خيمة ابوماجد

على ست الجمال الراسيه حرفها صاد
برق البسنه يلمع حين ويترد صاد
المن عينه تبقه الدرقه سورة صاد
اتقل برضو شاهد لونه لوك الصاد
جاااااااااد
على ست العجن والتيه قليبى انصاد
بذق محياها من امات شلوخ وفصاد
ياالباقيه عيونو لينا بالمرصاد
روح ودى الخبر عقبان تعال لى صاد
ابومااااااجد
جينا نصيدو قج شروكو لينا وصاد
نتف ريشنا مد وصد قبل صاد
ده زولاً اسمو بشبه حرف الصاد
ونحنا عشمنا نلقاهو بس نلوك الصاد
دربكين الليل

خربانه ام قدود بتذلى فى الاعياااااااااان
بتهينى الرجال وتعلى فى النسوااااااااان
خـــــاينه ومابرقد لك يمين فى اماااااااان
نكارة جميل ودايماً بتفرتقى الريقاااااااان
مــطــعون يالــدر مــن وليد الضااااااااان
الكبد مجروح وناراً موقده فى الابدااااااان
الشوره مرفوعه ليك اخويه ياسفياااااااان
قولي كفاهو الفركه ولا الحنه والدخاااااان

بطحانيه فى النسبه وسماحتاً فوقـــا
محياها دالة الشمس البدت لى شروقا
الخلت القلب شرقان اموت بى شوقــا
فهمـاً زاكى راجح عقلو زايد روقــــا
جاااااد

بت بطحان مابتحصى الخصال الفوقا
زيـــنة البنات زايــــده فيهن روقـــا
القمرى فى الاغصان فيها غن وقوقـا
اخلـــيها ليــك ولا اضــوقو نشوقــــا
ابومااااجد

قـدر مازاد لام تلقانى زايــــد رااااحـــه
والدنيا ام قدود لاقيه فيـــــنا سراااحـــه
خربانه العبوس اصـــلو مى فرااااحـــه
لاطمانا الخـــدود ولى الدرار طرااااحـــه
ابوماااااجد

الدنيا العـبوس مافـــــيها اى سماااااحـــه
ترفع لى السلام تلقاها مارقه سلااااااحـــه
ان جيت زول كتــال وان وصل برااااحـــه
مــــــــابتتهنا بديك الكــــــــلام برااااحـــه
جااااد

دى البسمه بى ايدو اليمين لمااااااااها
ونور الوجنه بهر الحفله تب عمااااها
قايتو الزول اكان كرف الخدود شماها
يشهق يموت عديل وشهاتو ماتمااااها
ابومااااجد

دى البسمه برقة يمن لى سمااااااااااها
ونور الوجنه لمع لى الخدود جلااااااها
قايتو الزول اكان حظى بليله معااااااها
احلف اموت لو يقضى عمرو برااااااها
جااااد

خير المرسلين الليله قااصد ازورو
ناسى الدنياااا راكب الصغير زورو
اتلاقينااااا وكل زول نساها جزورو
عمرناااااا وقينا والكل اوفى نزورو
يااااااااااارسول الله