منتدي تعارف الأعضــاء والتهاني والمناسبات

تذكير بمساهمة فاتح الموضوع :

منتدى تعارف الاعضاء والتهاني والمناسبات





السلام عليكم ورحمة الله وبركاته
اخواني واحبتي اعضاء
منتدي المسيكتاب
هذا الموضوع خاص لتعارفنا وتقاربنا
وتواصلنا لبعضنا البعض
واتمني من الجميع المشاركه

لكي نتعرف علي بعضنا

من أنا وأين أدرس وأين أعمل الآن وماهي وظيفتي






منقووووول



مش بقينا كلنا أخوة ؟؟

آآآي والله

أكتر من اخوة كمان
والدليل على كده انو بقينا نتلاقى كل يوم ..

نتونس مع بعض ، ونضحك ونتفقد أحوال بعض
ونزعل مرات ،، وتاني نرجع نتصافى

الكلام العايز أقولو

ليه ما نساعد بعض ؟؟

بدل ما يكون كلامنا كلو ونسة وضحك
ليه ما يكون في مساعدة وتقديم النصح والمشورة ،،
كل حسب تخصصه

أنا متأكد إنو المنتدى فيهو
عدد مقدّر من الكفاءات والقدرات العلمية
والعملية التي لا يستهان بها ..

فااااا عاوزين الناس توظّف القدرات
دي توظيف يفيد ويخدم
الأعضاء والأخوان ..

المهندسين والأطباء والصيادلة
والمحاسبين والقانونيين و... و... و. إلخ
كلٌ في مجاله يفيد الآخرين بما عنده ..
...

مثال:
واحد ساكن في الكلاكلة وشغال في الكلاكلة ..
عاوز ليهو معلومة عن سعر حاجة في امدرمان ..
وما عندو طريقة يمشي ...
الناس الشغالين في امدرمان
يساعدوهو بالحصول على المعلومة.

مثال تاني:

أحد الإخوة المغتربين يريد شراء
منزل أو بناء منزل ،،
ولديه قطعة أرض في الحتّة الفلانية ..
دايرين المهندسين المدنيين
والمعماريين يساعدوهو
بتقديم تصور وتقديرات تكلفة المبنى .


مثال تالت:
ممكن الناس المقتدرين يساهموا مساهمة مالية ..
بسيطة لتأجير معهد كمبيوتر
لمدة 30 ساعة تقسم على فترة شهر
(ساعتين في اليوم) ويتم تنظيم
دورة كمبيوتر متخصصة في الشبكات
مثلاً أو برنامج الآكسس لإدارة قواعد
البيانات أو.. أو... أو ....
ويتم تحديد شريحة معينة لهذا الكورس .
ويتواصل البرنامج في بقية التخصصات ..

، وما أكثر الطرق والوسائل للمساعدة ..

فلنجعل جلوسنا على الإنترنت وفي المنتدى ..
وسيلة للتقارب أكثر وأكثر ..
ووسيلة لكسب الأجر والثواب ..
والذكر الطيب ..


إشراقات من كلام المصطفى
صلى الله عليه وسلم :

خير الناس أنفعهم للناس ..


من كان في حاجة أخيه كان الله في حاجته،،
ومن فرج عن مؤمن كربةً
من كرب الدنيا
فرج الله عنه كربةً
من كرب يوم القيامة.



من مشى في حاجة أخيه وبلغ فيها
كان خيرًا من اعتكاف عشر سنين،
ومن اعتكف يومًا ابتغاء وجه الله
جعل الله بينه وبين النار
ثلاثة خنادق بُعْد ما بين الخافقين

ومَنْ مشى مع أخيه في حاجة
حتى يتهيأ له أثبت الله قدمه
يوم تزول الأقدام،
وإن سوء الخلق ليفسد العمل،

كما يفسد الخل العسل.






خلونا في الأول نتعرف علي بعض
لكي نحدم بعض ونساعد بعض
المهندس والدكتور والبناء
والسواق وكل يغني علي ليلاه

لكم التحيه والسلام
وانا ببدا ليكم


.
[size=21]





وتعاونوا على البرّ والتقوى ..

ان نتعارف شي جميل والاجمل ان نتصادق
والله الموفق

لك كل خالص التحيا يامبدع



انشاء الله صداقه تدوم طول العمر

خالد الصحاف كتب:

ان نتعارف شي جميل والاجمل ان نتصادق
والله الموفق

الصديق بي اسمو ماهو صديقك لاكن الصديق البشاركك
في صيقك الناس تتلخم تقول اخوك شقيقك

بت المسيكتاب
وانا فعلا من بنات المسيكتاب
اهلا بي ضيفي حباب
وقلبي مليان ترحاب
وبيتي مليان احباب
وخوف ربي عنى ما غاب
هادية وقاعادة وقافلة الباب



الحالة الاجتماعية:متزوجة وام
الاقامة:الرياض
الهواية:النت كل فترة وفترة

اهلا وسهلا بي بت المسكياب مرحب بي بتنا حباب
ومرحب بيك في دار المسيكتاب
ان شاء الله تلاقي فيها كل احباب واصحاب
ونكون فيها دوم مع بعض قراب
لا لوم فيها ولا عتاب
نتلاقى اصحاب
ونفترق احباب
ومرحب بيكي حباب

بت بلدي كتب:

[ندعوك للتسجيل في المنتدى أو التعريف بنفسك لمعاينة هذه الصورة]

عامرين انشاء الله وربنا يزيد كمان وكمان

ادخلو لاجوه هاولد جيب البارد والشاي وحضر الابريق وجيب المصلاية حبابكم الف وربي يزيد الولف

الاسم محمد عثمان مجذوب

تاريخ الميلاد 1958

المهنة معلم

مكان الاقامة الدوحة قطر


الحالة الاجتماعية متزوج والحمد لله

وعندي ثلاث اولاد وثلاث بنات والحمد لله

من ابناء المسيكتاب العشرة

احد الاخوة ذكر لي ان هناك منتدى لابناء المسيكتاب وفرحت جدا ان التقي باخوتي وابنائي لنتناقش في هموم المسيكتاب وان نتفاكر في الحلول لانها غالية علينا جدا

فرصة طيبة ان نلتقي بمن نعرف ونتعرف عبر الاسافير على من لانعرفه من ابناء المسيكتاب ودي الغربة التي جعلتنا لانعرف حتى اقرب الناس الينا

المنتدى فرصة طيبة للتعارف والتواصل

ودمتم في رعاية المولى وحفظه

الأخوان والأخوات كلكم بدون فرز
لكم تحياتي وسلامي وترحيبي الحار
بالأخوات المشاركات وأهلا وسهلا بيكم
ولي عوده بالورود معاكم
ســــــــــــــــــــــلام مربع

نتمنى ذلك

محمد عثمان

محمد عثمان مجذوب

من ابناء المسيكتاب العشرة

مقيم بالدوحة


لكم خالص تحياتي

عدل سابقا من قبل ابو الحروف في الخميس 20 أغسطس 2009, 9:48 am عدل 1 مرات

الاسم : عاطف صديق فضل المولي حبيب الله
المراحل: المسيكتاب القوز الاساسية /المسيكتاب الثانوية
من مواليد 1987السادس من يونيو وامتحنت الشهادة السودانية عام 2004م
ادرس الان بكلية القانون جامعة النيلين
العمل شركة تسلا للهندسة والمقاولات حاليا
[ندعوك للتسجيل في المنتدى أو التعريف بنفسك لمعاينة هذا الرابط]
0913532542
الحالة الاجتماعية متزوج والحمد لله

الاخوه والاهل والاحباب بمنتديات المسيكتاب
اولاد جعل الاصيليين
سلام عليكم
وكيفنكم فى منتداكم
نعلكم طيبين
حقيقه فرحته اشد الفرح حين وجدت للمسيكتاب منتدى
وزاد الفرح حينما وجدتكم ترفعون اسم المسيكتاب عاليا
المسيكتاب المدينه والقبيله فى نفس الوقت
وبما ان للمسيكتاب افرع كثيره فانا من المسيكتاب جنوب او العقبه كما يحلوا لناس شمال تسميتها .
الاسم : ابوعلامه عبد الرحيم
الموطن المسيكتاب جنوب
العمل الهيئه القوميه للكهرباء
السكن ام درمان
الحاله الاجتماعيه متزوج واب
الميلاد 1971

السلام عليكم
حقيقي أنا متأسف علي التأخير , لكن بالجد الإقتراح كان رائع للحد البعيد , وطريقة التعارف كانت أروع ... ودمتم
أنا عبد الله ود الزين (المك)
مسيكتابي ( بئر الشريف )
كيميائي من جامعة السودان
تنقلت في أعمال(إدارية) كثيرة أخرها مدير مكتب المدير العام لمؤسسة تدريب وتأهيل الدعاة (منظمة الدعوة الإسلامية )
بالمناسبة ما زلت باحث عن العمل
وما أنسي علي وشك الزواج
يعني من الآن مدعووين [ندعوك للتسجيل في المنتدى أو التعريف بنفسك لمعاينة هذه الصورة]

عدل سابقا من قبل عبدوش في الإثنين 26 أكتوبر 2009, 4:24 pm عدل 1 مرات

مرحب حباب بالجميع واخص بالتحايا الاستاذ خليفة محمد عثمان مجذوب ممكن الناس بتعرفه باسم خليفة تحياتي له ولكل الاخوان في قطر

[ندعوك للتسجيل في المنتدى أو التعريف بنفسك لمعاينة هذه الصورة]

يامرحب عبدوش لك كل الود والتقدير في بيتك هذا

فكرة جميلة جدااا وعاجباني شديد

عبد الرحيم علي عبد الرحيم الامين
جامعة امدرمان الاسلامية
كلية العلوم والتقانة
قسم علوم الكيمياء
مسيكتابي اما وابا

[ندعوك للتسجيل في المنتدى أو التعريف بنفسك لمعاينة هذه الصورة]

مرحبا بكم
وشكرا علي الموضوع يا الصحاف
ما عرفتنا بيك

التحيه والسلام والترحاب لكل الأبناء
والتحيه الخاصه والخالصه وأهلا وسهلا بك يازعيم
الأخ والزميل والدفعه الاخ الاستاذ محمد عثمان مجذوب
تشرفنا بحضورك معنا وأهلا وسهلا
ياكه خليفه وله واحد تاني
تحياتي لك وللابناء جميعا
_____________


ومازلت أناشد كل الأعضاء المرور علي هذا البوست وتعريف نفسهم

سامع ياكان هنا

قبل شويه عرفته شلاقه وطلع ود أخوي تصوروا

يله في إنتظاركم

تعارفوا

ياسر المهندس كتب:

مرحبا بكل الأعضاء الكرام ونتشرف بأن ينضم إلينا كل يوم أعضاء جدد

ونتمنى من العضو الجديد أن يعرف نفسه عبر هذه المساحة في منتدى التعارف

[ندعوك للتسجيل في المنتدى أو التعريف بنفسك لمعاينة هذه الصورة]

[quote="ياسر المهندس"]

لا يا تمساح مافيها إحراج معليش يا ياسر
وبعتذر عن الخطاء الما مقصود للعم أبو امجد

اهلييييييييييييييييييييييين بي الاعضاء الجدد
وانشاء الله تكون اجمل الاوقات وانتم في هذا المنتدي

تشاركونا بابداعاتكم

اهليييييييييييين مرحب بي الاعضاء الجدد

كل الود والترحاب للاعضاء السابقين
من اهلى الطيبين حبابكم وحباب الباب الجابكم
ونأسف للتاخير وبقولو اخر المراح دائما تجى الفترانه
و برحب بى نفسى وسط اهلى
واليكم التعريف بي

[ندعوك للتسجيل في المنتدى أو التعريف بنفسك لمعاينة هذه الصورة]
أهلا بكل عضو

اهلين ومرحب تين وحبابكم عشر

وشرفتونا وانستونا وابهجتونا

لو سمحتو ياخوان عندي استفسار

اهلا بك الحنان كله وماهو استفسارك

شرفت المنتدي يا الحنان كلة
وقولي إستفسارك

[ندعوك للتسجيل في المنتدى أو التعريف بنفسك لمعاينة هذه الصورة]

اهلا بك عمار عوضا وفردا من اسرة المسيكتاب



وشكرا لك يا كان هنا وكل عام وانت بخير وكل افراد اسرة منتدى المسيكتاب

عدل سابقا من قبل الحنين في الخميس 28 يناير 2010, 4:56 am عدل 1 مرات