أعـدانا تثبِت فضلنا وتـشكَّـرنا

وقال حمدان ود حاج:

نِحنا أسود غُوب كَضَبْ البداني وكـرنا

ومـا بِكـتر سُرورو اللَيهو نِحنا فكرنا

شوفـتنا القبـال تبيـنا جـانا سكرنـا

نِحنا إن هجنا سبحان من يصفي عكرنا

وقال الطيب ود حاج عبد القادر:

أحـمر لونـو مـن دم الرجال دُكَّـرنا

وتتبعنا السباع في رواحنا وإن بكَّـرنا

ويـن يجد المجال عازِلناشِنْ أنكـرنا

تعـرفنا الدهـور تثبت نبانا ذِكِــرنا



وقال: محمد خير الدوش:

نحنا أسود خُشش كَضَبْ البقـول أحقـرنا

عاليات نفوسنا لى غيرنا تَّبْ ما صِـغرنا

ويـلو عـدونا لو فيهو يـوم فَـدْ غـِرنا

غير رب العباد الموت مين مِنو قِدر يفرقنا وعندما نلج الآن عبر بوابة الشعر الوطني والسياسي على ظهر راحلة الدوبيت، نجده وجها آخر لعملة الحماسة والفخر والفتوة، ولكنه يحمل دلالات أعمق وتصديات أوسع وشمولية محببة. تقول مهيرة بت عبُّود وهي تشجع الابطال ليذودوا عن حمى الوطن ويبذلوا لأجله كل مرتخصٍ وغالٍ:

حسـان بـي حـديدو الليله إتلثَّمْ

الدابي الكمن في جُحـرو وشمَّ الدَّمْ

مامـون يالملك ويـا نقـيع السِّمْ

فـرسانا بكيلو العين وبفرجو الهمْ

وقالت:

الليله استعَدُّوا وركـبوا خيـول الكَرْ

وقِـدامُـن عقـيدُنْ بالأغـرْ دَفـرْ

الليله الأســود الليـله تتــنتـَّرْ

ويا الباشا الغشيم قول لي جِدادك كرْ

وشعر الدوبيت الوطني والسياسي الذي بث الحماسة في القلوب ودافع عن تراب الوطن ووقفت قوافيه لتسجل انتصارات هذا الشعب وتشيد بأبطاله ومواقفهم، لم يكن بعيداً عن مشاعر الفرحة التي انتظمت كل أفراد الأمة عندما رفرف علم الاستقلال.

فقال شاعرنا القومي حسن خلف الله يحيى:

أطـرب يا شـباب الليله رَفـرف عَلمـكْ

غـاب عَـلم القبيل كَتَّلْ جـدِودك وظَلمَكْ

دير كـاس الطرب واشفى جـرحك وألمكْ

سـطر للوراك تاريـخ نزيــه بي قلمكْ

وعندما نستقرئ التاريخ ندرك أن السودان ومنذ أن أخذت تطأ أرضه الطاهرة ثلة اللصوص ومحترفي السياسات الاستعمارية البغيضة، أضحى كياناً من المقاومة والرفض، وقدم أرتالاً من الشهداء في سبيل مقاومة الدخيل واسترداد الحرية. وقد قال: شاعرنا ود رانفي مذكراً أهل السودان بأولئك الذين دافعوا عن الأمة على صهوات خيولهم وسيوفهم، وهم يواجهون مدافع وبنادق الأعداء، وسقطوا شهداء فداءً لهذا السودان وترابه الطاهر، بعد أن رأى اختلاط الحابل بالنابل وفوضى الانتخابات، وما آل إليه الحال بعد الاستقلال من تردٍ سياسي وفوضى شاملة يقول:

حِليل أهـلك حِليل البِريدوكَ قبيــلْ

داهجين المدافِـع بى صِـدور الخيلْ

قَبَّال التصـاويت والبهـادِل دَيــلْ

ما شافوا الأضافِر في جَوامع السيلْ

وعندما وقعنا على القصيدة الجهيرة للشاعر بابكر ود مهدي والتي رثى فيها الفارس المك عمارة بن الفارس المك نمر تكرس لدينا ما ظللنا نعتقده بأن الرثاء باب يتسع للفتوة والفخر وهي مرثية رائعة ومليئة بالمشاعر وتغذي الحماسة في النفوس مما يحملنا على إيراد أجزاء منها خاصة وأنها سلكت في أصعب أنواع الشعر القومي وهو المربوقة وسنزيلها بما قالته الشاعرة بنونة بت المك نمر وهي ترثي شقيقها عمارة متخذة ذات المنوال في رثائها له حيث ذهب إلى تخوم الفتوة والفخر.

سيد نِحلْ الفراسه وتُنْدُل اللُبَّاسْ

الولدْ البِصُد الحَافِلاتْ يُبَّاسْ

وكتْ الشوفْ يشوفْ سَيفُو البِضَايرْ النَاسْ وحرسو من أب قريقِد لى سَعد كَبَّاسْ



صَمَدْ البِجَنْ عَرْكُوسْ

وبِلمَعْ فَوقْ ضُهور خَيلاً قماري لُبوسْ وكتينْ الرِجال تِشَامَرْ المَلبُوسْ سَيفُو بِخَلِصْ الفَارِس مع الكَرْبُوسْ



زَامْ أسد الكَدادْ بين القُدَينْ واللُوسْ وفي غَابْتُو الضَرِيَّه أحمَى الخَلِقْ ما تكُوسْ مَعْلُوم عِنْ مُلاقاة الرِجال كَابُوسْ وكُلْ الرِجالْ تَقولْ مِن دَربَك الحَابُوسْ



كَمْ شَديتْ على طَرْزَه وجَنى امْ مَحَسُوسْ ولِبْسَك تندلو ودَهَجَكْ بضربوا كَروسْ كَمْ شَقيتْ هَامه وكَمْ فَلَقتَ ضُرُوسْ وكَمْ جَدَعْ رِجالاً بَىْ ضراعَكْ المَسْيُوسْ



كَمْ شديتْ على كِيكاً نَوايبُو كَرَكْ

وكَمْ شَقَيتْ وكَمْ دَخَلتَ دَرَكْ

قَارْحَك عِنْ مُلاقاة الخُيولْ مَا جَكْ

حَارْسَاهُو الفَراسَه عَمارَه ود المَكْ



جَنَكْ مَشِيهِنْ عَكْ

والخيلْ بَادَرنْ شِبِعْ عَقِيدَك سَكْ

سَيفَكْ بِسَوِّي النَكْ

وحَرَسكْ مِنْ عَجِيبْ وادريسْ ونِمِر المَكْ



إنتَ العَليكْ الرَّكْ

ومِنْ حِسَكْ تَقُومْ البَاديَّه تِتْحرَكْ الولدْ البِسِومْ الرَوح ويِدَّرَكْ دَمَرَتُو العَبُوسْ خَتَّ الحِمِلْ وترَكْ



يا لِسَانِي جِيبْ النَّمْ

لىْ مُقْنَعْ بناتْ جَعلْ العُزازْ مِنْ جَمْ الخَيلْ رَوَقَنْ ما بْقُولْ عِدَادِنْ كَمْ فَرْتَاقْ عُقْدَتِنْ مَلايْ سِرُوجِنْ دَمْ



ما دَايْرَالَكْ المِيتَه امْ رَماداً شَّحْ دايراكْ يوم لُقَا في دَمِيكَ تِتْوَشَّحْ وكتَ الخَيل تِتْدَعِكْ والسَيفْ يِسَوِّي التَّحْ والميتْ مَسولبْ والعَجاجْ يِكْتَحْ



إن إختيار الألفاظ المؤثرة من مفردات اللغة في شعر الدوبيت خاصة في الفخر والفتوة يجعلنا نعيد ما قلناه بأنها قد ساعدت على بقائه ممسكاً بأسباب الإبتداع الذاتي وساعدتنا على التعرف أكثر على شعرائنا أنفسهم فالمرء مخبوء تحت لسانه ولكن لسان شاعر الدوبيت السوداني يحمل خصائص ومزايا لا تختلف كثيراً عما يحمله غيره من فنون القول الأخرى، إلا أنه الأبعد أثراً والأبلغ تأثيراً في نفوس السودانيين، والأكثر شيوعاً وشعبية في أواسط كل فئات الشعب المتعلمة وغير المتعلمة، لذا يتذوقه معظم أفراد الشعب السوداني ويقدرونه ويصغون إليه بكل حواسهم خاصة عندما ينشد، وللدوبيت السوداني أفضال تاريخية لا تخفى، فقد سجل الأحداث التاريخية العامة وحمل في متنه وقائعها المثيرة، ورصد آمال الأمة وآلامها وعبَّر عن خواطرها وانتشل الأحاسيس الكامنة في وجدان أبنائها، وأبان جغرافية الوطن باقتدار مدهش عجزت عنه كافة الخرائط، إذ أوضح المناحي والمدن والقرى والأرياف والأنهار والطرق والجبال والصحارى والوهاد والوديان، ومكونات البيئة بطقسها المتقلب وأنوائها وشموسها المنيرة وأقمارها المضيئة، بل سلك في مسالك علم الفلك، فعرفنا أسماء النجوم ودلالتها، ولا شك أن الدوبيت كان له عظيم الأثر في تشكيل الوجدان السوداني، كما كان أداة للترفيه والتسلية وحمل القيم النبيلة وشجع على اعتناقها.
الرجوع الى أعلى الصفحة اذهب الى الأسفل
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالسبت 27 نوفمبر 2010, 7:02 pm

الشعر الشعبي نوعان الدوبيت الفارسي المعرب وهو فن حضرى نقله العرب المشارقة في العصر العباس من الفارسية إلي العربية ، وقالوا أن دوبيت كلمة فارسية معناها البيتان.



الدوبيت الرجزى وهو قد نشأ في البادية ولا يزال أشهر أنواع الدوبيت بين السودانيين، وقد علل المؤرخون أن الرجز نشأ مقترنا بنغمات سير الجمل إذ يخفف عن الجمل وراكبه مشقة السير الطويل ، ذكر الأستاذ محمد نور سيد أحمد من القاب الشعراء الشعبيين، والراوي هو الذي يقول الشعر من وجدانه ومن يحفظ شعر غيره أيضا يطلقون عليه " راوي"



اللبيب هو الذي يقول الشعر ويغيبه بنفسه ويرويه غيره.

المادح هو الذي يقول المديح أو يرويه عن غيره في الشئون الدينية، كمدح النبي والأولياء ومشايخ الطرق في أذكارهم .

النميم هو الذي يترنم بالدوبيت.

وعلل المؤرخون منهم الدكتور عبد المجيد عابدين في كتابه " تاريخ الثقافة العربية في السودان" عللوا أن دخول الدوبيت في السودان تم بواسطة رجال القوافل بين مصر والسودان عن طريق د نقلا غربا وأخري عن طريق اسيوط الفاشر " درب الأربعين " .


الحاردلـــو

حينما تتحدث عن الشعر الشعبى في السودان أول شعار يتراءى لنا الشاعر السوداني الشعبي محمد أحمد ابوسن الملقب بالحاردلو ولقب محمد أحمد ابوسن بالحاردلو في سن الأربعين نسبة لانه كان حاد المزاج يثور لانفه الامور فاشتهر بين قومه بالحار ولما تولي منصبا اداريا فقد ثار عليه الأهالي وطالبوا بانزاله من هذا المنصب الحار دلو أي الحار طباعه أنزلوه، ولد الحار دلو سنة 1820 م وتوفي في سنة 1917 وقد كان والده أول مدير لمديرية الخرطوم.



والحاردلو من قبيلة الشكريه، وهي قبيلة عربية عريقة ، قدم الشكريه إلي السودان في أوائل القرن الخامس عشر وسكنوا حول جبل قيلي .

وقد عاصر الحاردلو الخليفة عبد الله التعايش وقضي فترة من حياته في ام درمان وشاعرنا الحاردلو وصف في شعره جمال البادية، وتغني بالشجاعة والكرم، أما في الكرم فإنه مثله الأعلى ينصب في هذا الشخص الذى يقول فيه .

ما أكل حلو بيتو والمعاه جيعان

وما لبس الرفيع والمعاه عريان

مامون السجايا اليستودع النسوان

ضباح الخلايا عشا الضيفان



وأما في الشجاعة فقصيدته الشبل المستضعف خير نموذج لقوة الوصف، يعلل الاستاذ حسن عباس صبحي أن الشبل المستضعف هو رمز إلي الشعب السوداني في تلك الفترة العصبية التي عاشها تحت ذل الاستبعاد، وهو بلا شك تعليل مقبول، فالحاردلو شاعر سوادني عريق، انفعل بالحوادث التي المت بقومه، فكان شعره مرآة تعكس البيئة السودانية.

يقول الحاردلو واصفا الشبل المستضعف.

جابوك للسوق ساكت درادر ضيعه

وامك في الحريم ماها المره السميعة

نثرة ناس أبوك اللي رجال لويعة
وإت كان كبر جنبا تقلب البيعة

***

جابوك في السوق ساكت وللفراجة

وأمك في الحريم مرة بتقضي الحاجة

كفتت ناس بوك للعافية ما بتتعاجة

وإت كان كبر ما بتنجلب لخواجة .



أما في الوجدانيات فشاعرنا الحاردلو له جولات وصولات في التغزل في الحسان، وشعره يعتبر تخليدا للمقاييس السودانية في النواحي الجمالية للمرأة السودانية، ولكي لا نطيل علي القارئ الكريم نكتفي بهذه اللوحة الفنية التي يصور لنا فيها الشاعر جفلة معيز البطانة في وقت الأصيل، يصور لنا الشاعر احاسيسه ومشاعره والحسرة تملأ نفسه، والحرقة تلهب عواطفه المشبوبه عن مدى تشوقه إلي منظر المعيز، تلك الظباء التي تعود الشاعر أن يلتقي بها في وقت الأصيل يستأنس بجمالها الخلاب.



الليلة المعيز ماظنى أنا ملاقيهن

ناطحات البطين أدن قليلة قفيهن

سمعن طنت الشادى وكتر صنفيهن

وعند اللاصفرار جلفن بشوف لصفيهن.
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالسبت 27 نوفمبر 2010, 7:06 pm

يعتقد البعض أن نشأة الدوبيت السوداني تمت على يد الشاعر حسان الترك في القرن السادس عشر الميلادي وقد ولد حسان في صدر السلطنة الزرقاء في أرض البطانة وتوفي في العام 1600 وهو حسان ود عوض الكريم ود شاع الدين ود التويم يقترب بنسبه من سلاطين الفونج إذ إن أمه (بياكي) إبنة أحد ملوكهم وتقول الروايات أنه حبس في عهد السلطنة الزرقاء وعندما أطلق سراحه أنشأ أول مسدار في رحلته من سنار إلى أرض البطانة.
عليه يعتبر (حسان الترك) على قائمة رواد شعر الدوبيت السوداني الذين سنورد سيرتهم في هذه السلسة من المقالات عن رواد الدوبيت السوداني معتمدين إلى حد كبير على مخطوط معجم شعراء البطانة لمؤلفه الباحث والكاتب الكبير ميرغني ديشاب.. ولا شك أننا سنورد نماذج من أشعارهم متعرضين في سردنا للتطور الذي لحق بالدوبيت عند نشأته وما تلى هذه النشأة). ينتمي الشاعر (حسان الترك) إلى قبيلة الشكرية وهو جد الحساناب من فروع الشكرية.
قال الشعر في الغزل والحنين إلى أرض البطانة عندما كان محبوساً في سنار وقد إمتدت أشعاره لتشمل أغراضا أخرى وقد إختلف الرواة في أسباب حبسه كما لم يستطع الباحثون في رصد أكثر من ثلاث عشرة رباعية شعرية له حتى الآن ورباعياته تلك تتفاوت في طولها وقصرها فمنها ما يتكون من أربع شطرات ومنها ما يزيد عن ذلك كمعظم الشعر القديم في أرض البطانة ولغة الشاعر (حسان الترك) هي لغة شعرية قديمة تكاد تندثر الآن.
بعض شعر (حسان) منسوب للشاعرة (شغبة المرغمابية) يؤرخ به حتى الآن وهو رأي يوجد من يعارضه ولعل مرد ذلك يعود لنشأة الشعر في أرض البطانة إذ لم يجد الباحثون شاعراً أكثر قدماً من (حسان الترك) ولتداول شعر الدوبيت شفاهة مما يعرضه للنحل وفساد الرواية. جاء الشاعر (حسان الترك) مذكوراً عند الأستاذ (حسان أبوعاقلة) وأثبت له قليلاً من شعره ومنه ما هو مدون وما لم يدون بعد ومن الممكن الوصول إليه عبر أهله الحساناب في كل من قرية (قيلي) و (حلفا الجديدة) إذ إن شعره لم يجمع بعد. ومن نماذج الشاعر (حسان الترك) الشعرية نورد رباعيته التي قالها وهو في سنار مع زوجته (شما) وقد تمنى لها الرحيل إلى أرض البطانة وقد أشار فيها إلى ساجنيه.. ولأن حسان صاحب لغة قديمة فلابد من شرح المفردات التي تصاحب رباعياته. يقول: ما تستاهل الكَمَره وسكُون اليوى شما جارة ال وَهْوَه مع الدامبوى جابوا لى كَتَبَّا الأخرش أب هَبّوى خشمو مع الحَوِل بيلهوج الداقوى الضمير في بداية الرباعية يعود إلى (شما) زوجة الشاعر والكمره هي الحبس واليوى شجر ضخم تسكنه الأسود ولعله هنا يشير إلى ساجنيه، ال وهوه بمعنى الذي صات وهو صغير البعشوم والدامبوى هو ثمر شجر السنط كا ورد في قاموس اللهجة العامية للبروفسير (عون الشريف قاسم). جاءت كلمة (كتبا) في الشطرة الثالثة من المربع وهي تعني الهودج وهو مأخوذ من القتب. والأخرش التي جاءت في ذات الشطرة تعني الجمل الذي يميل لونه إلى السواد، أب هبوي هو جمل بعينه. في الشطرة الأخيرة من المربع جاءت كلمة الحويل وهو ضرب من العشب، كما جاءت كلمة يلهوج وتعني يمضغ.
وفي نموذج آخر من شعر (حسان) وهو من شعره المنسوب للشاعرة (شغبة) يقول: الليله على القِبله المِبادِر رَزْ رِخِسْ سِيد التُّكُل سيد البهايم عَزْ رِكْبَت في الوَسيق عَنْزَ القُنان ام حَزْ رَخت قدم الحمام فوق الرُّفاعي اب جَزْ القبلة هي إتجاه الشرق والمبادر هو السحاب الذي يأتي أول الخريف والرز هو الصوت. وردت في الشطرة الثانية عبارة (سيد التكل) وهي تعني الساكن في البيت من الطين. وكلمة (الوسيق) الواردة في الشطرة الثالثة تعني الجماعة وتلتها (عنز القنان) وتعني ظباء الأماكن العالية.كلمة (الرفاعي) التي وردت في الشطرة الأخيرة هي إسم جمل الشاعر ويقول عنه (أب جز) أي أنه جديد في شعره.
ومن حسان ننتقل للشاعر (علي ود محلق) وهو الذي يدعوه الدارسون (المحلق) وقد غلب هذا اللقب على اسمه إذ لا يكاد يعرف إلا به. قصته مع تاجوج مشهورة تناولها المسرحيون في الدراما ودرسها بعضهم وأصدر آخرون كتباً فيها وجعلها مادة للقصة الشفاهية كثيرون. يرجح أنه عاش في القرن التاسع عشر وعاصر الشاعر (ود الفراش) وهما صنوان في الشعر. ذهب آخرون إلى أنه عاصر العهد التركي في بداياته. وقال بعضهم انه سبق الحاردلو وأخاه عبد الله. أوقف شعره على الغزل والتغني بالجمال، وذكر مأساته مع محبوبته (تاجوج).
عاش المحلق في قبيلة الحمران التي ينتمي إليها والتي تسكن الآن في منطقة (ود الحليو) وما جاورها جنوب شرق مدينة كسلا في الحدود مع دولتي أريتريا وأثيوبيا. ذكره الأستاذ (حسان أبو عاقلة) وأورد له رباعيات من شعره، وذكره قليل عند من درسوا الشعر والشعراء في أرض البطانة. أوزان شعره تختلف عما يألف الناس من شعر البطانة الآن وقد جاء معظم شعره في البحر الذي يسميه أهل البطانة بإسم القصير، وعلى أهميته فإن شعره لم يجمع بعد. من نماذجه الشعرية قال يذكر مأساته: أنا الجَّنَب التعِيس سويتو بى إيدِى في كَلْمة مِزاح قليت غميدِى فِويطرات اُم قِبيل مِلحاً رشيدِى تاجوج ما اتلقت يا خَملَه زيدِى وقال وهو لايني يذكر تاجوج: كِضب يا ود جَفِيل ما ام صفايحْ عَنَاق حَدَر العُلو ال ترعى وترايحْ مهيرة الجيقنِى ام جَرَساً يصايحْ جنيبتاً لى اب علي ال تامَّ القَرايحْ رمت تاجوج بالمحلق إلى تخوم الجنون فطلب الشيوخ للعلاج وقد أوردنا من قبل في هذه المساحة مربعاً طريفاً للمحلق يحكي قصته مع أحد الشيوخ ولا نجد بأساً من إعادتها وإعادة المربع فبينما كان المحلق مع شيخه يطلب العلاج في خلوته ظهرت على الباب فتاة حسناء وسرعان ما غادرت فتبعتها نظرات الشيخ مما جعله يخطئ الدواية ويغمس قلمه في التراب فقال المحلق وكأنما يريد أن يوضح لطبيبه أين تكمن المهالك:أكتب يا فقير ما تقول مريضك طابْما شفت القبيل جابت السلام بالبابْفكرك انشغل قلمك مليتو ترابْ!
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالسبت 27 نوفمبر 2010, 7:11 pm

أعزم يافقير ماتقول مريضك طاب
مريضك مابطيب اكان بلعوهو كتاب
أكان شفت القبيل ردوا السلام بالباب
محايتك تدفقا وقلمك تكيلو تراب
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالسبت 27 نوفمبر 2010, 7:14 pm

الأدب القومي وخاصة شعر الدوباي،،الدوبيت،،أدب شفاهي
يتناقله الناس جيل عن جيل، وقد نشأ ركيكا في عهد دولة
الفونج وبداء يتطور شيئاً فشيئا وأصبح له ضوابط كما للشعر
الفصيح الذي تحكمه بحور الشعر والقافية والجرس الموسيقي
والوزن،وقد تكونت له عدة مدارس،وتتميز كل مدرسة
بخصائصها ومكوناتها وملامحها،وقد قسمه الباحثون إلى
خمس مدارس وهي:-
1/ مدرسة حسان الحرك،وأبودقينة،وشغبة الكاهلية-دولة الفونج.

2/ مدرسة الحاردلو،وسليمان ود دوقه ودالفراش،وعدلان ود علي.

3/ مدرسة أحمد عوض الكريم،والصادق ود أمنة،وود السميري
وود الشريفاوي،والطيب ود ضحوية،وود الشلهمة،وود جماع
والطيب ود مصطفى.

4/ مدرسة ود شوراني،و آدم ود البشير ودسند،وابراهيم ود علي
سليمان،ومحمد ود علي ود مجذوب،وعبدالله ود علي ود مجذوب.

5/ مدرسة الشعراء الشباب..وتضم يوسف البنا ويوسف ود الشوبلي
والفرجوني وود اللبيح وعبدالله ود الشريقاوي وميرغني عبدالله محمد
عثمان وود زروق.
لقد ذكرت من كل مدرسة بعض من شعرئها فقط كمثال وهم كثر طبعا
وسوف نقوم بسرد بعض من أشعارهم القومية هذي ونسبح مع معانيها
الجميلة العفيفة الرائعة من خلال موقعنا الجميل سودان ديجى
أمل أن أوفق وبقية الأخوان والأخوات أن نجمع مانستطيع جمعه من
شعراء أم هبج.

قال شاعر البطانة ود شوراني

نويت السفر قـافيت بـطانة أم سـاق
وزري السيف وودأبصيده والبراق
بـعـد قـافينـا بـلـد الحـرق العـشـاق
مقيلنا قفه السمير إن هـون الخلاق
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالسبت 27 نوفمبر 2010, 7:14 pm

بنوت الزمن هن من بعيـد بتعرفن
عاريات الركب وشهـن كـانه مكـفن
في وسط الطريق زي الرهـو إصطفـن
من كتر الريجـيم يبســن خـلاص أتحفـن
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالأربعاء 01 ديسمبر 2010, 7:25 pm

كنوز الدنيا



كنوز الدنيا
كُلُّ ما أحاول أذاكرْ

بلقى روحي وماني شاعِرْ

إني لعينيك فاكِرْ

ألقاك في نص السطور

بس تقول عنوان وظاهِرْ

وافضل أعيد في كلامِك وابتسامك

وأقضي ليلي في ذكراك مساهِر

***

كتير بفكّر أسيبو قربِكْ

وامشي كورس بعيد أهاجر

لكني بلقى صدود وجفوة

وصوت شديد في طبعو قاهر

يمنعني في هجْرِك أفكّر

أو يمُر بعقلي خاطر


***


***

ويوم ما كنتي عن الكورس غايبة

كان الضجر في عيوني ظاهر

وماني عارف كيف حأعمل

لمّ يكمل كورس الرابطة باكر

***

وفي كل لحظة بشوف عيونك

وفي المنام يا حلوة طيفك يجيني عابر

بأيه تفسري كل ديّه؟؟؟

تراني في تفسيرو حاير!!!

***

لو قلت ليك إحساسي حب

حأبقى زول كذاب وفاجر

بس بقول لو ممكن أبقى

صديق قريب ليكِ ومجاور

أصلو من عاداتي ديمّة

بعتـز بالأصحاب وافاخر

ولو بيقولوا معرفة الرجال كنوز

أنا بصداقتك راح أكون

لكل كنوز الدنيا حاكِر


الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالأربعاء 01 ديسمبر 2010, 7:42 pm

أنا كنت في يوم بتساءل

كيف ممكن راقي أكون

هل يكفي لباس عالموضة

وعدسات توضع في عيون

تصفيف للشعر الأشقر

تنميق في الصوت وليون

كعويج في المشية تمايل

وأحاكي التلفزيون

*****

قول لي بالله يا صحبي

لو عاوز أصبح راقي

كيف ممكن يعني أكون

*****

أترك لكل عاداتنا

أظهر زي شعب أوربا

وأخلى عملنا المنتج

الليل أقضيه في الرّبة

أتعامل باستفزاز

من غير لا ذوق لا محبة

أترك لكل قيمنا

وأعيش تحقيق للرغبة

*****

قول لي بالله يا صحبي

لو عاوز أصبح راقي

كيف ممكن يعني أكون

*****

*****

لو أسمع زول ينصحني

أقول للزول براي

لو واحد جاني بفكرة

تنظيرو كتير (يااااي)

لا أقبل أصلو نصيحة

لا أغيِّر أبداً راي

أتعامل بس بسخافة

ما يهم الراح والجاي

*****

قول لي بالله يا صحبي

لو عاوز أصبح راقي

كيف ممكن يعني أكون

*****

الأكل يكون بالشوكة

والشعر يكون باروكة

أستعمل مايكرويف

وأنسى حكاية الدوكة

أعزف أورقن وكمان

وأكسر للدلوكة

أستحقر بيت الطين

ما أركب في الفلوكة

*****

قول لي بالله يا صحبي

لو عاوز أصبح راقي

كيف ممكن يعني أكون

*****

*****

أحمل موبايل باندة

وأسمي المولود رندة

ما أذكر اسم راكوبة

أعمل سراميك في برندة

أتنكر لي حارتنا

وما أصاحب ناس أم بدة

بيتنا في الحاج يوسف

وأقول ما بعرف الوحدة

*****

قول لي بالله يا صحبي

لو عاوز أصبح راقي

كيف ممكن يعني أكون

*****

أسمع لراغب وكاظم

لي نص الليل ما نايم

أجهل كل شيء عن ديني

وفي رمضان ما صايم

ما أصلي فرض لربي

فوق الشهوات بس هايم

ثقافتي فنون وملابس

باقي الأحداث ما عالم

*****

قول لي بالله يا صحبي

العاوز يصبح راقي

كيف ممكن يعني يكون

*****

*****

يكتب إي ميل في كرتو

ما يهم ما يقرا رسايلو

ويشيل (لاب توب) في يدو

وظيفتو يكون بس شايلو

يسوقلو كلب بجنبو

ويعجب بكل عمايلو

لو يدخل مسجد يصلي

يزعجنا نغم موبايلو

*****

قول لي بالله يا صحبي

العاوز يصبح راقي

كيف ممكن يعني يكون

*****

ما يعرف شيء عن جارو

دايماً مشغول في حالو

لا مرتو تزور جاراته

لا جارهم يخدمو عيالو

الدش شاغل أوقاتو

في القنوات كم جالو

ما فادهم شيء في دينهم

لكل مفاسد شالو

*****

قول لي بالله يا صحبي

أنا عاوز أصبح راقي

كيف ممكن يعني أكون
الرجوع الى أعلى الصفحة اذهب الى الأسفل
https://sites.google.com/site/osamakhaan/
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 30
تاريخ التسجيل : 13/03/2010

أولاد دار جعل Empty
مُساهمةموضوع: رد: أولاد دار جعل   أولاد دار جعل Icon_minitimeالأربعاء 08 ديسمبر 2010, 11:48 pm

رايك شنو يا خال؟؟؟
geek
الرجوع الى أعلى الصفحة اذهب الى الأسفل
https://sites.google.com/site/osamakhaan/
 
أولاد دار جعل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المسيكتاب :: المنتديات الإجتماعيه :: منتدي الجعليين-
انتقل الى: