سقتنا سواقي اهلنا ومنها نهلنا

بسم الله الرحمن الرحيم
والصلاة والسلام علي اشرف المرسلين سيدنا محمد بن عبد الله
صلي الله عليه وعلي آله وصحبه وسلم تسليما كثيرا.........
اردت ان اشارك في هذة المرة بموضوع يكاد يكون شبة مرا علي كل احد او لامسه من خلال معايشته للحياة المسيكتابية اليومية 0 احتمال مع زكرتي لهذا الكلام تطاير للناس او للقاري افكار كتيرة عنه ولكن لكي لااطيل الكلام الكتير هي عبارة عن مشاوير الحياة وبدايتها من الحلة
لحدي البندر او مرحلة الفكيك اكان زمان في سالف العصر والاوان الحياة مقسمة تبدا من البيت ولحدى ماتصل مراحل القراءة او القراية واي زول قايم بي بدورو يعني مافي زول بيتعدي حدوده مهما حصل وان اتعديت حدودك الموت الاحمر جاك واستحمل الراجيك وفي دي كمان انديكم شطارت الناس زمان الغلط انتا عملتو بيدك بتكنسو بيدك اوضحلكم يعني اكان دقة جاياك تستحملا ولو كان ربطة في كراع السرير ترجاها ومافي يما الحقيني واوعا كان سويت دي بتذيدلك ذيادة كتيرة حلك واحد تاكلا قرض وتبقي ساكت
يتبع............................

عدل سابقا من قبل دقلاش في الإثنين 01 يونيو 2009, 10:04 pm عدل 1 مرات

اها يا اخوانا جيناكم راجعين لي سواقينا والله جد ايام اكانت في صحائف الذاكرة منقوشة علي حجر.اهلنا في تربيتهم الواحد من خلاص عرفة اْْْيدو علي طريق الخشم ولمت الكسرة في اليد خلاص بيقولوا ليهو( اكل كبار كبار عشان تبقي كبير ))الواحد زمان مابيأكل عشان الاكل لزيز.. لا ..يكون واضع في بالو كل حاجة بيعملوها الناس الكبار حاجة جميل ويقتدي بيها واديكم مثل بسيط((الواحد زمان لما يلقي العمة(العمامة)حقة ابوه بيحاول يشربك فيها من راسو لكرعيه دا كلو عشان يقلد ابوه ولو ما لقيت العمة بتشوف طرف توب امك وتحاول تلفو في راسك او المركوب او العكاز...........(الشغلانية) كتيرة خلاص.وكان ما كان وكان " دا كلام بسيط في بحر الهجاء الطفولي في سواقي اهلي العزاز" تمر بيك الايام تلقط كلمة من اخوانك وكلمة من حبوبتك والعجيب لو جبتا كلمة( عررر)ولا(تك)للحمار او للغنم اكان اليوم داك احتفال ونست ناس البيت كلهم ...................نتواصل انشاء الله.

كلام رائع ويحكي احوال اهلنا زمان والحاصل بيهم

وفي انتظار تواصلك وخواطرك الجميله

شكرا الاخ دقلاش اسلوب تسلسلي وعبارات بسيطة نرجو التواصل

ليكم ألف شكر علي التحفيز البدر منكم ، فهي عبارة عن كلام ربما تنقصه بعض الدقة في الاملاء وكتابة العبارات بالشكل الصحيح ولكن هي جاءات كدي نعملها شنو.......................
قلنا نرجع بيكم للأنقطع حكايته :
زمن كانت شوارعه معبدة بالتواصل بدون انقطاع ولا مطبات تعكر صفو سالكه ،كانت خطوط عريضة تمثل كل اتجاه من غير تقاطع ........
خلاص الواحد لما عرف الشارع بي خرم الباب ينتظر لحدي واحد يجيهم عشان يفتح الباب عشان ينطلق برا البيت، دا يكون بي قفلة من ناس البيت مع مشقوليتهم بالجاهم زائر، تمشي تلحق الشفع البيلعبوا الكورة او الغنم الجن مارات بشارع البيت تمسك دي وتفك دي واحلي حاجة لو كانت الغنم معاها جناها دا بتقوم تحقر بيه لانو بتقدر تقبضه تحلف ما تفكها لحد ما يلحقك سيد الغنم انهرك نهرة واحدي (يكون في اللحظة دي اما بكيت او انطلقتا جري) هو جري ما جري شفع صغار وسيد الغنم (يطبطب) بي كرعيه يعمل فيها كانه جاري وراك لحدي ما تبعد من الغنم يقوم يخليك ،بعد كدي الشارع بقالك لذيذ لقيت فرصة طلعتا بتلعب وان انقبضتا قبل ما تطلع تتمها بكي........ وقفة !!!!
ارجع بيكم لي كلامي في البداية عن الشوارع والخطوط العريضة ، قصدي من الكلام دا مافي اختلاط اجيال في محل واحد اي جيل او دفعة كما كانت تسميتها زمان لي وحده يعني الصغير مع الصغار والكبير مع الناس الكبار في مشيهم في لعبهم في ونستهم، لو حدثتك نفسك ومشيت للناس الكبار الموت الاحمر جاك، الحياة اكانت مقسمة ومراحل واي مرحلة تعيشها لي وحدها ........؟

بتعرفوا (الزريبة _الغنم_الحمار_الواسوق -الطورية-اللاويق -الارنبو-التقنت-الجاز-البابور-الشتل-المخلاية...................
مصطلحات زراعية مافي ليها مثيل في الدنياة
دي بتتعلمها وانتا ماشي مادايرة كتاب ولا كراس مافي ليها اسم دلع تب لانو الحياة بتكون قدامك خشنة مافيها نعومة تب تقولي منو وتقولي شنو (معليش الزمن مافي يدي بجيكم راجع)

عدل سابقا من قبل دقلاش في الثلاثاء 16 يونيو 2009, 4:06 pm عدل 1 مرات

السلام عليكم انشاءالله طيبين:
مريت علي بعض المواضيع في المنتدي ولفت انتباهي قصيدة رائعة للشاعر التجاني حاج موسي و هي بطبيعتها تحكي كل الذي احاول اتحدث عنه وانا بشوف بالقصيدة دي تمت حكايتي لخواطر لوحة من زمان فارجو زيارتها والتعليق عليها

مشكورين علي التعليق والمرور علي سواقينا سقتنا كل ماهو طيب
سيد الحروف__+_ الباش مهندس ياسر

دقلاش كتب:

مشكورين علي التعليق والمرور علي سواقينا سقتنا كل ماهو طيب
سيد الحروف__+_ الباش مهندس ياسر

مشكور على الموضوع ونحن في انتظارك

يالك من كاتب رائع فهنيئا لك .....................................................................................................
وربنا يحفظك لينا

مشكوووووووووووووووووووووووووور





*************************************



كن أسداً تأكل الثعالب من بقاياك ولا تكن ثعلباً يأكل من بقايا الأسد