منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...
منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...
منتديات المسيكتاب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المسيكتاب

منتديات سودانية إسلاميه إجتماعيه ثقافيه تعليميه
 
الرئيسيةالأحداثالمنشوراتالتسجيلدخول
كل عام وانتم بخير
بمناسبة مرور عشرة سنوات على إنشاء المنتدى تم تفعيل الرسائل المميزة بالمنتديات الرئيسية نتمنى لكم امتع الاوقات في طى صفحاتنا .. والاعلانات التجارية مجانا... ودمتم

 

 الخروف عياااان

اذهب الى الأسفل 
كاتب الموضوعرسالة
MOHAMMED.MOHAMMED
عضومميز
عضومميز
MOHAMMED.MOHAMMED

عدد الرسائل : 210
تاريخ التسجيل : 21/10/2009

الخروف عياااان Empty
مُساهمةموضوع: الخروف عياااان   الخروف عياااان Icon_minitimeالخميس 26 نوفمبر 2009, 5:15 pm

كل عام والجميع بخير

لحدي يوم الوقفه ناس الحله في حوار شديد نضبح مانضبح نضبح لا لا قالو الحمه النزفيه كتلت 500 في الخرطوم نضبح قالو خروف ناس كلتوم ظهرت فيهو حاجات غريبه غريبه كيف ؟ والله قالو صوتو كتم ، ومشيتو اتكلوجت ، ووووو ...

اهااا والحل ؟ Vry Happy Vry Happy

اهااا اتوكلنا علي الحي الذي لا يموت وقدلنا علي المحجر ( باقي احسن نشتري من العياده عديييييييل ،
اهااا ملصنا القريشات والسعر كان فيهو زياده شويه وعمك الحاج ( الوالد ) دق الجرس ليييييييييييييييه قالو ليهو ياحاج الخروف ده مكشوف عليهو !!!! تمشي تجيب ورقه من الدكتور وتشيل معاك رقم ( مستر خروف ) وتجي تدفع في الخزنه وتجيب معاك الايصال ونديك رقم اذن الخروج وتتوكل .

اهااا جينا البيت راجعين ، في الحله عواطف بوبار قالو قالت لي حريم الحله : نحن ابو مؤيد قال حيودي الخروف الاردن يكشفو عليهو هناك

محاسن شمارات قالت : جنن تعرفو ولا جنن ماتعرفوانا ابو الوليدات قال الجداد ده مالو

ناس حاجه عرفه خلو الخروف في النار لمن كلو بقي ( ربيد ) خوف سااااي

ماعلينا وسيرة الناس

يازول ضبحنا وكل سنه طيبين بعد الضبيحه اخوك كشف لقي في سواد في الرئه شكلو الخروف كان من اصحاب العادات الكريهه وبدخن بالدس ، عملنا فيها طرش وعميانيين باقي اللحمه دي من سنة لي سنة ونحن لحمة قدر دي مابنشوفها الا في المسلسلات الدينيه
بعد ( العضه ) اتينا بجرادل الشربوت ونزلت علي الخروف كالمضادات النوويه
وقلنا تاني كان فيهو ايدز مايسوي شي وهاك يانومه
خخخخخخخخخخخخخخخخخخ
خخخخخخخخخخخخخخخخ
خخخخخخخخخخخخخ
خخخخخخخخخخ
خخخخخخخ
خخخخ
خخ
خ
الرجوع الى أعلى الصفحة اذهب الى الأسفل
MOHAMMED.MOHAMMED
عضومميز
عضومميز
MOHAMMED.MOHAMMED

عدد الرسائل : 210
تاريخ التسجيل : 21/10/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالخميس 26 نوفمبر 2009, 5:21 pm

يحكي ان حنكوشا… .. يقيم مع امو.. لوحدهما…. رسلتو امو لكي يحضر جزارا
يضبح ليهم الخروف……نقنق الحنكوش.. وطنطن….ولكنه خرج….ووجد جزارا كث
الشارب… مفتول العضلات… محمّر العينين…يحمل مخلاية بها
فرار….وعكاز….وبالضراع سكين…استوقفه الحنكوش وقال له:-
عمو..عمو….انت مش البتجرح الخروفاية..وتقشرها؟؟؟؟؟
رد عليه الجزار بالايجاب…ذهب الجزار مع الحنكوش الي منزل الاخير حيث يقبع
الخروف….شنقل الجزار الخروف..وعض شلوفته التحتانية واخرج سكينه…فصرخ
فيه الحنكوش مستجديا……دقيقة يا عمو…. خليني اروح ادسا…. عشان انا ما
بحب اشوف الدم….وهرول الحنكوش الي الاوضة الدخلانية… لكي يدسا و ما يشوف
الدم….بعد هنيهات ضبح الجزار الخروف وجا الحنكوش…..وجلس القرفصاء….
متمحنا..واضع اليد اليمنى على الجضم الايمن .. ثم قال وهو يذوب عطفاً
وحناناً :-" عمو…عمو…. يمكن الخروفاية دي حسي حامل ..وفي بطنها
بيبي…..؟؟؟؟"
رد عليه الجزار…." دا ضكر يا ولدي… ضكر…. ضكر زيّ وزيك….."… تحير
الحنكوش….وعقد ما بين حاجبيه….استعجاباً… واعجاباً بهذا الجزار.. العالم
الفاهم…. ثم سأله:-" مباااااالغة……. يا عمو .. مبالغة….كيف عرفت انها
ضكر زيك؟"….فدخل الجزار في ضفورو… ثم خرج من سبيب راسو…واخذ يملص في
جلد الخروف…وران الصمت… ثم قطع الحنكوش الصمت قائلا:-" عمو ..عمو…يا ريت
لو القميص بتاع الخروفاية دا.. فيهو ستستة…. الله…. كان يكون حاجة
فانتاستيك…. حاجة ما تخلص…..وخصوصا الاستايل بتاعو حلو….. يجنن"……..قال
له الجزار وهو يدفس يده…فيما بين الجلد واللحم:-
"يا ولدي دا جلد…. مو قميص… جلد .. جلد….ما سمعت بالمثل.." التسوي ..
كريت في القرض تلقاهو في جلدها"؟……. بتعرف كريت؟؟؟؟"
رد عليه الحنكوش…." لا… لكن يتخيل لي كريت دي في كلية الاقتصاد….مع ناس
سوسو…..وسمعت انها كانت مجكسه قرض دا…. لكن شوكشتو…يخسي عليها…والله
الدنيا دي فيها ناس قاسين خلاص….لكن يا عمو…. اسم كربت حلو والله…… انا
عاجبني"……ثم جلس الحنكوش القرفصاء اكتر من قرفصاته الاولى…متوجها الي
الفبلة…. والدموع تنهمر من عينيه مبتهلا الي الله…وهو يشحد الله ويقول:-
ان شاء الله…. يا رب….. ماما…. تحمل.. وتلد….وتجيب.. بنوته… ونسميها
كريت…. وتدخل كلية الطب…وتبقى دكتورة امراض جلدية……و تفتح عيادة و تكتب
لافتة كبيرة تكتب عليها الدكتورة كريت اخصائية الامراض الجلدية .. تأثر
الجزار.. وجدع السكين وهو يقول الضبح والسلخ طايرات…وجلس بالقرب من
الحنكوش واخذ يدعو معه الله.. ان يحقق للحنكوش امنيته...

خرج الجزار من البيت… بعد ان ضبح وسلخ وقطع اللحم…وهو يضمر في نفسه ان
يصبح حنكوشا…وقرر ان يتحنكش…ويملص العراقي..والسروال ويلبس ردا..وتي
شيرت….وجلس الجزار في نص شارع الزلط..متجها الي القبلة..وهو يدعو
ويبتهل الي الله .. والدمع ينهمر من عينيه مدرار:-
"ان شاء الله يا رب….. بركة الشيخ ابو البتول….ماما ..تحمل..وتلد.. وتجيب
بنوته .. ونسميها كريت…..وندلعها نقول ليها كرته….وتدخل كلية الدكاترة…
وتبقى اخصائية امراض جلود…. يا رب.. يا …رب"



علما بان هذا الجزار المطرطش…..الذي قرر ان يتحنكش…..يعلم علم اليقين

ان…امو ماتت قبال خمسطاشر سنة....!!!!!
الرجوع الى أعلى الصفحة اذهب الى الأسفل
سيد الحروف
مشــرف
مشــرف
سيد الحروف

عدد الرسائل : 939
العمر : 34
تاريخ التسجيل : 18/05/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالخميس 26 نوفمبر 2009, 11:33 pm

هاهاهاهاهاهاهاهاهاها
الله يجازي محنك يا محمد
هسي الواحد يعقب على شنو ويخلي شنو
على ناس عواطف بوبار والخروف المشكوك في امرو
ولا على المصيبة البقت على الجزار ده
هاهاهاهاهاهاهاهاها
على كل حال كل سنة وانت طيب
ووالله الخروف ده لو كتلنا عدييييل كده ما بنرحمو ولا بنخليهو
انا شغال معاي واحد مغربي
البارح كنا بنتكلم ونحكي قصص الخرفان والعيد وكده
اهااااا
قال لي مرة خروف ناس عمتو ام ياسين
لما جا وكت الضبيحة وشاف ليك السكين
فرفر وكب البيرق ورقد صووووف
ويا مركز الشرطة جاك زووووول
وجااااري وجاريييين وراو
وجاري وجاريييييين وراو
وما وقف إلا في مكتب البلاغات والشكاوي
وقف قدام الضابط المناوب
وقد يكورك بااااااااااااااااااااااااع
جماعتك طبعاً كانو جاريين ورا الخروف
ودخلو معاهو المكتب
الضابط قعد يعاين في الخروف ويعاين لي الجماعة
هاهاهاهاهاهاهاها
قال لي ناس عمتي لممممن إستحوا وخجلوا من الموقف
هاهاهاهاهاهاها
انا ماعرف غايتو الزول ده جادي في قصتو دي ولا بيبالغ ساي

_________________
أنا الـــــــــذي نظر الأعمى إلى أدبـــــــــــــي
وأســـــــــمعت كلماتي من به صـــــــــــــمم
الرجوع الى أعلى الصفحة اذهب الى الأسفل
http://www.msiktab.com
بت بلدي
وسام التكريم
وسام التكريم
بت بلدي

عدد الرسائل : 783
تاريخ التسجيل : 14/06/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالجمعة 27 نوفمبر 2009, 9:25 am

والله لكن حكاية عجيبه وحلوة يا محمد
وانت ياسيد الحروف ما قلتة لينا ناس عمت المغربي شالوا خروفون ولا خلوا للضابط
غايتوا كان خلوا للضابط بختوا لقى لي خروف بالمجان
ههههههه

_________________
أجمل مافي حرية الإنترنت أنها في غيبة الرقيب سوى

(الله جل في علاه) تعطيك الفرصة لتعرف حصتك من نبل

السلوك ونصيبك من طهارة الضمير
ليس في الدنيا ثبوت وكل حي سيموت
الرجوع الى أعلى الصفحة اذهب الى الأسفل
MOHAMMED.MOHAMMED
عضومميز
عضومميز
MOHAMMED.MOHAMMED

عدد الرسائل : 210
تاريخ التسجيل : 21/10/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالإثنين 30 نوفمبر 2009, 8:52 pm

الغالى دوماً سيد الحروف
مشرفنا وحبيبنا
صاحبك المغربى ده بكون ببالغ فى حاله واحده بس
اذا كان شارب ليهو كباية شربوت من عندنا

تسلم يارائع وكل سنة وانت طيب وبالف خير
والسنة الجاية عريس
وخاصة انك مغترب وماسك الدرب
مازينا

ماتمشى بعيد وتفكر فى حالنا لانو مابتصلح اصلا
وابسط حاجه اننا بتوعين ضهب

اسعدنى مرورك
الرجوع الى أعلى الصفحة اذهب الى الأسفل
MOHAMMED.MOHAMMED
عضومميز
عضومميز
MOHAMMED.MOHAMMED

عدد الرسائل : 210
تاريخ التسجيل : 21/10/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالإثنين 30 نوفمبر 2009, 9:13 pm

بت بلدى
مشكورة وتستاهلى اكتر

وعندنا صاحبنا استاذ بجامعة جوبا
كان متجرس عديل من شراء الخروف
والجماعة يتبادلون الاراء حول الاسعار وهو ساكت يسمع بس
واحد قال : الاسعار للحروف الكبير حوالى 450
فلمن سمع الرقم قالهم دى سرعة الخروف
ولا سعرو
ههههههههه ههه هه



Vry Happy Vry Happy Vry Happy
الرجوع الى أعلى الصفحة اذهب الى الأسفل
الغريبة
عضو ذهبي
عضو ذهبي
الغريبة

عدد الرسائل : 83
تاريخ التسجيل : 31/10/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالخميس 03 ديسمبر 2009, 9:06 pm

ههههههههه والله نكتة لا كن مزعجة بعض الشئ من ناحية انو طيرتكم من اللحمة

_________________
قال صلى الله عليه وسلم [ندعوك للتسجيل في المنتدى أو التعريف بنفسك لمعاينة هذه الصورة] بدأ الإسلام غريبا وسيعود غريبا فطوبى للغرباء)
الرجوع الى أعلى الصفحة اذهب الى الأسفل
بت بلدي
وسام التكريم
وسام التكريم
بت بلدي

عدد الرسائل : 783
تاريخ التسجيل : 14/06/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالسبت 05 ديسمبر 2009, 7:54 pm

هههه
والله صحي كلاموا
ده سرعتوا ولا سعروا

_________________
أجمل مافي حرية الإنترنت أنها في غيبة الرقيب سوى

(الله جل في علاه) تعطيك الفرصة لتعرف حصتك من نبل

السلوك ونصيبك من طهارة الضمير
ليس في الدنيا ثبوت وكل حي سيموت
الرجوع الى أعلى الصفحة اذهب الى الأسفل
MOHAMMED.MOHAMMED
عضومميز
عضومميز
MOHAMMED.MOHAMMED

عدد الرسائل : 210
تاريخ التسجيل : 21/10/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالإثنين 07 ديسمبر 2009, 6:09 am

شفتي البقى علينا نحن ياخيتي الغريبة
فما النكتة براها المطيرانا من اللحمة
الرجوع الى أعلى الصفحة اذهب الى الأسفل
شلاقة
درع التميز الذهبي
درع التميز الذهبي
شلاقة

عدد الرسائل : 1774
العمر : 31
تاريخ التسجيل : 06/07/2009

الخروف عياااان Empty
مُساهمةموضوع: رد: الخروف عياااان   الخروف عياااان Icon_minitimeالسبت 02 أكتوبر 2010, 8:09 am

يا محمد الضحية جات تاني
بس حاسب شية الجمر معانا
في القوز وأنا بسويها هاهاهاهاها
قلت لي الجزار إتحنكش الله يجازي محنك
وياجهاد ناس المغربي ديل بشترو من وزارة الداخلية هيهي هه

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.msiktab.net
 
الخروف عياااان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المسيكتاب :: المنتديات الفنيه :: فرفش وأضحك-
انتقل الى: