أوووعة تشرب فضلة زووول:
كان في ولد اسمو دبليو...
الجنا كان جنو شراب فضلات..امو تجيها ضيفة يجري يشرب
فضلة العصير..
ابوهو يشرب الشاي يمشي يشرب فضلة الشاهي,,
وامو كل ما تقبضو تمسكو من اضانو وتقرصو وتقول ليه (يا
ولد مالك عذبتني,,يا ولدي اووعة تشرب فضلة زول سامعني؟؟
اوعة تشرب فضلة زوووووول زووول زوو زو ز..)
-------------------------------
ومرت الايام والولد كبر وخش الجامعة,,وحب بنت عمو
وخلاص اتفقو انهم يتزوجو..
ومشى واتقدم وحددو مواعيد العرس..
لكن فجاة البنية ظهر ليها عريس مرتاااح جا من برة
يعرس ويرجع,وقال ليها حاعرسك ونسافر طوالي..
البنية فسخت خطوبة الود(دبليو)داك وفكتو عكس الهوا ورضت
بال(مرتاح)ده.
وعرست وسافرت برة في امان الله.
----------------------
وتاااني مرت الايام
والبت اختلفت مع زوجها وطلقها ورجعت السودان..
ورجعوالاهل كما كانو واتصالحو تاني..
لكنها فكرت انو بعد اتصالحو مع ناس دبليو ممكن يرجع
ويتزوجها تاني..وبالمرة (تغطي قدحها)
قامت فتحت معاهو الموضوع..
وسالتو عن امكانية انهم يتزوجو...
لكن دبليو الخطير ابتسم ليها وقال ببرود:
شوفي يا هناية..انا والله اتمنى كدة
لكن في نصيحة امي دايما كانت ترددها لي وانا صغير..
لحدي ما اتمسكت بيه....وهي:
( أووووعة تشرب فضلة زول )
