هل يوجد شلليات في المنتدى ؟
ربما نعم
طيب
واذا كانت ما سبب تكونها ؟
تخيل يا اخوى انه عندك صاحبين
واحد دايما بتسأل عنه وبتتناقش معاه في جديده وكل ما كتب موضوع بتتحاور معاه فيهو ودايما متواجد معاه في ضحكته في حزنه في المه في اى حالات من حالاته
وواحد تانى لا بتقرأ له ولا انت معاه فرحا ولا حزنا
ولو كتب موضوع اثار الدنيا ولم يثرك ولم تعلق عليه
فبالله عليك ايهما سيفقدك اكثر
كده الحكاية لما ناس تهتم بي مواضيع ناس لانه الناس دي اصلا اهتمت بي مواضيعهم
والواحد بي اسلوبه ورده وحاوره وطريقة تعامله
بجذب الناس ليهو او يصدهم
والدليل على كده في اعضاء مسجليين جداد مع كده ليهم شعبيه وممكن مواضيعهم لها اكبر واكثر الردود ولكن كل الحكاية انهم كانو متفاعلين مع الناس وعملو ليهم اسلوب جذب الناس
ما لازم نلوم الناس لاننا ما عملنا مواضيع
فيعنى ما نقعد في الظلام ونعاتب الناس انهم ما شافونا
يجب علينا احنا نسلط الضوء على انفسنا وبعد كده نعاتب اذا لم يشاهدنا احد
اما مديرنا ما عنده ذنب
يعنى يعمل شنو منعا (
للعصابات )
ينزل برنامج مضاد للعصابات
فلو كانت
الارواح جنود مجندة ما تعارف منها إئتلف وماتنافر منها اختلفيخلي الناس تتألف بالقوة
وكيف يعنى هو سبب تكوين الشليات والعصابات
لو كانت دى نواياه ماكان عمل المنتدى وجعله هدف للقاء اهل المسيكتاب البعاد والقراب
ياريت بعد كده نعدى عتبت الخلاف ونخزي الشيطان
يا اخوانى احنا اهل وماتخلو الشيطان يدخل بينكم
الدم ما ببقى مويه
وتواجدنا هنا لحظات خلوها للود والمحبة والالفة
والمكان ده مو حوش في بيتنا في قريتيواللى بيطل عليهو الخال والعم
لا ده منبر ونافذة مفتوحة على العالم كل ما يكون فيه هو عبارة عن واجهه لنا
فاما كانت واجه مشرقة ومشرفة
واما اسائت لنا وللجميع
الله يصرف عنا كيد الشيطان
ويجعلنا متآلفين اخوان
بغض النظر عن مين غلطان ومين مظلوم
خلونا نقلب الصفحة ونبدأ من جديد
فمو معروف يمكن اى زول فينا كل ما يكتب رد يكون اخر حاجة ليهو ( الله يطيل عمر الجميع )
وفي ديك الساعه ما حنعرف نرجعو عشان نعتذر ليهو وما حنعرف نرجع عشان نعتذر للكل
ومن هنا ارجو من الجميع المسامحة ومد يد المسامحة وهذه يدي
فمن سيمد يده ؟
_________________
'' اللهم إني أسالك إيمانا ًدائما ً
وأسألك قلبا ًخاشعا ً
وأسألك علماً نافعاً
وأسألك يقيناً صادقاً
وأسألك ديناً قيماً
وأسألك العافية من كل بلية "
الشلليات..... فى المنتدياتالسبت 14 نوفمبر 2009, 2:08 am