منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...

منتديات المسيكتاب

منتديات سودانية إسلاميه إجتماعيه ثقافيه تعليميه
 
الرئيسيةالأحداثالمنشوراتالتسجيلدخول
كل عام وانتم بخير
بمناسبة مرور عشرة سنوات على إنشاء المنتدى تم تفعيل الرسائل المميزة بالمنتديات الرئيسية نتمنى لكم امتع الاوقات في طى صفحاتنا .. والاعلانات التجارية مجانا... ودمتم

شاطر
 

 كلمات وأشعار وأغاني أهلنا الشوايقه !!!

اذهب الى الأسفل 
كاتب الموضوعرسالة
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالأربعاء 27 مايو 2009, 5:28 am


الشمال دايمن معان..
في خواطرنا وحروفنا
الشمال قبلة غنانا
والشمال ايقاع دفوفنا
الشمال نيلنا وسمانا.
..الشمال ثمرة جروفنا
الشمال غاية منانا ..
.. لما تتماسك كتوفنا
ونبقه فوق واديه غيمه
. وبهجه للزول البشوفنا
ده الشمال انبل امانه .
.حقو نحملو فوق كتوفنا



[ندعوك للتسجيل في المنتدى أو التعريف بنفسك لمعاينة هذه الصورة]











Surprised2 Shocked1 Surprised2
.
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: امونة بت الشيخ حمد   كلمات وأشعار وأغاني أهلنا الشوايقه !!! Icon_minitimeالأربعاء 27 مايو 2009, 5:32 am

نهديكم قصيدة أمونه بت الشيخ أحمد


[أمـــــــــــــــــــونـــــه بت الشيــــــــخ[/url]
[rams][ندعوك للتسجيل في المنتدى أو التعريف بنفسك لمعاينة هذا الرابط]
امونة بت الشيخ حمد ابوها كان
مزواج خلاص ناسب جميع أهل البلد
ميلادها كان عرسا كبير
هيبة ورقيص ماليها حد
يوم السماية اتيتمت
وحس القدر في الام نفد
جرت السنين واتفاوتت
بيناتنا ما ليهن عدد
امونة كبرت واستوت
[ندعوك للتسجيل في المنتدى أو التعريف بنفسك لمعاينة هذه الصورة]
فار الصدير شال النهد
وبقت أمل كل الشباب
وجمالها في بت ما اتوجد
في مرة رفا قليبها يوم


حبت قريب الشيخ حمد
وأظن كمان حباها هو
جوه الضلوع للخيط سرد
كم من غرام في القلوب
ولع لهيبو ما برد
خايفين عيون الناس تشوف
والخبر يملا البلد
والحب هناك عيباً كبير
لا بت تبوحبو ولا ولد
سنتين تلاتة مضت خلاص
والبت حياتها بقت ند
برضو الولد زي حالتو ديك
وقليبو داك مكتول كمد
في يوم ابوها ضحك كتير
برم شواربو بلا الاسد
[ندعوك للتسجيل في المنتدى أو التعريف بنفسك لمعاينة هذه الصورة]

ناداها امنة تعالي جاي
فوق البرش ربع قعد
قالتلو هوى جايك خلاص
وقليبها فر وما رقد
هابت عيونو قبل يقول
شافت وجيهو عليهو جد
حاج الخضر عارفاه داك
قالتلو أيوه ابو سند
جانى الصباح طالب يديك
داير نسب شيخ البلد
وانا قتلو مرحب بيك تعال
يومين تلاتة يكون عقد
راجلاً عظيم عنده القروش
عنده الحديد راقد لبد
كمان كريم واخو رجال
ماعونو فد يوم ما برد
جرت الدموع من عينا شو
وأبت تديه رد
وكتين غلب يا ناس خلاص
ولع فؤاده جمر وقد
فكر سكوت البت رضا
جاب زولو لما الناس عقد
والمال ده خمخم والحرير
تحت الرجول مدوه مد
دق الدليب صحا العيون
ما خلا فد مخلوق غمد
يوم الصفاح والناس تجوط
بالفرحة مقلوبة البلد
أمونة تبكي بكي السواد
بدل الفرح جاها النكد
وبشيشها قامت للمروق
في الزفه ما حسابها حد
كان الحبيب راقد هناك
والصدمة قاده قليبو قد
حاضن ربايتو وحيد ينوح
[ندعوك للتسجيل في المنتدى أو التعريف بنفسك لمعاينة هذه الصورة]
كم جرا للمسدار جبد
وقفت قصاده بكت كتير
لامن دميع العين جمد
قالتلو ما بيدى شىء ديل
ناس ابوى وأبو سند
أتلمو سوهو الكلام وانا
لا رضيت لا جبت رد
قال عنده مالاً مو قليل
وأبوى شاف المال سجد
وأداني للراجل العجوز
المن عروقو الدم شرد
قايلنى بسعد بالقروش
والله المراح الفات ورد
لاكن محال اسعد بلاك
كان السماء ينهد هد
بديك قلبي وروحي ليك
وبعيش هناك صورة وجسد
اتراجعت دارت تعود
لكن قليبها رجع رفض
مسكت دريباً مو غريب
كم بيه صف بنوت ورد
قاصدة البحر داير تموت
لا عيشه لا هم لا نكد
شافت مسار النيل حزين
حتى النخيل حزنان خمد
وبشيشها فككت الحرير
لا زينة لا ربيط عقد
ما دام حياتها بقت دموع
وقليبها من زولا انفرد
قالت اخير ارتاح خلاص
أرسى وشقاي القالو حد
وفي لحظة موج النيل علا
وفي جوفو غابت للأبد


Crying or Very sad


عدل سابقا من قبل المسيكتابي في الخميس 28 مايو 2009, 4:42 am عدل 1 مرات
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: بحر المؤده   كلمات وأشعار وأغاني أهلنا الشوايقه !!! Icon_minitimeالأربعاء 27 مايو 2009, 5:39 am

بحر المؤده
كلمااات السر عثمان الطيب


شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاءالله عندك يوصلو
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان
...

Like a Star @ heaven
Suspect
الرجوع الى أعلى الصفحة اذهب الى الأسفل
http://alrakoba.com
ود ضحوية
عضو ذهبي
عضو ذهبي
ود ضحوية

عدد الرسائل : 53
تاريخ التسجيل : 17/05/2009

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالأربعاء 27 مايو 2009, 12:56 pm

ابدااااااااااااااااااااااااااااااااااااااااااااااااااااااااااااااااااع
الرجوع الى أعلى الصفحة اذهب الى الأسفل
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالخميس 28 مايو 2009, 4:37 am

[ندعوك للتسجيل في المنتدى أو التعريف بنفسك لمعاينة هذا الرابط] كتب:
ابدااااااااااااااااااااااااااااااااااااااااااااااااااااااااااااااااااع

Rolling Eyes
Like a Star @ heaven
cat
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: كلمات الشاعر : السر عثمان الطيب   كلمات وأشعار وأغاني أهلنا الشوايقه !!! Icon_minitimeالخميس 28 مايو 2009, 5:08 am

Razz Twisted Evil Rolling Eyes
كلمات الشاعر : السر عثمان الطيب

بلا خبر طق... الخبر

..مالي البلد ..قالو ا العريس قام بالاحد

الحلي جاطت والحريم يتهامسن ..جاي الولد...

كوم من بنات للبير ورد..يتحدثن..جاي الولد

و بختها..واشوقنا نحنا..الفينا جمر الشوق وقد

كل الحديث الليلي فوق بت البلد .......

لامن خلاص

الليل دخل..وآخر شعاع من الشمس روّح نزل

ضوء القميرة جاء من بعيد... بهّر قدل

دافر ظلام الحلي قدامو ووصل

ناس البلد ..النام رقد ..والماسك السبحه...وعبد

مشغول هو بي خبر العريس .

.القالوا قام يوم الاحد

هناك بعيد بي

غادي ..في آخر الديار

راكوبة ضلها أحر من حر النهار

كوم من بروش... وجريد تمر.. عيدان صغار

ودلوق هدوم موروثة ..من زمن الكبار

وثلاث عناقريبا صغار..كرّابا..متقطّع نزل

والنوم من البفوقا روّح تب جفل

راقد هناك كوم من ضياع..مركب مسافري...بلا شراع

أحلام مسافري بلا وداع..

ودموع ضياع تتجارى من غير انقطاع

احرف أنين ..ما خطتن ايد بي يراع

ليلا نجومو يودعنو خلاس مسافرات ..هن سراع

لي بت البلد عبراتا سدّت ..في الحلق

تبكي وتنوح ..تشرب دموعا وتنشرق

لمّان حسيس نقاره ..جاها من الشرق

قامت مع الليل صنقرت

وبكت بكت ..شالت طريحتها
Sad1
للدميعات ..كفكفت

فجأة السنين ..الفاتو ..جن

وأيام زمان اتلملمن.

اتذكرت....

كانت تقوم فجرا صباح

لمّن يقوموا أهل الصلاح

ابوها شايل السبحه..صاح...

يا شافعه..سوّي الشاي سريع..شدّي ..الملاح

شيلي المناجل ..وامشي قدامي...الجرف

اتذكرت ..كانت تسبقو وتمشي تنزل بي تحت

تمسك سبيطة التمرة

بايدها ..وتحت تقعد تحش الوبي للكاويق تقش

تصل البحر ..والموج يداعبا فوق هدوما ..ينط يرش


بعدين... تشيل القش تفوت ..واليوم يفوت..

وتفوت سنين وتمر سنين

يكبر عمير بت البلد ..

ويكبرمعاهو كمان حنين

في يوم صباح وصباح هناء

واحة عبير نغمة غناء
Twisted Evil
ريحة.. لبيني مقننه

مر الجنا ...وسلّم علي بت البلد

ذي عادتو سلّم... وابتعد

تابعاهو ..عين بت البلد

بت البلد ..سمعت ضريبات القلب

.. يا الله ...مالو ده ها القلب

بعد الثبات كيفن خرب

بت البلد ..عرفت...تحب
2Smile
اليوما داك بت البلد ما جاها نوم

ما دام خيال ود البلد يمشي...ويحوم

بين الخيال ..شافت وجيهو الهاش وباش

شافت عيونو الفيها فيض احلاما عام
2Laughing
شافت سحاب الريده فوق واديها لان

بت البلد.. تاهت مع الشوق

اللي ما عاد يننكتم

والصورة هادي الفي القليب بتترسم

واسمو العلي نونات خديدها..صبح وسم

تاهت مشت سايقاها دقات الدليب

لدار حبيبا ..ومني ..القليب
Wink
لقعدة عصراوية ..فوق العنقريب

للونسي والخاطر يطيب

لمسكة في ايد..الحبيب
scratch
الوقفة قدام الجنات

القرمصيص ..وغنا البنات

يا الله ..وين تلقى...الثبات

والصفقة من تالا الولاد
Surprised2 Surprised2 Surprised2
ماب تسمعها ..جاياها ..من آخر..بلاد

بت البلد ..اتذكرت كيف حاج محمد ..والدها

حالف يمين..ود البلد ما..يآخدا


اتذكرت كيف حاج محمد...والدها

قال ليها ما عندك ادب

تعبان سنين فوقك تعب

وادّيك لزولا..كعب

تربال ..وعيشتو عدم عدم

لا قارئ لا ماسك قلم
Embarassed
تاخديهو تندمي صح ندم

يشقيك ..يوريك الالم


اتذكرت كيف حاج محمد...والدها

وصف العريس ..الجاي بقطر الاحد

كتّر محاسنو وعددها...

راجل موظف عندو..مال

يأويك في بيت الحلال

تبقيلو كيف ام العيال

..اتذكرت

لمان ابت قول حاج محمد والدها

كيف نهّرها ..وحالف يمين ..بيودرها

لو ما رضت

يالجاي ..بقطر الاحد

اتذكرت كيف الحبيب ود البلد

في الغربة روح..وابتعد

وبكت بكت بت البلد ..
Sad1 Sad1 Sad1
لما الخبر ذاع في البلد انو العريس قام بي الاحد

الحلي جاطت والحريم يتهامسن جاي الولد

كوم من بنات للبير ورد..يتحدثن..جاي الولد

و بختها..واشوقنا نحنا..الفينا جمر الشوق وقد

لاكنهن ماعرفن الشوق كيف وقد

ماعرفن انو الشوق تما وليه حد

موللعريس للحبيب ودالبلد

الراح في زحمت ضياع وهو ماتوجد

يا حليلك انتي يا بت البلد

ويا حليلك انتي يابت البلد



Suspect
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: أنا كم هويت عينيك   كلمات وأشعار وأغاني أهلنا الشوايقه !!! Icon_minitimeالخميس 28 مايو 2009, 5:12 am

[ندعوك للتسجيل في المنتدى أو التعريف بنفسك لمعاينة هذه الصورة] أنا كم هويت عينيك


ياما زرعت الشوق
وفرشتو للأقدام
الدايرة لي قلبي
تلقيهو لي قدام
أنا كم هويت عينيك
وريتن أحلى غرام
خبيتو من الناس
وخايف من النسام
ضاريتو من العين
في الصيف بقيتلو غمام
وكان في النهاية جزاي
إنو الزواج أقسام
إيه ذنبي شان أزرع
وأحصد دوام آلام
وكل ذنبي إني هويت
وعليت عليك أحلام
سارح مع الدوبيت
عيشني في الأوهام
وكان في الختام حبي
حاكمتي بالإعدام
أنا كم زرعت الريد
في واديك هـبّ وقام
سقيتو من دمي
راجيهو عام فوق عام
حصدوهو كان الغير
بعد الفراش الحام
وكان ردِك إنتي علي
فرقتنا الأيــــــــام
أنا كنت مفتون بيك
وبي ثغرك البسام
ناسي إنو خافيـي وراك
كاس المحرم سام
صابر شربتو كتير
مغموم قليبي وهام
راجيك لو تعرف
ترجع في تتلام
خليني من حبك
من قلبك الظلام
ما أنا شفت في عينيك
الكون دا كلو ظلام
مغرورة بي نفسك
قايلي الجمال أجسام
لا لا الجمال زايل
زي الشفتو كلو جدال
ياما بلاقي قلوب
تسقيني ريد وهيام
لكن بدور أوصيك
ما تشيلي تاني حسام
ترميهو زول يهواك
ياما عليهو سهام
مركب نحاسي خلاص
من قيدو فـرّ وعام
يتحدى للأمواج
ويصارع الهدام
وقلبي الجريح بدري
الليلي صار ضرغام
لميتو من أشواك
ما إنتي سبتي حطام
ياما زرعت الشوق
وفرشتو للأقدام

Exclamation
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: الله من عذاب الريدة   كلمات وأشعار وأغاني أهلنا الشوايقه !!! Icon_minitimeالخميس 28 مايو 2009, 5:18 am

[ندعوك للتسجيل في المنتدى أو التعريف بنفسك لمعاينة هذه الصورة] الله من عذاب الريدة

الله من عذاب الريدة
الله من جحيمها وهولها
الله من شجونها ونارها
وكتين تشتعل فوق زولها
يتحلف يقول التوبة
تاني أنا أهوى ما معقولة
لكن فجأة ينسى القالو
يرجع تاني يسقي شتولها
يا قلبي الحزين
وين تمشي ليك
كل الدروب مقفولة
كيفن زول يصل للجامعة
يرجع تاني لي سنة أولى
ياما كتار حليلهم ضاعوا
في زحمة دروب مجهولة
يزرعوا في النوايا الطيبة
كان ثمرة ضياع محصولها
الواحد يريد النجمة
ما بيقبل يشوف ويطولها
تلقا وسط ظروف يا الشادي
عشمان إنو بكرة يطولها
مسكين كان يخادع نفسو
بي سحب الخريف وهطولها
متعشم يقول المسرة
يوم باكر يدقوا طبولها
مسكين يا حليلو إتناسى
نكبات الزمان وفضولها
وإتناسى إنو نحنا غلابة
أحلامنا العراض مطبولة
من زمان القرايـي ترايا
ما شف غير سيوف مسلولة
كل ما أقول وصل لي مرسى
ألقا أحلامي شادي خيولها
قاسي الزي يلقا الدايرو
نقاي يعرف المصقولة
أول ما يقول ديك لي
كل خلق الله بكرة يجولها
عايش فد سؤال جواي
ليه لحظة فرحنا عجولها
وأيام الحزن تندب
زي السلحفاية مهولة
اختلطت علي أيامي
قدامي الهموم مسدولة
مشكلتي العلي والبي
ماها مرض دواء وكبسولة
آه من دنيتي وأقدارها
آه أنا من جحيمها وهولها
شين الزي يلقا أحلامه
منو الدمعة ما مقبولة
لكن يا رفاق بالدغري
كلمات بي صراحة بقولها
كان جنيت أو ودرت
تبقا ظروفي هي المسئولة


Arrow

tongue
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: محمد الحسن سالم حميد >>نورة >>   كلمات وأشعار وأغاني أهلنا الشوايقه !!! Icon_minitimeالخميس 28 مايو 2009, 5:28 am



نورة

محمد الحسن سالم حميدأضغط هنـــــــــــا للأســـتمـــــــاع

[ندعوك للتسجيل في المنتدى أو التعريف بنفسك لمعاينة هذا الرابط]


هي .. أقيفن .. نورة فيكن
نورة نقاحة
الجروف ..
نورة حلابة اللبيني .. للصغيرين والضيوف
نورة ساعة الحر يولع
.. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال
مصنقر ..
في تقاة الليل تندقر .. تدي لي باكر بسيمة
تكسي للماشين عرايا
وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت الواطة
أخيتي .. نورة اخت كل الغلابة
نورة حاحاية الشقاوة .. نورة هداية
الضهابة
الاراضي الياما أدت .. نورة بقت من ترابا
وماشي في الأعماق
سحابا
مشتهنها .. والله جابا
للجنوب طبلاً يهدهد .. لي مشاعر ناس
تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن
إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس
وشالت
منجلاً صالت به جالت
لامن إنجرحت به شالت
للتراب فوق إيدا
كالت
ومرة يوم في الدونكا لدغت
جاء الفقير بالليل حواها
ويوم ملاها الهم
قطايع .. جاء البصير بالنار كواها
ونورة ما قدرت تمانع .. تقنع الناس
المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا
الزول البناها
في جنينة سيدي سمعت .. تمرة تصقع للوراها
الأرض لابد ترجع
للتعب فوقا ورعاها
شافت النيل موجو لاها
الخليقة بقت إلاها
الشمس طبقت
ضحاها
نار عقاب إنساب مكسر .. فوق تكليات متاهة
وضو من الله .. رهاب مكتف في
وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو
براها
ونورة زادت فوق شقاها
وصدت الأيام تخش
تبني لي عصفورة عش
في
السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في
الليل تخش
عرفت الشقا والشقاوة إلا ما عرفت تغش
شايلة طولة البال من الله
.. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي
عشان خدارا
عشان صغارا
ولما ترجع لي ديارا
تنزف أحلام الفقارى
من
عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم
.. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي
وجود
ما مشت بينو القيود
أفضل أفضل بي كتير .. بي وطن من غير حدود
نورة
تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا
مظالم
نورة تحلم .. ولما تحلم نورة ترجف
ولما ترجف نورة تحلم
..
ولما ريح
الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا
تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة
تحلم
صاحي تحلم.. وصاح بتحلم
صاح بتحلم

Surprised2 Surprised2 Surprised2

Like a Star @ heaven

الرجوع الى أعلى الصفحة اذهب الى الأسفل
http://alrakoba.com
الشبح
عضو ذهبي
عضو ذهبي
الشبح

عدد الرسائل : 88
تاريخ التسجيل : 08/04/2009

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالسبت 15 أغسطس 2009, 7:19 pm

إفتقدتك
يا حبيبي أنا إفتقدتك لما فاض الشوق عليّا
وإنت عارف روحي غيرك لا بتموت لا بتبقى حيه

يا حليلي أنا كنت قايلك زي زمان مهتمي ليّا
في الحُزن تحزن معايا ويوم أغيب تسأل عليّا
بإختصار أنا كنت دايرك تبقى أقرب مني ليّا
وإنت تاريك بي مشاعرك مُستقر فوق الثريا

دا الصباح الفي عيونك باعني لي بحر الأسية
وسابني بين شطآنو هايم وجاري لا عند العشية
لاني قادر أقول كفاية ولاني راضي أكون ضحية
والمصيبة أنا كان بكيت ولا جنيت هيًّ هيَّ

كل مصيبتي هويت عيونك في زمن ظالم شوية
يكره الحب والتصافي ويعشق الجفا والرزية
الطيور وكتين تغني الزهور تصبح ندية
إلا عاد كيفن تغني وعينا في عين الحِّدية


إفتقدتك وإنت عارف زيي يعشق بالسجية
ومستعد ما عندو مانع يهدي ليك الروح هدية
لا بيهادن لا بيساوم لا بيبيع أبداً قضية
ولو تمور الدنيا فوقو يرتكب مليون جنية


إفتقدتك يا مُنايا ويا سعد روحي الشقية
لما فاضت بي هِمومي والأمور لاجت عليّا
إفتقدتك يا صباحي والضلام ضامِّي العشية
وإفتقدتك ألف مرة لما شِمتو اصحابي فيّا

شُفت كيف أنا إفتقدتك لحظة الأم العتية
وإنت ماك جايب خِبيري وماك مفكر تبقى جية
حتى يوم لاقيت صِحابك منك إتوقع(ت) تحية
إلا وآخيبة رجايا ويا حلال الحسرة بيّا

ويا حبيبي أنا إفتقدتك
الرجوع الى أعلى الصفحة اذهب الى الأسفل
الشبح
عضو ذهبي
عضو ذهبي
الشبح

عدد الرسائل : 88
تاريخ التسجيل : 08/04/2009

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالسبت 15 أغسطس 2009, 7:28 pm

علاءالدين عبدالرحيم
عبدالرحيم ارقى

عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا
ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية
ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا
جيـتــنـي واحـد مـالـي تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا
دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا
بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا إبـقـي لــي أيـام قسـايا
خـاتـــا للــزمــن البـعــانـد لـي سعــادتــك يــا عشـايا
أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا
الرجوع الى أعلى الصفحة اذهب الى الأسفل
الشبح
عضو ذهبي
عضو ذهبي
الشبح

عدد الرسائل : 88
تاريخ التسجيل : 08/04/2009

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالسبت 15 أغسطس 2009, 8:00 pm

سامحني واصفح يا حبيب

سامحني واصفح يا الحبيب ساقوني منك بالغصب
ندمان ليه سبتك براك أتباكى في نص الدرب
سامحني واصفح يا حبيب ***
طمني حالك انت كيف والبي يهون مهم يكون صعب
أنا اصلي زول أحساسو مات من بدري معتاد الضرب
كم مره شانك يا مناي من حنضل الألم شرب
من خشمي تتقاطر دماي لو ينطق اسمك بالكذب
سامحني واصفح يا حبيب***
نفوني من نص الديار يوم عرفوا أنى ليك بحب
لكني كل ما زال بعادي لقيتو شخصك لي قرب
سجنوني بين أربع حيط زربوني من جهتك زرب
لكني شايفاك كل يوم هل طيف خيالك يحتجب
سامحني واصفح يا حبيب ***
صالوني باليد ولسان وما في شيتاً ما سلب
غير حبك ألماقدرو يوم يصلوه ما اصلوا ساكن القلب
اغرب شي أنى بي وراك بنزل وانهان وانضرب
لكني في لحظت ألقاك بنساه زي الكان لعب
سامحني واصفح يا حبيب ***
وريتن أنو لي حبيب لو خنته بشعر بالذنب
ساقيني راويني المحبة ومن حنانه كمان شرب
يا اخويا زي ريدك لي وليدك برضي للمريود بحب
والله لو حاس بي العلي ما بترض بيتي أنا يتخرب
سامحني واصف يا حبيب ***
زي ما بتدور ليه السمح لي برضوا خير الدنيا حب
لكني القى الدايره وين من ناس معين خيرن نضب
دون شوره زي بياع الملح باعوني في السوق بالجلب
وما راعو لامي الدوام تتبكاه شاني وتتحجب
سامحني واصفح يا حبيب ***
باريت لي زول بالجته بس بارنك الروح والقلب
أنا قلبي لو فارق ضراك ما اظنو من بعدك كسب
متحمله الآلام براي شايله الهموم ما بتحسب
ما لقيت زول حس العلي شاركني همي معاي تعب
سامحني واصفح يا حبيب ***
عرفت صح ألم الضرب ما بحسه زول غير الضرب
الغر به كيف وعذابه ما بيتره ألا المغترب
فوت لله الأمر وكتين من االتحنيس غلب
مظلوما والمظلوم دعوته من الله ما تحتجب
سامحني واصفح يا حبيب ***
بكتبلك هسة يا الحبيب مصبره وماسكه القلم
بكتبلك هسه والقليب مجروح يعاني من الالم
مكتوبي من شهر العسل شهر المرض شهر السجم
ملفوفة بي كفن الزفاف والحنة في أيديه دم
سامحني واصفح يا حبيب ***
مرقت من سجن الطغاه وقعت في الزل والوهم
وقبلت بي الواقع المرير وآمنت بي الله القسم
وقبلت بي الدايرنو لي كم قبلي مظلوم انظلم
ويئست من عيشة عذاب رامني في زول ما رحم
سامحني واصفح يا حبيب ***
انسانه صرت بلا طموح بلا مبادئ بلا قيم
وقنعت من الرحمة تب بس فيك ما انقطع العشم
ما زلت ياك مالك القليب رغم انو أمري أتحسم
وما زلت بفخر بيك واقول انت الحبيب في كل ملم
وبقوله قدام إي زول ما خايفه اصلوا الموت هو كم
أخر رسالتي بطمنك أرجوك ما تشيل لي هم
خليك في عهدك معاي الباقي ما يضوق ليه هم
سامحني واصفح يا حبيب ***
احفظني في جواك فرح بلسم تداويهو ألالم
زي حفظي لك بين الضلوع انت وقلبي نجم نجم
واخواني سيبن يفرحو أنا جرحي لسه ما التأم
يمكن ضميرهم يوم يحس ويعرف أنى أنا أتظلم
ويعود عشان يبنوا الوقع كيفن بي بنو الانهدم
ديل ناس هوايتم الظلم ديل خلوا عيشتي بلا طعم
ما سوه بي حكم العقل ما بيندم الليه احتكم
الناس بتتقاس بي العقول ما بي الجلابيب والعمم
وأنا ماسكه في حبل الصبر في الله أملى ما انعدم
الرجوع الى أعلى الصفحة اذهب الى الأسفل
الشبح
عضو ذهبي
عضو ذهبي
الشبح

عدد الرسائل : 88
تاريخ التسجيل : 08/04/2009

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالسبت 15 أغسطس 2009, 8:05 pm

كلمات الرائع/ محمد المهدي حامد
اداء / محمد النصري

دي ما زي المطر بتقيف ولا زي البروق تشلع
دخلتها بي مسام الروح غلبني من اندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم
الرجوع الى أعلى الصفحة اذهب الى الأسفل
الشبح
عضو ذهبي
عضو ذهبي
الشبح

عدد الرسائل : 88
تاريخ التسجيل : 08/04/2009

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالسبت 15 أغسطس 2009, 8:13 pm

كمان زعلان
للشاعر : عبد الله محمد خير
غناء: الفنان صديق أحمد

تعاتبـنـا !!! ومــا قـبـلان تكاتبـنـا
مـا إنتـو البيـتـو الحـلـه يــا نــوره
ورحـتـلــو بـعـيــد بــــلا شــــوره
تراها الحله من يوم قمتو مهجوره
ومـا رضيانـه بعـدك إلا مجـبـوره
ومـــــــــشـــــــــتــــــــــاقــــــــــه
عارفـه الدنيـا لمـان تقسـى فراقـه
حلـيـل الـحـلـه .. ويـــن أمـلاكــه
(
ويـن حـوره)؟؟ ويـن شاديهـا ؟؟
يـــــا شـاديــهــا مـــــا تــــــزوره
يــــــــــــــــــــا فــــــتـــــــنـــــــه
يـا البعـد الله مـنـك كــان مخافتـنـا
أكــــان حـيـيــن .. ومــــا مـتـنــا
وكـان حـن الـقـدر والدنـيـا لمتـنـا
وتانـي الحلـه زي مـا كنـا ضمتنـا
بـنــحــلــف لــــيــــك بــزمــتــنــا
ســعــادتـــك كـــــــل مـهـمــتــنــا
وبــــــلاك قـــامــــت قـيـامـتــنــا.
الرجوع الى أعلى الصفحة اذهب الى الأسفل
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: ود عمـى ياغالـى   كلمات وأشعار وأغاني أهلنا الشوايقه !!! Icon_minitimeالإثنين 24 أغسطس 2009, 3:30 am

ود عمـى ياغالـى

ود عمى ياغالى اسمعنى فد مرَّه
خجلانه اقول ليكا لكنى مضطره
***
تكفيك وسامتك بس كان الجمال مقياس
فضلا عن احلى خصال راقى ورقيق وناس
زان كبريائك زوق وانفه ورجوله وباس
وفوق الذكرتو كمان مابتنقصك شهره
***
عاجب بنات الحى وليهن فتى الاحلام
وانا زاتى معجبه بيك وبعتزه بيكا دوام
لكنو اعجاب زول يملك مشاعرو تمام
ما قايله للامال بيقيف حجر عثره
***
يوم شاورونى عليك ما قلت فيك عيوب
ما انت ود عمى ولى اخواتى مقنع وتوب
كان عذرى واهى صحيح عذر انفعال وهروب
وبين دهشه واستغراب انا قلت دايره اقرا
***


لكنو ما كان صاح وماها القرايه سبب
وانا خفت اقول الصاح ويقولوا قلة ادب
مانى البت البتقيف ترفض لى ابوها طلب
وانا باره بى والدى من العقوق ابرا
***
لكنو كان مفروض وواجب على اختار
وكان العقل مابين حب واحترام محتار
مالقيت مكان فى النص بين الجنان والنار
وانحزت لى قلبى واخترت بالفطره
***
صاح الحديد بيذوب وبينصهر بالنار
وبين مطرقه وسندان يتقوَم المسمار
وعاتى الجبال بيزول بالعزم والاصرار
الا القليب مابريد بالقوه والجبره
***
صعب انو تلقا مناك فى الدنيا زى ماتدور
وهراوة الاقدار بين الامانى تدور
الصدفه باعه طويل والحظ بيلعب دور
ودايما مع العشاق ما بتسلم الجره
***

Sad1
صدقنى ما بالايد الدايرو ينسوه
ومين يستطيع تبديل القسمه بالقوه
سامح اخيتك اخوى لا تنسى للخوه
ومهما الاخت غلطت مقبول اكيد عذره
***
دايراكا تبقى ربيع يغشى المحل والصى
ودايراك تكون للناس قدوه ونموذج حى
يشمل عفوك الكل ينشره غيمه على
زى زهره للقاطفين برضو بيفوح عطره
***
الدنيا كوم احزان تتخلله الفرحه
ومعانى متناقضات يصعب دوام شرحه
الحزن مهما طال يتلاشى فى لمحه
ومواسم الافراح دايما عجول قطره
***
لو غربت ضحكه الدمعه بتشرِّق
وبتجمع الاقدار كان القسم تفرق
ليل الالم لو طال شمس الهنا بتشرق
وبترحل الاحزان مهما يطول عمره
***
اعذرنى ودعمى والله مابيدى
وانت الطلبتو عزيز وانا زاتى ماعندى
وبقولو فاقد الشئ من وين وكيف يدى
وانا قلبى ماهو معاى شالو الملاك فره




Surprised2 Surprised2 Surprised2
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: حبي للمسيكتاب ابدي   كلمات وأشعار وأغاني أهلنا الشوايقه !!! Icon_minitimeالإثنين 24 أغسطس 2009, 3:35 am

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: جن الريد   كلمات وأشعار وأغاني أهلنا الشوايقه !!! Icon_minitimeالإثنين 24 أغسطس 2009, 3:39 am

جن الريد


كلمات : علاء الدين عبد الرحيم

الحان واداء: عبد الرحيم ارقى

احمد زول معروف بالطيبة حسن اخلاقه عليها اتربى

تكفى شهادة ناس الحلة انه خلوق وخجول ومربى

مهذب رغم حداثة سنه لبس تهذيب واصالة وهيبة

ادى الناس فى الحب وادوه حسن الظن بيناتهن شب

خشت فجأة اميمة حياته وصارت بينه وبينا محبة

قلبه اختارها عشان معروفة زولة حنينة وراقية وطيبة

دسو الريد فى السر بيناتن خلو حبيس ودفين ومخبا

وكيف تنضارى متل اشواقهم وليه زى ريدهم يوم يتخبا

بعد اعوام وصلتلو رسالة جواب مليان تقيل ومعبا

قبال يفتحو عرف الراسل وباينة وظاهرة رسايل وهبة

اخوه الليهو زمن متغرب تسعة سنين قضاهن غربة

مرسل ليه تذاكر وفيزا دايرو يجيه هناك فى طيبة

طار فى الاول احمد فرحة كلم كل الناس بالصحبة

ولما اذكر اميمة حبيبته فجأة انتابه شعور بالهيبة

لكن قرر انه يسافر سرعة يعود ويتم الخطبة

لأنه الغربة طريقا قصير وفيها يهون تحقيق الرغبة

جاته اميمة حزينة توادعه جاته تجفف دمعه الكبا

جاته توصى عشان مايقوا و ما ينساها هناك فى الغربة

جاته تطمنه انه حيفضل ريدا الخالد مهما غبا

وحافظة عهود الريدة البينهم ومهما كان حا يظلوا احبة

ادته مصحف عشان يرعاه من العين والهم والكربة

لبسا عهد الريد فى جيدا عقد ممهور بصورة الكعبة

قامو اتوادعو زين واتباكو فات خلاها وحيدة وخبا

وسافر شال همو واحزانو بعد ايام فى المملكة صب

لاقو الناس يا زول كيف حالك بالاحضان قام سالم وهبة

قالو نصاح ناس امى وابوى مشتاقين راجينلك اوبة

قالو احمد سافر يا وهبة غير جوك وروق حبة

امك ياخ تلاهى عليك لا خالالا ضريح لا قبة

السودان مشتاقلك كله ضفاف ورمال وسواقى وتربة

وحتى النيل فرحان راجيك تجى وتنهل من مويته العذبة

بعد ايام كان وهبة هناك بين اصحاب واهل واحبة

فى حضن امه الطول منه فى حيشانه الواسعة الرحبة

قالتلو امه اخوانك كبروا ومافضل لنا زول يتربى

بس فضل لى اشوفو جديدك وكتين لسع حية وطيبة

اختارولو بنية سميحى تشع حيوية ورونق و هيبة

اديبة وراقية وكلها عفة وبرضو اهل وقراب فى الحسبة

يوم العرس الحى صباحى الفرح مطبوق والناس منطربة

وشاقى الليل صوت كم زغرودة وحس طمبور ودليبن رب

الا فى واحدة حزينة وباكية سايلة دموعا دوام منسكبة

خلف دموعا سؤال بيحير وفى آهاتا اسرار محتجبة

وقالوا الناس دى دموع الفرحة وغيرها شنو الحايكون السبة

بعد ايام ساق وهبة عروسه ساقا رجع لبلد الغربة

شايلو حنين لكل اصحابو ولاحمد اخوه اشواق ملتهبة

وصل الباب كورك يا احمد فتح احمد بلهفة ورغبة

شاف قدامو الما متوقع هم الكون فوق راسو انصب

شاف السلسل عهد الريدة نفس السلسل وصورة الكعبة

شاف قدامو اميمة حبيبته وكانت قاسية وقاضية الضربة

شاف احلامو تضيع قدامو بعد ما كانت منه قريبة

كانت لحظة تفيض بالدهشة شاف الدنيا كأنها كذبة

كورك اميمةاميمة اميمة صنقع ودر دنقر وغبى

وجن احمد فى نفس اللحظة وجن الريد ما اظن ينطبة.






Crying or Very sad Twisted Evil Crying or Very sad
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: ياسر الحدر - ابداعات من الشمال   كلمات وأشعار وأغاني أهلنا الشوايقه !!! Icon_minitimeالإثنين 24 أغسطس 2009, 4:05 am

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: سوداني   كلمات وأشعار وأغاني أهلنا الشوايقه !!! Icon_minitimeالإثنين 24 أغسطس 2009, 4:13 am

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alrakoba.com
المسيكتابي
المشرف العام
المشرف العام
المسيكتابي

عدد الرسائل : 584
تاريخ التسجيل : 02/12/2008

كلمات وأشعار وأغاني أهلنا الشوايقه !!! Empty
مُساهمةموضوع: امونه ورحلة العذاب   كلمات وأشعار وأغاني أهلنا الشوايقه !!! Icon_minitimeالإثنين 24 أغسطس 2009, 4:27 am

[ندعوك للتسجيل في المنتدى أو التعريف بنفسك لمعاينة هذا الرابط]




Surprised2
الرجوع الى أعلى الصفحة اذهب الى الأسفل
http://alrakoba.com
الأمل الرحل
وسام التميز الاول
وسام التميز الاول
الأمل الرحل

عدد الرسائل : 1351
العمر : 28
تاريخ التسجيل : 13/03/2010

كلمات وأشعار وأغاني أهلنا الشوايقه !!! Empty
مُساهمةموضوع: رد: كلمات وأشعار وأغاني أهلنا الشوايقه !!!   كلمات وأشعار وأغاني أهلنا الشوايقه !!! Icon_minitimeالجمعة 03 ديسمبر 2010, 2:05 am

مشكووووووووووووووووووووووووور

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كن أســـداً تأكل الثعالب من بقاياك... ولا تكن ثعلباً يأكل من بقايا الأســـد
الرجوع الى أعلى الصفحة اذهب الى الأسفل
https://sites.google.com/site/osamakhaan/
 
كلمات وأشعار وأغاني أهلنا الشوايقه !!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المسيكتاب :: المنتديات الفنيه :: حقيبة الفن-
انتقل الى: