منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...


منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...

منتديات المسيكتاب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المسيكتابدخول

منتديات سودانية إسلاميه إجتماعيه ثقافيه تعليميه

السلام عليكم ورحمة الله وبركاته .. ننوه لأعضائنا الكرام بأن أي مساهمة أو موضوع يحمل أو يحض على السحر والشعوذه والدجل أو يمس بالدين الإسلامي أو العرف سوف يحذف نهائياً ويلغى اشتراك العضو ..

descriptionنصايح ام سودانيه لابنتها Emptyنصايح ام سودانيه لابنتها

more_horiz




نصائح ام سودانية لابنتها





يا بت هوي فتحي عينك و ابقي نجيضة وفالحة..... قدر ما
اجي داخله عليكم القاكي .... هي هي هي .... و قر قر قر ..... تضحكي مع عاطف دا....






الراجل ما تضحكيلو كتير..... يسعالني الله، يحقر
بك....الراجل اديهو العين الحمرا. وان قدرك الله ايدك تلحقيها ليهو لحقيها...ابقي
نجيضة.....آآية..... زي امك.....الله بسعلني وقت ابوكي يقول حاجة تضحك.... امشي
اتحشر في الاوضة واضحك زيييين واجي مارقة صارة وشي....


وبعدين اوعك واوعك وبعدين تااااني اوعك... تقوليلو
الجلابية دي سمحة والله العمه اللابسها دي سمحة... نفسو تقوم تعجبو يعرس فوقك....
وبعدين تشربي ما تروي....


واكربيهو بالطلبات.... اوعي تخلي لك قرش يبيت في
جيبو...واوعك تخليهو يشوف البيخربن الرجال... و وقت المسلسل داك يبدأ شفتي جيبي
فندكك واقعدي دقي أي حاجة جنبو ويا ريت لوكانت شطة... ولا كان شافعك جيعان وداير
يرضع وبيبكي خليهو في بكاءهو داك لمن المسلسل ينتهي....


وبعدين ما يجى داخل يلقاكى تغنى حتى ان بقيتي دايرة تغني
اوعك من الغنا الخايس ناس حبيبي حبيبي.... امسكي في الغنا الحار زي البيجري نسيبتو
و مرتو طلقانة ولا اندب حظي ولا دفاعنا الشعبي ياهو ديل ولا النار ولعت بقلبي
بطفيها.....اااااااااااي.... عشان تربيلو الزلعة .....والخلعة....بس اوعك تغني ليه
الليلة يوم الرجال.... بيقوم يصدق و يتحنفش فوقك ساكت........


واوعك تشكريلو حاجة جابها.... ان جاب لك لحم ختي ايدك
فوق راسك وقولي ليه ووب علي ووب علي ووووب علي غشوك وادوك الجلافيط.....وان جاب لك
فتيل ريحة اول ما تفتحيهو وتشميهو طوالي صرى وشك وقبلي غادي وابزقي وقوليلو دا شنو
يا عااااااااطف؟......الريحة المتل ريحة الفسيخ دي جايبها من وين؟ غايتو انت مغستك
تقد.......


وان جنك نسوان ولا بنات....ما تخليهو يقعد
وسطن....ويتونس.... طيريهو من البيت....وان ابى يمرق... قدرمايقول ليو نكته ولا
يخفف دمو قدامن صري ليهو وشيك.... وقوليلو انت يا عاطف ما عندك غير النكتة دي؟


يا خي عملت لنا بها وجع وش......


اصلهم الرجال عارفاهم... الواحد فيهم من يشوفلو لمت بنات
يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت
ساكت ... يقعد يضحك ويصفق اديه و....واوعك تخليهو معاهن وتدخلي المطبخ تسوي لك
شربات .....وحات الله بنات الزمن دا ان غفلت من راجلك دقيقة بس تلقيها عرستو...
ااااااى... اسمعى كلام امك يا بت حشاى .. امك دايرة مصلحتك .. ااااى




descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
والله يامفتش الليلة بالغت عديل كدا ههههههههههههاي
[ندعوك للتسجيل في المنتدى أو التعريف بنفسك لمعاينة هذه الصورة]

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
هذه دائرة تخرب بيت ابنتها من اول يوم
وصيتي لها ان تكون لزوجها اربعة حتي لا يتزوحج عليها



الاولي
الام
انه يحب الام في حنانها في عطائها اللا محدود
عطائها الصامت الذي لا يتبعه من ولا اذي
انه يريد امه التي فقدها بعد زواجه ويظل يبحث عنها
كلما احس بحاجه اليها
الثانيه
الحبيبه
ثم هو يريد الحبيبه العاشقه التي تتفنن في سرقت قلبه
يريد امرأة تبهره بقوامها وعطرها وانوثتها
الثالثه
الصديقه
يريد الصديقه التي يبث لها همومه ويستشيرها في
اموره يريد صديقه تحفظ اسراره وتستر عليه
يريد عقلك وحكمتك ومشورتك لا لسانك وثرثرتك
الرابعه
الخادمه
ثم هو يريد خادمه ..نعم خادمه
يريدك ان تعدي له الطعام بيدك حتي وان كان لديك خادمه
يريدك ان ترتبي له اغراضه بنفسك .............
يريد ان يري لمساتك انتي في اركان البيت
يريدك تهتمي بملابسه ومظهره ومظهرك ومظهر اولاده

لا اقول ان هذا سهلا !!!!!!!!!يسير علي من يسره الله لها
استعيني بالله ولا تعجزي.....
وهكذا اذا اردتي ان تملكيه وحدك فكوني اربعه نسوة في جسد
واحد
تملكي عقله وقلبه ....ان شاء الله

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
الاخ كان هنا بالغ الزمن
الشبح الف شكرا علي هذه الوصية
وين بقية الاعضاء هذا الكلام ماعاجبون ولاشنو ..؟؟

_________________
اتحداك لو تنسيني او لي حبي تلقي بديل
انا الدرب الخطاي تمشيهو تعجز عن مشيهو الخيل
ما اتولد البسير فوق دربي والبخبر دروبي قليل

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
Like a Star @ heaven
لك يا كرمبو

والله الوصية دي تحفظ البت
وتخليها قاعدة ومرتاحة في بيت ابوها
هههههههههههههههههههه

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]

مشكور الشبح علي الوصية
ياريت يعملوا بيها

عدل سابقا من قبل شلاقة في الأربعاء 16 ديسمبر 2009, 4:58 pm عدل 1 مرات

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
لكن ما وصيه
وام واعيه شديدد
هههههههههه

_________________
نحب بصمت .. نغضب بصمت ..
وإن اردنا الرحيل .. نرحل بصمت ..

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
والله لكن كلام عجيب
ده وصية
ولا ازية

_________________
أجمل مافي حرية الإنترنت أنها في غيبة الرقيب سوى

(الله جل في علاه) تعطيك الفرصة لتعرف حصتك من نبل

السلوك ونصيبك من طهارة الضمير
ليس في الدنيا ثبوت وكل حي سيموت

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
شكرا للجميع علي المشاركة
وفعلا هذه ازية

_________________
اتحداك لو تنسيني او لي حبي تلقي بديل
انا الدرب الخطاي تمشيهو تعجز عن مشيهو الخيل
ما اتولد البسير فوق دربي والبخبر دروبي قليل

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
يسعلني الله دي تباري امها دي

الشافها شايلة صرة هدومها و ماشة علي بيت ابوها ما كضب

_________________
يا القمره اقلبي السنسنة الحمره

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
نحن قاعدين بنرجعها لي بيتها

_________________
[ندعوك للتسجيل في المنتدى أو التعريف بنفسك لمعاينة هذه الصورة]

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
الوصيه دى يا كرمبو لو اتقلبت تكون 100/100 النساوين ديل الواحدة اما اديتا دقه الصباح ودقه المسا بيني وبينك مابمشن عديل[ندعوك للتسجيل في المنتدى أو التعريف بنفسك لمعاينة هذه الصورة] الله ادينا خيرن [ندعوك للتسجيل في المنتدى أو التعريف بنفسك لمعاينة هذه الصورة]

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz



هسابا بنيتي كلامي لاتابا
هذه اجمل اغنية انا سمعتها في وصية ام لبنتها

الله والنبي لكلام راجل اسمعا بنيتي هسابك لكلام راجل تسمعا
هسابك يابنيتي كلامي ما تابا نصحتي كم ابيتي تكوسي ماتلقا
لاتقوي راسك بكرة يقولو طللقا فجر كم ولاعندو لي عشية امهلا
بلا ازنو ماتمشي محل مؤاجرة وكن غبن منك نادي اساءئلا

قشي بيتك بدري وعيشك ارحكا وألمي وساخة في خشم بيت لاتكشحا
كن عاطت فوقك لاتدقي تفلعا اشكي لي الله لحقك بخلصا
حتي عجاج بيتا وعنقريبا فرشي وكورة ام قعر تحت سريرو جيبي ختي
وشعرك المشمبل دا لمي مشطي ورجلينك المشقق دا ادرشي حنني
وتوبك المجنقر دا بإبرة امسكي
المي دوانتك من قعرو كركنجي واطوي واقاى ألمي اردي جيبي
عجينك كن تؤسي لدوكة اتكلي وكسرة كم تلي عقابو لمي شري
كن كملتي خدمتك لي نارك اكتلي جري سدادة وجدادك اطردي
كن فتي بطن حلة بيتك طلي شوفي وقالو وقلنا في لسانك لاتجيبي
كلام كن تخاف ليو من بيت لاتمرقي وجارتك المهوهوه دا لبيتك بخربي
بنيتي هسابك لكلام راجل تسمعا

_________________
تحت الغمام شايف مواكب الهجرة اتلاشت سراع
ليه يا عصافير ليه الاسي مين علمك اسف الوداع
زي مابتخافي من الرياح بنخاف كمان نحن الضياع

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
وصايا مفيدة ولكن من يطبقها في الواقع

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
العربي كتب:
الوصيه دى يا كرمبو لو اتقلبت تكون 100/100 النساوين ديل الواحدة اما اديتا دقه الصباح ودقه المسا بيني وبينك مابمشن عديل[ندعوك للتسجيل في المنتدى أو التعريف بنفسك لمعاينة هذه الصورة] الله ادينا خيرن [ندعوك للتسجيل في المنتدى أو التعريف بنفسك لمعاينة هذه الصورة]

ما اكرمهن الا كريم و ما اهانهن الا لئيم

_________________
يا القمره اقلبي السنسنة الحمره

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
والله يا كرمبو وصيتك سمحة انت قايل بنات الزمن دة ما بعملنها الا الراجل يبقي نجييييض
وشكرا الشبح علي الوصية المنطقية

_________________
اللهم صلي علي سيدنا محمد وآله وسلم. اللهم اجعلنا خير خلف لخير سلف واجمعنا بنبيك (ص) في اعلي الجنان.

descriptionنصايح ام سودانيه لابنتها Emptyرد: نصايح ام سودانيه لابنتها

more_horiz
فاظفر بذات الدين تربت يداك ..

_________________
يا القمره اقلبي السنسنة الحمره
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد