تعالوا نحِت الشمار تحت الشدره دي

ياحبايبنا نحنا فى كل قرية وفى كل حلة
وفريق عندنا شجرة أو لستك
أو ضُل حيطة يجمع الجميع فى كل ود
وتسامح ونقاش وحركة وعطالة
اها دى شجرتنا هنا ..
مرّة كنت زهجااااان وعايز اطلع اتونس مع الفِرَدْ
...لكن أُمِّى قالت لى : ماتقعد مع الصعاليك
ديل بيعلموك قلة الأدب ...
قلت ليها : لكن يا أُمى ده الشارع كده
فيهو السمح وفيهو الكعب
وانا باخد الكويس وبخلى الكعب ..
قالت لى : بطِّل التثقيف بتاعك ده ..!!!
ماطول عمرك عامل ولد مثقف جنيت من
وراهُ شنو غير الهم والعذاب ...
قلت ليها : كلامك صاح ماالتثقيف ده ...
ياهو ده طرفى منو و فارقتو فراق الطريفى
لى جملو ...
قالت لى : كان كده بى عافيتك ومابتجيك عوجة
تتتتتتتتتتتب
والشجرة دى ربَّة أجدادك وأبواتك وكان ليهم حكاوى فيها ...
إنت ديل منو البكوركو ليك ديل ...
.. ديل الفرد ياحاجة وقاعدين تحت الشجرة
.. خلاص أمشى بى عافيتك وراضية عنك ....

.. كيف يافرد كفتيرتنا ....وختيناها
قهوتنا ....وجهزناها
شوالات الفحم ...ونزلناها
وكان للشيشه ...تُفّاح .. و بحريني الماخمج ياهو ده
ومعسِّل عنب الماااااخمج
ودى البرنجية لاااااااافة واّخر تخاميس
ويالشفوت المنكر مامعانا وتعالوا جاهزييييين ومصلحين
ودى شجرتنا ام همبريبا باااااااااارد فيها الشمار المقربل والموية الصااااااااااااقطة
والقصايد و الدوبيت و الحلمنتيش و النِكات
والجبجبة والقهوة أُم جنزبيل
والقُعاد واطه ...والشكر لى حماد

دي شدرتنا ... النيمه الضليله ..
تعالوا نجلس جلسه ظريفه تحت النيمه السمحه دي
ونحِت الشمااااااااااااارات
رأيكم شنـــــــو ؟