مين نفسك تشوفو من اعضاء المنتدى ... ؟؟؟؟؟؟

والله يا مغازي نفسي أشوف كل الاعضاء وأتعرف بيهم الما بعرفهم بس
وفي ناس بعرفهم جدا بس والله مطول منهم ونفسي أشوفهم
وكمان في واحدين وواحدات ههههههههههههه
نفسي أشوفهم حقيقه وأسمع صوتهم
وأتعرف بيهم
وأعرفهم عن قرب

وأنا عندي فكره نعمل إحتفال نجمع فيه الاعضاء ويكون مع إفطار المسيكتاب الجماعي ههههه
في الحديقه الدوليه
إنشاء الله يكون ملتقي بس مش إحتفال(الفلوس)ههههه
والناس تتقابل وتتعرف بي بعض ويكون في تواصل خارج المنتدي ولكم شكري
شلوقه

ههههههههههههههههههههههههههههههه
طبعا أكيد
انت يا مغازي ............ز أول واحد نفسي أشوفك لأنك ما عامل أي صورة

ابقي اظهر

فقدناكم ... تمنينا في الاحلام رؤياكم ...... وحشتوووووووووووووونا ولاندري إذا كنا وحشناكم
(للعزيز خالد الصحاف)

بصراحة نفسي التقى بجميع عضوات المنتدى ( النساء يعنى )

رغم انه تقريبا ثلثهم بعرفهم شخصيا

ولكن نفسي اتعرف على الثلثين الباقيات


الله يجمعنا بجنات عدن

مشكورين على المرور الجميل لكن يالحنين ليه خصصتى العضوات فقط وباقى الاعضاء يعملوا ايه لو عاوزين يشوفوكى ......؟

موضوع بالجد حلو


لك يا المغازي



وكلامك حلو ياشلاقة
لكن بعتقد انه مستحيل من ناحية انه كل واحد في بلد
ويمكن في يوم من الايام يتحقق"الله يعلم"


ونفسي اقابل دودي
وبت المسكتاب
دي اول ناس

وتاني كل الاعضاء نفسي اتعرف عليهم
لاني بقيت احس انه المندى وناس المنتدى حاجة لازم اشوفها كل يوم

عادل صديق كتب:

فقدناكم ... تمنينا في الاحلام رؤياكم ...... وحشتوووووووووووووونا ولاندري إذا كنا وحشناكم
(للعزيز خالد الصحاف)

شكرا عادل
احيانا تعجز الاحرف عن تجسيد اشواقنا لكم فنحتمي بالصمت فلك العتب

نونا وعادل والمتميز دائما اخونا الصحاف مشكورين على المرور وجزيتم خيرا

سلاامات نـونا ما أظن دا مستحيل(لامستحيل تحت الشمس)
بس الناس مشغوله ودي شئ طبيعي بس يعني ماكل الاعضاء خارج السودان في أعضاء كثر دا خل السودان
وحتي الاعضاء المغتربين يمكن يجو إجازات السودان واللا خلاص ما صدقتو تطلعوا هههههه وتنفكوا من أفريقيا [ندعوك للتسجيل في المنتدى أو التعريف بنفسك لمعاينة هذه الصورة]

بس هي مجرد فكره لسه في المهد يعني لمن تكبر وتبي حلم وتتحقق بكون حصل شئ كثير

رب صدفة خير من ألف ميعاد

والله مشكورين جدا الصحاف ونونا وشلقلق وعادل ودودى على المرور وربنا يحقق امانيكم وتشوفوا بعض ان شاء الله

الأبن المغازي
لك الشكر علي الموضوع الجميييييييييييل
والشكر لكل الأخوان والأخوات المشاركات
وأتمني من الجميع التواصل والتعارف مع بعض لأننا أبناء أعم
وأهل ومن قريه واحده
وزي ماعارفيين القري تدخل طوالي البيت بيتك
وكما تمني الجميع نفسي أقابل كل الابناء والبنات المشاركون
في المنتدي أمكن نطلع بي عريس لي بناتنا أو نطلع بي عروسه لي ولدنا
أو أو أو أو هههههههههه
بي عروســــــــــــه لي براي مالي ياجماعه قالولكم كبرته
ماقالوا الشدر الكبار فيه الصمغ
لكم تحياتي وسلامي
ونفسي أشوف أبوهيــــــــــــــــــــــام

دمتم في رعاية الله
عمكم أبوأمجد

موضوع جميل جدا

نعم موضوع جميل وفكرة اجمل
وربنا يجمعنا بكم جميعاً

تخريمة :ـ
عمنا المسيكتابي ماسمعت
راجل المرة دا حلو حلا

عدل سابقا من قبل المفتش كرمبو في الخميس 18 مارس 2010, 12:34 am عدل 1 مرات

[ندعوك للتسجيل في المنتدى أو التعريف بنفسك لمعاينة هذه الصورة]
عمي كمال دا شنو دا
بس عندي فكره أنا بقوم ألاقي أمجد وأقول ليه كلم الحاجه وتاني إنت شيل شيلتك
ههههههههه
يامغازي راجل المراءه الماشايفه شغلا حلو ههههههه
والعكس صحيح
ودمت لنا

والله ياشلقلق عمنا المسيكتابى عصرتو عليهو خلو الزول ياخد راحتو

بسم الله والصلاة والسلام علي رسول الله صل الله علية وسلم
صعب تشوف كل العضاء وانا شايف السبب الرئيسي هو عدم مشاركة الاعضاء
باسماهم الحقيقية
لكن ممكن عن طريق غرفة الدردشة الناس تتعارف اكتر
حقيقة انا بعاني كتير من غرفة الدردشة لاني بلقي عدد كبير من الاعهضاء متصلين وما اقدر اواصلن فياريت اول الواحد او الواحدة ماتتدخل المنتدي يدخل غرفة الدردشة
فما نرجوة من الاخوة المواطنيين اقصد الاعضاء الدخول وبارك الله فيكم

علاء كرم مشكور على المرور................
لكن انا عندى راى اخر انو ما شرط نشوف كل الاعضاء لانو فى اعضاء داخل السودان
واعضاء بالخارج فالاعضاء داخل السودان ممكن يتقابلو فى مكان معين او فى مناسبه معينه
وصحيح الناس مشاركه باسماء مستعارة لكن معظمهم بيتعارفوا او بالتحديد عرفوا نفسهم فى
ركن تعارف الاعضاء وزى ما قال اخونا المسيكتابى انو اكان مشارك فى منتدى وما منتدى
بتاع منطقه معينه والجماعه اتقابلوا واتعرفوا مع بعض فما بالك ونحن من منطقه واحده واولاد
عمومه ممكن الفى الخرطوم يقابل الفى الخرطوم وناس عطبرة يقابلو بعض وناس السعوديه يقابلو
بعضو كذلك اخوانا فى الامارات
نحنا طرحنا الفكرة ونسال الله انو يسهلها بس انتو خلو الموضوع فى بالكم ومشكورين

علاء كرم مشكور على المرور................
لكن انا عندى راى اخر انو ما شرط نشوف كل الاعضاء لانو فى اعضاء داخل السودان
واعضاء بالخارج فالاعضاء داخل السودان ممكن يتقابلو فى مكان معين او فى مناسبه معينه
وصحيح الناس مشاركه باسماء مستعارة لكن معظمهم بيتعارفوا او بالتحديد عرفوا نفسهم فى
ركن تعارف الاعضاء وزى ما قال اخونا المسيكتابى انو اكان مشارك فى منتدى وما منتدى
بتاع منطقه معينه والجماعه اتقابلوا واتعرفوا مع بعض فما بالك ونحن من منطقه واحده واولاد
عمومه ممكن الفى الخرطوم يقابل الفى الخرطوم وناس عطبرة يقابلو بعض وناس السعوديه يقابلو
بعضو كذلك اخوانا فى الامارات
نحنا طرحنا الفكرة ونسال الله انو يسهلها بس انتو خلو الموضوع فى بالكم ومشكورين

على الفكره الحلوه .والله أنا نفسي أشوف كل الاعضاء. البعرفهم والمابعرفهم أتعرف عليهم.وأنتى أولهم

اتمنى ان ارى بيكو

سلامات يا ناس المنتدي اها عملتوا شنو في موضوع الشوفان دا لسه ما شفتوا زول زولين منكم؟؟...
ربكم يهون

قاعدين وما عملنا حاجة



























بيناتنا الدعاء يا اخونا شلاقة لو ما اتلاقينا في ارض النفاق نلاقى في الجنة