البنية السميحة المسخت الهنديات علي ..... ( توجد دهشة )

البنية دي نفرا براهو
غايتو من الله خلقني زي سماحتا دي مالاقتني
التقول واقعالا من جنة . . . . . . . .

ياخي انا قبل ما الاقيها كنت جني افلام هندية ...
اقعد اتفرج في ( زي افلام ) اليوم وهمي كلو بس اعاين في الهنديات امات نقطا حمرا في جبهتن
البنوت شدة مي سمحات يخلن الواحد يقهي فيهن وينسي قصة الفيلم ذاتو

اها اليوم داك مكوع فوق سريري ومصاقر التلفزيون
والفيلم الهندي مسخن
جنبي ود اختا لي عمر تلاتة سنة الجنا بكاي بكا
اها في بكاهو دا تجي الزولة الجننتني دي
انا من شفتها اتلخمة لخمة نامن بلعت السفة
شئ ما بتوصف
زي دي السماحة ما باقي لي في ضمة ضمة
سلمت علي

وقبلت علي الشافع البكاي شالتو فوقا وباستو
الجنا الغتيت دا من باستو سكت

اها الحصل شنو ......؟






طوالي بكيت انا

عدل سابقا من قبل المفتش كرمبو في الثلاثاء 26 يناير 2010, 9:58 pm عدل 1 مرات

قالوا الماشاف البحر بتخلعو الترعة
يا ولدي انت ما دخلتة العثيم ولا هايبر بنده
والله تكوس للشينه كواسة

هو الزول البكاي داك ياهو انت ؟؟؟


وانا بقول يوم داك لما كنت في بيت ناس فلانة ولقيت الوليد الصغيروني داك بيكبي وجيت راضيتو ومسحت دميعاتو

قلت صغار البيت ديل ما عليهم لوم مادام كبارهم بيبكو

والله الدنيا دي فيها شدة محن

انا حالتى شردته من البيت داك وخفتو منو

وبقت لما اسمع فيهو صوت البكى بقول

ياربي ديل الصغار ولا الكبار ؟؟؟

ههههههههههههههههههههه

ابو الحروف الجمال العندنا لافي بندة ولا في شواطي جدة

الحنين انا من زمان بقول الصورة دي انا شايفها وين ..؟

التمبلووووولاااا

اللكلام السمح بجي من وين ما شاء الله
البنية السميحة دي مني أنا داير أبكي

حاضر يا المفتش

[ندعوك للتسجيل في المنتدى أو التعريف بنفسك لمعاينة هذه الصورة]

لا تعليق خلوتوني أضحك

لكن تعالو بنسكتكم إذا بكيتو

(أنا والحنين)

هييي الكلام دا صح يا الوردة واللا هظار [ندعوك للتسجيل في المنتدى أو التعريف بنفسك لمعاينة هذه الصورة]

واللا أقول ليك أنا سكت [ندعوك للتسجيل في المنتدى أو التعريف بنفسك لمعاينة هذه الصورة]

مشكوووووووووووووووووووووووووور





*************************************



كن أسداً تأكل الثعالب من بقاياك ولا تكن ثعلباً يأكل من بقايا الأسد