منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...
منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...
منتديات المسيكتاب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المسيكتاب

منتديات سودانية إسلاميه إجتماعيه ثقافيه تعليميه
 
الرئيسيةالأحداثالمنشوراتمكتبة الصورالتسجيلدخول
كل عام وانتم بخير
بمناسبة مرور عشرة سنوات على إنشاء المنتدى تم تفعيل الرسائل المميزة بالمنتديات الرئيسية نتمنى لكم امتع الاوقات في طى صفحاتنا .. والاعلانات التجارية مجانا... ودمتم

 

 شعر المسادير

اذهب الى الأسفل 
كاتب الموضوعرسالة
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

شعر المسادير Empty
مُساهمةموضوع: شعر المسادير   شعر المسادير Icon_minitimeالأربعاء 06 مايو 2009, 7:24 am

من غير شك ان الكثيرين تعرضو وعرضو هذا النوع من المواضع ولكني اجتهد في هذه المره لتغير طريقة تناول شعر الدوبيت والمسادير ساحاول ان يكون تناولي شرحا موجزا مع نمازج مشكله مما زكر في هذا المجال الدوبيت فن راقي


تطربك نمة الدوبيت ويشجيك حنين المسادير حين يترامى إلى مسامعك من بعيد تحمله نسمات خريفيه صافية، معطرة بأنفاس الدعاش في مواسم الرشاش بأرض البطانة وكأنك تعايش وتسرح وتشاهد بالعين قطيع الابقار او الاغنام وهي راحله تبعها اهلها في ربوع البطانه الممتدة خضره وجمال
الدوبيت او الدوباي او شعر المسادير او شعر الباديه او شعر الهمباته جميعها مسميات لهذا النوع الراقي من انواع الشعر القومي السوداني يعتبر من اميز انواع الادب السوداني كما هو فن شعري معروف في بعض الادبيات العالميه
كثرت تعريفاته وظهرت له اهتمامت كثيره في الفتره الاخيره منهم الكاتب والمؤالف والحافظ والمنشد والمرشد وكلها طيبه لانها تساهم في حفظ ذلك الارث الثقافي العظيم
هذا الفن الشعري القومي السودان نجد فحوله يتميزو بالكرم والشجاعه والنبوق الفكري رغم ان الاغلبيه منهم اميون ومنهم الذي تلقي قسط من التعليم الدين الخلوه ودشوارني زمنهم من تلقي تعليم جامعي مصل عكير الدامر الفحل الفز القائمه تطول هذا علي سبيل المثال لا الحصر والوحد منهم كان يعبر عن مشاعره وقضياه التناول يطون احبانا صريح ومباشر واحبانا يكون رمزي وغالب الرمزي يستخدم في الغزل حيث تمنع الاعراف زكر اسم الفتاه

___________________________
يا ياقوتة الحضري الحضارمي زبونك
عازه وغالية وطلعن في التريا تمونك
عاليه ارداف وضامره هاف وقارن نونك
انكال بي الجمال لامن دفق ما عونك
يعتبر الدوبيت فن شفاهي لحد كبير يطرب السامعه اكثر من قارئه حيث تغلب عليه اللغه العاميه السودانيه وتخللها لهجات سؤ ان كانت من البطانه او من بادية الكبابيش لذلك السماع يكون معه الطرب والاستمتاع بالمعاني
كلمة دوبيت كما عرفها الباحثون هي من اصل فارسي وتتكون من مقطعين كلمة دو وتعني الرقم اثنين وبيت وتعني بيت الشعر المعروف والدوبيت يكتب بيتين بيتين دائماويكون الايقاع فيهما منسجم والقافيه موحده
كما نجد وجه شبه مزهل ورهيب بين الشعر العربي القديم و شعر الدوبيت والمسادير اما كلمة
مسدار تعني السدره او الورود اي الذهب المجي من والي مورد الماء والكلاء في الباديه والمسدار قصيده طويله يحكي فيها الشاعر رحلة وهو قاصدا داير المحبوبه مثل مسدار الضير للفحل ود شوراني
الضير عده فوق بدر اللتيمه شتاهو
من الشلخه لامن يابس العيش جاهو
الخلاني حاتم اعود عليهو شقاهو
ادعج مايقه سابل ديسو ازرق فاهو
وايضااميرالشعرا الحاردلو ليه نوع اخر من المسادير مثل
مسدار الصيد الذي تظهر فيه انسانيته ورفقه بالحيوان حيث يقول في مطلعه
.................................................
الشم خوخت بردن ليــــــــــــــــــالي الحره
والبــــــراق برق من منـــــــــا جاب القرة
شوف عيني الصقير بي جناحو كفت الفره
تلقاها ام خدود الليله مــــــــــــــــرقت بره
***

تعرف لي مشاهيد الرقاد والفــــــــــــره
فلاخ المصب بيهو بتبــــــــــــــين تتوره
فوق حيا فوق محل من الصعيد منـجره
شاحد الله الكريم ماتلقى فيهو مضره



بحر الدوبيت عميق وواسع المجري وزاخر بروائع الدرر والحكم البلاغه والسماحه والكرم والزوق والادب والايمان كل هذه الموضوعات سنحاول تناولها مع نمازج من الدوبيت بالضافه لتعريف بفحول الدوبيت ورموزه حتي نساهم بشي في الحفاظ علي هذا الارث الثقافي الكبير وعظيم

Surprised2 Surprised2 Surprised2

التواصل مستمر
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

شعر المسادير Empty
مُساهمةموضوع: مسدار السفر للشاعر الشيخ عبد الله الشيخ   شعر المسادير Icon_minitimeالأربعاء 06 مايو 2009, 7:32 am


مسدار السفر
للشاعر الشيخ عبد الله الشيخ

سفراً مهما يقسابنا ومسافتو تطول
ومهما يزيد عذابنا إنشاء الله سنة للحول
نهم بس في وصالك وحال لسانا يقول
سمحة الريدة للزول البريد الزول

سفراً للعيون القلبي ما بريد غيرها
بستعجلو ياهلنا وبهمل الديرة
بكرة نتوج الريدة وده أصلوا مصيرها
عارف الريد بزيد بس كان تخف دى الغيرة

Idea
سفراً مابنهم طولوا ومسافة دربوا
همنا بس وصول زولاً بريح قُربوا
الحظ التعيس ياربى بدلو أقِلبوا
يعرف شوقي ليهو وكيف بعزو وأحبو


سافر قلبي قاصد ست هواهو يزُوره
يحكى أشواقو للسمحة ويجيب الصُورة
شوفتك يا أم سماح بلحيل قليبي بدُوره
وأنا هميت خلاص يا اخوانى كيف الشورة
Arrow
السفرالبوصل للبريدا بريدوا
والرد البصل كم مرة بقرأ وأعيدوا
ألم الريد علىّ ياناس صعب تحديدوا
لا متين الوصول للتشفي لمسة إيدوا
I love you
يا ريل الشمال كان بى وصالنا تطالب
نهم بسراع نجيك وسفرنا يصبح واجب
وإن خايف هواي يا الزين يسيك في مقالب
وكّت إنت.. بالزمن التشوفو مناسب


clown

سفراً نمشى كداري ونفوسنا سعيدة
بكرة انا ناوي مهما مسافتو تبقى بعيده
أمل قلبي البريد يا السمحة منك ريده
ومناي في دياركن العامرة أتحكم تأبيده

Crying or Very sad
سفراً ندّم القلب ألبريده عيونك
كيف نمشيهو يا السمحة ونخاطر دونك
وحاة البينا مايتم يا فريدة كونك
سماح دى المرة يا البيجهر كونك


سفرا أجج الشوق القبيل مازينا
زاد النار على النار المولعة فينا
إتنكرت يالسمحة وقسيتى علينا
سفرك تور الهم القبيل ناسينا

سفرا زاد على قليبي البريده عذابو
كيف رضت الفراق ،وأنا قلبي ليه ما رضابو
ألفى القلوب لو إنت قاصده خرابو
ريدك يا أم سماح انا ياما بعتزابو

pale
لا متين يا أم سماح نشكى البعاد ونقاسى
سفرك يا ما خلف في قلوبنا مآسي
ألقلبك بريدو وقلبو يعمل ناسي
شن فايدة دموعك ماشه صبحان ماسي

elephant
يا قلبي الغرام من بدري قت لك خاصمو
أبيت تسمع كلامي وقلته ناوي تقاسموا
سمعتو الليلة خبرا في الخيال ماك راسمو
دنت أيام فراقها إنشاء الله أمرك حاسمو



يا ريل وادي حلتنا السماهو مطيرة
نصّبتك على فؤادي ألبريدك أميره
متين نتهنا يا أهلنا وتقوم السيرة
متين دى ألليد يزيد فوق البنات بشيرة


صبح يا ست هواي بلدك مسافتو بعيده
زاد الشوق علىّ عاد النفس شن في أيده
يا حليله البنهواها وشديد بنريدها
قلبي ورآك أتفرتك حديده حديده



قامت ست هوانا قمر فريقنا اللامع
جمالة يوّقف الحركة ويعكس الشارع
سنين الريد معاك زى الثواني تسارع
متين ماضي الغرام يا ناس أعيشوا مضارع

أفرحي يا أم سماح ألليله دا اليوم عيدنا
بحر الحب طمح غرّق عوازل ريدنا
ضمنا الكان زمان يا السمحة مو في إيدنا
ما قتلك قبيل نصبر صبرنا بفيدنا


2Smile
flower



الرجوع الى أعلى الصفحة اذهب الى الأسفل
http://alrakoba.com
بيكو
عضو ماســي
عضو ماســي
بيكو

عدد الرسائل : 185
العمر : 36
تاريخ التسجيل : 28/02/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالخميس 07 مايو 2009, 12:47 am

الله علي ابداعك الجميل موضوعك من اجمل ماقرات في هذا المجال

مزيدا من الابداع
الرجوع الى أعلى الصفحة اذهب الى الأسفل
عبد الرحيم
مشــرف
مشــرف
عبد الرحيم

عدد الرسائل : 526
تاريخ التسجيل : 07/02/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالأربعاء 20 مايو 2009, 5:42 pm

حقيقة امتاع وابداع وننتظر المزيد والمزيد
الرجوع الى أعلى الصفحة اذهب الى الأسفل
ود المسيكتاب
عضو ذهبي
عضو ذهبي
ود المسيكتاب

عدد الرسائل : 59
تاريخ التسجيل : 07/06/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالخميس 11 يونيو 2009, 12:43 am

يوم جنى العصير زارنى فى الشفحانه
مسن جسمى قالن ماعليك سخانه
نارا فى حشاى وجت كتم دخانه
الرجوع الى أعلى الصفحة اذهب الى الأسفل
عبد الرحيم
مشــرف
مشــرف
عبد الرحيم

عدد الرسائل : 526
تاريخ التسجيل : 07/02/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالخميس 11 يونيو 2009, 3:15 am

الليلة الهموم مطبقات فيني القيد
والواقع البسيط مرق من الايد
النفس تغالب الحسرة يوم العيد
لمتين في العبوس يتحقق المقصود
الرجوع الى أعلى الصفحة اذهب الى الأسفل
عمار الأمين القاسم
عضو ذهبي
عضو ذهبي
عمار الأمين القاسم

عدد الرسائل : 41
العمر : 36
تاريخ التسجيل : 27/04/2009

شعر المسادير Empty
مُساهمةموضوع: غزل حلمنتيشي   شعر المسادير Icon_minitimeالخميس 11 يونيو 2009, 3:18 am

قال حاج مدرس في الغزل :-

كحل عينيك زي سبورة بتعانق الطبشير

ملامحك فيها جرس حصة صوته هدير


وزي طابورا بشرف عليه مدير


بحبك حبي للكورسات


وحب حاج نظرية للتنظير

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سيد الحروف
مشــرف
مشــرف
سيد الحروف

عدد الرسائل : 939
العمر : 34
تاريخ التسجيل : 18/05/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالخميس 11 يونيو 2009, 1:21 pm

يا سلام عليك يا عمي الغالــــي
على الموضوع الرايع
والشباب ما قصرو


تيس القُنـَّـــة دَعْدَعْ بي الكَربْ واتْشَابَـــــى
قَطـَـــعْ البَاحْ مِغَبِى بِي وهَسَــــالُو رَبَابَة
تَبْقَى عَليهـُــو جَافِلْ مِنْ قِمِيــــــرى الغَابة
اهَجِم بِي البِقَطَّـــــعْ في البِطـــونْ سَاكْلَابَا
الرجوع الى أعلى الصفحة اذهب الى الأسفل
http://www.msiktab.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالأحد 09 أغسطس 2009, 5:51 am

Rolling Eyes

Like a Star @ heaven Like a Star @ heaven Like a Star @ heaven
ليكم ياشباب علي المرور والمشاركه
وأوعدكم بالمزيد

Razz
لا متين يا أم سماح نشكى البعاد ونقاسى
سفرك يا ما خلف في قلوبنا مآسي
ألقلبك بريدو وقلبو يعمل ناسي
شن فايدة دموعك ماشه صبحان ماسي


Twisted Evil Twisted Evil
الرجوع الى أعلى الصفحة اذهب الى الأسفل
http://alrakoba.com
عبد الرحيم
مشــرف
مشــرف
عبد الرحيم

عدد الرسائل : 526
تاريخ التسجيل : 07/02/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالأحد 09 أغسطس 2009, 8:41 pm

هدهدت بالامل مواجع الزمن العنيد
وحكيت ليه شليل وقريتله عش القصيد
سامرت طيف الفرح غنيت غناوي الفال
بندور الكريم في ام قدود يسترلنا الحال
الرجوع الى أعلى الصفحة اذهب الى الأسفل
عمر سليمان الوسيلة
عضومميز
عضومميز
عمر سليمان الوسيلة

عدد الرسائل : 290
العمر : 27
تاريخ التسجيل : 18/12/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالثلاثاء 11 سبتمبر 2012, 12:45 pm

الدكانا نحن دحين نقوم وندكو
والما شين علينا بشيش بكرة بجكو
واليابانا لا بنطراه لا بنسكو والطارو
الطيرو ان شاءالله تب مايركو
الرجوع الى أعلى الصفحة اذهب الى الأسفل
هيثم عبدالسيد ابوماجد
عضومميز
عضومميز
هيثم عبدالسيد ابوماجد

عدد الرسائل : 318
العمر : 48
تاريخ التسجيل : 22/01/2009

شعر المسادير Empty
مُساهمةموضوع: رد: شعر المسادير   شعر المسادير Icon_minitimeالجمعة 02 أغسطس 2013, 5:40 pm

سفراً ياخلى والله نار موقـــــوده
وهمى وصال المن وسط معقوده
الحظ عاسر الا الظروف بنقــوده
احظى بى ليم الوضيبه بقــــــوده
الرجوع الى أعلى الصفحة اذهب الى الأسفل
 
شعر المسادير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المسيكتاب :: المنتديات الفنيه :: واحـــــة الشعر والدوبــيت-
انتقل الى: