عزيزي عاطف سبحان الله في إختيارك للأمثلة كأنك بتقولي إستخدم
أمثلتي عشان تثبت بيها عكس كلامي وخلينا نبدأ من الاول
1- قالت إحداهما يا ابت استأجره إن خير من استأجرت القوي الامين
ودا كلام بنت شعيب في حق سيدنا موسي ودي ما واسطة لأنها أصلاً ما كانت قريبتو
ولا في حزبها بل بالعكس كان غريب عنها وعن المنطقة تماماً بس أهم مبرر لها هو إنو قوي وأمين
يعني مؤهل قبل كل شئ ودا بإعتبارو دخل معاينة وأثبت جدارتة يعني الموضوع جدارة مش واسطة
وإلاّ كانت قالت يا أبت إستأجرة وبس بدون ذكر المؤهلات من قوّة وأمانه يعني المقولة بتثبت إنو لابد من وجود
الأجدر مش زي اليومين ديل يافلان شغلوا إنة خير من شغّلت الحرامي السمين
2- لسان يوسف (قال اجعلني علي خزائن الارض إني حفيظ عليم)
سبحان الله إنت بتقارن بين منو ومنو ياخي لو فيهم يوسف انا آسف
وبعدين يوسف أثبت جدارتو يعني ما غرّق مصر في الخريف ولا باع للمصريين مخزون السنين
ولا إتوسط لأخوانو عشان يشغلهم
3- ((انى يكون له الملك علينا ونحن احق بالملك منه ولم يؤتي سعة من المال) يعني غير مؤهل من وجهة نظرهم)
لكن الرد كان إنو (زاده الله بسطة في العلم والجسم)
ودا التأهيل إنو عالم والعلم أعطاة الجدارة والتأهيل ودا النحن كايسنّو
لكن فهم ناس الواسطة و الناس الماسكين هسي هو زاتو ((انى يكون له الملك علينا ونحن احق بالملك منه ولم يؤتي سعة من المال) يعني غير مؤهل من وجهة نظرهم يعني أنّي له أن يتوظف وهو مافي الجماعة ولا في
التنظيم ولاقريب واحد فينا لكن منو العاقل اليقوليهم صاح مع معانا لكن زاده الله بسطة في العلم
4- داير تفتح حساب جاري في بنك يتطلب ذلك تذكية اتنين عندهم حساب في نفس البنك تري لماذا؟ ولوداير تطلع بطاقة شخصية يتطلب ذلك شاهدا معك لماذا ايضا؟
أنا موضوع حساب في البنك دا ماعارفو لانو قرش أحمر ماعندي ههههاااي
لكن لو دا صحيح أكيد بيكون في الدستور بتاع البنك وقانونه وكذلك في قانون الجوازات ودستورها
لكن ياربي في قانون بيقول إنو الوظائف الفي البلد دي والفي القطاع العام بالزات زي البترول والكهرباء والمياه
وهيئة المواني وشركة السكّر السودانيّة وسودانير وسودابت وغيرا وغيرا
من الوزارات والإدارات المؤسسات والهيئات ومنظمات التدريب ومنظمات عدم التدريب
في قانون أو في تلميح مجرد التلميح في دستور البلد دي بأنّو الوظائف دي تكون حكر علي أفراد الحزب الحاكم
والمقربين منهم لوفي حاجة زي دي ورونا خلونا نمرق منّها
5- أخي الكريم هل من المنطقي ان تكون الشغلانية فاكة ساي؟
لا ما من المنطقي إنها تكون فاكّه ساي لازم الزول يكون مؤهل وقادر علي المسؤليه المكلف بيها
لكن لما يكون الزول مامؤهل وما جدير وقوي لكن ما أمين وبرضو الواسطة تشغلو يبقي الشغلانيّة بقت
فاكّة سااااي والطلبة يخلّو قرايتهم ويمسكو في الحزب عشان الحكاية فااااكّة لو بقيت...
6- إذا كان من العدل ان يتساوي الجميع امام الوظائف نظريا ألا تعلم اخي الكريم ان مباديء العدالة اسمي من العدل
ياسيد تساوي الجميع أمام الوظائف نظرياً مامن العدل
لانو العدل بيقول تساوي الجميع عملياً وليس نظرياً ياسيد
وبعدين حكاية مبادئ العدالة دي ياربي بتكون في معزل عن العدل عشان نقول دا أسمى ودا ما أسمي
كأنك بتقول مبادئ الاخلاق أسمي من الأخلاق يعني البقول لا تسرق لا تقتل لا تزني لا للواسطة
وفي نفس الوقت بيعمل دا كووولّو
أسمى من المابقول الكلام دا لكن ما بيعمل الحاجات دي والله كيف يعني
ياسيد مبادئ العدالة لا تنفصل بأي حال من الأحوال عن العدالة إلاّ في قواميس الخداع
واللّعب بالألفاظ لطي خدعة ما للسامع
7- وهل برايك ان المقدمين لوظيفة معينة من الشعب السوداني كلهم اهل لها إذا كان الامر كذلك من احق بها؟
أنا رأي إنو أي مواطن له نفس النسبة من النجاح كما في العينات العشوائية في حياد تام والأحق بها يتحدد
من خلال النجاح في المعاينات
8- اخي العزيز مافي مسؤل بتوسط لي زول (زول ساي)
شفت الواسطة بتعمل شنو يا عاطف قسمت الشعب لي فئتين
زول و زول ساي ياريت تورينا الفرق بين الزول والزول السااااي
ياربي داك زول بي لبن هههههاااااييي
9- وعندما اقول مباديء العدالة والوجدان السليم اقصد تماما البصيرة والنظرة الاستراتيجية للامور بعيدا عن المنظور الضيق
عليك الله في أضيق من منظور حزبي وحزبك ومعانا والله معاهم المفهوم الأنا بعرفو
هو الخلاّنا نغنّي
وطن بالفيهو نتساوى
نحلم نقرأ نتداوى
10- ولو مشيت امريكيا عشان تشتقل أكييييييييد عايز واسطة وبالمناسبة المسؤول الما بتوسط مش زول كعب؟
سبحان الله تبدأ الكلام بإستشهاد من القرآن
وتختمو بضرب مثل كي يحتذي من الأمريكان
ومنو القال المسؤول المابتوسط زل كعب؟
هو أصلا مافي مسؤول ما بتوسط عشان نقول كعب والله سمح
11-وبالمناسبة ايضا الواسطة بتخش في الحرمة لمن تكون بالقروش رشوة يعني
الواسطة لما تبقي بالقروش يبقي نسميها إسم تاني
زي الانفلونزا لما الفايروس تتغير جيناتو ويصيب الخنازير
بنسميها إنفلونزا الخنازير
والواسطة لما تبقي بالقروش حانسميها تزكية الخنازير
وفي الوقت داك حأشوف لي خنزير يزكيني
اللهم أقتلهم بددا وأحصهم عددا ولا تغادر منهم أحدا
