تحياتي للجميع وتصوموا وتفطروا على خير وشهر مبارك عليكم
حقيقه الواحد منتظر الناس الموجوده في البلد عشان نعيش الواقع معاهم وانتظرنا حتى صابنا الملل
مافي ولا زول فكر يوثق لينا الحاصل سواء صور ولا فيديو ونشوف حجم الكارثه الحاصله
والمهم عندنا سلامة الجميع ودا الحاصل والحمد لله انو مافي خسائر في الأرواح لكن حجم الكارثه كبير وربنا يكون في عون الجميع
لو مشينا على تخطيط الانجليز القديم مابتجينا عوجه بإذن الله ومجاري السيول دي لو نامت 100 سنه بتصحى في يوم ما فمفروض يكون التخطيط مستقبلي ولقدام ومايكون حل مشكله حاليه وبس وللبشوف المسيكتاب من على قوقل ايرث واضح جدا خط السيل وبنفس مجراه المتكدسه فيه المياه حاليا ظاهره جدا فحقوا الناس تعي ذلك والله اعلم لقدام البحصل شنو فالوقايه خير من العلاج
وبناشد كل الاخوه المغتربين والموجودين في المنطقه انو الناس تعمل دعم للناس المتضررين من جراء السيول والامطار ودا ماغريب ولا جديد علينا تكاتفنا وكت المحن والمسرات
حقيقه يمكن يكون في ناس قدموا عونهم وأدوا واجبم لكن ماعندي فكره إلى اي جهة نلتفت ودا حال الكثير المنتظرين يقوموا بواجبم تجاه المسيكتاب
ومعروفه فينا
فبتمنى من الناس الموجودين في المنطقه إنو يورونا الحاصل وكيف ولمن ومتي نقدر نقدم مساعدتنا
واذا مافي جهة معينه فبرجو انو تتكون لجنه من الاعضاء الموجودين في المنطقه لكي يجمعوا شمل مساعداتنا لأهلنا في المنطقه
وللحديث بقيه
...
حقيقه الواحد منتظر الناس الموجوده في البلد عشان نعيش الواقع معاهم وانتظرنا حتى صابنا الملل
مافي ولا زول فكر يوثق لينا الحاصل سواء صور ولا فيديو ونشوف حجم الكارثه الحاصله
والمهم عندنا سلامة الجميع ودا الحاصل والحمد لله انو مافي خسائر في الأرواح لكن حجم الكارثه كبير وربنا يكون في عون الجميع
لو مشينا على تخطيط الانجليز القديم مابتجينا عوجه بإذن الله ومجاري السيول دي لو نامت 100 سنه بتصحى في يوم ما فمفروض يكون التخطيط مستقبلي ولقدام ومايكون حل مشكله حاليه وبس وللبشوف المسيكتاب من على قوقل ايرث واضح جدا خط السيل وبنفس مجراه المتكدسه فيه المياه حاليا ظاهره جدا فحقوا الناس تعي ذلك والله اعلم لقدام البحصل شنو فالوقايه خير من العلاج
وبناشد كل الاخوه المغتربين والموجودين في المنطقه انو الناس تعمل دعم للناس المتضررين من جراء السيول والامطار ودا ماغريب ولا جديد علينا تكاتفنا وكت المحن والمسرات
حقيقه يمكن يكون في ناس قدموا عونهم وأدوا واجبم لكن ماعندي فكره إلى اي جهة نلتفت ودا حال الكثير المنتظرين يقوموا بواجبم تجاه المسيكتاب
ومعروفه فينا
فبتمنى من الناس الموجودين في المنطقه إنو يورونا الحاصل وكيف ولمن ومتي نقدر نقدم مساعدتنا
واذا مافي جهة معينه فبرجو انو تتكون لجنه من الاعضاء الموجودين في المنطقه لكي يجمعوا شمل مساعداتنا لأهلنا في المنطقه
وللحديث بقيه
...