مجادعات اكتب ونحنا وراك ومعاك

سلام يا اهل المسدار يحوي شوقي
جيت اقعد معاكم اسمع وارمي مسداري
مابقدر اجاريكم ولكن بحاول اجدع كلامي

بالحب العميق صوتي مرفوع داوي
للساكن فؤادي ووجهو لامع ضاوي
زي بدر التمام فى الشكل بيضاوي
بالصد والوصال بجرح ومرة بداوي

الي الامام

ارمو و احنا جاينكم بمهلة

ماتخافو مننا نحنا بنات حوا نفوسنا رضية

شِيم واخلاق ما بنجري ورا ناسا شعارهم الحرية

بالحجاب نتزين زي قمر في ليلة ضيّة

وان في يوم قلوبكم مننا صابها كيّة

العفو والسماح وطولة البال فيكم ياها المحريّة

ونحنا من ناحيتنا ما شايلات ضينة ولا حتّة حتى شوية

وماتعاينو لى كلامنا كان كتر زي جريان الموية

الموية ولو كان كترت تبقى عنوان صفاء النية

ماشاء الله ما شاء الله
تعالوا راجعين وأتحفونا بالروائع الله يسدد خطاكم
والله فعلا تحفه كولكم
ما شاء الله
[ندعوك للتسجيل في المنتدى أو التعريف بنفسك لمعاينة هذه الصورة]

مادام انتو وراي ومعاى .......منو البمش قدامي.......يصلح للعوج ويعدل لى كلامى........ياابو الحروف وجماعتو امشو لي امامى .......ياالكلكم انوار ياالمقامكم سامى ......يلا هوي سلام منى انا المسيكتابى.......... .................................................................................. عفوا اذا كنت اسخدمت اسم المسيكتابي لانه اسم مستخدم فى المنتدي لشخص اخر ...لكن كلنا ندخل تحت هذا الاسم والسلام عليكم والي لقاء انشاء الله

عدل سابقا من قبل مصطفى فضل المولى في الأربعاء 10 مارس 2010, 6:41 pm عدل 1 مرات (السبب : خطا املائى)

جمرا في القلب موقد ىاني متفيهو
وبردا في البدن يلسع ماخد حقو وزياده عليهو
إنشا الكريم يجبر والفي المراد يديهو
جديا وسيم انا روحي مرقت فيهو

والله كلامكم حلو تسلم ياأبو الحروف ياراقي

ودي جدعه للوالد والجد المرحوم العوض خلف الله

نـَفْسَكْ طَيْبَة والتـَّقـْوي المَكَمَّـلَة زَادَكْ
كَمْ أصْلَحْتَ كَمْ أفـْلَحْتَ بـ إرشَادَكْ
الصَّلاة والتـِّلاوَة الْ في الهِجُوُعْ واوْرَادَكْ
في قـَبْرَكْ مَعَاكْ بِتـْوَنـَّسَنْ في رْقـَادَكْ

نـَبْكِي بِكَيَ المِطُوُرْ فـَاقـْدِينْ وِجُوُدَكْ بيْنـَّا
يا ضَوْ الصَّبَاحْ الْ كَانْ بِنـَوِّرْ عيْنـَّا
كَبـِيرْنـَا الْ بـ حنـَانـُو بـْسِدْ مَحَلْ وَالديْنـَّا
نـَبْكِيِكْ بالدِّمُوُعْ مِتـْحَزِّنِـيِنْ يَا زينـَّا

نـَبْكِيِكْ بالدَّمُوُعْ يا فيْضْ بَحَرْنَا الصَّافِي
نـَبْكِيِكْ بالقِلـُوبْ ؤبِكَيَ القِلُوبْ مُوُ كَافِيِ
نـَبْكِيِكْ يا الْ بِتـَفزَعْ للمِضِيِقْ مِتـْـلافي
نـَبْكِيِكْ يا الْ بِتـَصْلِحْ كُلَّ يومْ ؤتـْعَافِي

نـَبْكِيِكْ البِكَا الْ ما بْجِيـِبْ غَضَبْ خَالِقـْنـَا
نـَبْكِيِكْ بالصَّبُر وَالوَجْعَة مَا تـْفـَارقـْنـَّا
نـَبْكْيِكْ يا الْ فـُرَاقـَكْ في القـِلـُوبْ حَارِقـْنـَا
يابـيـْتـْنـَا الْ بـِلِمْ ويِجْمَعْنـَا ما بـْفـَرِّقـْنـَا

اخوي الكان هنا ...الله يحفظ ارواحكم

وفي ابياتي ماتتوقع تصغير لي شاءنكم

طبعكم اللين ووقت الحارة بتبان سهامكم

والشجاعة اصل موجودة في طباعكم

مرفوعة فوووووق لما الاعداء تهابكم

يا ود الاصول يالما بتنسى الخوه
معرفتك كنوز للقالوا يابومروه
صدقوا اهل المثل القالوا ولدت حوه
يديك الاله عزا يزيدك قوه



مهداة للكنقار

المال والخليج مابغيرو الزول من زولو
والفقر اللئم باكر معاي نقصر طولو
والزمن ان جار ماظن بكمل حولو
امسك قوي في ربك لمن يسوي الهولو


مهداة/ادروب

مشكوووووووووووووووووووووووووور





*************************************



كن أسداً تأكل الثعالب من بقاياك ولا تكن ثعلباً يأكل من بقايا الأسد

أخونا الغالي مصطفى فضل المولى.. إحنا معاك ووراك بقلوبنا ودعواتنا.. ربي يشملك برعايته ويشفيك ونشوفك قدامنا مجرتق بالعديل والزين وإحنا.. وراك نبشر

تم الإرسال من خلال التطبيق Topic'it