بقولوا ((السعيد من وعظ بغيره)) فلأخونا البرالمة دي نصائح ممكن تفيدكم:
1:اختار اصحابك بي عناية ودراسة ليهم لانو هم اساس الجامعة وطباعهم بتكون فيك ...
2 :اول اسبوعين في الجامعة عيش حياتك اطلع وفرفش وسوي العاوزو لكن بعد داك حاول قلل حبة حبة لما تلقى روحك شديت في قرايتك .
3 :
صدقني القعاد في الجامعة لحدي 5 عصر و 6 عصر ما حيفيدك وحتندم عليهو ..
يعني حاول ارجع بيتكم بدري حتى لو ما قريت المهم ارجع ..ولو اضريت خلي
المكتبة قبلتك ماتنساها...
4 :
احترم اصحابك وصاحباتك في الجامعة واوعاك تعمل في فترة من الفترات انك
تقيل وما فضي تقعد معاهم وحاجات زي دي والله حتلقى الناس نستك وما فارقة
معاهم قعدتك ....
5 : خلي وشك مبتسم لي الناس لما تقابلهم واسال منهم حتى لو ما جروبك .. صدقني حتخلق من نفسك شخصية محبوبة في الجامعة ...
6:اهم شي ما تخت في بالك انو انت عاوز تحب ويكون عندك (جكسوية) في الجامعة لانو حتلقى روحك حبيت براااااااك بدون ما تعرف ..
7 : ما تحكم على الناس بي الاشكال واللبس والحاجات دي ... لانو في ناس ما بتعرفهم الا في المواقف الصعبة ..
8 :حاول اعتمد على نفسك في الفهم عشان ما تضطر انك تلاحق الفاهمين((الحفارين)) قبل الاختبارات ..
9: اوعك
تدمن على البلياردو والويست والحريق لانك لو اتعودت عليهو فردة الكتشينة
حتكون في جيبك زي الرخصة ..وفي ناس كتير ايام المعسكرات شفناهم بهلوسوا
"naies shat"
ولعبة كبيرة ومعارف شنو من الفاظ البلياردوا.
10 :
اوعك محاضر يعرفك او تحاول تتعرف عليهو وتعمل اخلاق لانو بطير ليك بعدين
اقل غلطة منك بكون حافظ شكلك خليك معروف بي اسمك بس بدون شكلك ...ولا مانع
من مصاحبة مساعدي التدريس....
*مصطلحات يمكن تمر عليك في الجامعة وتحتاج تعرفها .....
1 : ليكشر .......... محاضرة
2 : اتيندس ..........حضور
3 : تندس لي .......... سجل لي حضور
4 :شيت ............ ما يعرف في الخليج بي الملخصات
5 :لاب زيرو ........... دورات المياه
6 :سميستر ........... فصل دراسي
7 :نوبيرا .......... انذار (( اشتهرت في جامعتنا جامعة السودان ))
8 :تيوتوريال ......... متابعة (( محاضرة لمتابعة مستوى الطلاب في مادة واكتر شي الرياضيات ومواد التخصص ))
ويا
شباب اكتر الكلام ده من تجربة شخصية لي او لواحد من اصحابي وانا بقول ليكم
حاجة واحدة بس يمكن تنفعكم "الجامعة بتديك على قدر ما بتديها".....
وطبعا الكلام دا ما قصدين بيه الكل يعني نا ما كتار شديد ولو كلامي فيه غلط ياناس تعالوا صلحوني......
1:اختار اصحابك بي عناية ودراسة ليهم لانو هم اساس الجامعة وطباعهم بتكون فيك ...
2 :اول اسبوعين في الجامعة عيش حياتك اطلع وفرفش وسوي العاوزو لكن بعد داك حاول قلل حبة حبة لما تلقى روحك شديت في قرايتك .
3 :
صدقني القعاد في الجامعة لحدي 5 عصر و 6 عصر ما حيفيدك وحتندم عليهو ..
يعني حاول ارجع بيتكم بدري حتى لو ما قريت المهم ارجع ..ولو اضريت خلي
المكتبة قبلتك ماتنساها...
4 :
احترم اصحابك وصاحباتك في الجامعة واوعاك تعمل في فترة من الفترات انك
تقيل وما فضي تقعد معاهم وحاجات زي دي والله حتلقى الناس نستك وما فارقة
معاهم قعدتك ....
5 : خلي وشك مبتسم لي الناس لما تقابلهم واسال منهم حتى لو ما جروبك .. صدقني حتخلق من نفسك شخصية محبوبة في الجامعة ...
6:اهم شي ما تخت في بالك انو انت عاوز تحب ويكون عندك (جكسوية) في الجامعة لانو حتلقى روحك حبيت براااااااك بدون ما تعرف ..
7 : ما تحكم على الناس بي الاشكال واللبس والحاجات دي ... لانو في ناس ما بتعرفهم الا في المواقف الصعبة ..
8 :حاول اعتمد على نفسك في الفهم عشان ما تضطر انك تلاحق الفاهمين((الحفارين)) قبل الاختبارات ..
9: اوعك
تدمن على البلياردو والويست والحريق لانك لو اتعودت عليهو فردة الكتشينة
حتكون في جيبك زي الرخصة ..وفي ناس كتير ايام المعسكرات شفناهم بهلوسوا
"naies shat"
ولعبة كبيرة ومعارف شنو من الفاظ البلياردوا.
10 :
اوعك محاضر يعرفك او تحاول تتعرف عليهو وتعمل اخلاق لانو بطير ليك بعدين
اقل غلطة منك بكون حافظ شكلك خليك معروف بي اسمك بس بدون شكلك ...ولا مانع
من مصاحبة مساعدي التدريس....
*مصطلحات يمكن تمر عليك في الجامعة وتحتاج تعرفها .....
1 : ليكشر .......... محاضرة
2 : اتيندس ..........حضور
3 : تندس لي .......... سجل لي حضور
4 :شيت ............ ما يعرف في الخليج بي الملخصات
5 :لاب زيرو ........... دورات المياه
6 :سميستر ........... فصل دراسي
7 :نوبيرا .......... انذار (( اشتهرت في جامعتنا جامعة السودان ))
8 :تيوتوريال ......... متابعة (( محاضرة لمتابعة مستوى الطلاب في مادة واكتر شي الرياضيات ومواد التخصص ))
ويا
شباب اكتر الكلام ده من تجربة شخصية لي او لواحد من اصحابي وانا بقول ليكم
حاجة واحدة بس يمكن تنفعكم "الجامعة بتديك على قدر ما بتديها".....
وطبعا الكلام دا ما قصدين بيه الكل يعني نا ما كتار شديد ولو كلامي فيه غلط ياناس تعالوا صلحوني......