حلم المسطرة

هزه القصيدة هي اول قصيدة اقوم بتاليفها وهي مقتبسة من احداث حقيقية حدثت في غضون االثلاث شهور الماضية

من كنت شافع في الاساس

راوضني حلم المسطرة

عاجبني كان شكل الهدوم

وابرولي ريحتو معطرة

يارب ميتين اصل الورش

واقرا الرسم في عطبرة

دبلوم وبكلاريوس وماجستير

وفي النهاية الدكترة

ووصلت بس شفتا التعب

غايتو حكاية مقدرة

اول محاضرة في العمر

جاتنا البنية مدنقرة

ساعتين تعيدلنا في الكلام

البت تكورك بي افتراء

اوم قالو جاب قانون جديد

وادانا افكار مثمرا

الجهد يفرق لو فرق

في الدائرة تيار مصدرا

انا مالي مال اوم والجهود

غلطي الوحيد جيت احضرا

بعد الفطور والانبساط

بعد الحنك والمعط والثرثرة

جاتنا المصيبة الكبري جد

قالولنا تاااااني محاضرة

استاز صعب والمادة نار

رسم المساقط ومنظرا

ومصيبة جات في شكل زول

كانت هدومو مغبرة

شاكي الهدوم بجنبة بس

والباقي مامشكوك وراء

وقعدنا في قاعة صابرجميع

ساعتين تمام كيف نصبرا

ود طه افتتح الكلام

بي الفاظ قوية معبرة

لغة الحوار في الهندسة

رسم المساقط ومنظرة

في الرسمة لابد من المقاس

وتكون نضيفة محبرة

وفي يوم من الايام صبح

الجو جميل والقيم سراfont][/colo

قام جاني مقداد صاحبي قال

من دون تاني ومشاورة

نقوم هسة و نمش

نرحل بعيد عن عطبرة

في جامعة السودان هناك

الراحة زائد الجكس زائد القرقرة

قتليهو اصبر يااخوي

سنوات شباب ماتخسرة

قال لي ديك بلد الجمال
زاهية وكمان متحضرة

قت ليهو بس دائرة القروش

وانا قروشا مااظن اقدرا

واناياخي زول مفلس خلاص

ماعندي لشندي حق التزكرة

ولمتين ارحل عن امي وامش

اشغلا وعيونا اسهرا

مابمشي منك يابلد
ماها البلد رجعت ورا
في شندي حا اقعد هناك
حتي لوقامت مجزرة.في المسيكتاب حا اقعد هنا
حتي لو قامت مجزرة

عدل سابقا من قبل البرلوم الغامض في الخميس 09 ديسمبر 2010, 6:04 pm عدل 1 مرات

اول مرة تقول كلام كلوا حقيقة
والله قصيدة جميلة جدا لكن مع الاسف لايدرك ذلك الا من يعايش الواقع
لك مني جزير الشكر وربنا يوفقك ويوفق الجميع
ودمتم سالمين

تفتقر الي النسق الادبي العام وجمال الاسلوب
وتسئ لبعض قامات كلية الهندسة

تفتقر الي النسق الادبي العام وجمال الاسلوب
وتسئ لبعض قامات كلية الهندسة

تفتقر الي النسق الادبي العام وجمال الاسلوب
وتسئ لبعض قامات كلية الهندسة

انا اختلف معك ياعلي هي قصيدة معبرة
لكن الحارقني قال انا الفتها
الزول دة بقا شاعر بورانا ونحن ما عارفين
ياعم بلا قامات بلا كلام فاضي
في زمتك ود طة دة قامة
ولا سيف قامة داهية تحرقن

أحيــــــــــــــــــــــــــتك يا الشاعر الكبير أحمد والله ما شاء الله
الله يخليك
ويا علي هنا ما محل كلامك دا لمن تلاقيهو كلموا بالاساءات دي أو تتصل عليه
وبعدين دي أول قصيده له بدل تسقف ليه تسبطو معقوله يا أبو الفهم
مشكور حبيبي أحمد

الله يوفقك وللامام يا بطل ويا باش مهندس

ابيات جميلة ماشاء الله


احيانا بيكتب الانسان لانه الكتابة بتريحو نفسيا وما بهتم بتناسقها ولا تناغمها

كل الحكاية نزف قلم فقط

نخلى الاهتمام بالنسق والاهتمام بتناسق القوافي للشعراء اللى بيتاجرو بي كلامهم


اسع عليك الله اللى بيكتبوه في كلمات الاغاني ده كلام ولا تناسق ...

ولا رأيكم شنو ؟

والله ياأخي ياغامض كلام حلوووو وماداير أتكلم عن التنسيق لانو الاخت الحنين ردها كان شافي وكافي.

والله قصيدتك جامدة

نقوم نألف ولا شنو؟؟؟

لكن أنا عندي حلم أصل القمر

هههههههههههههه
شمش شنو ياخ ...........الشمش دي قلتنا قلي

ابيات شعرك كالقصور والقصوربها يعوق
ومن العجايب لفظها ركيك ومعناهابعيد

ماتزعل يابرلوم

ولله ياكبو....ة اناجبتاالمنتدي اشان الناس يدوني الراي فيها اشان كدا ما حاازعل ابدا ؛يامحمد اللفظ عرفناهو بس المعني دا مفروض انتا اول زول تعرفو ولا شنو يا ود هندسة وادي النيل.