ابتسامات سياسية **

4 مشترك

منتديات المسيكتاب :: المنتديات الفنيه :: فرفش وأضحك

ابتسامات سياسية **الأحد 22 نوفمبر 2009, 12:48 am

لو إنت فى بلد فيهو سنة سابعة

وسنة تامنة ابتدائى
تبقى أنت أكيد فى السودان
*****
لو طالعت إعلانات لشركات (مسئول) كبير
وهو لا زال (فى الخدمة…(
تبقى أنت أكيد فى السودان
*****
لو (لبد) ليك شرطى (المرور) فى نهاية شارع (إتجاه واحد(

وخلاك لمن دخلت وجاك بى (دفتر إيصالاتو…(
تبقى أنت أكيد في السودان
*****
لو لقيت فى بلد ما فيهو (مقومات البحث العلمى(
وكل يوم الجامعات تناقش (خمسين) رسالة دكتوراة
و(ميتين) رسالة (ماجستير(...
تبقى أنت أكيد فى السودان
*****
لو أنت في بلد
وزارة الصحة فيهو قالت
)الدواء) ده (فاسد) أحظروه ..
بعد شويه قالت (ما فاسد) خلوه ...
وبعد شويتين قالت (فاسد) أمنعوه ….
تبقى أنت أكيد في السودان
*****
لو لقيت فى بلد
)الصحف) بتتقفل بى (مادة) فى القانون
)معموله للمطاعم …(
تبقى أنت أكيد فى السودان

*****
لما تخلص موضوع فى مكان ما،
وتجى تركب عربيتك
وتلاقى (المساحات) مرفوعه
عشان تعرف على طول انو فى واحد مسحها ليك
وح ياخد منك واحد جنيه …
تبقى أنت أكيد فى السودان

رد: ابتسامات سياسية **الأحد 22 نوفمبر 2009, 12:52 am

لو قرأت الصحف فى 1987 أو فى 2016
عن (إنتهاء قطوعات) الكهرباء
ولقيت نفس الكلام فى صيف 2030 …
تبقى أنت أكيد فى السودان
*****
لو زوجة الوزير مليانة دهب
بتتجدع بيه بالعلن في الشارع من غير حساب
وأطفالها بيملطشوا اولاد الجيران...
تبقى أكيد إنت في السودان
*****
لو أهم (كبرى) فى عاصمة البلد
صيانتو عاوزة ليها (سنتين)…
تبقى أنت أكيد فى السودان
*****
لو بهدلوك في اي مكان
واشتكيت للشرطة
وقالوا دا مش اختصاصنا
امشي اشتكي في الثروة الحيوانية ....
تبقى أكيد أنت في السودان
*****
لو لقيت أنو وزارة الداخلية عندها مؤسسات (تعليمية(
ووزارة التعليم عندها مؤسسات (صحية(
ووزارة الصحة عندها (شركات إنشائية)…
تبقى أنت أكيد فى السودان

رد: ابتسامات سياسية **الأحد 22 نوفمبر 2009, 12:53 am

لو دخلت (الوزارة) وأنت مؤجر في (زقلونا(

وطلعت وعندك عمارتين في (قاردن سيتى(
تبقى أنت أكيد في السودان
*****
لو اشتغلت في الخدمة المدنية 30 سنه
وأدوك معاش شهرى
يساوى 6 كيلو لحمة ....
تبقى أنت أكيد فى السودان
*****
لو توقفت (الحركة) إثناء ساعات (الذروة(
وإكتشفت أن السبب (كشه(
تبقى أنت أكيد فى السودان
*****
لو عدمت (التعريفة(
وكمان دخلت فى (ديون(
للإيفاء بنفقات (فراش) قريبك
الذى توفى إلى رحمة الله...
تبقى أنت أكيد فى السودان
*****
لو وجدت أن (ترخيص عربتك(
يساوى (ربع) قيمتها ….
تبقى أنت أكيد فى السودان
*****
لو تقدم إبنك (المهندس) لشغل وظيفة
وكان (الإنترفيو) عن (صلاة الجنازة(...
تبقى أنت أكيد فى السودان
*****
لو (فجأة) إكتشف (المسئولون(
أن (الخريف) على الأبواب...
تبقى أنت أكيد فى السودان
*****
لو عندك (الكلية) اليمين متعطلة
وعاوزين يشيلوها ليك
قامو (إستأصوا) الشمال السليمة
لأنو الدكتور كان ماسك الأشعة (بالمقلوب(
تبقى أنت أكيد فى السودان
*****

رد: ابتسامات سياسية **الأحد 22 نوفمبر 2009, 12:54 am

لو مكث (مرتبك) معك
)تلاته ساعات وإطناشر دقيقة(
هى الفترة من لحظة إستلامه من الصراف
إلى حين عودتك للمنزل...
تبقى أنت أكيد فى السودان
*****
لو فاز فريقك الذى تشجعه على الفريق الخصم
فى مباراة الذهاب 8/صفر
وخسر فى مباراة الإياب 12/صفر….
تبقى أنت أكيد فى السودان
*****
لو لقيت لوري التراب
وكومر البلدية من سنة 50
شغال بالاضافة للركشة في نفس الشارع...
تبقى اكيد انت فى السودان
*****
لو وجدت أن رؤساء (الأحزاب(
هم (رؤساء) مدى الحياة...
تبقى أنت أكيد فى السودان
*****
لو وجدت أن نسبة الفقر
تزداد بإزدياد (معدل النمو تبع الحكومة(
تبقى أنت أكيد فى السودان
*****
لو ضربتك عربية حكومة
ومشيت القسم و طلعتا انت الغلطان...
تبقى اكيد انت في السودان
*****
لو خشيت مؤسسة حكومية
ولقيت الموظفين مافي اثناء الدوام..
تبقى اكيد انت في السودان
*****

رد: ابتسامات سياسية **الأحد 22 نوفمبر 2009, 12:56 am

لو طلعت مستحمي و متريح
وماشي عرس
ودخلت العرس زي الكأنك كنت بتلعب كورة...
تبقى انت اكيد و اكيد في السودان
*****
لو لقيت مطعم وقدامو دورات مياه...
تبقى اكيد انت في السودان
*****
لو مشيت الحوادث
وقالو ليك
)لوعندك رصيد اضرب للدكتور لانو نايم(
تبقى انت اكيد في السودان
*****
لو شغال في السوق
وقالو ليك ادفع ضريبة ميزان ....
تبقى اكيد انت في السودان
*****
لو لقيت اجنبي وعواطلي
وعندو صلاحية اكتر منك
والناس كلها تحترمو...
تبقى انت اكيد في السودان
*****
لو اعلنو عن 3000 وظيفة
ومشيت تقدم في اليوم الاول
وقالو ليك
)تعال بكرة لانو لجنة المعاينة ما اكتملت(
وجيت تاني يوم و لقيت التقديم قفل...
تبقى انت اكيد في السودان
*****
لو لقيت حي ساكن فيهو مسؤول كبير
والكهرباء فيهو ما بتقطع نهائى...
تبقى اكيد انت في السودان
*****
لو محتاج حاجة
ولقيت اقرب حتة تجيبا منها
على بعد 3 كيلو متر...
تبقى اكيد انت في السودان
*****

لو قريت الكلام دا
وما علقته عليهو ولا جنيت
وكنت بارد شديد ومستسلم...
تبقى أكيد أنت من السودان

رد: ابتسامات سياسية **الأحد 22 نوفمبر 2009, 1:01 am

ليس هذا الكلام في مجمله حاصل في بلدي
لكنما في اغلبه يحدث ولكن عنقي مربوطة بيدى

رد: ابتسامات سياسية **الأحد 22 نوفمبر 2009, 6:43 am

اللهم ارحم السودان رحمةً واسعة واسكنه فسيح جناتك
مع الشهداء والصالحين ..

صدقت
وياهو الحال
البغني عن السؤال

رد: ابتسامات سياسية **الأحد 22 نوفمبر 2009, 8:36 am

الكتير مما زكرت اخ عبد الرحيم فعلا ياهو الحاصل في السودان
وربنا يصلح الحال
شكرالك

_________________
أجمل مافي حرية الإنترنت أنها في غيبة الرقيب سوى

(الله جل في علاه) تعطيك الفرصة لتعرف حصتك من نبل

السلوك ونصيبك من طهارة الضمير
ليس في الدنيا ثبوت وكل حي سيموت