[color=red]عتاب جميل[/color]

كيف قدرت تقولو قولك ؟
قول نفذ جوه الصميم
أزبل الحب المفرهد جوه قلبي
وحطم الأمل القديم
كيف قدرت تقولو قولك
تنسى حبي وتدمي قلبي
تجرح القلب الهواك
وتنسى إني كنت ندك ونديمك
وانو في يوم كنت حلمك
وينو حلمك ياحليم .. ؟
مابصدق !!! ..
هل صحيح معقول ده إنت ؟!
هل صحيح عايزني أنسى .. ؟!
واسلو دنياك وأفارقك
ونهدم الصرح القديم
صرح افنيت عمري بيهو
وناوي أفني الباقي فيهو
بس يظل شامخ عظيم
سرمدي وبدون نهاية
واسمى من حب الأديم
كيف قدرت تقولو قولك
هل نيست البينا كلو ؟!
وكم سنين بيناتنا عدو
وكم ليالي علينا طلو ؟!
نهلنا كاسات السعادة
وارتشفنا من حنانا ما بنملو
هل صحيح ؟؟!!
الخليل ببقى قادر ينسى خلو
و يشوفو في يوما خصبم ؟
ما دام قدرت تقولو قولك ..
يبقى بتمناها ليك..
عيشة السعادة مع سواي
بس تأكد إنو حبك ..
بي حروف من نور كتبتو
وجوه في الأعماق كتمتو
ولأنو فقدك هو الجحيم
راضي اقضي العمر كلو
والقليب في هواك كليم ..
القليب في هواك كليم ...
[/color]

الله عليك يامازن ع القصيدة راااااااااائعه
ماالاصلو في الجوف ادفن لابنتهي ولا بمحي منو الحريق والفينا من اااهات أليميه لا بيرحل عن عيونا ولا بتغشاهو الهزيمة