هل تقبل حضور زفاف من كنت تحب ؟!!

سلامات يامفتشنا أخبارك شنو وبعدين دا شنو الجايبو دا والله إنت عندك زرات عجيبة مرة واحده

أنا بتفق مع الاخ عبدوش بس بزيد عليهو شلاقة إن مادعتني أنا بجي وبكون سعيد لسعادتها مو أكثر أما عن نفسي بكون زيتي طالع [ندعوك للتسجيل في المنتدى أو التعريف بنفسك لمعاينة هذه الصورة]

والله يا عبدوش يا خوي في تقديري الحكاية دي بتتوقف علي
الطريقة الاتقطعت بيها العلاقة والأسباب الوقفت في طريق الإستمرار كانت شنو؟
لو في موانع خارج إرادتهم زي رفض الأهل مثلاً
هنا بتكون الحكاية مؤلمة للطرفين وقد ما يقدروا يحضروا زواج بعض


بس اتخيل لي لو الحكاية جات منهم و فيهم واحد اتخلى عن التاني
الطرف الإتخلى عن العلاقة بالاول وباع حبيبه ده ممكن يستجيب للدعوة لو اتقدمت ليه وممكن يكون شاعر بالذنب تجاه البيعه العملها زمان ويبقى متمني للطرف التاني السعادة وقد يفرح لفكرة زواج الحبيب وانه قد يجد ما ينسيه الحب الكان زمان في إحتمال تاني ان يكون الطرف المبيوع كمان عامل فيها الموضوع ماهامي ويمشي لدعوة الزواج مركب وش الروح الرياضية
انا لو اتختيت في الموقف ده ما بمشي
لأنو مشاركة الزواج عبارة عن بهجة وفرح وانا من جواي ما حاكون شاعر بيهم لو بقيت بايع او مبيوع


بس اتخيل لي لو كل واحد قعد في البيت وفتح اغنية
اغالب دمعي واتصبر واقول يا الله تصبرني
على فراقك يا اغلى الناس سواد حظي الملازمني
[ندعوك للتسجيل في المنتدى أو التعريف بنفسك لمعاينة هذه الصورة]
بيكون احسن خاصة لو ساعدها ببكية صامته كدة

الاغاني ممكن تكون عامل مساعد علي البكاء
ذي ماقال عادل امام لابنتة حبيبة (عيطي هو العياط بريح برضو )

شنو ياجماعة وين بقية الاعضاء ...؟!

اذا وافقت لي انا ممكن ارد مره تانيه

غيرت رايك ......؟

لا بس شفت الناس ماردت ههه قلت ارد بي اسماءهم مش ممكن؟؟؟؟؟؟؟؟؟؟؟؟

مشكوووووووووووووووووووووووووور





*************************************



كن أسداً تأكل الثعالب من بقاياك ولا تكن ثعلباً يأكل من بقايا الأسد