منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...


منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...

منتديات المسيكتاب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المسيكتابدخول

منتديات سودانية إسلاميه إجتماعيه ثقافيه تعليميه

السلام عليكم ورحمة الله وبركاته .. ننوه لأعضائنا الكرام بأن أي مساهمة أو موضوع يحمل أو يحض على السحر والشعوذه والدجل أو يمس بالدين الإسلامي أو العرف سوف يحذف نهائياً ويلغى اشتراك العضو ..

البرلمة

power_settings_newقم بتسجيل الدخول للرد
+6
المغازى
خالد الصحاف
شلاقة
طارق محمد
نونا
محمد عبدالحليم البشير
10 مشترك

descriptionالبرلمة Emptyالبرلمة

more_horiz
طبعا الايام دي ايام الناس لسع في بداية السنة الدراسية...
وكلامي الليلة عن الطلبة الأول مرة تخش الجامعة او بمعنى اوضح البرالمة ......

اول شي البرلوم بكون متشوق عشان يدخل الجامعة ... بسبب الحرمان الي بعيشو
قبل الجامعة وده السبب الاكبر لي انفلات اكتر الناس في اول سنه ليهم ...

(((((الكلام الي حاقولو هنا ما بينطبق على عامة الناس .. عشان الناس ما تزعل )))))
خلونا نبدأ
*التصرفات ... :
طبعا الزول اول ما يدخل الجامعة بتعرفو كيف انو برلوم .... بتلاحظ الحاجة
دي في اللبس .. لبس جديد بكون لبسو يعني حاجة كده صبيانية زي ما بقولو
بتكون الوانو غريبة ...والريحة الما عارف كيف.. ((والجل)) .. وعلبة
السجاير تلقاهو بشرب فيها اليوم كلو يعني اول ما يدخل الجامعة سجارة . وصل
الكافتيريا سجارة .. قبل المحاضرة .. بعد المحاضرة ..... وكده لي نهاية
اليوم ... ..
اما تصرفاتو مع البنات ... طبعا بكون اول مره يحتك بي الجنس الاخر (( ما
كل الناس ... )) بي الطريقة دي بكون عاوز يتعرف على كل الجامعة في يوم
واحد بي معنى واضح ... شلييق .. يجي ناطي لي دي ويتكلم ليهو كلمتين ويطلب
رقم تلفونها .. والغريبة انو البت (( البرلومة )) طواااالي بتديهو الرقم
طوالي لييه .. لانو قايلاهو شالو منها هي بس ما شالو من عشرين قبلها .....
يعني اول ايامو بكون عايش ملك ودي تتصل عليهو ودي تمسج ليهو ... لكن اديهو
شهر بس بينكشف والناس بتكش منو .....


*نحول لي البرامج .... :

طبعا
البرلوم دايما عاوز يطلع وعاوز يبرمج .. يعني الليلة المول .. بكره نمشي
ناكل في لذيذ بعدو ماشين البيتش ... وكده .. بوريكم حيحصل ليهو شنو بعدين
..
*ناحية القروبات .......:
البرلوم بدون ما يحس بيلقى نفسو في وسط شلة من الشباب وبكون شايفهم انهم
عندو احسن من الناس دي كلها لي درجة انو ما يعبر زوول.... لكن اقول ليكم
حاجة وصدقوني حتلقوها صاح وانا قالوها لي وما صدقت الا لما عديت كم شهر
((( القروب الي بكون معاك اول الجامعة استحالة يستمر معاك لي قدام )))

*الناحية الدراسية ......:
لو جينا لي الناحية الدراسية مافي ليها اهتمام من اغلب البرالمة يعني بي
سبب فرحتو بي الجامعة بضيع قرايتو .. لييه؟؟طبعا بي سبب البرامج الكتيرة
والجري ورا الخلط والحاجات دي ويجي يقول ليك انو الجامعة صعبة ويشتم
الجامعة والحاجات دي ... مع انو الجامعة وللامانة بتديك على قدر ما بتديها
...

*نظرة السناير للبرالمة ..... :
البرلوم في الغالب بكره السناير اول السنه ليييه ؟ لانو بكون لامي
البرلومات اول السنه وشوية يلقى السنير خطفهم منو ...دا شي والشي التان
برضو كترت المقالب

البسوها فيه او بمعنى اوضح البرلمة المشتق منها اسم طالب السنة الاولى...
فالسنير
بشوف البرلوم انو هدف ساهل لي ما يسمى بي البرلمة ... يعني انت زوول دايش
وما عارف مكان اي شي ... وتكون عاوز قاعة قريبة ممكن تسال السنير ويمروحك
يعني يوديك قاعة او مكان يمكن يكون برا الجامعة ((( حسب شفتنتو وحسب
دلاختك ))) ...
وبرضو هناك ما يسمى بي البرلمة الجماعية يعني سنير ممكن يدخل على قاعة
كاملة ويفهمها انو استاذ او محاضر ويمسك بيهم خط مدة ساعتين وهاك كتاة
كتيرة واملاء ومعارف تست المحاضرة الجاية واتدنس ......


مع تحيات برلوم الكترونيات السودان

descriptionالبرلمة Emptyرد: البرلمة

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
هههههههههههههههههههههههههههه

موضوعك بجد حلو

الله يسهل الجامعة ونجرب ونحكم

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
مشكووورة نونا [ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
شكلك كدة طبقوا فيك برلمة بالطريقة الصاح

_________________
اللهم صلي علي سيدنا محمد وآله وسلم. اللهم اجعلنا خير خلف لخير سلف واجمعنا بنبيك (ص) في اعلي الجنان.

descriptionالبرلمة Emptyرد: البرلمة

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]

الحمدلله أنا مافي زول برلمني دخلت الجامعة وأنا رابط مكنة سنير

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
شلاقة كتب:
[ندعوك للتسجيل في المنتدى أو التعريف بنفسك لمعاينة هذه الصورة]

الحمدلله أنا مافي زول برلمني دخلت الجامعة وأنا رابط مكنة سنير


صدقنــــــــاك

descriptionالبرلمة Emptyرد: البرلمة

more_horiz
اولا التحيه للباشمهندس محمد عبد الحليم وبقول ليك بالجد ده الحاصل يعنى قدرت وصفت لينا البرلوم بطريقه عجيبه اديتنا احساس انو الكلام ده حاصل عليك ونحنا كمان برضو مرينا بالمرحله دى ولقينا نفس الكلام .
ملحوظة :-
الاخ شلاقه والله مكنتك الرابطها دى الا مكنه مبوشه صدقنى ما فى زول دخل الجامعة وما اتبرلم .

descriptionالبرلمة Emptyرد: البرلمة

more_horiz
أنا ما إبرلمت لانو ما لقيت لي سنير قدامي
الاسلامية وبس
رايك شنو يا مغازي
[ندعوك للتسجيل في المنتدى أو التعريف بنفسك لمعاينة هذه الصورة]
ويا الصحاف لازم تصدك حبيبك شلوقة [ندعوك للتسجيل في المنتدى أو التعريف بنفسك لمعاينة هذه الصورة]

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
ياشلاقه مالقيت ليك سنير قدامك دى ما فاهمنها البرلمه دى ما شرط تكون فى جامعة فيها بنات
ولا انت اول دفعه خشت الاسلاميه وضح لينا اكتر

descriptionالبرلمة Emptyرد: البرلمة

more_horiz
المغازى كتب:
ياشلاقه مالقيت ليك سنير قدامك دى ما فاهمنها البرلمه دى ما شرط تكون فى جامعة فيها بنات
ولا انت اول دفعه خشت الاسلاميه وضح لينا اكتر


كلامك صح ما شرط يكون في بنات بس يعني غالبا البرلمة بتكون لمن يدخلوك الاستراحة
يوصوا عليك بنية

ودائما ما أي زول بجي يبرلمك يعني ببرلمك ود أهلك زول أصلا بتعرفوا من قبل الجامعه
ما أي زول ببرلم ساكت وإلا كان زول أهبل ساكت يدخل في أي زول
ولمن تتعرف علي الناس وسنايرك بتكون عرفت مداخل الجامعه ومقالبها كولها عشان كده بتعمل حسابك وما بتدي فرصة
فهمت كدي واللا داير درس عصر(درس خصوصي()

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
يا شلاقه هو نحنا لاقين درس عصر وبس ..............

descriptionالبرلمة Emptyرد: البرلمة

more_horiz
هههاهاها ليك درس خصوصي مجان بس العصير والشاي والعشاء
















علي أنا [ندعوك للتسجيل في المنتدى أو التعريف بنفسك لمعاينة هذه الصورة]

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
وجايب معاك ورد ياخبر مشكككككككككككككككور

descriptionالبرلمة Emptyرد: البرلمة

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]

شكرا ليك إنت يا رائع يا مغازي

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionالبرلمة Emptyرد: البرلمة

more_horiz
الشينة منكورة
نحن نهائي ما في زول برلمنة

descriptionالبرلمة Emptyرد: البرلمة

more_horiz
والله نحنا في واحد خريج طبق في دفعتنا كلها برلمه علي الطريقة الصاح

descriptionالبرلمة Emptyرد: البرلمة

more_horiz
الحمد لله...... لم نتبرلم لحدي أسي..... ولا أظن

عارفين ليشنو ؟؟؟
والله ماغرور بي نفسي ولا كدا

لكن عشان أصلا مافي سناير مقنعين

descriptionالبرلمة Emptyرد: البرلمة

more_horiz
بسم الله الرحمن الرحيم
أنا ما إتبرلمت نهائيا و برلمت ناس كتيرة منهم الشخص الكاتب الموضوع دا وبعدين هو لو ما إتبرلم كتير ما كان كتب في الموضوع بس لأنو أخد تجربه كافية في البرلمة عشان كدا كتب عن تجربتوا العريقة!

descriptionالبرلمة Emptyرد: البرلمة

more_horiz
انا برلموني
ولد وبت الظاهر اخوان سالوني ونحن في صيدلة عن كلية الشريعة والقانون
قلت ليهم كلية الشريعة بيجاي لكن القانون دا ما بعرفوا قعدوا يضحكوا وشكروني ومشو
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد